ᐱᓬᐃᐱᔭᓇᒃ 2:8 - Ojibwe Kihcimasina'ikan

⁸ Kiihtapahsentaako'itiso, kiihkapenanaa'ihtam, piinihsh iko cinipotc, ekiihtashinetc aashiteyaahtikonk.

ᐅᒋᐺ ᑭᒋᒪᓯᓇᐃᑲᓐ

⁸ ᑮᑕᐸᓭᑖᑯᐃᑎᓱ, ᑮᑲᐯᓇᓈᐃᑕᒻ, ᐲᓂᔥ ᐃᑯ ᒋᓂᐳᒡ, ᐁᑮᑕᔑᓀᒡ ᐋᔑᑌᔮᑎᑯᕽ᙮

ᐱᓬᐃᐱᔭᓇᒃ 2:8 Iomraidhean Croise

Nikamonan 22:16

Ininiwak hsa e⁠ohkwiinowaatc niwaahkaashkaakook taapishkoo animook kaawii miikaasowaatc; miitahsh eshi pakone'amowaatc nininciin, nisitan kaye.

Maahtiyo 17:2

Mekwaa tahsh eh⁠kanawaapamikotc, pahkaan kii'ani ishinaakosi taapishkoo kiisihs kaa‑ahpiihci waahsenaakositc, miihshi'i kaa'‑ahpiihci waahsenaakositc a'a Ciisahs. Okikishkikanan kaye wiinke kii'⁠waapishkiwaahsenaakwaniniwan.

Maahtiyo 26:39

Naake tahsh wiin waahsa kii'‑ishaa ekii'-animihkohtaatc, ekii'ishi anami'aatc: “NinTete! Kiishpin hsa ishinaakwahkipan, taka otaahpinamawihshin o'o minihkwaakan kaawii'ishi kakwaatakihtooyaan. Kaawiin hsa niin eshi mihsawentamaan, kiin hsa eshi antawentaman ta⁠ishihcikaaniwan,” kii'‑ihkito.

Maahtiyo 26:42

Miinawaa tahsh Ciisahs kii'ani maacaa ekii'anta anami'aatc. “NinTete! Kiishpin ishinaakwahk ci⁠otaahpinikaatehsinok o'o minihkwaakan kaawii'ishi kakwaatakihtooyaan, ishinaakwahk itahsh ci⁠minihkwaatamaan, kitinentamowin hsa ta⁠toocikaate,” kii'‑ihkito.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 9:29

Mekwaa tahsh e'⁠anami'aatc pahkaan kii'ani ishinaakosi owiikwaank, okikishkikanan wiinke kii'waapishkiwaahsenaakwaniniwan.

Cwaan 10:18

Kaawiin awiya okakashkihtoohsiin ciotaahpinamawitc nimpimaatisiwin. Niin aaniihsh e'inentamaan iko nimpakitinaan. Nintayaan itahsh kashki'ewisiwin cipakitinamaan, shikwahsh nintayaan kashki'ewisiwin miinawaa cikiiwepimaatisiyaan. Mii 'owe kaakii'ishikanooshitc a'a ninTete citootamaan,” kii'ihkito.

Cwaan 14:31

Ishinaakwan itahsh ahkiink cikihkentaakwahk ehsaaki'ak a'a Weyoohsimintc. Mii 'iwe wencitootamaan kahkina kekoon kaashikihkino'amawitc a'a Weyoohsimintc. “Hawiyohk, mii 'i ishisaaka'antaa, ishimaacaataa!” kii'ihkito.

Cwaan 15:10

Kiishpin kanawentamek ini kaaihkitoyaan citootamek, ahpan iko kika/⁠ayaam ninsaaki'iwewinink. Mii kaye niin kaaishikanawentamowak kaaishitc a'a ninTete kaye e'ayaawak osaaki'iwewinink.

Cwaan 4:34

Ciisahs o'owe kii'ihkito: “Amii 'owe niin nimiicimim, ci‑ishihcikeyaan otinentamowin a'a kaahpi‑ishinisha'otc kaye anohkiiwin cikiishihtooyaan kaakii'miishitc.

