ᐱᓬᐃᐱᔭᓇᒃ 2:9 - Ojibwe Kihcimasina'ikan

⁹ Mii hsa tahsh okii'oncikihtentaako'ikoon ini Kishemanitoon, maawac ishpimink ciniikaanakinsotc. Kaye okii'miinikoon maawac ehkihtakintenik minowiinsowin kaatahsinkin wiinsowinan.

ᐅᒋᐺ ᑭᒋᒪᓯᓇᐃᑲᓐ

⁹ ᒦᓴ ᑕᔥ ᐅᑮᐅᒋᑭᑌᑖᑯᐃᑰᓐ ᐃᓂ ᑭᔐᒪᓂᑑᓐ, ᒫᐗᒡ ᐃᔥᐱᒥᕽ ᒋᓃᑳᓇᑭᓱᒡ᙮ ᑲᔦ ᐅᑮᒦᓂᑰᓐ ᒫᐗᒡ ᐁᑭᑕᑭᑌᓂᒃ ᒥᓄᐐᓱᐎᓐ ᑳᑕᓯᑭᓐ ᐐᓱᐎᓇᓐ᙮

ᐱᓬᐃᐱᔭᓇᒃ 2:9 Iomraidhean Croise

Cenisihs 3:15

Kika ishi'ininim ci⁠shiinkenintiyek a'a ihkwe, kiniicaanihsiwaak kaye ta⁠shiinkenintiwak. Wiin tahsh a'a ihkwe ke⁠oniicaanihsitc kika shikohtikwaaneshkaakowaan, kiin tahsh kika wiihsakishkawimaan otoontaniniink.”

Nikamonan 110:1

KaaTipenciketc okii'inaan kaaTipenimimitc, “I'imaa ishi namatapin ninkihcinihkink inahke, paanimaa hsa kika ishi'in ci⁠shaakooci'atwaa kaa⁠nishkenimihkwaa.”

Nikamonan 110:5

KaaTipenciketc ohsha kiwiiciiwik kikihcinihkiink inahke, ahpii hsa kiishikaninik nishkaatisitc wiinke hsa oka piihsipinaa' kihciokimaa'.

Nikamonan 91:14

Kishemanitoo tahsh o'o ihkito, “Aaniihsh eh⁠saaki'itc mii 'i ke⁠onci shaapwii'ak, ninka naatamawaa kaye e⁠kihkentank niwiinsowinini.

Aaiseya 52:13

Mii 'owe ehkitotc kaaTipenciketc, “Inashke, waapamihk nintanohkii'aakan ewii minohsetc, aahpici hsa tani ishpakimaa ci⁠ani ishpentaakositc, wiinke kaye tani kihci inentaakosi.

Aaiseya 53:12

Miitahsh i'i kaawii onci ishi'ak kewiin peshikwan ci‑inentaakositc eshi'ayaanitc kaa⁠kihci inentaakosinitc, kewiin hsa ta⁠onci miinaa tipa'amaatiwinan nenaawa'ohkaanitinitc eshi'ayaanitc kaa⁠soonkentaakosinitc. Wiin iitok kaakiih pakitinank opimaatisiwin ci⁠nihsintc, ekii inakintisotc kewiin e⁠wiiciiwaatc omacitootamoo'. Wiin ohsha piko okiih pimiwitamawaa' kaakii ishi macitootaminitc kaa⁠paahtiinonitc pemaatisinitc, wiin kaye kaakiih kiikitohtamawaatc omaci'ishihcike'.

Aaiseya 9:7

I'i hsa kaawi ishi tipenciketc mooshak iko tani nankihseni, pisaanisiwin kaye mooshak ta‑ayaani keshi tipenciketc. Tepitoon (David) hsa otookimaawapiwininiink tashi'api ci⁠naapishkawaatc kaakii ishi tipencikenitc. Oka ishihsitoon hsa otipencikewin kwayahk cishi anohkiimakaninik, weweni kaye ci‑inaahkoniwemakaninik, ahpii maacihsenik wiihkaa ci⁠poonihsehsininik. KaaTipenciketc kaaMaawaci mashkawisiitc ishi mashkawentam o'o ewii ishihciketc.

