ᐱᓬᐃᐱᔭᓇᒃ 2:6 - Ojibwe Kihcimasina'ikan

⁶ Aanawiin Kishemanitoonk ekiihpi‑inaatisitc, kaawiin itahsh kii'inentansii cimashkawikanawentank 'iwe kaaishiKishemanitoowentaakositc.

ᐅᒋᐺ ᑭᒋᒪᓯᓇᐃᑲᓐ

⁶ ᐋᓇᐐᓐ ᑭᔐᒪᓂᑑᕽ ᐁᑮᐱ ᐃᓈᑎᓯᒡ, ᑳᐐᓐ ᐃᑕᔥ ᑮᐃᓀᑕᓰ ᒋᒪᔥᑲᐎᑲᓇᐌᑕᕽ ᐃᐌ ᑳᐃᔑᑭᔐᒪᓂᑑᐌᑖᑯᓯᒡ᙮

ᐱᓬᐃᐱᔭᓇᒃ 2:6 Iomraidhean Croise

Aaiseya 7:14

KaaTipenciketc hsa wiin iko kika waapanta'ik ke⁠kihkinawaasaapantamowatc: Kaa⁠pehkisitc hsa oshkiniikihkwe ta⁠kikishkawaawaahso, kwiiwisenhsan tahsh oka nihtaawiki'aan, Imaaniyo'el (Immanuel) oka ishinihkaanaan.

Aaiseya 8:8

Taapishkoo eni nihkipiik Coota (Judah) ahkiink ehpiihci paahtiinonitc oshimaakanihshiima' ohkwekanimaank kaani ahpiihtaayawaak. Kahkina kaye kekoon ta⁠nihkipii.” Kishemanitoo hsa e⁠wiiciiwinank ta⁠tehsininkwiini ci⁠naatamawaatank kitahkiiminaan.

Aaiseya 9:6

Kii⁠onci nihtaawiki apinoonciish kiinawint onci. Okosihsimaa kikii miinikoomin! Wiin hsa kika tipenimikonaan. Mii hsa 'i ke⁠ishinihkaasotc, “Kaamaamahkaatentaakositc Owiici'iwe, Kaamashkawentaakositc Kishemanitoo, Kaanepici'ayaatc Otetemaa, Kaatipentank Pisaanisiwin.”

Ceramaaya 23:6

Ahpii kihciokimaawitc pemaatisiwaatc Coota (Judah) ahkiink wenciiwaatc hsa ta⁠pimaaci'aawak, Isriyalak kaye weweni piko ta‑ayintaawak; miitahsh o'o ke⁠ishinihkaacikaniwitc, kaaTipenciketc kiKwayahkwaatisiiminaan.”

Maaihka 5:2

Miihsh kaaTipenciketc ehkitotc, “Pehtalihem (Bethlehem) Ehparahta (Ephrathah), kiin maawac peshik kitakaahsentaakos kaa⁠tahsinkin ootenawan i'imaa Coota (Judah) ahkiink. Miitahsh i'imaa ke⁠ontinak ke⁠tipenimaatc Isriyala' (Israel), waahsa otaanaank otoontahkaanesiwin kaapi kihkentaakwaninik.”

Sehkaraaya 13:7

Miitahsh ehkitotc kaaMaawaci mashkawisiitc kaaTipenciketc, “Pashipa'ikewihkomaan taka wanishkaan, otihtin okanawi maanahcaanihshiwe pehsho kaa⁠wiiciiwak. Pashipa'o ci⁠nihsatc, miitahsh maanahcaanihshak ci⁠misihtepa'iwewaatc. Niin hsa piko ninka miikaanaak nimpimaatisiimak ekaahshiinshiwaatc.

Maahtiyo 1:23

Kwayahk pehkioshkiniikihkwe oka ayaawaan apinoonciishan kaye oka nihtaawiki'aan ke⁠okosihsitc. Imaaniyo'el (Immanuel) tahsh ta⁠ishinihkaasowan. Mii'iwe kaa⁠icikaatek: “Kishemanitoo kiwiiciiwikonaan.”

Cwaan 1:18

Kaawiin awiya wiihkaa okii'onciwaapamaahsiin Kishemanitoon. A'a ehta piyeshikotc kaaoKosihsimaawitc, wiin ehKishemanitoowitc kaye kaasaaki'ikotc ini Weyoohsimimintc, wiin mayaa kwayahk okiihtipaacimaan Kishemanitoon.