ᐃᔑᒋᑫᐎᓇᓐ 8:33

Kii'akacitootawaakaniwi tahsh, kaawiin kii'ayaahsinini inaahkonikewin kekii'onci naatamawintipan, kaawiin awiyan tatipaacimohsiiwan citashimaanitc opiiwesiima', aaniihsh aasha kii'ishkwaahseni opimaatisiwin o'omaa ahkiink.” Mii 'i kaa'ishipii'ikaatenik kaakii'-anamihtoonitc.

ᐅᕒᐆᒪᓇᒃ 5:19

Shikwa 'awe peshik inini ekii'na'ihtansik i'i kaakii'ikotc Kishemanitoon, niipiwa' awiyak okii'oncikashki'ikonaawaa cimaci‑ishiwepisiwaatc. A'awe tahsh miinawaa peshik inini Ciisahs Christ kii'na'ihtam, miitahsh peshikwan niipiwa' awiyak taonci‑inahsaawak ciminowiiciiwaawaatc Kishemanitoon.

2 ᑲᕒᐃᑎᔭᓇᒃ 8:9

Kikihkenimaawaa aaniin kaa‑ahpiihci kishewaatisitc Tepenciketc Ciisahs Christ, aanawiin ekii'wenootisitc, miitahsh kaa'ishi'itisotc cikitimaakisitc kiinawaa onci, i'imaa hsa okitimaakisiwinink kiinawaa cionci wenootisiyek.

ᑲᓬᐁᔑᔭᓇᒃ 3:13

Christ kikiihtipa'okonaan cipakitinikoowank Onahshowewin kaakii'ishi⁠nipoomikooyankipan, aaniihsh kiihtinowi'aa wiin kaananipoomintc kiinawint onci. Aaniihsh Kihcimasina'ikan ishipii'ikaate: “Awiya hsa ko mihtikonk kaa‑akoonintc mii hsa 'awe kaananipoomintc.”

Taitahs 2:14

Wiin aaniihsh kiihpakitinitiso kiinawint onci, ekiihtipa'onank i'imaa kahkina macitootamowinink cioncitipentaakosihsiwank, kaye ekiihpehki'aatc pemaatisinitc wiin iko ewiihtipenimaatc, i'i mehsawentaminitc ewii'minohcikenitc.

ᐄᐸᕒᐆᐗᒃ 12:2

Taka mooshak kanawaapamaataa Ciisahs kaakii'maacihtootc, kaakiihkiishihtootc kaye kitepweyentamowininaanin. Kaawiin itahsh kiihpakiciihsii aanawiin ekiihkihkentank cinihsintc aashiteyaahtikonk, aanciko tahsh kaawiin okiihpapaapisiskentansiin kaakiiwii'ishiakaci'intc, aaniihsh okiihkihkentaan i'i minwentamowin kaakiihpii'ikotc. Inashke tahsh noonkom Kishemanitoon owiitapimaan, okihcinihkiniink inahke e'ishiapitc.

ᐄᐸᕒᐆᐗᒃ 12:4

Kiinawaa aaniihsh kaawiin mahshi wiihkaa kitooncipehshwaapantansiim cinihsikooyek i'i kaamiikaatamek macitootamowin.

1 Piitar 2:24

Wiin hsa piko kikiihpimiwitamaakonaan kimacitootamowininaanin i'imaa owiiyawink ahpii kiinihsintc aashiteyaahtikonk, kiinawint cionci‑inentaakosiwank ekii'nipowank, cipapaamentansiwank awahshime macitootamowin, meshkwac itahsh ci‑ishipimaatisiwank cikwayahkwaatisiyank. I'i hsa tahsh kaakii'ishi maahkihcikaniwitc kitoonci minoayaa'ikoomin.

1 Piitar 3:18

Mii hsa Christ kewiin kaa'ishiwepisitc: Christ hsa aapitink kii'oncinipo, cipoonencikaatenikin macitootamowinan, mii 'i kiihtetipa'ank; wiin kaakwayahkwaatisitc ekii'nipoohtamawaatc i'i kaakwayahkwatisihsinik, ewii'ishipiininek Kishemanitoon kaashiayaanitc. Wiiyawimaank hsa inahke kii'ishinihcikaniwi, ahcaahkonk itahsh wiin inahke kiihpimaatisi'aa.