ᐱᓬᐃᐱᔭᓇᒃ 3:2 - Ojibwe Kihcimasina'ikan

² Na'aasiihkantawihkok iki kaatootamowaatc ekaa kaakwayahkwahsininik, iki animohshink kaainentaakosiwaatc. Na'aasiihkantawihkok iki kaawiihpehshishamowaatc wiiyawiwaan.

ᐅᒋᐺ ᑭᒋᒪᓯᓇᐃᑲᓐ

² ᓇᐋᓰᑲᑕᐎᑯᒃ ᐃᑭ ᑳᑑᑕᒧᐙᒡ ᐁᑳ ᑳᑾᔭᑾᓯᓂᓂᒃ, ᐃᑭ ᐊᓂᒧᔑᕽ ᑳᐃᓀᑖᑯᓯᐙᒡ᙮ ᓇᐋᓰᑲᑕᐎᑯᒃ ᐃᑭ ᑳᐐᐯᔑᔕᒧᐙᒡ ᐐᔭᐎᐙᓐ᙮

ᐱᓬᐃᐱᔭᓇᒃ 3:2 Iomraidhean Croise

Nikamonan 22:16

Ininiwak hsa e⁠ohkwiinowaatc niwaahkaashkaakook taapishkoo animook kaawii miikaasowaatc; miitahsh eshi pakone'amowaatc nininciin, nisitan kaye.

Nikamonan 22:20

Pimaaci'ihshin pashipa'ikewihkomaanink ci⁠onci nihsikoohsiwaan; pimaacihtoon nimpimaatisiwin ci⁠nihshihsikwaa iki animook.

Maahtiyo 24:10

Ta⁠paahtiinowak kaye ke⁠aanawencikewaatc i'i ahpii. Ta⁠mamishintiwak kaye, ta⁠shiinkenintiwak kaye.

Maahtiyo 7:15

“Ahshwiihkantawihkok iki kaa⁠wanihshimiwewaatc kaa⁠kanootamawaashihtoowaatc Kishemanitoon. Kipiotihsikook maanahcaanihshink eshinaakosiwaatc wakicaya'ii. Piincinaw itahsh taapishkoo kaa‑aahkwaatisiwaatc ma'iinkanak ishiayaawak.

Maahtiyo 7:6

“Wekonen kaa⁠tipentank Kishemanitoo keko miinaahkekwaanik iki animook. Maakishaa tapi kwehkiiwak, ci⁠miikaaninekwaa. Iki kaye kaa⁠kanawenimekwaa kaa‑aahkwakinsonitc ahsinii' keko ahpakitawaahkekwaanik iki koohkoohshak. Maakishaa oka tataahkohkaanaawaa'.”

ᐅᕒᐆᒪᓇᒃ 2:28

Awenen tahsh a'a tepwe kaaCoowiwitc? Kaawiin memwehc awiya taatinowihsii wakicaya'ii ehta kaaishinaakositc, i'imaa wiiyawink ehta kaatashi⁠kihkinawaatashakeshontc.

2 ᑲᕒᐃᑎᔭᓇᒃ 11:13

Kaawiin hsa kwayahk ishinisha'waakanak tinowihsiiwak. Mii hsa iki kaainwaanitisowaatc ishinisha'waakanak, kaakiiwanimowaatc ehtashintamowaatc otanohkiiwiniwaan. Taapishkoo tahsh kaye tepwe Christ otishinisha'waakana' e'ishinaakosi'itisowaatc.

ᑲᓬᐁᔑᔭᓇᒃ 5:13

Kiinawaa tahsh wiin niitanami'aak, Kishemanitoo ohsha kikii'antomikowaa i'imaa aapa'okoowinink citipenintisoyek. Keko tahsh wiin i'i kitipenimitiso'ikoowiniwaa aapacihtoohkek cioncimacitootamek, keko kaye pakitinankek ini kimacimihsawentamowiniwaan citipenimikoyek. O'o tahsh ishihcikek, saaki'itiwinink ishinaanaakaci'itik.

ᑲᓬᐁᔑᔭᓇᒃ 5:15

Ayaankwaamisik! Kiishpin aya'aawihshink tootaatiyek, maamaakwanitiyek, wiihsakaahpinanitiyek, mii maawiin i'i cicaakinanitiyek!

ᑲᓬᐁᔑᔭᓇᒃ 5:6

Ahpii hsa kiiwiiciiwintc Christ Ciisahs, a'a hsa kaakihkinawaatashakeshikaniwitc a'a kaye ekaa kaakihkinawaatashakeshikaniwihsik kaawiin peshik awahshime ahpiihtentaakosihsii. Kaawiin tahsh wiin i'i kaakihci‑inentaakwahk. Tepwehtamowin hsa i'i saaki'iwewinink kaaishianohkiimakahk, mii hsa 'i kaakihci‑inentaakwahk.

