ᐱᓬᐃᐱᔭᓇᒃ 3:1 - Ojibwe Kihcimasina'ikan

¹ 'Owe tahsh ishkwaac kitishiwiintamawininim, niiciotepwehtamook: onciciihkentamok 'iwe eshiwiiciiwek kaaTipenciketc. Kaawiin inkotano nintinentansiin miinawaa peshikwan ciwiintamaan i'iwe otaanaank kaakii'ishipii'amawinakook, nawac i'imaa ci‑ishikanawentaakosiyek.

ᐅᒋᐺ ᑭᒋᒪᓯᓇᐃᑲᓐ

¹ ᐅᐌ ᑕᔥ ᐃᔥᒀᒡ ᑭᑎᔑᐐᑕᒪᐎᓂᓂᒻ, ᓃᒋᐅᑌᐺᑕᒨᒃ: ᐅᒋᒌᑫᑕᒧᒃ ᐃᐌ ᐁᔑᐐᒌᐌᒃ ᑳᑎᐯᒋᑫᒡ᙮ ᑳᐐᓐ ᐃᑯᑕᓄ ᓂᑎᓀᑕᓰᓐ ᒦᓇᐙ ᐯᔑᑾᓐ ᒋᐐᑕᒫᓐ ᐃᐃᐌ ᐅᑖᓈᕽ ᑳᑮᐃᔑᐲᐊᒪᐎᓇᑰᒃ, ᓇᐗᒡ ᐃᐃᒫ ᒋᐃᔑᑲᓇᐌᑖᑯᓯᔦᒃ᙮

ᐱᓬᐃᐱᔭᓇᒃ 3:1 Iomraidhean Croise

Niiyamaaya 8:10

Miitahsh Niiyamaaya kaa'inaatc pemaatisinitc, “Maacaak ani kiiwek, awi wiihkwantik. Awi miicik kaa⁠onishihshik miicim, awi minihkwek kaye kaa⁠shiiwaakamink. Takwa'oonihkook hsa iki mahshi kaa⁠kiishiihsikwaa. Noonkom aaniihsh kaa⁠kiishikahk mii 'i eshi kiishikahk ekihtentaakohcikaatek kaaTipenciketc onci. Keko tahsh maanentankek; i'iwe hsa ciihkentamowin kaa⁠miininek kaaTipenciketc, mii hsa iwe ke⁠mashkawisiishkaakowek.”

Nikamonan 32:11

Kiinawaa hsa kweyahkwaatisiyek minwentamok, ciihkentamok kaye aaniihsh kaaTipenciketc kaa⁠wiitoohkawinek; nikamok kahkina kweyahkwaatisiyek kite'iwaank.

Nikamonan 33:1

Ciihkentamok hsa ci⁠nikamoohtawek kaaTipenciketc, kiinawaa kaa⁠kwayahkwaatisiyek; mii iitok nehtaa ishihcikewaatc kweyahkwaatisiwaatc.

Nikamonan 37:4

Nanaantone'an ci⁠onci mocihkentaman i'imaa kaaTipenciketc eshi'ayaatc, kika miinik itahsh eshi mihsawentamowatc kite'ink.

Nikamonan 42:4

Wiinke tahsh nimaanentam ninte'ink otaanaank e⁠ishi maamihkawiyaan, ekii nihtaa wiiciiwakwaapan kaakiih paahtiinowaahpan pemaatisiwaatc, e⁠ishaawaahpan owaahkaa'ikaniniink Kishemanitoon. Eh⁠pimohsewaatc ekiih ciihkentamowaahpan, ekii nikamowaatc, ekiih shaahshaakowewaatc kaye e⁠miikwehciwenimaawaatc Kishemanitoon.

Aaiseya 41:16

Miihsh ci⁠kiisii'aahsincikeyek, ci⁠maacii wepaahsinkin ohkonayaanan misiwe ci‑ishi wepaahsinkin kii⁠kihcinootink. Kiinawaa tahsh wiin kika minwentaam e⁠wiiciiwinek kaaTipenciketc, kika miikwehciwenimimaawaan kaye kaa⁠kihtentaakosinitc Isriyalak oKishemanitoomiwaan.”