Taaniyoo 7:14

Miitahsh kaakii miinintc kashki'ewisiwin, kihci inentaakosiwin, kihciokimaawi mashkawisiiwin kaye, kahkina tahsh pemaatisinitc, kaa⁠pepahkaanwewaanakisinitc kaye, aaniin hsa ko kaa⁠tahso ishikiishwenitc pemaatisinitc okii anami'ehtaakoo'. I'iweni tahsh kaashi tipenciketc ta⁠nehpici ayaani, kaawiin kaye wiihkaa ta⁠poonihsehsinini. Kaashi kihciokimaawitc hsa kaawiin wiihkaa ta⁠nihshiwanaacihcikaatehsinini.

Maahtiyo 11:27

Miitahsh kaa'ani ihkitotc: “NinTete tahsh kahkina kekoonini nikii'-miinik. Kaawiin awiya okihkenimaahsiin ini oKosihsimaan, mii ehta a'a Kaa⁠oyoohsimintc. Kaawiin kaye awiya okihkenimaahsiin ini Kaa⁠oyoohsimimintc, mii ehta a'a oKosihsimaa. I'i tahsh ehta kaye kaa⁠inentank oKosihsimaa ci⁠kihkentamoonaatc.

Maahtiyo 28:18

Ciisahs itahsh pehsho okiih pinaasihkawaa' ekii'-inaatc: “Kahkina hsa kashki'ewisiwin ninkii'-miinikoowis kahkina kekoon ci⁠tipentamaan kihcikiishikonk, ahkiink kaye.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 10:22

Miitahsh kaa'ani ihkitotc: “NinTete tahsh kahkina kekoonini ninkii'-miinik. Kaawiin awiya okihkenimaahsiin ini oKosihsimaan, mii ehta a'a Kaaoyoohsimintc. Kaawiin kaye awiya okihkenimaahsiin ini Kaaoyoohsimimintc, mii ehta a'a oKosihsimaa. I'i tahsh ehta kaye kaainentank oKosihsimaa cikihkentamoonaatc.”

Cwaan 13:3

Ciisahs itahsh okiihkihkenimaan ini Weyoohsimimintc misiwe ekii'miinikotc cikashki'ewisitc. Kaye okiihkihkentaan weti ekiihpionciitc Kishemanitoonk, miinawaahsh ewiihkiiwenaasihkawaatc Kishemanitoon.

Cwaan 17:11

Niin tahsh kaawiin keyaapi ninka‑ayaahsii o'omaa ahkiink. Wiinawaa tahsh ahkiink ayaawak, niin itahsh ninkapiishaa eshiayaayan. Kiin Weyoohsimikooyan Maawac Eshpentaakosiyan! I'imaa eshikashki'ewisiimakahk kiwiinsowin, i'iwe kaakii'miishiyan, mii 'imaa ishikanawenim okoweniwak, kewiinawaa cimihcipeshiko wiiciintiwaatc, taapishkoo kekiinawint kaaishiwiiciintiyank.

Cwaan 17:12

Mekwaa ekii'wiiciiwakwaa ninkii'oncikanawenimaak imaa eshikashki'ewisiimakahk kiwiinsowin, mii 'owe kiwiinsowin kaakii'miishiyan, ninkii'ishikanawenimaak. Kaawiin awiya wani'aahsii cinihshiwanaatisitc, mii 'awe ehta kaakii'inentaakositc cinihshiwanaatisitc. Mii 'iwe keishitipihsek 'iwe kihcioshipii'ikewin.

Cwaan 17:5

NinTete! Noonkom miishihshin citashi kihci inentaakosiyaan 'imaa kiin eshiayaayan. I'iwe kihci inentaakosiwin peshikwan ishimiishihshin kaakii'ayaayaan weti kaakii'wiiciyayaaminaan cipwaa pimaaciahkiiwank, taka miinawaa mii 'iwe kiiwemiishihshin!

