ᐱᓬᐃᐱᔭᓇᒃ 2:5 - Ojibwe Kihcimasina'ikan

⁵ Christ Ciisahs kaakii'inaatisitc kitaakakweinaatisim kekiinawaa:

ᐅᒋᐺ ᑭᒋᒪᓯᓇᐃᑲᓐ

⁵ X ᒋᓴᔅ ᑳᑮᐃᓈᑎᓯᒡ ᑭᑖᑲᑴᐃᓈᑎᓯᒻ ᑫᑮᓇᐙ:

ᐱᓬᐃᐱᔭᓇᒃ 2:5 Iomraidhean Croise

Maahtiyo 11:29

Otaahpinamok, pihsihkamok nintahpihkanaahtik kihkinawaapamihshik, aaniihsh ninoohkaatis, nintapahsenim kaye. Kika mihkaanaawaa tahsh anwepiwin.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 22:27

Awenen tahsh nawac kehci inentaakositc? A'a na kaanamatapitc kaawii wiihsinitc, komaa kaye a'a kaapamiihtaaketc? A'awe iitok kaanamatapitc. E'⁠wiiciiwinakook tahsh niin kipamiihtawininim.

ᐃᔑᒋᑫᐎᓇᓐ 10:38

Kikihkentaam kaye aaniin enaacimintc Ciisahs Naasaritink (Nazareth) kaaonciitc, Kishemanitoon ekii'-onaapamikotc ekii miinikotc otAhcaahkoni, mashkawisiiwin kaye. Misiwe ekiihpapaa ishaatc eminotootaaketc, ekii minoayaa'aatc kaye kahkina kaakitima'ikonitc maciaya'aan, aaniihsh Kishemanitoon okii'-wiiciiwikoon.

ᐃᔑᒋᑫᐎᓇᓐ 20:35

Kahkina kekoon ninkii'-ishihcike ciwaapantamek o'o nahke cishikihci anohkiinaaniwankipan ciwiici'intwaapan meshkawaatisihsikwaa, cimaamihkawinotenik o'o kaakii'-ihkitotc kaaTipenciketc Ciisahs: “Nawac minwentaakwan kaamiikiwenaaniwank kekoon ahpiihc wiin kiitepinikaatek kekoon.”

ᐅᕒᐆᒪᓇᒃ 14:15

Kiishpin tahsh oncimaashihsetc kiitanami'aa kiwiihsiniwinink, kaawiin itahsh iinsan saaki'iwewinink kitoonci ishihcikehsii i'i kaaishihcikeyan. Keko i'imaa kitinancikewinink oncinihshiwanaaci'aahken kiitanami'aa. Christan iitok kewiin okii'nipohtamaakoon.

ᐅᕒᐆᒪᓇᒃ 15:3

Wiin Christ aaniihsh kaawiin kii'minwentamo'itisohsii, o'o iitok kii'ishihcike kehteoshipii'ikan kaaishipii'ikaatenik: “I'i hsa kaakii'ishimaci‑ikooyan niin ninkiihpakamishkaakonan.”

ᐅᕒᐆᒪᓇᒃ 15:5

Taka tahsh Kishemanitoo kaamiikiwetc shashiipentamowin, mashkawentamowin kaye, kikaishi'ikowaa peshikwan inahke ci‑ishinaanaakatawenintiyek, aaniihsh kipiminisha'amowaam Christ Ciisahsoon kaakii'ishipimaatisinitc.

1 ᑲᕒᐃᑎᔭᓇᒃ 10:33

Niin eshihcikeyaan, mii 'iwe tootamok. Kahkina awiya ninkakwe nana'entami'aa aaniiniko eshihcikeyaan, kaawiin ehta cikakwe⁠peshiko⁠minohsa'itisoyaan, ikihsh wiin kahkina ciminohsa'intwaa cipimaaci'intwaa.

ᐃᐲᔑᔭᓇᒃ 5:2

Saaki'itiwinink kaye ishipimohsek taapishkoo Christ kaakii'ishishaweniminek, ekiihpakitinank opimaatisiwin kiinawint onci, pisaan iko cinihsintc ekiihpakitinamawaatc Kishemanitoon, okii'minaahsamawaan, mii hsa i'iweni Kishemanitoo kaaminomaantank.

ᐱᓬᐃᐱᔭᓇᒃ 1:1

Niinawint Pwaal (Paul) kaye Timahti (Timothy) otanohkii'aakana' Christ Ciisahs. Kiinawaa kitooshipii'amaakoom i'imaa Pilipaai (Philippi) ootenaank kaa‑ayaayek, kiinawaa Kishemanitoo opimaatisiima' kaawiiciiwek Christ Ciisahs, tako kaye ikiweniwak oniikaanisiik kaye owiici'iwek nintooshipii'amawaanaanik.

1 Piitar 2:21

Mii hsa tahsh kaakii'onci‑ishiantomikooyek, aaniihsh Christ kiihkakwaatakihtoo kiinawaa onci, ekii'nakatamawinek kenaapaapantamowek cipiminisha'wek aaniin kaaishipimaatisitc.

1 Piitar 4:1

Christ itahsh kewiin ekiihkakwaatakihtootc owiiyawiink, miitahsh kekiinawaa eshinaakwahk ci‑ishikiishiiyekipan peshikwan i'i nahke ci‑ishinaanaakatawentamekipan. Aaniihsh awiya kaakakwatakihtootc owiiyawiink aasha okiihpoonihtoon macitootamowin.

1 Cwaan 2:6

A'awe tahsh kaaihkitotc ehtipiwiiciiwaatc Kishemanitoon, ishinakwanini ko ci‑ishipimohsehpan peshikwan kaashipimohsenitc Christan.