ᐱᓬᐃᐱᔭᓇᒃ 2:2 - Ojibwe Kihcimasina'ikan

² kiishpin onoweniwan tepwe eshiayaawekwen, mii 'owe kitishikanoonininim wiinke cikakwemoocikentami'iyek, mayaa peshikwan ci‑inentamek kaye peshikwan ciahpiihcisaaki'itiyek kaye wiinke cipeshikwewaanakentamek, wiinke ciwiici‑inentamoontiyek.

ᐅᒋᐺ ᑭᒋᒪᓯᓇᐃᑲᓐ

² ᑮᔥᐱᓐ ᐅᓄᐌᓂᐗᓐ ᑌᐺ ᐁᔑᐊᔮᐌᑴᓐ, ᒦ ᐅᐌ ᑭᑎᔑᑲᓅᓂᓂᓂᒻ ᐐᑫ ᒋᑲᑴᒨᒋᑫᑕᒥᐃᔦᒃ, ᒪᔮ ᐯᔑᑾᓐ ᒋᐃᓀᑕᒣᒃ ᑲᔦ ᐯᔑᑾᓐ ᒋᐊᐲᒋᓵᑭᐃᑎᔦᒃ ᑲᔦ ᐐᑫ ᒋᐯᔑᑴᐙᓇᑫᑕᒣᒃ, ᐐᑫ ᒋᐐᒋ ᐃᓀᑕᒨᑎᔦᒃ᙮

ᐱᓬᐃᐱᔭᓇᒃ 2:2 Iomraidhean Croise

Nikamonan 122:8

Iki tahsh nintinawemaakanak, kaa⁠saaki'akwaa kaye mii 'owe kaa⁠onci'itamaan Ceroosalam, “Haw, pisaan ayayaan!”

Cwaan 3:29

A'a kaakihciwiikihtootc inini, mii wa'a waatikemaatc ini ihkwewan. Inihsh owiiciiwaakanan a'a kaaoshkihkwewetc owiicikaapawiihtaakoon ehpisintaminitc. Minwentamoon itahsh e'noontaakotc a'a weshkihkwewetc. Mii 'owe peshikwan keniin nimooshkine minwentam.

ᐃᔑᒋᑫᐎᓇᓐ 1:14

Kahkina hsa okoweniwak kiinakishkotaatiwak ekiimaamawi inentamowaatc ekii'-nihtaa'-anami'aawaatc, ekii'-wiiciiwaawaatc Meriin (Mary) Ciisahs omaamaan, ini kaye wiicihkiweyini.

ᐃᔑᒋᑫᐎᓇᓐ 2:1

Ahpii tahsh e'ocihcihsenik i'i Pentikwaast (Pentecost) Kiishikan kaakii'-icikaatenik, peshikwanonk kahkina kii'ishi maawaci'itiwak otepwehtamook.

ᐃᔑᒋᑫᐎᓇᓐ 2:46

Entahsokiishik itahsh kii'nihtaa maawaci'itiwak piincaya'ii kihcianami'ewikamikonk. Otaawiniwaank ekiihtashi pahkwepinaatc pahkweshikanan ekii'-maamawi wiihsiniwaatc, wiinke ekiih ciihkentamowaatc ote'iwaank.

ᐃᔑᒋᑫᐎᓇᓐ 5:12

Ishinisha'waakanak tahsh okiih tootaanaawaan niipiwa' maamahkaacihcikewinan, kihkinawaasaapanta'iwewinan eshi ayaanitc pemaatisinitc. Kahkina tahsh otepwehtamook kii'ishi maawaci'itiwak i'imaa Swaalaman (Solomon) otapinawihcikan eicikaatenik.

ᐅᕒᐆᒪᓇᒃ 12:16

Peshikwan kaye inenintik kahkina kaatahshiyek, keko wiin kihci‑inenintisohkek. Pisaan iko ishihcikek ini kaatapahsentaakwahkin anohkiiwinan. Keko kaye ninkakiihtaawentaamin inenintisohkek.

1 ᑲᕒᐃᑎᔭᓇᒃ 1:10

Niiciotepwehtamook! Kitishikanoonininim owiinsowinink kaaTipeniminank Ciisahs Christ. Kipakohsenimininim, peshikwan kahkina ci‑ihkitoyek, ekaa kekoon pahkewinitiwin ciayaamakahsinok i'imaa eshiayaayek, kwayahk hsa ko cinaapihsek kiwiici'itiwiniwaa, peshikwan ci‑inentamek, peshikwan kaye cikakweishihcikeyek.

