ᐱᓬᐃᐱᔭᓇᒃ 3:11 - Ojibwe Kihcimasina'ikan

¹¹ o'owe e'inentamaan aaniin iko kaye niin ci‑ishiotihtamaan cionciwanishkaanikooyaan nipowinink cikiiwepimaatisiyaan.

ᐅᒋᐺ ᑭᒋᒪᓯᓇᐃᑲᓐ

¹¹ ᐅᐅᐌ ᐁᐃᓀᑕᒫᓐ ᐋᓃᓂᑯ ᑲᔦ ᓃᓐ ᒋᐃᔑᐅᑎᑕᒫᓐ ᒋᐅᒋᐗᓂᔥᑳᓂᑰᔮᓐ ᓂᐳᐎᓂᕽ ᒋᑮᐌᐱᒫᑎᓯᔮᓐ᙮

ᐱᓬᐃᐱᔭᓇᒃ 3:11 Iomraidhean Croise

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 14:14

Kika shawentaakos. Kaawiin iitok okashkihtoohsiinaawaa cikiiwe tipa'amawihkwaa. Kika tipa'amaakoowis ohsha ahpii kiishikahk kaawiih kiiwe pimaatisi'intwaa okwayahkwaatisiik,” okii'-inaan.

Cwaan 11:24

Miihsh kaa'ikotc: “Ninkihkentaan miinawaa cikiiwepimaatisitc ishkwaac kiishikaninik,” okii'ikoon.

ᐃᔑᒋᑫᐎᓇᓐ 23:6

Ahpii tahsh Pwaal kaakihkentank peshikwewaan Saacahsiiwa' (Sadducees) ehtinowinitc, kotak tahsh Perahsii' (Pharisees) ehtinowinitc, o'o kii'ishi shaakowe i'imaa eshi maawaci'itiwintc: “Niwiici onciimaakanak, keniin ohsha Perahsii nintinow, niniiki'ikook kaye Perahsiik kihtinowiwak. Miitahsh kaa'onci tipaahkonikooyaan epiihtooyaan ehkehcinaa'oyaan kaanipowaatc cikiiwe pimaatisiwaatc,” kii'ihkito.

ᐃᔑᒋᑫᐎᓇᓐ 26:7

Mii hsa 'oweni ahshotamaakoowin kaamitaahso niishwewaanakisiwaatc niwiitaatisiimaakaninaanik kaakii aahkopiihtoowaatc citepinamowaatc. Miihsh kaakii'-anohkiihtawawaatc Kishemanitoon ehtipihkaninik ehkiishikaninik kaye. Kiin hsa wekimaawiyan! O'o tahsh inahke e'ishi ahpenimowak, mii 'i Coowak kaaonci mamishimiwaatc.

ᐃᔑᒋᑫᐎᓇᓐ 27:12

I'imaa Tapinawihshimoonowinink kaawiin aahpici kii'onishihshisinoon citashi pipoonihshinaaniwank. Miitahsh nawac niipiwa' kaakii'-inentamowaatc ciniminaawe yaahshinaaniwaninik ewiikakwe tetakohshinowaatc weti ootenaank Ihpiinikihs (Phoenix) kaaicikaatenik. I'i tahsh tapinawihshimowin Kariiht (Crete) minihsink kii'‑ishi ayaa, ekii nihtaa aahsama'ank shaawanoninkaapii'anonk, kiiwetino ninkaapii'anonk kaye.

ᐅᕒᐆᒪᓇᒃ 11:14

Maakishaa iki pemaatisiwaatc nintaakashki'aak kaawiicionciimakwaa ciaayaahshentamowaatc, miitahsh o'omaa o'o kaaishihcikewak, kewiinawaa cioncipimaaci'intwaa.

1 ᑲᕒᐃᑎᔭᓇᒃ 15:23

Kwayahk itahsh iko ta anikiiwepimaatisiwak: a'awe Christ maawac nihtam kiihkiiwepimaatisi. Paanimaahsh miinawaa takwihshink, miiwa' i'iweniwa' kenikiiwepimaatisinitc Christ kaatipenimaatc.

