ᐱᓬᐃᐱᔭᓇᒃ 2:26 - Ojibwe Kihcimasina'ikan

²⁶ Aahpici onantawentaan ciwaapaminek. Kaye kii'mikoshkaatentam ehkihkentank ekii'noontamek e'aahkosihpan.

ᐅᒋᐺ ᑭᒋᒪᓯᓇᐃᑲᓐ

²⁶ ᐋᐱᒋ ᐅᓇᑕᐌᑖᓐ ᒋᐙᐸᒥᓀᒃ᙮ ᑲᔦ ᑮᒥᑯᔥᑳᑌᑕᒻ ᐁᑭᑫᑕᕽ ᐁᑮᓅᑕᒣᒃ ᐁᐋᑯᓯᐸᓐ᙮

ᐱᓬᐃᐱᔭᓇᒃ 2:26 Iomraidhean Croise

2 Saamiyoo 24:17

Ahpii tahsh Tepit e⁠waapamaatc ini encalan e⁠nihsaanitc pemaatisinitc, miitahsh kaakiih kanoonaatc kaaTipencikenitc o'o ekii'inaatc, “Niin iitok kaakii macitootamaan, niin iitok kaakii mamaashiiyaan. Oko tahsh pemaatisiwaatc maanahcaanihshink enentaakosiwaatc, aaniin wiinawaa kaa⁠ishi mamaashiiwaatc. Taka niin kekoon ninka pakamishkaakon, iki kaye nintetenk wenciiwaatc,” kii‑ihkito.

ᑲᑮᑖᐎᑮᔗᐎᓇᓐ 12:25

Oncaanimentamowinink ihsa awiya kaa⁠onci minwentansik ote'ink, minokiishwewinink ihsa ta⁠onci ciihkentam.

Aaiseya 61:3

ci⁠minwentamo'imak kaye kaa⁠maanentaminitc i'imaa Saayanink (Zion) eyaanitc. Kaawiin onantawenimaahsii' ci⁠maanentaminitc; ci⁠ciihkentaminitc, ci⁠moocihkentaminitc ohsha otishi antawenimaa'. Mihtikonk hsa inentaakosiwa' kaaTipenciketc wiin iko kaakii kihtikaanaatc. Kwayahk hsa tahsh ta⁠ishihcikewa', miihsh i'imaa Kishemanitoo ke⁠onci miikwehciwentaakositc aaniin kaakii ishihciketc.

Maahtiyo 11:28

“Pinaasihkawihshik kahkina kiinawaa kaa‑ayehkosiyek, ehpwaawaneyek kaye, kika miinininim itahsh anwepiwin.

Maahtiyo 26:37

Miitahsh o'o ehta kaa'⁠maaciinaatc, Piitaroon (Peter), inihsh kaye niishin (2) Sepatiin (Zebedee) okosihsini. Kakwaatakentamowin, wiihsakentamowin kaye okii'-otihsikon Ciisahs.

ᐃᔑᒋᑫᐎᓇᓐ 21:13

O'o tahsh kii'ishi nahkwehtam: “Wekonen wenci'-ishihcikeyek emawiyek, emaanentami'iyek kaye. Kaawiin wiin ehta nintishi kiishentansii cimamaancikwahpinikooyaan weti Ceroosalamink, pisaan hsako kaye ci'onci nihsikooyaan owiinsowinink kaaTipenciketc Ciisahs,” kii'ihkito.

ᐅᕒᐆᒪᓇᒃ 1:11

Aahpici ko kiwii'⁠noonte⁠waapamininim. Kiwii'ishi⁠wiici'ininim wekonen hsa ko shawenimikoowin Kishemanitoo otAhcaahkwan keshimiininek, miihsh i'i kiinawaa cioncisoonkikaapawiyek.

ᐅᕒᐆᒪᓇᒃ 12:15

Wiiciminwentamoomihkwak hsa iki kaye kaaminwentamowaatc, wiicimawimihkwak kaye iki kaamawiwaatc.

ᐅᕒᐆᒪᓇᒃ 9:2

Aahpici tahsh wiinke nintooncimaanentam, mooshak kaye wiihsakentamowin e'ayaak i'imaa ninte'ink.

1 ᑲᕒᐃᑎᔭᓇᒃ 12:26

Ahpii ko e'macihsek peshik pahkesiwin, mii peshikwan iko kahkina pahkesiwinan wiici inamanci'ontiimakanoon. Peshik itahsh kaye kihci‑inencikaatek pahkesiwin, mii peshikwan iko kahkina eshimaamawi ciihkentamoomakahkin.

2 ᑲᕒᐃᑎᔭᓇᒃ 9:14

Aahpici hsa weweni kika anami'ehtamaakowaak aaniihsh wiinke Kishemanitoo okishewaatisiwin anohkiimakanini kipimaatisiwiniwaank.

ᑲᓬᐁᔑᔭᓇᒃ 6:2

Waawiici'itik tahsh cipimiwitamaatiyek ini kaapimiwitooyek. O'o tahsh kii'ishihcikeyek mii hsa 'i e'na'ihtamowek Onahshowewin Christ kaakii'ishikihkino'iketc.

ᐃᐲᔑᔭᓇᒃ 3:13

Miitahsh eshipakohsenimininakook, cipiikote'ehsiwek o'o kiinawaa kaaoncikakwaatakihtooyaan, kiinawaa hsa kikaonciminohsem o'o kaashikakwaatakihtooyaan.

ᐱᓬᐃᐱᔭᓇᒃ 1:3

Tahsink iko e'mihkweniminakook nimiikwehciwi'aa Kishemanitoo.

ᐱᓬᐃᐱᔭᓇᒃ 1:8

Kishemanitoo nintaatipaacimik aahpici ko ewii'waapaminakook. I'imaa wiin Christ Ciisahs osaaki'iwewinink onciimakanini o'o kaaineniminakook.

ᐱᓬᐃᐱᔭᓇᒃ 2:25

Ninkiihteishinaan itahsh e'antawentaakwahk i'imaa ci‑ishinisha'wak a'awe kiiciotepwehtamoominaan Ipaahparataitahs (Epaphroditus) ciantawaapaminek. Mii aaniihsh a'awe kaakiihpiwiitanohkiimitc kaye niwiicimiikaasowininiim e'inenimak. Kaye kiinawaa kikiihpianoonaawaa ehpi‑ishiwitootc kiwiitoohkaakewiniwaa e'miishiyek.

ᐱᓬᐃᐱᔭᓇᒃ 2:27

Tepwe hsa ko kii'aahkosi, kekaa piko ekii'oncinipotc. Okiihkitimaakinaakoon itahsh Kishemanitoon. Kaawiin tahsh wiinehta, kaye niin itahsh ninkiihkitimaakinaakoo, ekaa ciayaakwiihtawaahsinokin nimpiikwentamowinan.

ᐱᓬᐃᐱᔭᓇᒃ 4:1

Niwiiciotepwehtamook! Kiinawaa kaasaaki'inakook, aahpici kinantawenimininim, aahpici kiminwentami'im, aahpici kiwaawishenimininim. Siyaaki'inakook, mii 'owe ishisoonkikaapawik i'iwe kaapi‑ininakook ciani‑ishiwiiciiwek kaaTipenciketc.

1 Piitar 1:6

Miitahsh o'o wiinke onciminwentamok, aanawiin noonkom acina e'oncimaanentamek i'i kaaishi⁠kakwaatakihtooyek, misiwe e'ishikoci'ikoowisiyek.