Cwaan 10:30

Niin kaye ninTete mii eshipeshikwentaakosiyaank,” kii'ihkito.

Cwaan 10:33

Miihsh Coowak okii'inaawaan: “Kaawiin wiin minoanohkiiwinan kaawii'oncipimwahsina'ikooyan,” okii'inaawaan, “ehpaahpinotawatc ohsha Kishemanitoo wencitootaakooyan. Kiin aaniihsh e'mihci‑inininiiwiyan, ‘Niin Kishemanitoo’ kitihkit,” okii'inaawaan.

Cwaan 10:38

Kiishpin tahsh tepwe ehtootamowaanen, aanawiin niin ehtepwehtawihsiwek, eniwehk itahsh kitaatepwehtaam ini anohkiiwinan kaatootamaan, miihsh cikehcinaa'entamek tepwe ehkikishkawitc ninTete, kaye niin itahsh ehkikishkawak,” kii'ihkito.

Cwaan 14:28

Kikii'noontawim kaakii'ininakook: ‘Nimaacaa, miinawaa tahsh kikapikiiwenotawininim,’ kikii'inininim. Kiishpin saaki'iyekipan, kitaakii'minwentaam e'ishaayaan a'a Weyoohsimintc. Wiin aaniihsh a'a Weyoohsimintc awahshime kihci‑inentaakosi ahpiihc niin.

Cwaan 14:9

'Owe tahsh okii'inaan: “Pilap, aasha ohsha mewisha kipionciwiiciiwininim. Keyaapi nahsh kaawiin kikihkenimihsii aweneniwiyaan? Awenen ihsa 'awe kaawaapamitc, owaapamaan Weyoohsimimintc. Aaniihshwiin wenci‑ihkitoyan, ‘Waapanta'ihshinaam Weyoohsimintc’?

Cwaan 17:5

NinTete! Noonkom miishihshin citashi kihci inentaakosiyaan 'imaa kiin eshiayaayan. I'iwe kihci inentaakosiwin peshikwan ishimiishihshin kaakii'ayaayaan weti kaakii'wiiciyayaaminaan cipwaa pimaaciahkiiwank, taka miinawaa mii 'iwe kiiwemiishihshin!

Cwaan 20:28

Miitahsh okii'ikoon Twaamahsoon: “Kiin ninTipencikem! Kiin ninKishemanitoom!” kii'ihkitowan.

Cwaan 5:18

Miihsh o'owe onci ekii'ihkitonitc, oniikaanisiiwi Coowak awahshime okii'nanaantone'aanaawaa ewii'nihsaawaatc Ciisahsoon, kaawiin wiin ehta 'iwe ekiihpiikonaminitc Anwepiiwi kiishikani Onahshowewin, i'iwe ohsha kaye “Kishemanitoo ninTete” ekii'ihkitonitc; mii 'iwe “Kishemanitoo kaashiahpiihtentaakositc, kaye niin peshikwan nintahpiihtentaakos” ekii'ishikiishwenitc.

Cwaan 5:23

Mii peshikwan kahkina iki pemaatisiwaatc cikihci‑inenimaawaatc ini oKosihsimaan taapishkoo kaaishi kihci‑inenimaawaatc ini Oyoohsimaan. A'a tahsh kaakihci‑inenimaahsik oKosihsimaan kaawiin okihci‑inenimaahsiin kaye Oyoohsimaan kaakiihpi‑ishinisha'okonitc.

ᐅᕒᐆᒪᓇᒃ 9:5

Miiwak itahsh iki Isriyalak kaatashimintwaa, mii 'imaa kaakiihpionciiwaatc kaakii'niikaanentaakosinitc kikehteya'aaminaani'. I'imaa tahsh wiin Christ kii'ontahkaanesi Isriyalihkaank, ininiink iko kii'inentaakositc. Taka tahsh Kishemanitoo kahkina kekoonini kaatipentank mooshak iko tamiikwehciwenimaa. Emen.

