ᐱᓬᐃᐱᔭᓇᒃ 3:20 - Ojibwe Kihcimasina'ikan

²⁰ Kiinawint itahsh imaa kihcikiishikonk kitooncitipentaakosimin. Kitaahkopii'aanaan kitOopimaaci'iweminaan i'imaa cioncitakohshink, mii 'awe kaaTipenciketc Ciisahs Christ.

ᐅᒋᐺ ᑭᒋᒪᓯᓇᐃᑲᓐ

²⁰ ᑮᓇᐎᓐᑦ ᐃᑕᔥ ᐃᒫ ᑭᒋᑮᔑᑯᕽ ᑭᑑᒋᑎᐯᑖᑯᓯᒥᓐ᙮ ᑭᑖᑯᐲᐋᓈᓐ ᑭᑑᐱᒫᒋᐃᐌᒥᓈᓐ ᐃᐃᒫ ᒋᐅᒋᑕᑯᔑᕽ, ᒦᐊᐌ ᑳᑎᐯᒋᑫᒡ ᒋᓴᔅ X᙮

ᐱᓬᐃᐱᔭᓇᒃ 3:20 Iomraidhean Croise

Nikamonan 16:11

Kikii kihkentamoo'ish keni ina'atooyaan tepwe ci⁠pimaatisiyaan. Wiinke hsa kika tepi moocihkentamo'ish e⁠wiiciiwiyan.

Maahtiyo 19:21

Ciisahs tahsh okii'-inaan: “Kiishpin wiinke wiih⁠kwayahkonaakosiyan, maacaan, awi ataawaaken kahkina kekoonan kaa‑ayaayan, ci⁠miinatwaa kaye shooniyaan okitimaakisiik. Wenootisiwin tahsh kika ayaan weti kihcikiishikonk. Miitahsh ishipiishaahkan ci⁠piminisha'oyan.”

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 12:21

Miihsh Ciisahs kaa'‑ani ihkitotc: “Mii 'owe keishinaakositc a'awe kaakwayaancihtamaasotc wenootisiwin, kaawiin wenootisihsii enaahsamiinitc Kishemanitoon.”

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 14:14

Kika shawentaakos. Kaawiin iitok okashkihtoohsiinaawaa cikiiwe tipa'amawihkwaa. Kika tipa'amaakoowis ohsha ahpii kiishikahk kaawiih kiiwe pimaatisi'intwaa okwayahkwaatisiik,” okii'-inaan.

ᐃᔑᒋᑫᐎᓇᓐ 1:11

Miitahsh o'o kaa'ikowaatc: “Kiinawaa Kaalaliiwininiwak (Galilee) wekonen wenci'-ishikaapawiyek ishpimink e'inaapiyek? A'a Ciisahs noonkom kaanakaninek kihcikiishikonk kaashi ompishkaa'intc, mii 'i nahke miinawaa peshikwan kepishi takohshink kaashi waapamek kihcikiishikonk e'ishaatc,” okii'ikowaan.

1 ᑲᕒᐃᑎᔭᓇᒃ 1:7

kaawiin awaac pankii kikii'noontehsehsiim kishawenimikoowiniwaa cimiinikoowisiyek, ehpii'ek Ciisahs Christ cipinaakositc weti ishpimink.

1 ᑲᕒᐃᑎᔭᓇᒃ 15:48

Iki 'omaa ahkiink kaaoncitipentaakosiwaatc, mii'i enaatisiwaatc a'awe mihtahkamikonk kaakii'onci oshihcikaasotc. Ikiweniwak itahsh kihcikiishikonk kaaoncitipentaakosiwaatc, mii'i enentaakosiwaatc enaatisitc a'a kihcikiishikonk kaakiihpionciitc.

2 ᑲᕒᐃᑎᔭᓇᒃ 4:18

Kaawiin tahsh wiin ini kaanaakwahkin ninkanawaapantansiimin, ini hsa kaanaakwahsinokin; ini hsa kaanaakwahkin acina ehta ayaawan, ini tahsh wiin kaanaakwahsinokin pishihshik ayaawan.

2 ᑲᕒᐃᑎᔭᓇᒃ 5:8

Aahpici hsa kimashkawentaamin e'ishimihsawentamank kaye ewii'nakatamank ono kiwiiyawinaanin, ewii'wiiciayaamank kaaTipenciketc weti kaashiayaatc.

ᑲᓬᐁᔑᔭᓇᒃ 4:26

I'iwe tahsh wiin Ceroosalam kihcikiishikonk kaaoncitipentaakwahk piniskwe piko tipenintisoomakan. Mii hsa eshinaakosiyank e'omaamaantamank.

ᐃᐲᔑᔭᓇᒃ 2:19

Nashke tahsh kiinawaa ekaa kaaCoowiwihsiwek kaawiin awahshime kipiiwitewihsiim, kaawiin kaye kimayakentaakosihsiim, noonkom itahsh wiin kekiinawaa kitooncitipentaakosim i'i Kishemanitoo opimaatisiima' kaaishiayaanitc, Kishemanitoo kaye owaahkaa'ikanink kaaoncitipentaakosinitc.

