ᐱᓬᐃᐱᔭᓇᒃ 3:19 - Ojibwe Kihcimasina'ikan

¹⁹ Piciinak tapaahkaciayaawak nihshiwanaatisiwinink. Aaniihsh omanitoomiwak wiiyawiwaan kaaishiantawentamoomakaninikin. I'iwe kekiimenihshentamowaahpan nawac itahsh owaawishentaanaawaa, ahkiiwaya'iin ehta ehpapaamentamowaatc.

ᐅᒋᐺ ᑭᒋᒪᓯᓇᐃᑲᓐ

¹⁹ ᐱᒌᓇᒃ ᑕᐹᑲᒋᐊᔮᐗᒃ ᓂᔑᐗᓈᑎᓯᐎᓂᕽ᙮ ᐋᓃᔥ ᐅᒪᓂᑑᒥᐗᒃ ᐐᔭᐎᐙᓐ ᑳᐃᔑᐊᑕᐌᑕᒨᒪᑲᓂᓂᑭᓐ᙮ ᐃᐃᐌ ᑫᑮᒣᓂᔐᑕᒧᐙᐸᓐ ᓇᐗᒡ ᐃᑕᔥ ᐅᐙᐎᔐᑖᓈᐙ, ᐊᑮᐗᔭᐄᓐ ᐁᑕ ᐁᐸᐹᒣᑕᒧᐙᒡ᙮

ᐱᓬᐃᐱᔭᓇᒃ 3:19 Iomraidhean Croise

Iisiihkiyoo 34:3

Kiinawaa coocoohshaapo e⁠minihkweyek, e⁠kikishkamek tahsh kaye kikishkikanan maanahcaanihshiwayaanink wenciikin kaye kinihsaawaak maawac iko sasekaa maanahcaanihshak e⁠amwekwaa. Kaawiin tahsh kinaanaakaci'aahsiwaawaak maanahcaanihshak.

Hosiiya 4:7

“Aanakii ani paahtiinowaatc hsa tahsh anami'ewikimaak, mii hsa 'i aanciko anishi kaanci macitootawiyek. I'i hsa kaashi kihtentaakosiyekipan niwiih kwehkinaan meshkwac tahsh kika akatentaakosim.

Maaihka 3:11

Iki hsa kaa⁠naanaakacihtoowaatc ootenaani aahpici ominotootawaawaa' i'i niipiwa' kaa⁠mino tipa'amaakowaatc. Iki tahsh kaye anami'ewikimaak kaa⁠wiintamaakewaatc ehkitoomakaninik Onahshowewin shooniyaan ehta 'i kaa⁠onci ishihcikewaatc. Miihsh peshikwan iki okanootamaakek kewiinawaa shooniyaan ehta 'i kaa⁠onci wiintamaakewaatc aaniin eshinamo'ikowaatc Kishemanitoon, e⁠inwaanintisowaatc e⁠wiiciiwikowaatc kaaTipencikenitc. Miihsh o'o ehkitowaatc, ‘Kaawiin hsa kekoon kika ishi wahsitaawihsehsiimin, kaaTipenciketc iitok kiwiiciiwikonaan.’ ”

Maaihka 3:5

Miitahsh o'o kaaTipenciketc ehkitotc, “Iki hsa wiin kaa⁠kanootamawiwaatc kaa⁠waniwinaawaatc nimpimaatisiima', kiishpin awiyan kii⁠tipa'amaakowaatc mii 'i eshi tashintamawaawaatc pisaanisiwin awiyan. Kiishpin tahsh awiyan kiih⁠tipa'amaakohsikwaa mii 'i eshi tashintamawaawaatc awiyan ciwi miikaanikonitc.”

Maalahkaai 1:12

Kiinawaa tahsh kaa⁠kihtenimihsiwek e⁠ihkitoyek, ‘KaaTipenciketc hsa opakitinaahsowinaapihk ihsa naa aanawentaakwanini, miicim kaye aanawentaakwanini.’

Maahtiyo 16:23

Ciisahs tahsh kiih⁠kwehkihtaa ekii'-inaatc Piitaran: “Setan (Satan), inkoci ishaan! Kiin ohsha kaa⁠kipishkawiyan, ininiwak aaniihsh kaashi naakatawentamowaatc kitishi naakatawentam, kaawiin wiin Kishemanitoo kaashi naakatawentank.”

