ᐱᓬᐃᐱᔭᓇᒃ 2:16 - Ojibwe Kihcimasina'ikan

¹⁶ kaye e'niiminamawekwaa i'i tipaacimowin keoncipimaatisiwaatc. Kiishpin tepwe o'owe ishihcikeyek kikaonciwaawishenimininim ahpii okiishikaamitc Christ. Taishikihkentaakwan 'i ahpii ekaa anihshaa ekiihpimanohkiihsiwaan kaye anihshaa ekii'oncicaakii'itisohsiwaan.

ᐅᒋᐺ ᑭᒋᒪᓯᓇᐃᑲᓐ

¹⁶ ᑲᔦ ᐁᓃᒥᓇᒪᐌᒀ ᐃᐃ ᑎᐹᒋᒧᐎᓐ ᑫᐅᒋᐱᒫᑎᓯᐙᒡ᙮ ᑮᔥᐱᓐ ᑌᐺ ᐅᐅᐌ ᐃᔑᒋᑫᔦᒃ ᑭᑲᐅᒋᐙᐎᔐᓂᒥᓂᓂᒻ ᐊᐲ ᐅᑮᔑᑳᒥᒡ X᙮ ᑕᐃᔑᑭᑫᑖᑾᓐ ᐃ ᐊᐲ ᐁᑳ ᐊᓂᔖ ᐁᑮᐱᒪᓄᑮᓯᐙᓐ ᑲᔦ ᐊᓂᔖ ᐁᑮᐅᒋᒑᑮᐃᑎᓱᓯᐙᓐ᙮

ᐱᓬᐃᐱᔭᓇᒃ 2:16 Iomraidhean Croise

Nikamonan 71:17

Oo Kishemanitoo, kii⁠oshkaatisiyaan kikiih pi'onci kihkino'amawihsh; o'o tahsh ishi ahpii keyaapi nintashintaanan kimaamahkaacihcikewinan.

Aaiseya 49:4

Miitahsh o'o kaa⁠ihkitoyaan, “Anihshaa ohsha ninkihci anohkii'itis. Wiinke iitok inaa ishi anihshaa ninkiih caakii. Shaakooc itahsh ninka ahpenimonotawaa kaaTipenciketc ci⁠wiici'itc kwayahk ci‑inaahkonikoowak; wiin kaye ninka tipa'amaak aaniin entahso ishihcikewak.”

Maahtiyo 10:27

Wekonen kaa⁠wiintamawinakook eh⁠tipihkahk, tipaatotamok mekwaa eh⁠kiishikahk. Wekonen kaye kaakii moocinoontamek, wakiciwaahkaa'ikanihkaank kikaonci kishiiwewiintamaakem.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 12:8

“Miitahsh eninakook, a'awe hsa kewiinshitc ekihkenimitc enaahsamiinitc pemaatisinitc, mii 'i keniin Inini oKosihsan ninka wiinaa ekihkenimak enaahsamiinitc Kishemanitoon otencalimini.

Cwaan 6:63

Kishemanitoo otAhcaahkwan miiwan ini kaamiikiwenitc pimaatisiwin. Awiya wiin iko otishiayaawin, kaawiin kanake kekoon inaapatahsinini. Ono tahsh niin nintihkitowinan kaakii'wiintamawinakook, keonciotihsinek a'a Kishemanitoo otAhcaahkwan, pimaatisiwin kemiininek.

Cwaan 6:68

Saaiman Piitar (Simon Peter) okii'nahkwehtawaan: “Tepencikeyan, awenen pahkaan kenaasihkawankitc? Kiin iitok ehta kitayaan ihkitowin kaaonciimakahk pimaatisiwin wiihkaa keishkwaahsehsinok.

ᐃᔑᒋᑫᐎᓇᓐ 13:26

Niici onciimaakanak, Eparahaamink (Abraham) wentahkaanesiyek, kekiinawaa tahsh kaaCoowiwihsiwek kaakohtaanenimek Kishemanitoo, kiinawint ohsha kaakiihpi'-ishinisha'amaakoyank o'o Kishemanitoo otipaacimowin keshi pimaaci'ikooyank.

1 ᑲᕒᐃᑎᔭᓇᒃ 1:8

Wiin kika‑aayiici'ikowaa cimashkawisiiyek piinihsh iko ciwehkwaa‑ayaak, mii hsa 'iwe ekaa kekoon ci‑ishianaamentaakosihsiwek ahpii okiishikaamitc a'a kaaTipeniminank Ciisahs Christ.

1 ᑲᕒᐃᑎᔭᓇᒃ 9:26

Mii 'iwe niin kaaoncikwayahkopahtooyaan weti ciniikaaniocihcihseyaan. Taapishkoo kaye nintishiayaa ehkakwetakaneyaan. Kaawiin anihshaa nimihcipapanakanehsii.

