ᐱᓬᐃᐱᔭᓇᒃ 3:12 - Ojibwe Kihcimasina'ikan

¹² Kaawiin 'iwe nintaaihkitohsii aasha cikashkihtooyaan, kaawiin kaye ehkiishi'ikoowisiyaan. Enikohk itahsh nintanikakwekaahcitinamaas i'iwe kaakiiwii'miishitc kaakii'oncikaahcitinitc Christ Ciisahs.

ᐅᒋᐺ ᑭᒋᒪᓯᓇᐃᑲᓐ

¹² ᑳᐐᓐ ᐃᐌ ᓂᑖᐃᑭᑐᓰ ᐋᔕ ᒋᑲᔥᑭᑑᔮᓐ, ᑳᐐᓐ ᑲᔦ ᐁᑮᔑᐃᑰᐎᓯᔮᓐ᙮ ᐁᓂᑯᒃ ᐃᑕᔥ ᓂᑕᓂᑲᑴᑳᒋᑎᓇᒫᔅ ᐃᐃᐌ ᑳᑮᐐᒦᔑᒡ ᑳᑮᐅᒋᑳᒋᑎᓂᒡ X ᒋᓴᔅ᙮

ᐱᓬᐃᐱᔭᓇᒃ 3:12 Iomraidhean Croise

Nikamonan 42:1

Taapishkoo hsa waawaashkeshi kaashi noontayaapaakwenotank kaa⁠pimiciwaninik nipi, Kishemanitoo, mii keniin peshikwan nintahcaahkonk eshi antaweniminaan.

Nikamonan 63:8

Nintahcaahk hsa kikihciihkaak, kikihcinihk kaye kitishi minciminihsh eh⁠kanawenimiyan.

Nikamonan 84:2

Maawac iko e⁠antawentamaan ci⁠ayaayaan weti! Nimihsawentaan cikii ayaayaampaan kaashi waahkaayaahkonikaatenik kaaTipenciketc otanami'ewikamik; enikohkote'ewak hsa ninka nikamoohtamawaa kaa⁠pimaatisitc Kishemanitoo ehpiihci ciihkentamowak.

ᑲᑮᑖᐎᑮᔗᐎᓇᓐ 4:18

I'i hsa miihkana pema'atoowaatc okwayahkwaatisiik mii 'i eshinaakwaninik taapishkoo kaa⁠piitaapank, e⁠ani waahseyaak, piinihsh e⁠ani mooshkine kiishikahk.

Hosiiya 6:3

Taka hsa ihkitotaa e⁠kihkenimank kaaTipenciketc; maano kaye kakwe kihkenimaataa. Kehcinaac hsa kaashi moohka'ank kiisihs, mii maawiin i'i nahke keshi naasihkawinank. Kaashi kimiwank hsa kii⁠siikwank, mii maawiin i'i nahke kehcinaac kaaTipenciketc keshi naasihkawinank.”

Maahtiyo 5:48

Kiinawaa tahsh ci⁠minopimaatisiyekipan misiwe kipimaatisiwiniwaank, aaniihsh wiinke te⁠misiwe minopimaatisi kiTetewaa kihcikiishikonk kaa‑ayaatc.”

ᐃᔑᒋᑫᐎᓇᓐ 9:15

Miihsh o'o kaa'ikotc kaaTipencikenitc: “Maacaan, ishaan! Wiin ohsha ninkii'-onaapamaa ewii'-aapaci'ak cikihkentamoonaatc niwiinsowin kaaCoowiwihsinik (Gentiles), kihciokimaa' kaye, i'i tahsh kaye Isriyala'.

ᐅᕒᐆᒪᓇᒃ 8:39

Kaawiin tahsh kaye ishpimink kaa‑ayaakin, weti kaye niihsaya'ii kaaishiayaakin, kaatahsinkin iko kaye aanti hsa ko kaaoshihcikaatekin. Kaawiin kanake wiihkaa kekoon kitaapahkewinikohsiimin ekaa ciwiiciiwikohsiwank Kishemanitoo oshawenimiwewin i'imaa kaaoncimiinikooyank Christ Ciisahs kaaTipeniminank.

1 ᑲᕒᐃᑎᔭᓇᒃ 13:10

Ahpii tahsh piocihcihsek i'i kaa ahpiihci misiweayaak, kaawiin keyaapi tanaakwahsinoon i'iwe pankii kaa ayaak.

