ᐱᓬᐃᐱᔭᓇᒃ 2:17 - Ojibwe Kihcimasina'ikan

¹⁷ Maakishaa ninkaishinip taapishkoo ehpakitinaahswaaniwiyaan, nimpimaatisiwin cisiikinikaatek wakic i'imaa kiinawaa eshipakitinikeyek, aaniihsh kitepwehtamowiniwaa kaamiinek Kishemanitoo e'anami'ehtawek. Kiishpin i'iwe ishihsek ninkaminwentam, kaye kiinawaa kahkina ciwiici'iweyek ninciihkentamowinink,

ᐅᒋᐺ ᑭᒋᒪᓯᓇᐃᑲᓐ

¹⁷ ᒫᑭᔖ ᓂᑲᐃᔑᓂᑉ ᑖᐱᔥᑰ ᐁᐸᑭᑎᓈᔂᓂᐎᔮᓐ, ᓂᐱᒫᑎᓯᐎᓐ ᒋᓰᑭᓂᑳᑌᒃ ᐗᑭᒡ ᐃᐃᒫ ᑮᓇᐙ ᐁᔑᐸᑭᑎᓂᑫᔦᒃ, ᐋᓃᔥ ᑭᑌᐺᑕᒧᐎᓂᐙ ᑳᒦᓀᒃ ᑭᔐᒪᓂᑑ ᐁᐊᓇᒥᐁᑕᐌᒃ᙮ ᑮᔥᐱᓐ ᐃᐃᐌ ᐃᔑᓭᒃ ᓂᑲᒥᓉᑕᒻ, ᑲᔦ ᑮᓇᐙ ᑲᑭᓇ ᒋᐐᒋᐃᐌᔦᒃ ᓂᒌᑫᑕᒧᐎᓂᕽ,

ᐱᓬᐃᐱᔭᓇᒃ 2:17 Iomraidhean Croise

ᐃᔑᒋᑫᐎᓇᓐ 20:24

Kaawiin tahsh niin kekoon nintinentansiin nimpimaatisiwin cikihci'-inentamaampaan; mii ehta waa'ishihcikeyaan cikiishihtaawak pimipahtoowin, anohkiiwin kaye kaakii'-miishitc kaaTipenciketc. Ninkii'-ishimiinik citipaatotamowak eshi minwaatotenik Kishemanitoo okishewaatisiwin.

ᐃᔑᒋᑫᐎᓇᓐ 21:13

O'o tahsh kii'ishi nahkwehtam: “Wekonen wenci'-ishihcikeyek emawiyek, emaanentami'iyek kaye. Kaawiin wiin ehta nintishi kiishentansii cimamaancikwahpinikooyaan weti Ceroosalamink, pisaan hsako kaye ci'onci nihsikooyaan owiinsowinink kaaTipenciketc Ciisahs,” kii'ihkito.

ᐅᕒᐆᒪᓇᒃ 12:1

Miitahsh niiciotepwehtamook, Kishemanitoo e'wenootaninik okoohpaasinaakewin, kikakaansomininim cipakitinitisoyek enaahsamiitc Kishemanitoo. I'i hsa kaapimaatahk pakitinikewin ci‑ishinaakosiyek, wiin ehta ko eshionahtamaasoyek ciaapaci'inek anohkiihtawek, miitahsh i'iweni kaaminwaapantank Kishemanitoo. Mii hsa tahsh i'i tepwe kwayahk anami'aawin kemiinekipan Kishemanitoo.

ᐅᕒᐆᒪᓇᒃ 15:16

cipamiihtawimak Christ Ciisahsoon ciwiici'imak i'i ekaa kaaCoowiwihsinik. Taapishkoo hsa anami'ewikimaa kaainanohkiitc mii hsa 'i enanohkiiyaan o'o kaatashintamowak Kishemanitoo ominwaacimowin, iki hsa kewiinawaa ekaa kaaCoowiwihsikwaa ci‑ishinaakosiwaatc pakitinaahsowinink, keminwaapantaminitc Kishemanitoon. Aaniihsh Kishemanitoon otAhcaahkoni opehki'ikowaan.

2 ᑲᕒᐃᑎᔭᓇᒃ 12:15

Aahpici hsa ninkaminwentaan kahkina kekoon cipakitinamaan, cipakitinitisoyaan kaye ciwiici'inakook. Aana tahsh wiinke kitaanasaaki'ininim kiinawaa tahsh pankii kisaaki'ihshim.

2 ᑲᕒᐃᑎᔭᓇᒃ 4:12

Mii hsa 'o kaa⁠icikaatek, nipowin niinawint ninooci'ikoomin i'imaa nimpimaatisiwininaanink, kiinawaa tahsh pimaatisiwin anohkiimakan kipimaatisiwiniwaank.