Maahtiyo 25:41

I'i tahsh onamantinihkink inahke kaa‑ayaanitc oka inaa': ‘Ninkoci kiinawaa ishaak, kaa⁠inakimikooyek ci⁠nihshiwanaatisiyek! Ishaak weti wiihkaa keshi aahtawehsinok ishkote, kaakiih kwayaanciihtamawintwaa maciaya'aa, i'i kaye otencalima'.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 12:19

Mii hsa keitisoyaan: “Oowa, etatawe kiminohse, niipiwa' kekoonan e'⁠ayaayan kaaonishihshinkin, kinwesh tahsopipoon wiihkaa cinoontehsehsiwan. Miihsh ishi mihci ayayaan, ciwiihsiniyan, ciminihkweyan kaye tahsh ciciihkentaman ehpimaatisiyan,” ’ kii'‑ihkito.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 16:19

“Peshik kii'⁠ayaa inini aahpici ekii'-wenootisitc ehkikishkank kaye maawac kaa‑aahkwakintenikin kikishkikanan. Maawac iko ekiikihci wenootaatisitc entahso kiishihk.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 18:4

Kaawiin tahsh nanaansh otipaahkoniwe kii'‑inentansii. Kekahpii tahsh o'o kii'‑inentam: ‘Aanawiin ekohtaanenimaahsiwak Kishemanitoo, ehpapaa pisiskenimaahsiwakwaa kaye awiyak

ᐅᕒᐆᒪᓇᒃ 16:18

Iki tahsh o'o kaaishihcikewaatc kaawiin otanohkiihtawaahsiwaawaan Christan kaaTipenimiminank, mii hsa ehta owiiyawiwaan eshimihsawentamoomakaninikin eshihcikewaatc. Aahpici tahsh maminokiishwewak, e'minoinaawaatc kaye awiya', anihshaa tahsh e'inaawaatc ewii'onciwayeshimaawaatc, miitahsh kaaonciwaniwinaawaatc pemaatisinitc kaakihkentansinik aaniin keishihcikenitc.

ᐅᕒᐆᒪᓇᒃ 6:21

Wekonen tahsh kaakii'ontinamek ekii'nihtaatootamek ini kekoonan noonkom kaa‑akatentamek? Inashke iniweniwan ehtootank awiya, mii ehta nipowin ciontinank.

1 ᑲᕒᐃᑎᔭᓇᒃ 3:3

Keyaapi aaniihsh kitishipimaatisim taapishkoo ahkiink kaaishitipentaakosiwaatc. Aaniihsh kiinawaa ko ayaamakan ontenintiwin, ayaanoontiwin, kaawiin ina ishinaakwahsinoon o'o hsa ahkiink e'oncitipentaakosiyek? Kaawiin ina kitinaatisihsiim kaamihciahkiiwaatisiwaatc?

1 ᑲᕒᐃᑎᔭᓇᒃ 5:2

Aaniihshwiin kaaoncikihtenimoyek! Nawac iitok kitaakii'⁠maanentaam! Nawac taaonishihshin ci‑inaahkonikeyekipan ciwiiciiwihsinowekipan a'a kaatootank.

1 ᑲᕒᐃᑎᔭᓇᒃ 5:6

Kaawiin onishihshinsinoon ci⁠mamiihkwaanitisoyekipan. Kikihkentaam o'owe e'nihtaa⁠ihkitonk: “Pankii ahcikaatek i'i ompisikanenhs, misiwe kihcipahkweshikan ishiompishkaa ehkiishisotc.”

2 ᑲᕒᐃᑎᔭᓇᒃ 11:12

Miitahsh iko keishihcikeyaan i'i mooshak kaa'ishihcikeyaan. Aaniihsh kaawiin ninantawenimaahsiik iki kaainwaanitisowaatc ishinisha'waakanak ci ishimamiihkwaanitisowaatc, ci‑ihkitowaatc kaye kewiinawaa hsa e'inanohkiiwaatc peshikwan kaainanohkiiyaank.

2 ᑲᕒᐃᑎᔭᓇᒃ 11:15

Keko kaye kihci‑inentankek kiishpin otanohkii'aakana' ishi'itisonitc taapishkoo e'ishiwiicihtwaanitc i'imaa kwayahkwaatisiwinink. Weti hsa ishkwaac tatipa'amawaawak kahkina kekoonini kaakii'ishihcikewaatc.

ᑲᓬᐁᔑᔭᓇᒃ 6:13

Iki hsa kaakihkinawaatashakeshowewaatc kaawiin tahsh kaye wiinawaa otootansiinaawaa i'i Onahshowewinini kaainahtenik. Mii hsa ehta tahsh kaaonciantaweniminekwaa cikihkinawaatashakeshokooyek ewii'mamiihkwaanitisowaatc ekiihkashkiminekwaa ciotaahpinamowek kaaishikihkinawaacihtoowaac wiiyawimaan.