Aaiseya 61:10

Ceroosalam ta⁠onci minwentamoomakan aaniin kaa⁠ishihcikenitc kaaTipencikenitc. Mii hsa 'i eshihkonayeyaan taapishkoo inini kaa⁠ishi'otc kiiwii kihci wiitiketc kaye ihkwe kaashi waaweshi'otc kiiwii kihci wiitiketc. Kishemanitoo nintishi konaye'ik ci⁠kikishkamaan pimaaci'ikoowisiwin, shaakoocihtwaawin kaye.

Aaiseya 65:14

Nintanohkii'aakanak ote'iwaank ta⁠onci nikamowak ke⁠ahpiihci minwentamowaatc, kiinawaa tahsh wiin kika mawim ke⁠ahpiihci piikwentamek, kika piikote'em kaye.

Coowel 2:23

“Pemaatisiyek, Saayanink eyaayek taka minwentamok. Onci ciihkentamok e⁠wiiciiwek kaaTipenciketc, wiin iitok kaa⁠ishihcikehtamawinek na'i piko minihk ci⁠kimiwaninik eh⁠takwaakininik. Wiin kaa⁠ishihciketc wenci kimiwaninik eh⁠takwaakininik, ci⁠kimiwaninik kaye kiih⁠siikwaninik kaapi nihtaa ishiwepahk otaanaank.

Sehpanaaya 3:14

Nikamok, shaakowek kaye e⁠minwentamek, pemaatisiyek Isriyalak! Ciihkentamok misiwe piko kite'iwaank, Ceroosalamink eyaayek!

Sehpanaaya 3:17

KaaTipenciketc kaa⁠oKishemanitoomiyek ohsha kiwiiciiwikowaa, aahpici kaye mashkawisii ci⁠pimaaci'inek. Aahpici kaye ta⁠kihci minwentam ci⁠minwaapaminek; osaaki'iwewinink kika onci miinikowaa oshki pimaatisiwin. Ta⁠nanikamo hsa ke⁠ahpiihci ciihkeniminek,

Sehkaraaya 10:7

Iki hsa pemaatisiwaatc Isriyal wenciiwaatc tashi soonkisiwak taapishkoo shimaakanihshink, ci‑ishi ciihkentamowaatc kaye taapishkoo awiya kaa⁠minihkwetc shoominaapo. Miitahsh ke⁠maamihkawinitc keni opiiwesiimiwaatc o'o kaakii ishi shaakoocihtwaawaatc, miihsh keshi ciihkentaminitc aaniin kaaTipencikenitc kaa⁠ishihcikenitc.”

Maahtiyo 5:12

Kihciminwentamohk, ciihkentamohk! Aaniihsh kihcitipa'amaakoowin kika nawentamaakoom kihcikiishikonk. Amii 'owe mayaa kewiinawaa kaakii'ishi kakwaataki'intwaa iki Kishemanitoon kaakiih kanootamawaawaatc kaakiih pimaatisiwaatc cipwaa ayaayek.”

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 1:47

Nintahcaahkonk nintooncitepinawe'ik Kishemanitoo nintOopimaaci'iwem!

ᐅᕒᐆᒪᓇᒃ 5:11

Keyaapi tahsh kekoon awahshime anitakoayaamakan kaamiinikooyank. Kitoonci minwentami'ikonaan a'a Kishemanitoo i'i kaakii'ishihcike'iminank kaaTipenimiminank Ciisahs Christan. Miiwan ini Ciisahsoon aasha kaakii'oncitepinamowank Kishemanitoo osaakiwiiciwaakana' citinowiyank.

2 ᑲᕒᐃᑎᔭᓇᒃ 13:11

Pooshoo tahsh kitinininim niicitepwehtamook! Wiinke hsa kwayahk kakwekwayahkwaatisik! Pisintamok kaaihkitoyaan. Weweni kaye pisintaatik aaniin ehkitoyek. Weweni kaye wiiciintik. Kishemanitoo hsa kaasaaki'iwetc, kaamiikiwetc kaye pisaanisiwin kikawiiciiwikowaa!

