ᐱᓬᐃᐱᔭᓇᒃ 3:10 - Ojibwe Kihcimasina'ikan

¹⁰ O'owe hsa ehta ninantawentaan, wiin Christ cikihkenimak kaye cipikihkentamawak 'iwe mashkawisiiwin i'imaa wenciimakahk okiiwepimaatisiwinink. Kaye niwii'wiici'iwe okotakihtoowinink Christ, niwii'naapaatisiimaa kaainaatisitc onipowinink,

ᐅᒋᐺ ᑭᒋᒪᓯᓇᐃᑲᓐ

¹⁰ ᐅᐅᐌ ᓴ ᐁᑕ ᓂᓇᑕᐌᑖᓐ, ᐐᓐ X ᒋᑭᑫᓂᒪᒃ ᑲᔦ ᒋᐱᑭᑫᑕᒪᐗᒃ ᐃᐌ ᒪᔥᑲᐎᓰᐎᓐ ᐃᐃᒫ ᐌᒌᒪᑲᒃ ᐅᑮᐌᐱᒫᑎᓯᐎᓂᕽ᙮ ᑲᔦ ᓂᐐᐐᒋᐃᐌ ᐅᑯᑕᑭᑑᐎᓂᕽ X, ᓂᐐᓈᐹᑎᓰᒫ ᑳᐃᓈᑎᓯᒡ ᐅᓂᐳᐎᓂᕽ,

ᐱᓬᐃᐱᔭᓇᒃ 3:10 Iomraidhean Croise

Maahtiyo 20:23

Ciisahs tahsh okii'-inaa': “Tepwe hsa kikaonci minihkwem i'imaa niminihkwaakanink. Kaawiin tahsh niin nintoonenimaahsiik awenenak ke⁠apiwaatc ninkihcinihkink inahke, ninamantinihkink inahke kaye. Aasha ohsha ninTete okii'-onenimaa' awenena' ke⁠apinitc.”

Cwaan 10:18

Kaawiin awiya okakashkihtoohsiin ciotaahpinamawitc nimpimaatisiwin. Niin aaniihsh e'inentamaan iko nimpakitinaan. Nintayaan itahsh kashki'ewisiwin cipakitinamaan, shikwahsh nintayaan kashki'ewisiwin miinawaa cikiiwepimaatisiyaan. Mii 'owe kaakii'ishikanooshitc a'a ninTete citootamaan,” kii'ihkito.

Cwaan 17:3

Mii aaniihsh 'owe pimaatisiwin wiihkaa keishkwaahsehsinok, ehkihkenimikooyan kiin piko tepwe kaaKishemanitoowiyan, kaye ehkihkenimintc Ciisahs Christ, kiin kaakiihpiicinisha'watc.

ᐅᕒᐆᒪᓇᒃ 8:17

Miihsh i'i tepwe aasha e'oniicaanihsiminank, kikamiinikoomin citipinawewisiwank ini kekoonan Kishemanitoo waa'ishishawenimaatc opimaatisiima', kaye kikatakomiinikoomin kaye wiin Christ waa'ishimiinikotc Kishemanitoon. Kiishpin aaniihsh onciwiiciiwank Christ okakwaataki'ikoowinink, kikatashiwiiciiwaanaan kaye okihci‑inentaakosiwinink kaawii'miinintc.

ᐅᕒᐆᒪᓇᒃ 8:29

Iniweniwa' aaniihsh niiyaak kaakii'onenimaatc Kishemanitoo, niiyaak iko okii'inahsaa' e'inenimaatc inkotink ci‑ishinaakosinitc oKosihsan kaaishinaakosinitc, wiin maawac ciniikaanentaakosinitc i'imaa keshipaahtiinonitc kaawii'owiicihkiweyintinitc.

ᐅᕒᐆᒪᓇᒃ 8:36

Inashke ishipii'ikaate Kehtemasina'ikanink: “Entahsokiishik ninaniisaaninaakosimin kiin ewii'oncinihsikooyaank; mii 'iwe entootaakooyaank taapishkoo maanahcaanihshak kaawii'nihsintwaa,” ihkitoomakan.

2 ᑲᕒᐃᑎᔭᓇᒃ 1:10

Aahpici tahsh ninkiihpehshwaapantaamin i'i nipowin. Kishemanitoo tahsh ninkiihshaapwii'ikonaan. Kaye ninkashaapwii'ikonaan. Wiin tahsh nintahpenimonotawaanaan miinawaa cinishaapwii'iyamintc.

2 ᑲᕒᐃᑎᔭᓇᒃ 1:5

Taapishkoo hsa kaashi wiici kakwaatakihtoomankitc a'a Christ okakwaatakihtoowinink, mii hsa peshikwan i'imaa Christink Kishemanitoo ninkawiici'ikonaan.

2 ᑲᕒᐃᑎᔭᓇᒃ 13:4

Kehcinaac hsa taapishkoo e'maciiwakiitc kii'ishinaakosi ahpii Christ kiiakosaka'ontc i'imaa aashiteyaahtikonk. Noonkom tahsh Kishemanitoon omashkawisiiwininiink ishipimaatisi. Keniinawint hsa e'wiiciiwankitc Christ mii hsa peshikwan eshinaakosiyaank e'maciiwakiiyaank. I'imaa tahsh wiin Kishemanitoo omashkawisiiwinink ninkaishiwiicipimaatisiimaanaan Christ, ahpii wiiciiwikooyek.