ᐱᓬᐃᐱᔭᓇᒃ 2:21

Kahkina aaniihsh pehkaanisiwaatc wiinehtawaa kanawaapantamaasowak otishiwepisiwiniwaa. Kaawiin wiin opimentamawaahsiwaawaan Ciisahs Christan otaayintiwinini.

ᑲᓬᐋᔑᔭᓇᒃ 3:2

Naanaakatawentamok kaye ishpimink kaa‑ayaakin, kaawiin wiin kekoonan ahkiink kaa‑ayaakin.

2 ᑌᓴᓬᐆᓂᔭᓇᒃ 1:9

Oko taishitipa'amawaawak cinehpici⁠ayaawaatc nihshiwanaatisiwinink. Tanehpici⁠pahkewinaawak ekaa ciwaapamaahsikwaa kaaTipencikenitc kaye eshiwaahseyaanik omashkawisiiwinini.

2 ᑌᓴᓬᐆᓂᔭᓇᒃ 2:12

Miitahsh i'i cipaahtaayaahkonikaniwiwaatc minihk iko ikiweniwak kaatepwehtansikwaa i'i tepwewin, nawac i'iweni ekii'minwentamowaatc maci‑inaatisiwin.

2 ᑌᓴᓬᐆᓂᔭᓇᒃ 2:8

Miihsh i'i ahpii tanaako'itiso a'a kaaMaamawiMacaatisitc. A'a tahsh kaaTipenciketc piciinak okanihsaan ini kaamacihcikenitc, i'i opakitanaamowin otoonink e'oncihsenik ewii'aapacihtootc. Okanihshiwanaaci'aan, owaahsesiwin ewiihpi⁠ahshicinaakositc, takohshink.

1 Timahti 6:5

Mooshak itahsh kaye maashiwiiciintiwak. Miiwak oko kaanihshiwanaaci⁠naanaakatawentamowaatc. Kaawiin keyaapi owiiciiwikohsiinaawaa i'i tepwewin. Inentamook itahsh cionciontisiwaahpan otanami'aawiniwaank.

2 Timahti 3:4

Tamamishi'iwewak. Kaawiin taonaanaakatawencikanihsiiwak. Okaonsaamentaanaawaa okihtenimowiniwaa. Nawac okaminwentaanaawaa otishihcikewiniwaan ahpiihc wiin cisaaki'aawaahpan Kishemanitoon.

Ciimis 4:16

Miitahsh eshihcikeyek ekihci'-inenintisoyek, kaye tahsh ekihci kaakiikitoyek. I'i tino kihci kaakiikitowin macitootamowiniwan.

2 Piitar 2:1

Inashke kii'oncikihkentaakosiwak iitok iki otaanaank kaakii'inwaanitisowaatc ehkiikitoohtamawaawaatc Kishemanitoon i'imaa mekweya'ii kaaishiayaanitc pemaatisinitc. Miitahsh peshikwan keshiayaawaatc owanikihkino'amaakek kaaishiayaayek. Miiwak hsa iki kepiitoowaatc kenihshiwanaaci'iwemakaninikin kihkino'ikewinan kaatepwewansininikin. Oka⁠/aanawenimaawaan kaye kaaTipenimikowaatc Christan kaakiihtipa'okowaatc. Wiinawaa tahsh piko takashkihtamaasowak keonci‑⁠ketahto‑⁠nihshiwanaaci'itisowaatc.

2 Piitar 2:13

I'i kaaishimamaashiihkantaakewaatc itahsh, mii peshikwan kewiinawaa keishitipa'amawintwaa. Mii hsa ko pisaan ehkiishikaninik e'ishihcikewaatc keminwentamoshkaakowaatc, wiinawaa piko kaainentamowaatc e'minwentaakwaninikin. Wiinawaa hsa kitakasinaakosi'ikowaak, kimaashishkaakowaak e'wiiciwiihsiniiminekwaa; miitahsh iko keyaapi eshiminwentamo'itisowaatc ehkakayenisiwaatc.

2 Piitar 2:3

Oko tahsh kaawanikihkino'ikewaatc kaanihtaa‑⁠aaskonisiwaatc, mii ehta ko e'inwaaninekwaa ewii'oncikashkihcikewaatc. Aaniihsh oka‑aapacihtoonaawaan ini wiinawaa piko okakayenisiwiniwaan. Aasha ohsha mewisha oko tino kiihkiishaahkonaawak ketootawintwaa; ini kaye kaawii'nihshiwanaaci'ikowaatc kaawiin nipaahsiiwan.