1 ᑲᕒᐃᑎᔭᓇᒃ 9:22

Kaye awiyak kaawahkewisiwaatc otepwehtamowiniwaank wiiciiwakwaa, kaye niin nintaapacihtamawaak otishiayaawiniwaa, mii 'iwe ci‑ishikashki'akwaa. Aaniin iko ninkakwetinowi'itis kahkina awiyak kaatinowiwaatc, aaninta hsa ko cipimaaci'akwaa. Wekonen iko nintootaan keoncikashkihcikeyaan.

1 ᑲᕒᐃᑎᔭᓇᒃ 9:27

Miitahsh kaaoncipahpahkihte'amaan i'i niwiiyaw cikashkihtooyaan misiwe ci ishitipentamaan. Kiishpin i'i ishihcikehsiwaan maakishaa “kinoontehse” nintaaikoo, aanawiin pehkaanisiwaatc ekii'antomakwaa cikakwecihkashiwewaatc.

2 ᑲᕒᐃᑎᔭᓇᒃ 11:3

Kiinawaa tahsh e'mihcipeshiko'ek weweni kaye e'wiiciiwek Christ, kinaniisaanenimininim kekiinawaa ciwanimikooyek kitinentamowiniwaank taapishkoo Iip (Eve) kaakii‑ishiwanimikotc kaakakiihtaawiinitc macikinepikoon.

1 ᑌᓴᓬᐆᓂᔭᓇᒃ 3:5

Mii 'owe kaakii'onci‑ishinisha'amawinakook a'a Timahti: ninkiiwii'aahkokihkentaan kiishpin keyaapi e'otepwehtamowiniwekwen. “Maakishaa okiihkakwewanaa'ikowaan ini Setanan,” kikii'inenimininim. Kiishpin aanawencikeyekipan, mii anihshaa cikii'anohkiiyaankipan.

2 ᑌᓴᓬᐆᓂᔭᓇᒃ 2:3

Keko kikawanimikohsiiwaa awiya aaniin iko keihkitokwen. Kaawiin i'i taishihsehsinoon kiishikan, paanima ehta misiwehkamik kiiaanci'itisonaaniwank e'wepinaawaatc ini kaaTipencikenitc, kaye ahpii piayaatc a'a wawiinke kaatipenimikotc macihcikewin – mii 'awe piciinak nihshiwanaatisiwinink keishiwepinintc.

2 Timahti 4:8

Aasha weti nimpii'ikon nintipa'amaakoowin kwayahk hsa ko ekiihtipihsahtwaayaan, keoncimiishitc a'awe kaaTipenciketc weti ahpii keokiishikanomitc. Mii 'awe Okihcitipaahkoniwe misiwe kaaishikwayahkohciketc. Kaawiin niinehta ninkaoncimiinikoohsii, ikiweniwak hsa kaye maawac kaapii'aawaatc cinaakosinitc ehsaaki'aawaatc, tamiinaawak.

ᐄᐸᕒᐆᐗᒃ 11:35

Otepweyentamowiniwaank itahsh kaye ihkwewak kaakii'onci kiiwe waapamaawaatc otinawemaakaniwaa' kaakii'niponihpan ekiihkiiwepimaatisi'imintc. Aaninta tahsh kaye kiihkakwaatakihcikaniwiwak ekii'antawentansikwaa cipakitinintwaa, aaniihsh okii'antawentaanaawaa cikiiwepimaatisi'intwaa ciayaawaatc nawac kaawii'onishihshininik pimaatisiwin.

ᑭᑫᑕᒨᔑᐌᐎᓐ 20:5

Ikihsh wiin kotak kaanipowaatc, kaa mahshi kiihkiiwepimaatisihsiiwak, paanimaa ko kii‑ishkwaahsek mitaahswaahk tahso ahki. Okoweniwak itahsh aasha kaakiiwepimaatisiwaatc, mii 'owe nihtam cikiiwepimaatisinaaniwank.