ᐱᓬᐃᐱᔭᓇᒃ 2:13 - Ojibwe Kihcimasina'ikan

¹³ Aaniihsh Kishemanitoo 'awe kaainanohkiitc i'imaa kipimaatisiwiniwaank. Kikikishkamo'ikowaa ci‑inentamek kaye citootamek otishiantawentamowin.

ᐅᒋᐺ ᑭᒋᒪᓯᓇᐃᑲᓐ

¹³ ᐋᓃᔥ ᑭᔐᒪᓂᑑ ᐊᐌ ᑳᐃᓇᓄᑮᒡ ᐃᐃᒫ ᑭᐱᒫᑎᓯᐎᓂᐙᕽ᙮ ᑭᑭᑭᔥᑲᒧᐃᑯᐙ ᒋᐃᓀᑕᒣᒃ ᑲᔦ ᒋᑑᑕᒣᒃ ᐅᑎᔑᐊᑕᐌᑕᒧᐎᓐ᙮

ᐱᓬᐃᐱᔭᓇᒃ 2:13 Iomraidhean Croise

1 ᑭᒋᐅᑭᒫᒃ 8:58

Oka ishihtoon kite'inaanin ci⁠kwehkiinotaakotc, cishi pimohsaatamowank misiwe eshihtwaatc. Ci⁠kanawentamowank kaye otoonahshowewinan, otihkitowinan kaye, anami'ewi inaahkonikewinan kaye kaakii miinaatc kikehteya'aaminaapanii'.

Esara 1:1

Peshikopipoon tahsh kaakiih kihciokimaawitc weti Persha (Persia) ahkiink Saairahs (Cyrus) eshinihkaasotc, kaaTipencikenitc hsa okii inentamo'ikoon ote'ink. Miitahsh i'imaa kaakii onci ishihsenik Ceramaayawan (Jeremiah) kenootamawaanitc Kishemanitoon kaakii ihkitonikopanen. Miitahsh i'i kihciokimaa Saairahs kaakii anoohkiitc misiwe eshi tipentank ahkiini ci⁠papaa tipaacimonaaniwaninik, kii⁠anoohkii kaye ci⁠oshipii'ikaatenik. Miitahsh o'o kaa⁠ishipii'iketc,

Esara 1:5

Iki tahsh entahsotaawinink kaakii niikaanisiwaatc Cootahkaank, Pencimanihkaank (Benjamin) kaye kaakii ontahkaanesiwaatc, iki kaye anami'ewikimaak, Liipaai kaa⁠ontahkaanesiwaatc kaye, kahkina ikiweniwak kaye kaakii inentamo'ikowaatc Kishemanitoon ci‑ishihcikewaatc. Miihsh kaa⁠ishi oshiihtaawaatc ewii ishaawaatc ewii anta oshihtoowaatc owaahkaa'ikanini kaaTipencikenitc weti Ceroosalamink.

Esara 7:27

Miihsh Esara kaa⁠ihkitotc, “Taka ta⁠miikwehciwenimaa kaaTipenciketc, weKishemanitoomiwaatc kikehteya'aaminaapaniik, kaakii ishi'aatc kihciokimaan ote'iniink ci⁠kihtentaminitc kaaTipenciketc owaahkaa'ikan eyaanik Ceroosalamink.

Niiyamaaya 2:4

Miitahsh o'o kihciokimaa kaa'ishitc, “Wekonen tahsh entawentaman?” Cipwaa nahkwehtawak tahsh ninkii anami'ehtawaa Kishemanitoo kihcikiishikonk.

Nikamonan 110:3

Ahpii hsa kiishikaninik miikaanimatc kaa⁠shiinkenimimihk, kipimaatisiimak hsa eshkwaaht iko ta⁠inentamok ci⁠wiici'ihkwaa. Taapishkoo kaa⁠shaapopiihkamikaak wiipa kikishep mii hsa 'i ke⁠ishinaakosiwaatc oshkiniikiwak kepi naasihkawihkwaa eshi'ayaawatc waciink kaa⁠kihtentaakwaninik.