1 ᑲᕒᐃᑎᔭᓇᒃ 13:12

I'iwe noonkom kaawaapantamank taapishkoo waapamonink e'mihcipawinaakwahk kitishinaamin. Piciinak itahsh ocihcihsek, kwayahk iko pehsho kikawaapamaanaan. Mekwaa piko o'o ahpii pankii ehta nintishikihkentam. Paanimaa tahsh ahpii ninkamisiwe kihkentam taapishkoo Kishemanitoo kaaishi⁠shaapo⁠kihkikenimihshitc.

1 ᑲᕒᐃᑎᔭᓇᒃ 9:24

Kehcinaac kikihkentaanaawaa wiihkakwecihkanitink, niipiwa' awiya wiici'iwewak e'maaciipa'itiwaatc. Peshik itahsh ehta tapahkinaake citipa'amawintc. Mii 'iwe kiinawaa kwayahk kakwepimipahtook cipahkinaakeyek.

2 ᑲᕒᐃᑎᔭᓇᒃ 13:9

Niminwentaamin kaye niinawint e'ishinaakosiyaank e'mashkawisiihsiwaank, kiinawaa tahsh e'mashkawisiiyek. Mii kaye eshianami'ehtamaakooyek misiwe kwayahk cini‑ishinaakosiyek.

2 ᑲᕒᐃᑎᔭᓇᒃ 7:1

Kaasaaki'inakook, o'owe tahsh ekii'ishiahshotamaakooyank, taka hsa pehkihtootaanin kipimaatisiwininaanin. Taka kaawiin kikapapaamentansiimin kekoon kewiinishkaakoyank i'imaa kiwiiyawinaanink, kitahcaahkonaanink kaye. Taka weweni pimaatisiihkantawaataa ehkihci‑inenimank Kishemanitoo.

ᑲᓬᐁᔑᔭᓇᒃ 5:17

Awiya hsa okehteinaatisiwin nahpaac inahke ishimihsawentamoomakanini, kaawiin wiin Kishemanitoo otAhcaahkwan kaaishimihsawentaminitc ishihcikemakahsinini. A'a tahsh kaye Kishemanitoo otAhcaahkwan kaawiin ishimihsawentansiiwan i'i kehteinaatisiwin kaawii'ishihcikemakaninik. A'a tahsh Ahcaahk omihsawentamowin i'i kaye kikehteinaatisiwiniwaa miitahsh mooshak miikaatiimakanoon. Miitahsh i'i kaaoncikashkihtoohsiwek i'i kaashiantawentamek ewii'ishihcikeyek.

ᐃᐲᔑᔭᓇᒃ 1:4

Wiin aaniihsh kikiihkiishaaci⁠onenimikonaan ciwiiciiwimank Christan cipwaa maacihsenik o'o ahkiini, cipehkisiwank, kekoon kaye aapiinc ci‑ishianaamentaakosihsiwank enaahsamiitc.

ᐃᐲᔑᔭᓇᒃ 4:12

Miitahsh i'i kaakii'oncimiinaatc ewiihkwayaanci'aatc Kishemanitoo otanami'aama' citootaminitc owaawiici'iwewi⁠anohkiiwin, cioncikiishinaakwaninik e'ompihcikaatenik Christ owiiyaw,

ᐱᓬᐃᐱᔭᓇᒃ 1:1

Niinawint Pwaal (Paul) kaye Timahti (Timothy) otanohkii'aakana' Christ Ciisahs. Kiinawaa kitooshipii'amaakoom i'imaa Pilipaai (Philippi) ootenaank kaa‑ayaayek, kiinawaa Kishemanitoo opimaatisiima' kaawiiciiwek Christ Ciisahs, tako kaye ikiweniwak oniikaanisiik kaye owiici'iwek nintooshipii'amawaanaanik.

ᐱᓬᐃᐱᔭᓇᒃ 3:16

Maano tahsh keyaapi ciani‑ishimaacaayank peshikwan i'iwe aasha kaapi‑ishiotihtamank.

ᐱᓬᐃᐱᔭᓇᒃ 3:3

Kiinawint ohsha kitaawimin kaamiinikoowisiyank kwayahk kihkinawaatashakeshokoowinink kaainentaakwahk. Aaniihsh kiinawint kitishianami'ehtawaanaan Kishemanitoo e'ishikashkihtoo'iminank otAhcaahkwan. Shikwa kitooncimoocikentaamin 'iwe e'wiiciiwinank Christ Ciisahs. Kaawiin kanake kitahpenimonotansiimin kekoon wakicinaw ehta ehtoocikaatek.