2 ᑲᕒᐃᑎᔭᓇᒃ 4:4

Aaniihsh a'a maciaya'aa kaamanitoowitc o'omaa ahkiink okii'ishi'aa' ciwaapihsinik i'imaa otinentamowininiink, mii hsa tahsh kaaoncitepwehtansinik. Kaawiin tahsh kaye onantawenimaahsii' ciwaapantaminitc i'i kaaishiwaahseyaanik i'i minwaacimowinini, i'imaa kaaishitashintenik Christ okihci‑inentaakosiwin. Aaniihsh mayaa piko Kishemanitoonk ishinaakosi a'a Christ.

2 ᑲᕒᐃᑎᔭᓇᒃ 8:9

Kikihkenimaawaa aaniin kaa‑ahpiihci kishewaatisitc Tepenciketc Ciisahs Christ, aanawiin ekii'wenootisitc, miitahsh kaa'ishi'itisotc cikitimaakisitc kiinawaa onci, i'imaa hsa okitimaakisiwinink kiinawaa cionci wenootisiyek.

1 Timahti 1:17

Maano tahsh pishihshik ahpane takihci‑inenimaa, tananaahkomaa a'a Kihciokimaa pishihshik kaapimaatisitc, wiihkaa kenipohsik, wiyaapamaahsiwintc, mii ehta 'awe kaaKishemanitoowitc. Emen.

1 Timahti 3:16

Wawiinke hsa tepwemakan, aahpici kihci‑inentaakwan kitanami'aawininaan Kishemanitoo kaakiikihkentaakohtootc: Tepwe kii'naako'itiso e'ininiiwitc, Kii'oncikwayahkwakimaa e'wiiciiwikotc Kishemanitoo otAhcaahkwan, Okii'waapamikoo' encala', Kiihtipaacimaa kaatahswewaanakisinitc ekii'wiintamawimintc, Kiihtepweyenimaa ahkiink, Kii'ishiompishkaa kihcikiishikonk.

Taitahs 2:13

e'ahshawaapantamank itahsh i'i kaapiihtooyank kitahpenimowininaan keahpiihciminwentaakwahk, kaye ciwaapantamowank okihci‑inentaakowisin Christ Ciisahs kikihciKishemanitoominaan kaapimaaci'inank.

ᐄᐸᕒᐆᐗᒃ 1:3

Miitahsh a'a oKosihsimaa kaanaakohtootc Kishemanitoon kaaishiwaahseyaanik okihci‑inentaakosiwinini, mii kaye mayaa Kishemanitoon kaainentaakosinitc kaainaatisitc. Otihkitowin kaakashki'ewisiimakaninik hsa otoonciminciminaan kahkina kekoonini. Ahpii tahsh kaahkashkihtootc aaniin keshipehki'imintc ininiwa' omacitootamowininiink onci, miitahsh kaa'ishiapitc okihcinihkiniink inahke Kishemanitoon kaaishiapinitc, kaamaamawi mashkawisiinitc i'imaa maawac ishpimink.

ᐄᐸᕒᐆᐗᒃ 1:6

Miinawaa tahsh, ahpii Kishemanitoo kiihpiicinisha'waatc o'omaa ahkiink ini nihtam kaakii'oKosihsitc kii'ihkito: “Kahkina Kishemanitoo otencalima' oka‑anami'ehtawaani.”

ᐄᐸᕒᐆᐗᒃ 1:8

O'o tahsh wiin Kishemanitoo otinaan ini oKosihsan: “Kiin Kishemanitoo! Kitookimaawiwin kaawiin wiihkaa tapooniayaamakahsinoon. Aahpici kaye weweni kikakwayahkotootawaak iki kaatipenimatwaa kitookimaawiwinink.

ᐄᐸᕒᐆᐗᒃ 13:8

Ciisahs Christ hsa peshikwan ishiaawi, kaakiihtinowitc otaanaank, mii hsa peshikwan noonkom kaakiishikaninik, mii kaye peshikwan mooshak keishiaawitc.

ᑭᑫᑕᒨᔑᐌᐎᓐ 21:6

Miinawaa tahsh ninkii'ik: “Tipihse! Niin a'awe nihtam kaakii'ayaatc kaye ishkwaac keayaatc. Niin kaamaacihsek miinawaahsh kekiishihsek. Ninkamihcimiinaa kaanoontewii'minihkwetc cionciminihkwetc i'imaa e'moohkiciwanipiikowank ehpimaatisiishkaakemakahk i'i nipi.