ᐱᓬᐃᐱᔭᓇᒃ 2:7 - Ojibwe Kihcimasina'ikan

⁷ Wiin itahsh iko meshkwac kii'inenintiso kahkina cipakitinank, kaye okii'otaahpinaan anohkii'aakanink ci‑ishipimaatisitc. Ininiink itahsh iko kii'ishinihtaawiki kaye ininiink kii'ishinaako'aakaniwi.

ᐅᒋᐺ ᑭᒋᒪᓯᓇᐃᑲᓐ

⁷ ᐐᓐ ᐃᑕᔥ ᐃᑯ ᒣᔥᑾᒡ ᑮᐃᓀᓂᑎᓱ ᑲᑭᓇ ᒋᐸᑭᑎᓇᕽ, ᑲᔦ ᐅᑮᐅᑖᐱᓈᓐ ᐊᓄᑮᐋᑲᓂᕽ ᒋᐃᔑᐱᒫᑎᓯᒡ᙮ ᐃᓂᓃᕽ ᐃᑕᔥ ᐃᑯ ᑮᐃᔑᓂᑖᐎᑭ ᑲᔦ ᐃᓂᓃᕽ ᑮᐃᔑᓈᑯᐋᑲᓂᐎ᙮

ᐱᓬᐃᐱᔭᓇᒃ 2:7 Iomraidhean Croise

Nikamonan 22:6

Niin itahsh wiin kaawiin ininiink nintinowihsii, otamwaapakwesiink hsa nintinow. Kahkina hsa awiyak nintaanawenimikook, nishiinkenimikook kaye.

Aaiseya 42:1

KaaTipenciketc hsa o'o ihkito, “Inashke, mii hsa wa'a nintanohkii'aakan kaa⁠mashkawisii'ak. Mii hsa awe kaakii onaapamak, mii kaye awe kaa⁠minwaapamak. Ninkii‑ishi'aa hsa nintahcaahkwan ci⁠mooshkineshkaakotc, wiin kaye ta⁠ishihcike weweni ci‑inaahkonikenaaniwaninik kaashi ayaanitc pemaatisinitc.

Aaiseya 49:3

Miitahsh o'o kaa'ishitc, “Isriyal (Israel), kiin ohsha nintanohkii'aakan; pemaatisiwaatc ohsha ninka onci kihci inenimikook kiin onci.”

Aaiseya 53:11

Ahpii tahsh kii‑ishkwaa kakwaatakihtootc opimaatisiwinink, miitahsh miinawaa ci⁠ayaatc minwentamowin, ci⁠kihkentank ishi anihshaa ekiih kakwaatakihtoohsik. I'i tahsh e⁠ishi kihkentank a'a nintanohkii'aakan kaa⁠kwayahkwaatisitc, niipiwa' hsa awiya' oka ayishi'aa' ci⁠minwakinsonitc, wiin aaniihsh kaawiih pimiwitamawaatc omacitootamowinini.

Taaniyoo 9:26

Ahpii hsa tahsh niishwaahcink (7) ninkotwaahsimitanashiniishin (62) tahsopipoon ishkwaahsek, mii hsa 'i ahpii Kishemanitoon kaa⁠onaapamikotc ci⁠niikaaniitc eshkwaahtiko ke⁠nihsintc. Ke⁠mashkawentaakositc hsa kihciokimaa oshimaakanihshiima' ta⁠piishaawa' cipi nihshiwanaacihtoonitc ootena, kihci anami'ewikamikoni kaye. Taapishkoo kaapi⁠nihkipiik hsa ta⁠inentaakwan ahpii kekoon ishkwaahsek. Miitahsh ci⁠miikaatinaaniwank, ishiwepahk kaye kekoon ci⁠nihshiwanaacihcikemakahk ci‑ishihsenik Kishemanitoo kaakii ishi kwayaantentank.