2 ᑲᕒᐃᑎᔭᓇᒃ 1:14

Aanawiin pankii ehta e'nihsitohtawiyaank, kiinawaa ohsha cishikihci‑inenimiyaank taapishkoo keshikihci‑inenimikooyek ahpii Ciisahs kaaTipenciketc pitakohshink.

ᑲᓬᐁᔑᔭᓇᒃ 2:2

Kishemanitoo tahsh ekii'waapanta'itc ci‑ishaawak kaakii'onci‑ishaawak. Ninkiih⁠kiimooci⁠nakishkawaak tahsh iki oniikaanisiik ekii'wiintamawakwaa aaniin mayaa kaaishikakiihkimak i'i ekaa kaaCoowiwihsinik, ekiihtashintamawimak i'i minwaacimowinini. Aaniihsh ninkii'naniisaanentaan i'i otaanaank kaakii'inanohkiiyaan noonkom kaye kaaishihcikeyaan, ekaa kekoon cionciihsinok.

ᑲᓬᐁᔑᔭᓇᒃ 4:11

Aahpici hsa kitoocaanimenimininim, koonike mii'i eshinaakwahk anihshaa ekii'oncianohkiiyaan ekiihkakwewiici'inakook.

ᐱᓬᐃᐱᔭᓇᒃ 1:10

mii 'iwe ci‑ishikashkihtooyek maawac kaaonishihshinkin ciotaahpinamek. Miitahsh 'iwe misiwe keshitepweyentaakosiyek kaye ekaa kekoon ci‑ishianaamentaakosihsiwek ahpii okiishikaamitc Christ.

ᐱᓬᐃᐱᔭᓇᒃ 1:6

Mii 'owe ehkehcinaa'entamaan, i'iwe ominoanohkiiwin Kishemanitoo kaakii'maatanohkaatank ekiihkikishkamo'inek, keyaapi cini‑ishianohkaatank piinihsh iko ahpii kiishikaninik Christ Ciisahs kaawiihtipentank, amii 'i ahpii cikiishihcikaatek.

1 ᑌᓴᓬᐆᓂᔭᓇᒃ 2:19

Kiinawaa hsa iki mayaa kaakehcinaa'enimankitwaa e'otepwehtamowiniwaatc, kiinawaa hsa ko kaaoncikihciminwentamaank, kiinawaa hsa keonciwaawishentamaank nimpahkinaakewininaan paanimaa waapamankitc takohshink kaaTipenciketc Ciisahs.

1 ᑌᓴᓬᐆᓂᔭᓇᒃ 3:5

Mii 'owe kaakii'onci‑ishinisha'amawinakook a'a Timahti: ninkiiwii'aahkokihkentaan kiishpin keyaapi e'otepwehtamowiniwekwen. “Maakishaa okiihkakwewanaa'ikowaan ini Setanan,” kikii'inenimininim. Kiishpin aanawencikeyekipan, mii anihshaa cikii'anohkiiyaankipan.

ᐄᐸᕒᐆᐗᒃ 4:12

Kishemanitoo kaaihkitotc hsa pimaatanini, anohkiimakanini kaye, nawac kaye kaahshaani ahpiihc wiin kaaiitawikaahshaanik pashipa'ikewihkomaan. Mii hsa ehpiihcikaahshaanik i'i otihkitowin, ehkashkihcikemakaninik ciocihcishikemakaninik aanti eshiaanihkawihsininik pimaatisiwinini i'imaa ahcaahkonk. Mihkoshikemakanini kaye aanti ohkanini i'i kaye paahsa'iwinaanini eshiaanihkawihsininik. Kihkentamaamakan awiyan eshimihsawencikenitc ote'iniink, eshinaanaakatawencikenitc kaye.

1 Piitar 1:23

Aasha iitok kikii'aancinihtaawikim. Kaawiin tahsh kikii'ontinansiim kiniiki'ikowaank kenihshiwanaatahk. I'imaa ohsha kikii'ontinaam Kishemanitoo otihkitowinink kaapimaataninik, wiihkaa kaye kepoonihsehsininik.

1 Cwaan 1:1

Kitooshipii'amawininim ehtashintamawinakook a'awe Kishemanitoo otIhkitowin kaaishinihkaasotc, wiin kaamiikiwetc pimaatisiwin. Wiin iitok maawac nihtam kii'ayaa. Niinawint iko ninkii'noontawaanaan, nishkiinshikonaanink ninkii'onciwaapamaanaan. Ninkii'naanaakatawaapamaanaan kaye, ninkiihsaaminaanaan kaye, mii hsa a'awe kaa⁠oncioshipii'amaakooyek!

ᑭᑫᑕᒨᔑᐌᐎᓐ 22:17

“Pitakwihshinin!” ihkitowak Kishemanitoo otAhcaahkwan kaye 'a Wiikihtoowihkwe. Kaye kahkina kaanoontank a'a maano taihkito: “Pitakwihshinin!” Kaye kiin aweneniwiyan iko kaanoontaayaapaakweyan, ampe piishaan. Piko awiya inentank pisaan iko okaotaahpinaan kaapimaatisiishkaakemakahk nipi.