ᐃᔑᒋᑫᐎᓇᓐ 5:31

Miiwan itahsh ini Kishemanitoo kaakii'ishi pakitinaatc okihcinihkinink inahke ekii'-inakimaatc Oniikaaniihtamaake, kaye tahsh Opimaaci'iwe cimiinikoowisinitc Isriyala' cikwehkaatisinitc cipoonentamawimintc eshi macitootaminitc.

ᐃᐲᔑᔭᓇᒃ 1:10

Amiitahsh o'owe kaakii'inentank, ewii'maawantoonank kahkina kekoonan kaakii'oshihtootc kihcikiishikonk ahkiink kaye kaa‑ayaanikin, Christan ciniikaanishkaminitc. Kishemanitoo wiin iko okakiishihtoon otinentamowin ahpii na'ihsenik tipa'ikan.

ᑲᓬᐋᔑᔭᓇᒃ 1:18

Wiin itahsh oniikaanishkawaa' otepwehtamoo' kaamaamayenonitc, mii hsa i'iweni owiiyaw. Wiin kaye kaaonci⁠pimaatisiimakaninik i'i owiiyaw. Wiin itahsh kaye maawac iko nihtam kaakii'oKosihsimaawitc, kiihkiiwepimatisi aasha ekiinipotc, wiin iko ciniikaanikimaawitc citipentank kahkina kekoon kaatahsininik.

2 ᑌᓴᓬᐆᓂᔭᓇᒃ 1:12

Miitahsh ono kekoonan ishihcikaatekin kiinawaa taoncikihtencikaateni owiinsowin a'a kaaTipeniminank Ciisahs, shikwa kaye kiinawaa kikatakomiinikowaa okihtentaakosiwin. Onohsh kahkina taonciimakanoon oshawencikewinink a'a kiKishemanitoominaan kaye kaaTipenciketc Ciisahs Christ.

ᐄᐸᕒᐆᐗᒃ 1:4

A'a hsa oKosihsimaa kiihpitinowi nawac ci‑ishpentaakositc ahpiihc wiin i'i encala', amiitahsh kaye peshikwan awahshime e'ishi‑ishpentaakwaninik owiinsowin Kishemanitoon kaakii'miinikotc, ahpiihc wiin i'i encala' kaaishiwiinsonitc.

ᐄᐸᕒᐆᐗᒃ 1:9

Aaniihsh kisaakihtoon i'i kaakwayahkonaakwahk, kishiinkentaan kaye i'i kaamaanaatahk. Miitahsh o'oweni Kishemanitoo kaaoKishemanitoomiyan, kaakii'oncionakimihk cikihciokimaawentaakosiwatc; Kaakii'oncimiinihk kaye ciminwentaman i'imaa kikihtentaakosiwinink; kaawiin itahsh wiin okii'ishimiinaahsii' i'i kiwiiciiwaakana'.”

ᐄᐸᕒᐆᐗᒃ 12:2

Taka mooshak kanawaapamaataa Ciisahs kaakii'maacihtootc, kaakiihkiishihtootc kaye kitepweyentamowininaanin. Kaawiin itahsh kiihpakiciihsii aanawiin ekiihkihkentank cinihsintc aashiteyaahtikonk, aanciko tahsh kaawiin okiihpapaapisiskentansiin kaakiiwii'ishiakaci'intc, aaniihsh okiihkihkentaan i'i minwentamowin kaakiihpii'ikotc. Inashke tahsh noonkom Kishemanitoon owiitapimaan, okihcinihkiniink inahke e'ishiapitc.