2 ᑲᕒᐃᑎᔭᓇᒃ 13:11

Pooshoo tahsh kitinininim niicitepwehtamook! Wiinke hsa kwayahk kakwekwayahkwaatisik! Pisintamok kaaihkitoyaan. Weweni kaye pisintaatik aaniin ehkitoyek. Weweni kaye wiiciintik. Kishemanitoo hsa kaasaaki'iwetc, kaamiikiwetc kaye pisaanisiwin kikawiiciiwikowaa!

2 ᑲᕒᐃᑎᔭᓇᒃ 2:3

Miitahsh kaakii'onci oshipii'amawinakook, kaawiin ninkii'inentansii ahpii otihsinakook cimaanentami'iwaahpan iki pemaatisiwaatc kekiiminwentami'iwaahpan. Miitahsh eshikehcinaa'oyaan kiishpin kiiminwentamaan kekiinawaa e'minwentamek.

2 ᑲᕒᐃᑎᔭᓇᒃ 7:7

Kaawiin tahsh wiin ehta ekiihtakohshink kaakii'onciminwentamaank, i'i hsa kaye ekiihtipaaciminek aaniihsh kaa'ishiwiici'ek cimashkawentank. Ninkii'wiintamaakonaan kaye aahpici ekii'antawentamek ewii'waapamiyek, e'maanentamek kaye, e'ishinaakosiyek ihsa ewii'naatamawiyek, miitahsh awahshime kaakii'onciciihkentamaan.

ᐱᓬᐃᐱᔭᓇᒃ 1:4

Tahsink iko mooshak e'anami'aayaan ninciihkentam ehkanoocikehtamawinakook

ᐱᓬᐃᐱᔭᓇᒃ 2:16

kaye e'niiminamawekwaa i'i tipaacimowin keoncipimaatisiwaatc. Kiishpin tepwe o'owe ishihcikeyek kikaonciwaawishenimininim ahpii okiishikaamitc Christ. Taishikihkentaakwan 'i ahpii ekaa anihshaa ekiihpimanohkiihsiwaan kaye anihshaa ekii'oncicaakii'itisohsiwaan.

ᐱᓬᐃᐱᔭᓇᒃ 2:20

Aaniihsh mii ehta 'awe Timahti kewiici‑inamanci'oomak. Mii ehta 'awe tepwe kaanaakatawentamawinek kiinawaa eshiwepisiyek.

ᐱᓬᐃᐱᔭᓇᒃ 4:2

Shikwa kiin Yo'ootiya (Euodia), kaye kiin Sintihki (Syntyche), kikakaansomikoom: kakwepeshikwentamok, mii 'i ishiwiiciiwihk kaaTipenciketc.

ᑲᓬᐋᔑᔭᓇᒃ 2:5

Aanawiin e'wiiciiwihsinowinakook niwiiyawink weti kaaishiayaayek, shaakooc itahsh kiwiiciiwininim nintinentamowinink. Aahpici kaye niminwentam e'waapantamaan e'mashkawikaapawiyek ehtepwehtawek Christ.

2 ᑌᓴᓬᐆᓂᔭᓇᒃ 2:13

Kaawiiciotepwehtamoomikooyek, kiinawaa kaasaaki'inek Kishemanitoo! Kiinawaa nintooncimiikwehciwi'aa Kishemanitoo, aaniihsh maawac niikaan kikii'onenimikowaa cipimaaci'ikoowisiyek, ekii'ishianohkiinitc otAhcaahkwan Kishemanitoo, wiin iko citipeniminek, kayehsh ekiihtepwehtamek tepwewin.

2 Timahti 1:4

Nimaamihkaw ekii'oncikawaapiyan kiipahkewinitiyank. Kinoontewii'waapamin ihsa, miitahsh iko cikihci⁠ciihkentamaan.

ᐹᐃᓬᐄᒪᓐ 1:20

Taka tahsh kaasaaki'inaan niicihkiwensi, minotootawihshin kaaTipenciketc onci. Kitoowiicihkiwensiimin iitok i'imaa Christink. Wiici'ihshin ciciihkentamaan.

2 Cwaan 1:4

Aahpici tahsh ninkiikihciciihkentam ekii'noontamaan aaninta kiniicaanihsak e'ishipimohsewaatc tepwewinink taapishkoo Kaaoyoohsimintc kaakii'inaahkoninank.

3 Cwaan 1:4

Miitahsh i'i maawac kekoon kaaminwentamo'ikoyaan kiinoontamaan niniicaanihsak kii‑ishipimaatisiwaatc tepwewinink.