Sehkaraaya 3:8

Caahshowaa, taka tahsh pisintan, kaa⁠kihci anami'ewikimaawiyan, ikiweniwak kaye kaa⁠wiiciiwihkwaa kaa⁠namatapiwaatc enaahsamikaapawiyan. Kiinawaa iitok kitinwaanikoom ininiwak kaa⁠naapinaakohtooyek kekoon wa‑ani ishihsek. Niwii naako'aa hsa nintanohkii'aakan a'a Watihkwan kaa⁠ishinihkaanintc.

Sehkaraaya 9:9

Wiinke kihci ciihkentamok, Saayan (Zion) wenciiyek. Shaakowek ke⁠ahpiihci ciihkentamek Ceroosalamink wenciiyek. Inashke waapamihk kikihciokimaamiwaa kipi naasihkaakowaa! Miihsh wenci piishaatc ekii pahkinaaketc, ekiih shaakoocihtwaatc kaye. Aahpici noohkaatisi, eh⁠pimiwanaasotc i'imaa maanshimihtatimoonk, eh⁠pimiwanaasotc i'imaa maanshimihtatimoonhsink, maanshimihtatim otooshkaya'aanhsiman.

Maahtiyo 12:18

“Mii a'awe nintAnohkii'aakan, kaakii'-onenimak, mii 'awe kaa⁠saaki'ak kaa⁠minwentamo'itc. Ninka pakitinamawaa nintAhcaahkwan, oka wiintamawaa' nintinaahkonikewin kahkina entahswewaanakisinitc awiya'.

Maahtiyo 20:28

Mii niin eshihcikeyaan Inini oKosihsan kaa⁠tinowiyaan. Kaawiin wiin nin⁠kiih piishaahsii ci⁠pami'ikooyaan, ci⁠pami'iweyaan ihsa kaa'onci piishaayaan, ewiih pakitinamaan kaye nimpimaatisiwin ewiih tipa'wakwaa niipowa' pemaatisiwaatc ci⁠pimaaci'intwaa,” kii'‑ihkito.

Maarhk 9:12

Okii'-nahkwehtawaa' itahsh Ciisahs: “Tepwe kii'‑inahteni 'awe Ilaaica nihtam ci⁠takohshink ci⁠waawenahtootc kahkina kekoon. Aaniin tahsh enentamek i'iwe niin e'⁠ishipii'ikaasoyaan, Inini oKosihsan ciwiih kakwaataki'imintc ci⁠aanawenimimintc e'⁠ihkitoomakahk?

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 22:27

Awenen tahsh nawac kehci inentaakositc? A'a na kaanamatapitc kaawii wiihsinitc, komaa kaye a'a kaapamiihtaaketc? A'awe iitok kaanamatapitc. E'⁠wiiciiwinakook tahsh niin kipamiihtawininim.

Cwaan 1:14

Wa'a Ihkitowin kiihpi‑ininiiwi, shikwahsh kikiihpiwiiciyayaamikonaan e'mooshkinetc kishewaatisiwin, tepwewin. Okihtakinsowin kaye kikii'waapantamowaamin, mii 'iwe okihtakinsowin kaaoncimiinikotc ini Weyoohsimimintc, e'mihcipeshikotc kaaoKosihsimikotc ini oTeten.

ᐅᕒᐆᒪᓇᒃ 1:3

Mii 'imaa minwaacimowinink eshitashimimintc Kishemanitoo oKosihsan Ciisahs Christan kaaTipenimiminank. Miitahsh enaacimintc Christ owiiyaw Tepitink (David) ekii'ontahkaanesiimakaninik.

ᐅᕒᐆᒪᓇᒃ 15:3

Wiin Christ aaniihsh kaawiin kii'minwentamo'itisohsii, o'o iitok kii'ishihcike kehteoshipii'ikan kaaishipii'ikaatenik: “I'i hsa kaakii'ishimaci‑ikooyan niin ninkiihpakamishkaakonan.”

ᐅᕒᐆᒪᓇᒃ 15:8

Kiwiintamawininim Christ ekiihpitinowitc awiya kaaminotootawaatc Coowa', ewii'naakohtootc Kishemanitoon otepweyentaakosiwinini, cionci‑ishihsenik aaniin Kishemanitoo kaakii'ishiahshotamawaakopanen kikehteya'aaminaani'.