Ceramaaya 31:33

Oshki ahshotamaakewin kaawii onahtamawakwaa Isriyalak hsa o'o ishihsinini; Niwii ahtaawaan hsa nintinaahkonikewin ote'iwaank, niwii oshipii'amowaan kaye ote'iwaank. Niin hsa tahsh ninka oKishemanitoomimikook, wiinawaa tahsh ninka tipinawewisiimaak.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 12:32

“Keko tahsh sekisihkek, kiinawaa kaa‑akaahsiinoyek maanahcaanihshenhsak Koohsiwaa ohsha otishi minwaapantaan cimiininek kekiinawaa citipencikeyek i'imaa oTipencikewinink.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 2:14

“Tawiihkihci'-inentaakosi Kishemanitoo kihcikiishikonk maawac ishpimink, tamiinikoowisiwak kaye pisaanisiwin iki ahkiink eyaawaatc, awenenan ihsa piko Kishemanitoo keminwaapamaatc,” kii'ihkitowan.

Cwaan 3:27

Cwaan okii'nahkwehtawaa': “Kaawiin awiya okakashkihtoohsiin kekoon ciayaatc, paanimaa ehta Kishemanitoon miinikotc.

Cwaan 6:45

Mii 'owe kaakii'ishipii'ikenitc Kishemanitoo otipaacimowininiima': ‘Kahkina awiya kaatahshiwaatc okakihkino'amaakowaan Kishemanitoon,’ ishipii'ikaate. Mii kahkina ninkapinaasihkaakook kaanoontawaawaatc ini Weyoohsimimintc kaye kaakihkino'amaakowaatc.

Cwaan 6:65

Miihsh kaa'ani‑ihkitotc: “Mii hsa 'owe kaa'onciwiintamawinakook, kaawiin awiya okakashkihtoohsiin cipinaasihkawitc, kiishpin ehta miinikotc ninTeten okakashkihtoon.”

ᐃᔑᒋᑫᐎᓇᓐ 11:21

Okashki'ewisiwinini tahsh kaaTipencikenitc okii wiiciiwikonaawaa, niipiwa' tahsh pemaatisinitc kiihtepwehtamoo' ekiih kwekiinotawaanitc kaaTipencikenitc.

ᐅᕒᐆᒪᓇᒃ 12:3

Kishemanitoo ninkii'miinik okishewaatisiwin, miitahsh o'o eninakook kahkina kaatahshiyek, keko awahshime inenintisohkek i'i kaa‑ahpiihtentaakosiyek. Weweni naanaakatawentamohk mooshak. I'i tahsh tepweyentamowin Kishemanitoo kaamiininek, mii hsa 'imaa ishitipaacintisok.

ᐅᕒᐆᒪᓇᒃ 9:11

Kishemanitoo tahsh mayaa piko cianohkiimakaninik i'i otinentamowin i'imaa peshik okosihsimaank, miitahsh o'o Kishemanitoo kaakii'onci‑inaatc ini ihkwewan: “A'a hsa kesasiihkisitc kikosihs, okapamiihtawaan ini keohshiimenshimaawinitc.” Miitahsh o'o kaakii'ihkitotc cipwaa nihtaawikinitc i'i kwiiwisenhsa', cipwaa kaye noociko ishihcikenitc, cipwaa kaye kwayahk ishihcikenitc. Miitahsh o'omaa eshinaakwaninik Kishemanitoo ekii'ishihciketc aaniin niiyaak kaakii'inentamokopanen ewiihkanoonaatc peshik okosihsimaan, kaawiin wiin kii'onci‑inentansii otishihcikewininiink i'i kwiiwisenhsa'.

ᐅᕒᐆᒪᓇᒃ 9:16

Miitahsh i'imaa eshiwaapantamank, Kishemanitoo otoonencikewin e'ishianohkiimakaninik i'imaa oshawencikewinink, kaawiin wiin ininiwan eshimihsawencikenitc, kaawiin kaye ininiwan otishihcikewininiink ishianohkiimakahsinini.

1 ᑲᕒᐃᑎᔭᓇᒃ 12:6

Shikwa pepahkaan tinowanoon eshikashkihtoowaatc awiyak otanohkiiwiniwaan, miitahsh ehta 'awe Kishemanitoo eshipeshikotc eshianohkiitc entahsopeshikonitc opimaatisiwininiink kahkina kekoon cikashkihtoonitc.

