ᐱᓬᐃᐱᔭᓇᒃ 3:14 - Ojibwe Kihcimasina'ikan

¹⁴ Kwayahk iko ahpane nintahpahtoo ciocihcipahtooyaan weti kaaishikihkinawaasinaakwahk pahkinaakewin, mii 'imaa citashimiinikooyaan nintipa'amaakoowin, mii 'iwe ishpimink citanaatisiyaan, mii 'iwe kaaishiantomitc Kishemanitoo Ciisahs Christink.

ᐅᒋᐺ ᑭᒋᒪᓯᓇᐃᑲᓐ

¹⁴ ᑾᔭᒃ ᐃᑯ ᐊᐸᓀ ᓂᑕᐸᑑ ᒋᐅᒋᒋᐸᑑᔮᓐ ᐌᑎ ᑳᐃᔑᑭᑭᓇᐙᓯᓈᑾᒃ ᐸᑭᓈᑫᐎᓐ, ᒦ ᐃᒫ ᒋᑕᔑᒦᓂᑰᔮᓐ ᓂᑎᐸᐊᒫᑰᐎᓐ, ᒦ ᐃᐌ ᐃᔥᐱᒥᕽ ᒋᑕᓈᑎᓯᔮᓐ, ᒦ ᐃᐌ ᑳᐃᔑᐊᑐᒥᒡ ᑭᔐᒪᓂᑑ ᒋᓴᔅ Xᐃᕽ᙮

ᐱᓬᐃᐱᔭᓇᒃ 3:14 Iomraidhean Croise

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 16:16

“Moosihs (Moses) OtOonahshowewinan, i'i kaye kaakii'-ishipii'ikewaatc kenootamawaawaatc Kishemanitoon kiihpi tashinteni piinihsh kiihpi ayaatc Cwaan siika'antaakewinini. Miitahsh i'i ahpii kaakii'-maacii tashintenik eshiminwaatotenik Kishemanitoo oTipencikewin. Miihsh kahkina awiyak enikohk eshi kakwecihtoowaatc cipiintikewaatc i'imaa cionci tipentaakosiwaatc.

ᐅᕒᐆᒪᓇᒃ 11:29

Aaniihsh kaawiin Kishemanitoo aantentansii awenenan iko kiiwii'onenimaatc, kiiwiihshawenimaatc kaye awiyan.

1 ᑲᕒᐃᑎᔭᓇᒃ 9:24

Kehcinaac kikihkentaanaawaa wiihkakwecihkanitink, niipiwa' awiya wiici'iwewak e'maaciipa'itiwaatc. Peshik itahsh ehta tapahkinaake citipa'amawintc. Mii 'iwe kiinawaa kwayahk kakwepimipahtook cipahkinaakeyek.

2 ᑲᕒᐃᑎᔭᓇᒃ 4:17

O'o hsa kaaishiaanimisiyaank ninaankentaamin, aaniihsh acina ehta ninooci'ikomin. Miitahsh keonci⁠otihsikoyaank maawac kaakihci‑inentaakwahk kihci‑inentaakosiwin wiihkaa kepoonihsehsinok.

ᐱᓬᐃᐱᔭᓇᒃ 3:3

Kiinawint ohsha kitaawimin kaamiinikoowisiyank kwayahk kihkinawaatashakeshokoowinink kaainentaakwahk. Aaniihsh kiinawint kitishianami'ehtawaanaan Kishemanitoo e'ishikashkihtoo'iminank otAhcaahkwan. Shikwa kitooncimoocikentaamin 'iwe e'wiiciiwinank Christ Ciisahs. Kaawiin kanake kitahpenimonotansiimin kekoon wakicinaw ehta ehtoocikaatek.

ᑲᓬᐋᔑᔭᓇᒃ 2:18

Keko tahsh pakitinaahkek awiya ciotahpinamawinek i'i kaawiihtipa'amaakooyek. Aaniihsh ayaawak ininiwak keoncina'enintisowaatc ehkakwaataki'itisowaatc citapahsinaakosiwaatc, e'anami'ehtawaawaatc kaye encala'. Wa'a tino otahpenimonotaan kaye otishinamowinan, anihshaa i'i kaaoncikihtenimotc i'i nahke ininiinaank e'ishinaanaakatawentamowaatc.