ᐅᕒᐆᒪᓇᒃ 8:3

Mii 'owe kaakiihpwaanawihcikemakaninik Moosihs (Moses) otInaahkonikewin, aaniihsh onsaam kii'niinaman kikehteinaatisiwininaan. Kishemanitoo tahsh wiin okiihkashkihtoon kaakii'ishiaanawewisiimakaninik Inaahkonikewin, ekiihpiicinisha'waatc ini tipinawe oKosihsan, kewiin ci‑inentaakosinitc kaaishiayaanitc i'i pemaatisinitc kaamaci‑ishiwepisinitc, o'owe ekiihtootaminitc ekii'nana'ihsitamawaanitc omacitootamowinini i'i pemaatisinitc.

2 ᑲᕒᐃᑎᔭᓇᒃ 13:4

Kehcinaac hsa taapishkoo e'maciiwakiitc kii'ishinaakosi ahpii Christ kiiakosaka'ontc i'imaa aashiteyaahtikonk. Noonkom tahsh Kishemanitoon omashkawisiiwininiink ishipimaatisi. Keniinawint hsa e'wiiciiwankitc Christ mii hsa peshikwan eshinaakosiyaank e'maciiwakiiyaank. I'imaa tahsh wiin Kishemanitoo omashkawisiiwinink ninkaishiwiicipimaatisiimaanaan Christ, ahpii wiiciiwikooyek.

2 ᑲᕒᐃᑎᔭᓇᒃ 8:9

Kikihkenimaawaa aaniin kaa‑ahpiihci kishewaatisitc Tepenciketc Ciisahs Christ, aanawiin ekii'wenootisitc, miitahsh kaa'ishi'itisotc cikitimaakisitc kiinawaa onci, i'imaa hsa okitimaakisiwinink kiinawaa cionci wenootisiyek.

ᑲᓬᐁᔑᔭᓇᒃ 4:4

Ahpii tahsh tipa'ikan ekii'ocihcihsenik, Kishemanitoo wiin iko oKosihsan okiihpiicinisha'waan. I'imaa tahsh ihkwenk kii'ishinihtaawiki. Miitahsh kaye ekii'ishipimaatisitc kaakii'ishikanawencikaatenik Moosihs (Moses) otOonahshowewinini.

ᐱᓬᐃᐱᔭᓇᒃ 2:6

Aanawiin Kishemanitoonk ekiihpi‑inaatisitc, kaawiin itahsh kii'inentansii cimashkawikanawentank 'iwe kaaishiKishemanitoowentaakositc.

ᐄᐸᕒᐆᐗᒃ 12:2

Taka mooshak kanawaapamaataa Ciisahs kaakii'maacihtootc, kaakiihkiishihtootc kaye kitepweyentamowininaanin. Kaawiin itahsh kiihpakiciihsii aanawiin ekiihkihkentank cinihsintc aashiteyaahtikonk, aanciko tahsh kaawiin okiihpapaapisiskentansiin kaakiiwii'ishiakaci'intc, aaniihsh okiihkihkentaan i'i minwentamowin kaakiihpii'ikotc. Inashke tahsh noonkom Kishemanitoon owiitapimaan, okihcinihkiniink inahke e'ishiapitc.

ᐄᐸᕒᐆᐗᒃ 13:3

Maamihkawinotawihkwak itahsh iki kaakipa'ontwaa, ci‑inentamek taapishkoo e'wiiciiwekwaa. Maamihkawinotawihkwak kaye iki kaamaashitootawintwaa, taapishkoo kiinawaa piko 'i eshikakwaatakihseyek.

ᐄᐸᕒᐆᐗᒃ 4:15

Wa'a tahsh Maawac kiKihcianami'ewikimaaminaan, kaawiin wiin kimihcikoohpaatenimikohsiinaan kaaishipimatisiyank. Kewiin ohsha misiwe kii'ishikakweci'aa taapishkoo kiinawint kaaishikakweci'ikooyank, kaawiin itahsh wiihkaa kiimacitootansii.