ᑲᓬᐁᔑᔭᓇᒃ 2:20

Christ hsa ninkii'wiicinipoomaa ahpii ekii'nihsintc i'imaa aashiteyaahtikonk. Kaawiin tahsh niin wa'a kaapimaatisiyaan, wiin ohsha Christ kaapimaatisitc nimpimaatisiwinink. Ehtepwehtawimak Kishemanitoo oKosihsan, kaaoncipimaatisiyaan o'o noonkom pimaatisiwin kaapimaatisiyaan. Aaniihsh Christ ninkiihsaaki'ik, okiihpakitinaan kaye opimaatisiwin niin onci.

ᑲᓬᐁᔑᔭᓇᒃ 6:17

Miitahsh o'o ehkitoyaan ishkwaac, taka keko awiya awahshime ninkamikoshkaaci'ikohsii, aaniihsh naakwanoon ini ninkakwaataki'ikoowinan i'imaa niwiiyawink. Miitahsh i'imaa eshikihkinawaasinaakwahk e'anohkiihtawak Ciisahs.

ᐃᐲᔑᔭᓇᒃ 4:13

paanimaa kahkina kiipeshikwentaakwahk kitepwehtamowininaan, kaaishikihkenimank kaye Kishemanitoo oKosihsan, miitahsh i'i payesh cinikiishaapewiwank, ciocihcishkaawank omooshkinewentaakosiwinink Christ mayaa kekiinawint ci‑ishinaakosiyank.

ᐱᓬᐃᐱᔭᓇᒃ 3:8

Kaawiin iniweniwan ehta nintishinansiinan, kahkina kekoon aanatootamaan nintishinaan misiwe ekii'wanihcikeyaan, nawac iko ewii'ayaayaan kekoon maawac kaaonishihshink, mii 'iwe cikihkenimak Christ Ciisahs kaaTipenimitc. Wiin ewii'ayaawak ninkii'onciwepinaan kahkina. Cimihciwepinikaatek ehta nintinakintaan kahkina, nawac ewii'ontinak a'a Christ.

ᑲᓬᐋᔑᔭᓇᒃ 1:24

Noonkom itahsh wiinke niminwentam i'i kaaishikakwaatakihtooyaan kiinawaa onci. O'o aaniihsh kaaishikakwaatakihtooyaan niwiiyawink, keniin niwiicihtwaa cikiishihcikaatek i'i kakwaatakihtoowin keyaapi kaawiihkakwaatakihtoonaaniwank, inahke Christ kaakii'ishi⁠kakwaatakihtootc. Miitahsh kaaonci‑ishihcikeyaan cionciwiici'intwaa iki kahkina otepwehtamook, mii aaniihsh i'i Christ owiiyaw.

ᑲᓬᐋᔑᔭᓇᒃ 2:13

Kiinawaa tahsh aapitink kikiinipowakinsom, aaniihsh macitootamowin kikiihkikishkaakom, kikiihtinowim kaye kaakihkinawaatashakeshwaahsiwintwaa ekii'ayaahsiwek Kishemanitoo otOonahshowewin. Noonkom itahsh Kishemanitoo kikiihtakopimaatisi'ikowaa kaaishipimaatisinitc Christan, ekiihpoonentamawinank kahkina kimacitootamowininaanin.

ᑲᓬᐋᔑᔭᓇᒃ 3:1

Aasha tahsh kikiihkiiwepimaatisii'ikoom kiikiiwepimaatisi'intc Christ. Mii hsa piko 'i mooshak iko ishiantone'amohk ishpimink kaa‑ayaakin, aaniihsh mii 'i weti Christ eyaatc, e'ishiokimaawapitc okihcinihkiniink inahke Kishemanitoon.

1 Piitar 1:3

Taka tamikwehciwentaakosiwan kaaoKishemanitoomitc kaaoTetetc kaye kaaTipeniminank Ciisahs Christ. Kishemanitoo iitok kikii'miinikonaan oshkipimaatisiwin keonciayaawank i'i ahpenimowin kaakehcinaa'owentaakwaninik i'imaa kaa'onciinik kaakii'ishikiiwepimaatisi'aatc Ciisahs Christan nipowinink onci.

2 Piitar 1:13

Miitahsh enentamaan minihk iko kepimaatisiyaan o'omaa niwiiyawink kwayahk ci‑ishihcikeyaampaan, ciompweminakookipan, cimaamihkootamawininakook onoweniwan.

1 Cwaan 2:3

Ehkanawentamowank itahsh Kishemanitoo otinaahkonikewinan, mii 'omaa wencikehcinaa'oyank ehkihkenimank.

1 Cwaan 2:5

A'awe tahsh wiin kaakanawentank otihkitowinini, Kishemanitoon hsa kekii'ishisaaki'aahpan kiihkiishihcikaateni opimaatisiwinink. Miitahsh i'i ishihcikeyank, mii 'omaa keoncikehcinaa'oyank e'wiiciayaamank Kishemanitoo.

ᑭᑫᑕᒨᔑᐌᐎᓐ 1:18

Niin a'a KaaPimaatisitc. Ninkii'nip, miinawaahsh nimpimaatis, kaye nehpic pishihshik ninkapimaatis. Niin ninteinentaakos citipentamaan nipowin kaye iki i'imaa kaanipowaatc kaaishiayaawaatc.