Coot 1:10

Okoweniwak itahsh wiin ininiwak mii hsa ko 'i eshimaci‑itamowaatc kekoonan nehsitohtansikwaa. Ini hsa wiin pankii kekoon kaakihkentamowaatc, otishikihkentaanaawaa ehta taapishkoo aya'aawihsha' kaaishimihci‑⁠pawikihkencikenitc tepwe e'naanaakatawentansinik. Miiwan tahsh ini tino kenihshiwanaaci'ikowaatc.

Coot 1:16

Miiwak ihsa oko mooshak kaanihtaa⁠kihci⁠kaakiikitowaatc, kotak kaye awiya' kaa⁠/anaamimaawaatc; wiinawaa ko e'ishihcikewaatc eshimacimihsawentamowaatc. Aahpici oncita kaye eminoinaawaatc awiya' wiinawaa piko ehta ewii'onciminohse'itisowaatc.

Coot 1:4

Aninta enami'ewaatisihsikwaa ohsha kikiihpiintikaakonaanik ekiihkihkentaakosihsikwaa entinowiwaatc. Miiwak itahsh i'i kaakiihkwehkinamowaatc enaatotenik Kishemanitoon okishewaatisiwinini, miish meshkwac enaapacihtoowaatc pisaan keoncitootamowaatc noociko otishihcikewiniwaan. Miiwak itahsh iki kaa⁠/aanawenimaawaatc Ciisahs Christan kaamihcipeshikonitc kitOokimaaminaanin, kaaTipenimiminank kaye. Mewisha iitok kii'ishipii'ikaatekopan aaniin keshikakwaataki'intwaa.

ᑭᑫᑕᒨᔑᐌᐎᓐ 18:7

I'iwe minihk kaakihci‑inakintisotc ehkashkihtamaasotc wenootisiwin kaakii'mihci na'entami'itisotc, mii 'i minihk kihcikakwaatakihtoowin, piikwentamowin kaye, tipa'amawihk! Aaniihsh mii 'iwe inenintiso: ‘Okimaahkwenk nintinap. Kaawiin niin ninkiiwaacihkwewihsii. Kaawiin wiihkaa ninkawaapantansiin piikwentamowin.’

ᑭᑫᑕᒨᔑᐌᐎᓐ 19:20

A'ahsh pikwaciaya'aawihsh kii'otaahpinaa ahshic kaye ini aya'aan kaakiihkanootamaakotc kaakiiwanimonitc, miiwan ini kaakii'mamaantawihcikenitc e'waapantank. Mii wa'a omamaantawihcikewinink ekii'onciwayeshi'aatc i'iweniwa' kaakii'onci⁠kihkinawaacipii'ikaniwinitc pikwaciaya'aawihsh okihkinawaacihcikan, iniweniwa' omasinihkoocikan kaakii'ociciinkwanapiihtaminitc. A'a tahsh pikwaciaya'aawihsh kaye ini kaakihkanootamaakotc, minciniish ehpimaatisiwaatc i'imaa kii'ahpakinaawak ishkotewisaaka'ikaniink, i'imaa ehtakocaakisotc a'a ahsin kaaninkisotc e'wiihsakaapahsowetc.

ᑭᑫᑕᒨᔑᐌᐎᓐ 21:8

Ikiweniwak itahsh wiin kaashaakote'ewaatc, kaatepweyentaakosihsikwaa, kaanihtaa kakwaanihsakihcikewaatc, iki kaye onihshiwek, opihshikwaatisiik, okosaapancikek, omanitoohkeshkak, kaye kahkina kaakakiinawishkiwaatc, mii 'imaa wiinawaa keayaawaatc, i'imaa saaka'ikaniink kaashicaakitek i'iwe ishkote kaye 'awe ahsin kaapiskanetc e'wiihsakaapahsowetc. Mii 'owe ishkwaac niishwaa nipowin.”

ᑭᑫᑕᒨᔑᐌᐎᓐ 22:15

Akwaciink itahsh ta‑ayaawak iki anoociko eshiwepisiwaatc, kaye kaakosaapantamowaatc, kaapihshikwaatisiwaatc, kaanihshiwewaatc, kaye kaamanitoohkewaatc kekoon, kaye awenen iko kaasaakihtootc ehkiiwanimotc kaye ehkakiinawishkiayishihciketc.

1 Saamiyoo 2:29

Wekonen itahsh wenci maanentaman ini nimpakitinaahsoohtamaakoowinan, nimiinikoowinan kaye niin kaa‑antawentamaan nintaawinink? Wekonen itahsh nawac wenci kihtenimatwaa kikosihsak ahpiihc niin, e⁠ani onci aancipoonintisowaatc eh⁠pimi otaahpinamowaatc maawac wenishihshink wiiyaahs pekitinaminitc nimpitaatisiima' Isriyala'?’