ᐱᓬᐃᐱᔭᓇᒃ 3:19

Piciinak tapaahkaciayaawak nihshiwanaatisiwinink. Aaniihsh omanitoomiwak wiiyawiwaan kaaishiantawentamoomakaninikin. I'iwe kekiimenihshentamowaahpan nawac itahsh owaawishentaanaawaa, ahkiiwaya'iin ehta ehpapaamentamowaatc.

ᐱᓬᐃᐱᔭᓇᒃ 3:3

Kiinawint ohsha kitaawimin kaamiinikoowisiyank kwayahk kihkinawaatashakeshokoowinink kaainentaakwahk. Aaniihsh kiinawint kitishianami'ehtawaanaan Kishemanitoo e'ishikashkihtoo'iminank otAhcaahkwan. Shikwa kitooncimoocikentaamin 'iwe e'wiiciiwinank Christ Ciisahs. Kaawiin kanake kitahpenimonotansiimin kekoon wakicinaw ehta ehtoocikaatek.

1 Timahti 1:19

Minciminan i'i kitepweyentamowin, i'i kaye minoinenintisowin. Iki aanint e'wepinamowaatc okii'nihshiwanaacihtoonaawaa otepweyentamowiniwaan,

Taitahs 1:16

Miitahsh ehkitowaatc ehkihkenimaawaatc Kishemanitoon, otanohkiiwiniwaan itahsh otishinaakohtoonaawaa ehkihkenimaahsikwaa e'ishihcikewaatc, ehshiinkentaakosiwaatc, ehshashiipihtamowaatc kaye. Kaawiin itahsh kekoon ahpiihtentaakosihsiiwak, mihsawaa piko kwayahk cikii‑ishihcikewaahpan.

2 Piitar 2:22

Mii hsa ko mayaa tepwe eshihsewaatc kaa'ishihsininik i'i nanekaam ihkitowin: “Animohsh okiiweantamiicin kaakiishihshikakowaatank,” o'o tahsh kaye ihkitowin: “A'a koohkoohsh kii'ishkwaa kisiihsipacikaniwitc, mii 'i miinawaa eshi kiiwe tihtipihshimoonotc ashashkiihkaank.”

Coot 1:4

Aninta enami'ewaatisihsikwaa ohsha kikiihpiintikaakonaanik ekiihkihkentaakosihsikwaa entinowiwaatc. Miiwak itahsh i'i kaakiihkwehkinamowaatc enaatotenik Kishemanitoon okishewaatisiwinini, miish meshkwac enaapacihtoowaatc pisaan keoncitootamowaatc noociko otishihcikewiniwaan. Miiwak itahsh iki kaa⁠/aanawenimaawaatc Ciisahs Christan kaamihcipeshikonitc kitOokimaaminaanin, kaaTipenimiminank kaye. Mewisha iitok kii'ishipii'ikaatekopan aaniin keshikakwaataki'intwaa.

ᑭᑫᑕᒨᔑᐌᐎᓐ 2:9

Kikihkenimininim e'ocaanimisiyek kaye wiinke ehkitimaakisiyek. Kiwenootisim itahsh. Kaye ninkihkentaan i'i eshimacikiishwaaninekwaa iki ninCoowimin kaaihkitowaatc, kaawiin itahsh tepwe Coowak tinowihsiiwak, Setan (Satan) itahsh omaawaci'itiwinink ishiwiicihtwaawak.

ᑭᑫᑕᒨᔑᐌᐎᓐ 21:8

Ikiweniwak itahsh wiin kaashaakote'ewaatc, kaatepweyentaakosihsikwaa, kaanihtaa kakwaanihsakihcikewaatc, iki kaye onihshiwek, opihshikwaatisiik, okosaapancikek, omanitoohkeshkak, kaye kahkina kaakakiinawishkiwaatc, mii 'imaa wiinawaa keayaawaatc, i'imaa saaka'ikaniink kaashicaakitek i'iwe ishkote kaye 'awe ahsin kaapiskanetc e'wiihsakaapahsowetc. Mii 'owe ishkwaac niishwaa nipowin.”

ᑭᑫᑕᒨᔑᐌᐎᓐ 22:15

Akwaciink itahsh ta‑ayaawak iki anoociko eshiwepisiwaatc, kaye kaakosaapantamowaatc, kaapihshikwaatisiwaatc, kaanihshiwewaatc, kaye kaamanitoohkewaatc kekoon, kaye awenen iko kaasaakihtootc ehkiiwanimotc kaye ehkakiinawishkiayishihciketc.

ᑭᑫᑕᒨᔑᐌᐎᓐ 3:9

Inashke mii 'owe ketootawakwaa ikiweniwak kaawiici'iwewaatc i'imaa Setan (Satan) omaawaci'iwewinink. Miiwak iki okiiwanimook, Coowak (Jews) nintinowimin kaaihkitowaatc, kaawiin tepwe tinowihsiiwak. Nashke ninkaishi'aak cipiociciinkwanapiwaatc imaa eshisitekaapawiyek. Okakihkentaanaawaa tahsh ehsaaki'inakook.