ᐱᓬᐃᐱᔭᓇᒃ 3:8

Kaawiin iniweniwan ehta nintishinansiinan, kahkina kekoon aanatootamaan nintishinaan misiwe ekii'wanihcikeyaan, nawac iko ewii'ayaayaan kekoon maawac kaaonishihshink, mii 'iwe cikihkenimak Christ Ciisahs kaaTipenimitc. Wiin ewii'ayaawak ninkii'onciwepinaan kahkina. Cimihciwepinikaatek ehta nintinakintaan kahkina, nawac ewii'ontinak a'a Christ.

1 ᑌᓴᓬᐆᓂᔭᓇᒃ 5:15

Keko awiya okanaapitootawaahsiin awiyan macihcike'ikotc. Mooshak itahsh kakweminohcike'itik, kaye kahkina pemaatisiwaatc minohcike'ihkwak.

2 ᑌᓴᓬᐆᓂᔭᓇᒃ 2:13

Kaawiiciotepwehtamoomikooyek, kiinawaa kaasaaki'inek Kishemanitoo! Kiinawaa nintooncimiikwehciwi'aa Kishemanitoo, aaniihsh maawac niikaan kikii'onenimikowaa cipimaaci'ikoowisiyek, ekii'ishianohkiinitc otAhcaahkwan Kishemanitoo, wiin iko citipeniminek, kayehsh ekiihtepwehtamek tepwewin.

1 Timahti 5:10

Taminwaacimaa kaye e'nihtaa minohciketc, ekii'mino‑ompiki'aatc apinoonciisha', ekii'minopiintikanaatc piiwite', e'nihtaa kisiipiikisitenaatc ehpimiayaanitc Kishemanitoon otipenimaakanini, ekiihpi⁠minowiici'aatc kaye ini kaamacihsenitc, ci‑inintipan kaye kahkina minohcikewin ekiihkakwekashkihtootc. Mii hsa 'awe ketakwakimintc.

1 Timahti 6:19

Mii 'imaa keishimaawacihtamaasowaatc i'iweni kaaonishihshininik, keshiaapacihtoowaatc niikaanaya'ii cinionci⁠minopimaatisiwaatc. Miihsh i'imaa keni‑ishi otihtinamowaatc tepwe 'i pimaatisiwin.

ᐄᐸᕒᐆᐗᒃ 12:14

Weweni tahsh kakwewiicipimaatisiimihkwak kahkina ininiwak, kakwepehkaatisik kaye, aaniihsh kiishpin awiya ayaahsik pehkaatisiwin kaawiin okawaapamaahsiin Kishemanitoon.

ᐄᐸᕒᐆᐗᒃ 12:23

ekii'ishitakohshinek kaye kaaishiminwentamonaaniwank kaaishimaamawiinonitc Kishemanitoo nihtam kaaokosihsimaatc, owiinsowinini kaaoshipii'ikaatenikin kihcikiishikonk; ekiihpinaasihkawek kaye Kishemanitoo kaatipaahkonaatc kahkina pemaatisinitc. Kipitakohshinim kaye kaaishiayaanitc otahcaahkowaa' iki kwayahk pemaatisiwaatc aasha kaakiih kiishi ishinaakosi'intwaa.

ᐄᐸᕒᐆᐗᒃ 13:21

kikaontinamaakowaa kahkina kaaonishihshininikin kekoonan citootamowek otinentamowin. Taka kaye Ciisahs Christink kikaonci‑ishi'ikonaan citootamowank aaniin eshiminwaapantank. Taka Christ takihci‑inentaakosi mooshak iko ahpane. Emen.

Ciimis 3:2

Kiinawint tahsh kaapimaatisiyank mooshak kiwanitootaamin. Kiishpin tahsh wiin awiya wiihkaa wawaniihsik aaniin ehkitotc, mii 'awe kaakiishinaakwaninik opimaatisiwin, ehtetako ekashkihtootc citipenintisotc misiwe opimaatisiwinink.

1 Piitar 5:10

Ahpii tahsh acina kiihkakwaatakihtooyek, Kishemanitoo kaawenooci wii'miikiwetc kishewaatisiwin, kaakii'antoominek Christink ci‑ishiwiitoohkaasoyek i'imaa kaaishinehpici kihci‑inentaakositc, wiin iko kikakiishinaako'ikowaa, kikaishi'ikowaa kaye ciaayiicikaapawiyek, cimashkawisiiyek, kikanehpici⁠onahsikowaa kaye.

2 Piitar 3:18

Ishipimaatisik hsa ciani‑ishimaaciikiyek kitanami'ewaatisiwiniwaank, cinikihkenimek kaaTipeniminank kaaPimaaci'inank Ciisahs Christ. Taka wiin mooshak takihci inenimaa noonkom nehpic iko kaye. Emen.