1 ᑌᓴᓬᐆᓂᔭᓇᒃ 2:12

Kikii'aayiisomikoom, kikiihkaakiisomikoom, weweni kikii'ikoom cikakweminoishiwepisiyek, cikakwenana'entami'ek Kishemanitoo. Mii aaniihsh a'awe kaa'antominek ciotookimaamiyek kaye ciwaapantamowek okihci⁠onishihshiwentaakosiwinink i'imaa entashikimaawitc.

2 Timahti 1:9

Mii 'awe kaahpimaaci'inank, kaa'antominank kaye, wiin iko tipinawe citipeniminank ekii'ineniminank. Kaawiin kiinawint kitishihcikewininaan kitooncitootaakohsiinaan, wiin iko tipinawe okii'onentaan ekii'ishishaweniminank. Mewisha cipwaa animaacihsek kekoon, aasha kiishaac kikii'miinikonaan Kishemanitoo oshawencikewin, Christ Ciisahsoon ekii'oncimiininank.

ᐄᐸᕒᐆᐗᒃ 3:1

Kiinawaa tahsh niitanami'aak kaatipeniminek Christ, kekiinawaa hsa kikiihkanoonikowaa Kishemanitoo! Naanaakatawenimihk Ciisahs Kishemanitoo oKihci Ishinisha'waakanan kaatinowitc, Maawac Kihcianami'ewikimaa kaye, kekanawaapantank hsa kaye kitepweyentamowininaan kaawiintamank.

ᐄᐸᕒᐆᐗᒃ 6:1

Taka tahsh niikaanaya'ii inahke ishimaacaataa cinaasihkamank kaaishikihkino'amawintwaa kaakiishaapewiwaatc, cinakatamank ini maawac iko nihtam kaakii'ishi kihkino'amaakooyankipan kiimaacii⁠anami'ewaatisiyank. Kaawiin miinawaa kika‑⁠kakwe‑⁠onahtoohsiimin ono kaawii'wiintamaan: eshikihkino'amaatink awiya cioncikwehkaatisihpan ishihcikewinan nipowinink kaaishiwishiwemakahkin, i'i kaye kaaishitepweyenimintc a'a Kishemanitoo,

1 Piitar 1:13

Taka tahsh kinaanaakatawentamowiniwaank ishikiishentamok waa'ishihcikeyek. Mooshak iko waapaahkamentamok. Misiwe ishiahpenimonotamok shawentaakosiwin kaawii'miinikooyek ahpii Ciisahs Christ naako'intc.

1 Piitar 5:10

Ahpii tahsh acina kiihkakwaatakihtooyek, Kishemanitoo kaawenooci wii'miikiwetc kishewaatisiwin, kaakii'antoominek Christink ci‑ishiwiitoohkaasoyek i'imaa kaaishinehpici kihci‑inentaakositc, wiin iko kikakiishinaako'ikowaa, kikaishi'ikowaa kaye ciaayiicikaapawiyek, cimashkawisiiyek, kikanehpici⁠onahsikowaa kaye.

2 Piitar 1:3

Kishemanitoo hsa omashkawisiiwinink kitooncimiinikoomin kahkina kekoon kaanoontehseyank o'o kaapimaatisiyank ci‑ishimino anami'ewaatisiyank. Miitahsh i'imaa wencimiinikoowisiyank i'i ehkihkenimank Kishemanitoo kaakii'antominank. Mii hsa tahsh kaakii'onciantominank, ciayaawank wiin iko okihci‑inentaakosiwin, i'iweni kaye kaaishikwayahkonaakositc.

ᑭᑫᑕᒨᔑᐌᐎᓐ 3:21

A'awe keshaakoocihtwaatc ninkashimiinaa ciwiitapimitc ninkihciapiwinink taapishkoo niinihtam kaakii'ishishaakoocihtwaayaan kaye noonkom e'wiitapimak ninTete okihciapiwinink.