ᐃᐲᔑᔭᓇᒃ 2:6

Kikii'ishi'ikonaan kaye ciwiicikiiwepimaatisiimimank ini Christan, kikii'ishi'ikonaan kaye ciwiitapimimank weti kihcikiishikonk ci‑ishiayaawank Christ Ciisahsoon kaaishiayaanitc.

ᐱᓬᐃᐱᔭᓇᒃ 1:10

mii 'iwe ci‑ishikashkihtooyek maawac kaaonishihshinkin ciotaahpinamek. Miitahsh 'iwe misiwe keshitepweyentaakosiyek kaye ekaa kekoon ci‑ishianaamentaakosihsiwek ahpii okiishikaamitc Christ.

ᐱᓬᐃᐱᔭᓇᒃ 1:27

O'owe ehta kitinininim: ishipimaatisiyok cipeshikonaakwahk eshiayaanik ominwaacimowin a'a Christ. Miihsh kiishpin ishaayaan ciwaapaminakook, kiishpin kaye waapamihsinowinakook, ninkanoontaan eshiayaayek, keyaapi ehsoonkikaapawiyek peshikwan iko maamaw e'inentamek, peshikwan ehta kinantawentamowiniwaank enikohk cimaamawi⁠wiici'itiyek, ehkakwemaacaahtooyek i'i tepwewin kaaishitepwehtamank 'iwe kaaishinoontamank minwaacimowinink.

ᑲᓬᐋᔑᔭᓇᒃ 1:5

I'i tahsh tipaacimowin kaatepweyentaakwahk, i'i minwaacimowin nihtam kii'otihsikoyek, mii hsa i'imaa kaaonci⁠ahpenimoyek ekii'noontamek. Miitahsh i'imaa kitepwehtamowiniwaa, kisaaki'iwewiniwaa kaye eshiniipawiimakahkin, aaniihsh kipiihtoom kaakanawentamaakooyek ewii'miinikooyek weti kihcikiishikonk.

1 ᑌᓴᓬᐆᓂᔭᓇᒃ 1:10

Kitipaacimikowaak kaye e'ahshawaapamimek Kishemanitoo oKosihsan, kihcikiishikonk cipioncinaakosinitc, mii 'awe Ciisahs weKosihsimaawitc, a'awe kaakiihkiiwepimaatisi'ikotc Kishemanitoon kii'ishkwaanipotc. Mii 'awe Ciisahs kaashaapwii'inank ekaa cipatakoshkaakohsiwank Kishemanitoo onishkaatisiwin kaawiihpitakohshinoomakaninik.

1 ᑌᓴᓬᐆᓂᔭᓇᒃ 4:16

Tanoontaakwan shaakowewin i'i ahpii, takishiiwe peshik maawac wekimaawentaakositc encal. Tanoontaakohtamawaa Kishemanitoo 'iwe kihcipootaacikanink enwenik. Mii 'i ahpii kaaTipenciketc tipinawe kihcikiishikonk tapioncinoomakeishaa. Shikwa mii 'i ahpii wiinawaa nihtam takiiwepimaatisiwak ikiweniwak kaakiihtepwehtawaawaatc Christan kaakii'ishkwaapimaatisiwaatc.

2 Timahti 4:8

Aasha weti nimpii'ikon nintipa'amaakoowin kwayahk hsa ko ekiihtipihsahtwaayaan, keoncimiishitc a'awe kaaTipenciketc weti ahpii keokiishikanomitc. Mii 'awe Okihcitipaahkoniwe misiwe kaaishikwayahkohciketc. Kaawiin niinehta ninkaoncimiinikoohsii, ikiweniwak hsa kaye maawac kaapii'aawaatc cinaakosinitc ehsaaki'aawaatc, tamiinaawak.

Taitahs 2:13

e'ahshawaapantamank itahsh i'i kaapiihtooyank kitahpenimowininaan keahpiihciminwentaakwahk, kaye ciwaapantamowank okihci‑inentaakowisin Christ Ciisahs kikihciKishemanitoominaan kaapimaaci'inank.

ᐄᐸᕒᐆᐗᒃ 12:22

I'imaa tahsh kiinawaa kihciwaciwink Saayan (Zion) kaaishinihkaatek kikii'ishitakohshinim. Mii 'i iitok i'i kihcikiishikoowi Ceroosalam (Jerusalem), okihciootenaam kaapimaatisitc Kishemanitoo, ekii'ishitakohshinek kaaishiayaawaatc mitaahswaahk mitaahswaahk encalak;

ᐄᐸᕒᐆᐗᒃ 9:28

Miitahsh peshikwan Christ kewiin aapitink kaakii'oncipakitinintc pakitinaahsowinink citinowitc, ekii'oncikakwaatakihtootc kaapaahtiinonitc pemaatisinitc kaakii'ishi macitootaminitc. Miinawaa tahsh pitakohshink kaawiin wiin macitootamowinan okapapaapisiskentansiinan. I'i hsa kaa‑aaskonipii'ikotc okapimaaci'aa'.

ᑭᑫᑕᒨᔑᐌᐎᓐ 1:7

Inashke tapinaakosi wahkwiink! Kahkina tahsh awiya okawaapamaawaan, impooshke kaye iki kaakiihpashipa'waawaatc. Kahkina tahsh kaatahswewaanakisitc ahkiink taoncimawiwak ahpii waapamaawaatc. Amii hsa ko taishiwepan. Emen.