ᐱᓬᐃᐱᔭᓇᒃ 2:20 - Ojibwe Kihcimasina'ikan

²⁰ Aaniihsh mii ehta 'awe Timahti kewiici‑inamanci'oomak. Mii ehta 'awe tepwe kaanaakatawentamawinek kiinawaa eshiwepisiyek.

ᐅᒋᐺ ᑭᒋᒪᓯᓇᐃᑲᓐ

²⁰ ᐋᓃᔥ ᒦ ᐁᑕ ᐊᐌ ᑎᒪᑎ ᑫᐐᒋ ᐃᓇᒪᒋᐆᒪᒃ᙮ ᒦ ᐁᑕ ᐊᐌ ᑌᐺ ᑳᓈᑲᑕᐌᑕᒪᐎᓀᒃ ᑮᓇᐙ ᐁᔑᐌᐱᓯᔦᒃ᙮

ᐱᓬᐃᐱᔭᓇᒃ 2:20 Iomraidhean Croise

ᑲᑮᑖᐎᑮᔗᐎᓇᓐ 31:29

“Paahtiinowak hsa sasekaa wiiwimaak, kiin tahsh maawac kipaashicishkawaak kahkina wiiwimaak.”

Cwaan 10:13

'Awe kaamihtanohkiitc, mii eshimaaciipa'iwetc. Kaawiin weweni onaakatawenimaahsii', aaniihsh mihcianohkii.

Cwaan 12:6

O'owe tahsh kaa'ihkitotc, kaawiin okii'naakatawenimaahsii' i'i ketimaakisinitc, aaniihsh kiihkimootishki, aaniihsh wiin okiihkanawentaan i'i oshooniyaawashiwaa. Wiin iko 'imaa kii'anioncikimooti ini shooniyaan.

ᐅᕒᐆᒪᓇᒃ 15:5

Taka tahsh Kishemanitoo kaamiikiwetc shashiipentamowin, mashkawentamowin kaye, kikaishi'ikowaa peshikwan inahke ci‑ishinaanaakatawenintiyek, aaniihsh kipiminisha'amowaam Christ Ciisahsoon kaakii'ishipimaatisinitc.

1 ᑲᕒᐃᑎᔭᓇᒃ 16:10

Kiishpin i'imaa pi‑ishitakohshink a'a Timahti (Timothy) kaashiayaayek, kakweminowiici'ihk ekaa cisekisihsik. Aaniihsh taapishkoo kaye niin eshianohkawak kaaTipenciketc, kaye wiin tahsh otanohkawaan a'a Timahti.

ᐱᓬᐃᐱᔭᓇᒃ 2:2

kiishpin onoweniwan tepwe eshiayaawekwen, mii 'owe kitishikanoonininim wiinke cikakwemoocikentami'iyek, mayaa peshikwan ci‑inentamek kaye peshikwan ciahpiihcisaaki'itiyek kaye wiinke cipeshikwewaanakentamek, wiinke ciwiici‑inentamoontiyek.

ᐱᓬᐃᐱᔭᓇᒃ 2:22

Kiinawaa tahsh kikihkenimaawaa otishihcikewin a'a Timahti, ekii'naakohtootc ominwakinsowin. Taapishkoo okosihsimaa e'wiici'aatc oteten, kaye wiin ninkii'wiitanohkiimik cimaaciishkaamakahk i'i minwaacimowin.

ᑲᓬᐋᔑᔭᓇᒃ 4:11

Caahshowaa (Joshua), Castahs (Justus) kaaishinihkaacikaniwitc kewiin kipooshoo'ikowaa. Oko tahsh nihsin kaawiinakwaa, mii hsa iki ehta nihsin okwehkaatisiik kaaCoowiwiwaatc kaawiitanohkiimakwaa o'o kaa‑anohkiihtamowak Kishemanitoo otOokimaawiwin. Aahpici kaye niipiwa' nintishiwiici'ikook cimashkawite'eyaan.

1 Timahti 1:2

Kitooshipii'amawin kiin Timahti (Timothy), tepwe piko tepweyentamowinink e'onciokosihsiminaan. Shawentaakosiwin, kitimaakinaakoowin, koshkwaawaatentamowin kikawii'onciihtamaak Kishemanitoo Kaaoyoohsimintc, Christ Ciisahs kaye ehTipeniminank.

1 Timahti 4:6

Miiwan ono kihkino'amaw kiwiiciotepwehtamoomak, miitahsh i'i kwayahk Christ Ciisahs otanohkii'aakanan citinowiyan, e'ahshantisoyan ini ihkitowinan kaaishitepwemakahkin, 'iwe kaye kwayahk kihkino'amaakewin kaapipiminisha'aman.

2 Timahti 1:5

Mooshak nimaamihkaw tepwe eshitepweyentaman, mayaa 'awe koohkom Loowihs (Lois) niikaan kaahtepweyentank, kewiin itahsh a'awe kimaamaa Iyoonihs (Eunice) kaaishitepweyentank, eshikehcinaa'eniminaan tahsh taapishkoo kekiin eshitepweyentaman.

2 Timahti 3:10

Kiin itahsh kipioncikihkenim e'aayiintiyaan, wekonen i'i kaaishikihkino'amaakeyaan, kaakakweishihtamaasoyaan kaye kikii'waapam, i'i kaye eshitepweyentamaan, eshishashiipentamaan, eshisaaki'iweyaan, eshimashkawentamaan,

1 Saamiyoo 18:1

Ahpii hsa Tepit (David) kaa⁠ishkwaa kakanoonaatc Swaalan (Saul), Cwaanahtanan (Jonathan) hsa wiinke okii saaki'ikoon ote'iniink, eshi saaki'itisonitc ekii ahpiihci saaki'ikotc.

1 Saamiyoo 18:3

Miitahsh Cwaanahtanan kaakii nehpici'ikotc Tepit ewii saaki'ikotc aaniihsh eshi saaki'itisonitc okii ishi saaki'ikoon.