1 ᑲᕒᐃᑎᔭᓇᒃ 15:10

Ninkiihshawenimik itahsh Kishemanitoo, e'onci‑ishiayaayaan noonkom enaatisiyaan. I'iwe tahsh oshawencikewin kaamiinikooyaan kaawiin kanake kii'aanawewansinoon. Awahshime ninkiihkihcianohkii ahpiihc wiin kahkina pehkaanisiwaatc ishinisha'waakanak. Aanawiin kaawiin niin tipinawe tepwe ninkii'anohkiihsii, i'iwe hsa wiin Kishemanitoo oshawencikewin kii'anohkiimakanini e'wiitoohkaakoyaan.

2 ᑲᕒᐃᑎᔭᓇᒃ 3:5

Kaawiin tahsh kekoon nintayaahsiimin keonci‑ihkitoyaankipan ehkashkihtooyaank citootamaank o'o anohkiiwin, Kishemanitoo hsa wiin nimiinikonaan cikashkihtooyaank.

ᐃᐲᔑᔭᓇᒃ 1:11

I'imaa tahsh kaye Christink kikiihkiishaaci⁠onenimikonaan ewiihtipeniminank, mii aaniihsh i'i mayaa kaakii'inentank Kishemanitoo kaakashkihtootc kahkina kekoonini ci‑ishihsenik aaniin kaaishiantawentank.

ᐃᐲᔑᔭᓇᒃ 1:5

Kishemanitoo tahsh ehsaaki'iwetc kaakii'oncikiishaaci‑inentank ewii'okosihsiminank. Ciisahs Christan otishihcikewininiink otooncikashkihtoon. Wiin itahsh iko kaye ekii'minwaapantank i'i kaakii'onci‑ishihciketc.

ᐃᐲᔑᔭᓇᒃ 1:9

kikiihkihkentamo'ikonaan i'i kaakiihkihkencikaatehsininik otinentamowin ekiihkiishaaci⁠onentank ewiihkiishihtootc i'imaa Christink.

ᐃᐲᔑᔭᓇᒃ 2:8

Okishewaatisiwinink ohsha kikii'oncipimaaci'ikoom, aaniihsh kikiihtepweyentaam. Kaawiin wiin kiinawaa i'i kikashkihtamaasohsiim, Kishemanitoo ohsha i'i omiikiwewin.

2 ᑌᓴᓬᐆᓂᔭᓇᒃ 1:11

Mii hsa ko ahpane wenci⁠anami'ehtamaakooyek, a'a kiKishemanitoominaan ciahpiihtakiminek ciotihsaapantamek i'iwe pimaatisiwin kaaishiantominek, maano kaye okatipihsahtwaan wekonen iko minokekoon kaakii'inentamek citootamek, kaye kahkina kekoon kitepweyentamowiniwaank kaawii'oncianohkaatamek okatipihsahtwaan.

2 Timahti 1:9

Mii 'awe kaahpimaaci'inank, kaa'antominank kaye, wiin iko tipinawe citipeniminank ekii'ineniminank. Kaawiin kiinawint kitishihcikewininaan kitooncitootaakohsiinaan, wiin iko tipinawe okii'onentaan ekii'ishishaweniminank. Mewisha cipwaa animaacihsek kekoon, aasha kiishaac kikii'miinikonaan Kishemanitoo oshawencikewin, Christ Ciisahsoon ekii'oncimiininank.

ᐄᐸᕒᐆᐗᒃ 13:21

kikaontinamaakowaa kahkina kaaonishihshininikin kekoonan citootamowek otinentamowin. Taka kaye Ciisahs Christink kikaonci‑ishi'ikonaan citootamowank aaniin eshiminwaapantank. Taka Christ takihci‑inentaakosi mooshak iko ahpane. Emen.

1 Piitar 1:3

Taka tamikwehciwentaakosiwan kaaoKishemanitoomitc kaaoTetetc kaye kaaTipeniminank Ciisahs Christ. Kishemanitoo iitok kikii'miinikonaan oshkipimaatisiwin keonciayaawank i'i ahpenimowin kaakehcinaa'owentaakwaninik i'imaa kaa'onciinik kaakii'ishikiiwepimaatisi'aatc Ciisahs Christan nipowinink onci.