2 ᑲᕒᐃᑎᔭᓇᒃ 6:10

Aana kaye e'macentamaank shaakooc tahsh mooshak ninciihkentaamin. Ehkitimaakinaakosiyaank kaye, shaakooc tahsh nipiwa' pemaatisiwaatc niwenootisi'aanaanik. E'ishinaakosiyaank kaye kekoon e'ayaahsiwaank, shaakooc tahsh kahkina kekoon nintayaamin.

2 ᑲᕒᐃᑎᔭᓇᒃ 7:4

Aahpici hsa kikehcinaa'ininim, kikihci‑inenimininim kaye, miitahsh i'imaa kaaoncimashkawentamaank. Kahkina kaaishiocaanimihseyaank aahpici hsa nimooshkineshkaakon minwentamowin.

ᐱᓬᐃᐱᔭᓇᒃ 1:20

Mii 'owe ehkihcimihsawentamaan ehpakohsenimoyaan, ekaa wiihkaa kekoon cioncimenihshentansiwaan, mooshak itahsh cimashkawenimoyaan, memintake ko kaye noonkom, enikiniyaan iko cikihtentaako'ak a'a Christ, kemaa pimaatisiyaan kemaa nipoyaan.

ᐱᓬᐃᐱᔭᓇᒃ 2:18

mii 'i peshikwan kaye kiinawaa kitaaciihkentaam, kaye niin ciwiicimoocikentamawinakook.

ᐱᓬᐃᐱᔭᓇᒃ 2:30

Wiin aaniihsh maano ko intawaac okiihpakitinaan opimaatisiwin, piinihsh ekii'oncipehshwaci'ikotc nipowin, nawac wiin Christan ewii'anohkiihtawaatc. Mii 'owe kaa'ishihciketc ekii'naapitootank kiinawaa ko kekii'ishiwiici'iyekipan ekiihkashkihtoohsiwek.

ᐱᓬᐃᐱᔭᓇᒃ 4:18

Ninkiihtipimiinikoo, kii'awahshimehse kaamiishiyek. Ninkiihpiwenoocimiinik 'awe Ipaahparataitahs (Epaphroditus), kahkina ekii'miishitc kaakiihpi‑ishinisha'amawiyek. Inentaakwanoon taapishkoo pakitinikewin e'minomaakwahk, keshiotaahpinank Kishemanitoo kaye keshiminonank.

ᑲᓬᐋᔑᔭᓇᒃ 1:24

Noonkom itahsh wiinke niminwentam i'i kaaishikakwaatakihtooyaan kiinawaa onci. O'o aaniihsh kaaishikakwaatakihtooyaan niwiiyawink, keniin niwiicihtwaa cikiishihcikaatek i'i kakwaatakihtoowin keyaapi kaawiihkakwaatakihtoonaaniwank, inahke Christ kaakii'ishi⁠kakwaatakihtootc. Miitahsh kaaonci‑ishihcikeyaan cionciwiici'intwaa iki kahkina otepwehtamook, mii aaniihsh i'i Christ owiiyaw.

1 ᑌᓴᓬᐆᓂᔭᓇᒃ 2:8

Kaawiin ninkii'inentansiimin ehta ciwiintamaakooyek Kishemanitoo ominwaacimowin. Kaawiin inkotano cioncipakitinamaank nimpimaatisiwininaanin i'iwe ehpiihcisaaki'ikooyek.

2 Timahti 4:6

Niin itahsh iko, aasha kekaa mii'o ahpii cipakitinaahswaakaniwiyaan. Aasha tipihse cimaacaayaan.

1 Piitar 2:5

Miitahsh kekiinawaa peshikwan ehtinowiyek ahsiniik kaapimaatisiwaatc, kitishi/⁠aapatisim i'i kaaoshihcikaatek ahcaakowaahkaa'ikan. Miitahsh i'imaa ketashi‑inwaasoyek anami'ewikimaak kaa/⁠aapaci'ikowaatc Kishemanitoon, cipakitinamawek kaa‑ahcaahkowentaakwaninikin pakitinaahsowinan, miiwan iitok kaaminwaapantank onci Ciisahs Christan.

1 Cwaan 3:16

I'i tahsh Christ kaakii'ishipakitinank opimaatisiwin kiinawint onci, mii 'imaa keoncikihkentamankipan aaniin awiya kaasaaki'iwetc keishihciketc. Miitahsh kekiinawint eshinaakwahk cipakitinamankipan kipimaatisiwininaanin kiitanami'aanaanik onci.