ᐃᐲᔑᔭᓇᒃ 6:10

Miitahsh o'o ishkwaac waa'ininakook, kaaTipenciketc okihcimashkawisiiwinink, mii 'imaa ontinamok kimashkawisiiwiniwaa.

ᐱᓬᐃᐱᔭᓇᒃ 3:3

Kiinawint ohsha kitaawimin kaamiinikoowisiyank kwayahk kihkinawaatashakeshokoowinink kaainentaakwahk. Aaniihsh kiinawint kitishianami'ehtawaanaan Kishemanitoo e'ishikashkihtoo'iminank otAhcaahkwan. Shikwa kitooncimoocikentaamin 'iwe e'wiiciiwinank Christ Ciisahs. Kaawiin kanake kitahpenimonotansiimin kekoon wakicinaw ehta ehtoocikaatek.

ᐱᓬᐃᐱᔭᓇᒃ 4:4

Mooshak ciihkentamok e'wiiciiwek kaaTipenciketc. Miinawaa nintihkit: ciihkentamok!

ᐱᓬᐃᐱᔭᓇᒃ 4:8

Miinawaa ishkwaac, niwiiciotepwehtamoomak, naanaakatawentamohk ono kaatinowiwankin, wekonen iko kaatepwewakentaakwahk, shikwa kaakihtentaakwahk, wekonen iko kaakwayahkwahk, kaye kaapehkentaakwahk, kaye kaaminonaakwahk, kaye kaaminwaatotek. Wekonen hsa ko minoishiwepisiwin kaainentaakwahk kaye kaaminohcikewakentaakwahk, mii 'iwe ishinaakatawentamohk.

1 ᑌᓴᓬᐆᓂᔭᓇᒃ 4:1

Shikwa o'o pahkaan kekoon kiwii'wiintamaakoom, kaawiiciotepwehtamoomikooyek. Kikii'ishikihkino'amaakoom aaniin keishikwayahkoshkaayek, aaniin keishi kakwe nana'entami'ek Kishemanitoo. Aasha o'owe kitishihcikem. O'o tahsh noonkom kipakohsenimikoom, kitoonci⁠ayaankwaamimikoom owiinsowinink kaaTipenciketc Ciisahs, keyaapi cinikihcionishihshink kitishihcikewiniwaa.

1 ᑌᓴᓬᐆᓂᔭᓇᒃ 5:16

Mooshak taapitawi⁠ciihkentamok.

Ciimis 1:2

Niici otepwehtamook, tepinawewakentamok kiinakishkamek kaapepahkaanatihkin kahkina koci'ikoowisiiwinan.

1 Piitar 3:8

O'owe tahsh kitinininim ishkwaac, kahkina hsa kaatahshiyek peshikwan ishinaanaakatawentamok, cikoohpaatenintiyek. Ishisaaki'itik kaye kaaishisaaki'itiwaatc kaaowiicihkiwentiwaatc, minotootaatik kaye, tapahsenimok kaye.

1 Piitar 4:13

Meshkwac ohsha kitaaciihkentaam e'inentakwahk e'wiitoohkaasoyek inahke Christ kaakii'ishi kakwaatakihtootc, ci'oncimooshkineshkaakoyek minwentamowin ahpii naakohcikaatenik okihci‑inentaakosiwin.

2 Piitar 3:1

Kaasaaki'inakook, mii hsa 'i 'owe aasha niishink (2) e'oshipii'amawinakook. Mii hsa tahsh kaakii'onci oshipii'amawinakook niishwaa cimaamihkawaaminakook ciamacihtooyaan kinaanaakatawentamowiniwaan kwayahk ci‑inentamek.

1 Saamiyoo 2:1

Hena tahsh kii⁠anami'aa ekii ihkitotc: “KaaTipenciketc hsa nimooshkine tepinawe'ik ninte'ink, nintoonci minwentamowaan hsa 'i aaniin kaakiih pi'ishihciketc! Nimpaahpi'aak hsa iki kaa⁠shiinkenimiwaatc, aahpici hsa niminwentam aaniihsh Kishemanitoo niwiici'ik.”