ᐱᓬᐃᐱᔭᓇᒃ 2:21 - Ojibwe Kihcimasina'ikan

²¹ Kahkina aaniihsh pehkaanisiwaatc wiinehtawaa kanawaapantamaasowak otishiwepisiwiniwaa. Kaawiin wiin opimentamawaahsiwaawaan Ciisahs Christan otaayintiwinini.

ᐅᒋᐺ ᑭᒋᒪᓯᓇᐃᑲᓐ

²¹ ᑲᑭᓇ ᐋᓃᔥ ᐯᑳᓂᓯᐙᒡ ᐐᓀᑕᐙ ᑲᓇᐙᐸᑕᒫᓱᐗᒃ ᐅᑎᔑᐌᐱᓯᐎᓂᐙ᙮ ᑳᐐᓐ ᐐᓐ ᐅᐱᒣᑕᒪᐙᓯᐙᐙᓐ ᒋᓴᔅ Xᑕᓐ ᐅᑖᔨᑎᐎᓂᓂ᙮

ᐱᓬᐃᐱᔭᓇᒃ 2:21 Iomraidhean Croise

Maalahkaai 1:10

Ampehsh inaa intawaa peshik kaa⁠tahshiyek kipa'ank kihci anami'ewikamiko ishkwaantem, anihshaa ci⁠pootawehsiwek kekoon e⁠inentaakwahsinok i'imaa kaashi pakitinaahsonk. Kaawiin hsa kiminwaapamihsinooninim. Kaawiin kaye niwii otaahpinansiinan kaa⁠pakitinaahsoohtamawiyek.

Maahtiyo 16:24

Ciisahs tahsh okii'-inaa' okihkino'amawaakana': “Kiishpin awiya wii'wiiciiwitc, mii ehta ko ci⁠aanawenintisotc, ci⁠pimiwinaatc otaashiteyaahtikoman, ci⁠piminisha'otc itahsh.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 14:26

“Kiishpin awiya kaapi naasihkawitc shiinkenimaahsik tahsh oteten, omaamaan kaye, wiiwan, oniicaanihsa' kaye, komaa kaye wiicihkiwensiwan, otawemaan kaye, kiishpin kaye shiinkentansik opimaatisiwin kaawiin a'a tatinowihsii ninkihkino'amawaakan.

ᐃᔑᒋᑫᐎᓇᓐ 13:13

Pwaal (Paul) tahsh i'i kaye kaakii'-wiiciiwikotc kii'onci maaciiyaahshiwak i'imaa Pehpahs (Paphos) ekii'ishi takohshinowaatc Perka (Perga) ootenaank Pempiliya (Pamphylia) ahkiink. Cwaan Maarhkan (John Mark) tahsh i'imaa okii'-nakanikowaan, Ceroosalamink (Jerusalem) ekii'ishi kiiwenitc.

ᐃᔑᒋᑫᐎᓇᓐ 15:38

Pwaal tahsh wiin kaawiin i'i kii'inentansii cikii'-wiiciiwikowaahpan aaniihsh okii'-noontenakanikowaakopan weti Paampiliya (Pamphylia) ahkiink kaawiin okii'-wiici'ikohsiiwaan enanohkiiwaatc.

1 ᑲᕒᐃᑎᔭᓇᒃ 10:24

Kaawiin aaniihsh kitaa‑antawentansiimin ehta cipeshikominohseyank, pahkaan itahsh awiyak kaye wiinawaa ciminohsewaatc.

1 ᑲᕒᐃᑎᔭᓇᒃ 10:33

Niin eshihcikeyaan, mii 'iwe tootamok. Kahkina awiya ninkakwe nana'entami'aa aaniiniko eshihcikeyaan, kaawiin ehta cikakwe⁠peshiko⁠minohsa'itisoyaan, ikihsh wiin kahkina ciminohsa'intwaa cipimaaci'intwaa.

1 ᑲᕒᐃᑎᔭᓇᒃ 13:5

Saaki'iwetc awiya tamanaa maashiwaapanta'iwe. Kaawiin niikaanenintisohsii, kaawiin wiipa nishkaatisihsii. Kaawiin opapaamentansiin kekoon e'ishihcike'intc.

2 ᑲᕒᐃᑎᔭᓇᒃ 1:5

Taapishkoo hsa kaashi wiici kakwaatakihtoomankitc a'a Christ okakwaatakihtoowinink, mii hsa peshikwan i'imaa Christink Kishemanitoo ninkawiici'ikonaan.

ᐱᓬᐃᐱᔭᓇᒃ 2:4

Kaawiin awiya wiin iko tipinawe ehta taakakweminohsa'itisohsii, kahkinahsh iko cikakwenaanaakatawenintiyek.

2 Timahti 1:15

Aasha kikihkentaan kahkina ekii'nakashiwaatc otepwehtamook Eshaawahkiink (Asia) kaa‑ayaawaatc, tako kaye ekii'ishihcikewaatc Picelahs (Phygelus), Harmaaciniis (Hermogenes) kaye.

2 Timahti 3:2

Aaniihsh iki pemaatisiwaatc wiinawaa piko tipinawe tasaaki'itisowak; okasaaki'aawaan kaye oshooniyaamiwaan. Taishpenintisowak, tamamiihkwaanitisowak, okapaahpinotawaawaan Kishemanitoon. Kaawiin kaye okapisintawaahsiiwaawaa' oniiki'ikowaa'. Kaawiin tanihtaa miikwehciwentansiiwak; oka‑aanawentaanaawaa kaye anami'aawin.

2 Timahti 4:10

Aaniihsh ninkii'nakanik a'a Tiimahs (Demas), o'o noonkom iko kaaishiahkiiwaninik ekii'nawacisaakihtootc. Ahpanehsh i'imaa kii'ishimaacaa Tehsalanaihkaank (Thessalonica). Karehsenhs (Crescens) itahsh kii'ishaa Kalehshiyaank (Galatia). Shikwa Taitahs (Titus) kaye kii'ishimaacaa Taalmehshaank (Dalmatia).

2 Timahti 4:16

Nihtam iko ekiihtipaahkonikooyaan niin iko ninkiihkanoocikehtamaatis, awiya ekiiwii'wiici'ihsik. Kahkina ninkii'nakanikook. Maano tahsh kaawiin oka‑akintamaakohsiiwaan Kishemanitoon.