ᐄᐸᕒᐆᐗᒃ 2:9

A'a tahsh wiin kiwaapamaanaan Ciisahs kaakii'ishi'intc acina citapahsentaakositc ahpiihc wiin i'i encala', miitahsh Kishemanitoon okishewaatisiwininiink ekii'oncinipoohtamawaatc kahkina awiyan pemaatisinitc. Inashke tahsh noonkom kiwaapamaanaan ehkikaanohkwaanaatank kihci‑inentaakosiwin, kihtentaakosiwin kaye, aaniihsh wiin piko kiihkakwaatakihtoo ahpii kiiwii'nipoohtamaaketc.

1 Piitar 3:22

Wiin iitok Christ kaakii'ishaatc kihcikiishikonk ekii'awi apitc okihcinihkiniink inahke Kishemanitoon, ekii'miinintc citipenimaatc encala', i'i kaye kaa‑ahcaahkwentaakosinitc kaakashki'ewisinitc, i'i kaye kaamashkawentaakosinitc.

2 Piitar 1:17

Ahpii hsa Kishemanitoon Kaaoyoohsimimintc kiimiinikotc kihtentaakosiwin, kihci‑inentaakosiwin kaye, ahpii kaye kiioncikanoonaa 'imaa kaakii'ishiayaanitc kaaMaawaciko Kihci inentaakosinitc o'o ekii'inintc: “Mii hsa wa'a Niin iko ninKosihs kaasaaki'ak, wiin hsa piko kaaminwaapamak,” kii'inaa.

3 Cwaan 1:7

Mii'iitok kaakii'oncimaacaawaatc ehpapaa‑anohkiihtawaawaatc Christan. Kaawiin hsa kekoonini okii'otaahpinamawaahsiwaawaa' kaa‑anama'ewaatisihsinik kekii'ishiwiici'ikowaahpan.

ᑭᑫᑕᒨᔑᐌᐎᓐ 1:5

Ciisahs Christ kaye kaaKwayahkwentaakositc Otipaacimo, a'awe nihtam kaa'nihtaawikitc Kishemanitoonaank, kaakiihkiiwepimaatisitc, kaatipenimaatc kihciokimaa' ahkiink kaa‑ayaanitc. Kisaaki'ikonaan hsa, omiskwiimink kaye kikii'onciaapa'okonaan cipoonitipenimikoyank kimacitootamowininaanin kaakiihpitootamank.

ᑭᑫᑕᒨᔑᐌᐎᓐ 11:15

Miinawaa kotak encal okii'noontaakohtoon opootaacikan, mii niishwaahso encalak ekiihpootaacikewaatc. Miihsh ehkihci‑inihtaakwahkin inwewinan kihcikiishikonk, o'owe e'ihkitowaatc e'maamawihtaakosiwaatc: “Kii'miinaa i'i ahki ciokimaahkantank a'a kaaTipeniminank kaye ini kaakii'onaapamaatc cipimaaci'iwenitc. Wiin iko ahpan iko mooshak pishihshik tatipencike.”

ᑭᑫᑕᒨᔑᐌᐎᓐ 19:16

'Awe tahsh kaatehsapitc okikishkikanink kaye opwaamink kii'oshipii'ikaateni 'owe wiinsowin: “Okihciokimaamiwaan kihciokimaak kaye kaaTipenimaatc otipencike'.”

ᑭᑫᑕᒨᔑᐌᐎᓐ 3:21

A'awe keshaakoocihtwaatc ninkashimiinaa ciwiitapimitc ninkihciapiwinink taapishkoo niinihtam kaakii'ishishaakoocihtwaayaan kaye noonkom e'wiitapimak ninTete okihciapiwinink.

ᑭᑫᑕᒨᔑᐌᐎᓐ 5:12

Kiihkihci‑inwewak encalak e'ihkitowaatc: “Wiinke misiwe tepakentaakosi a'a Maanahcaanihshenhs kaakii'nihsintc: Tamiinaa wenootisiwin, kakiihtaawentaakosiwin, mashkawentaakosiwin kaye. Takihci‑inenimaa, ta‑ahpiihcionishihshiwencikaniwi, kaye tananaahkomaa.”