ᐱᓬᐃᐱᔭᓇᒃ 2:12 - Ojibwe Kihcimasina'ikan

¹² Mii hsa 'iwe siyaaki'inakook, i'iwe ekii'ishipisintawiyek kiiwiiciyayaaminakook, awahshime noonkom e'wiiciayaamihsinowinakook antawentaakwan citootamek i'i kaaininakook. Kohtaanentamowinink, nininkishkaawinink ishikapeanohkaatamaasok kipimaaci'ikoowiniwaa piinihsh iko cikiishinaakwahk.

ᐅᒋᐺ ᑭᒋᒪᓯᓇᐃᑲᓐ

¹² ᒦᓴ ᐃᐌ ᓯᔮᑭᐃᓇᑰᒃ, ᐃᐃᐌ ᐁᑮᐃᔑᐱᓯᑕᐎᔦᒃ ᑮᐐᒋᔭᔮᒥᓇᑰᒃ, ᐊᐗᔑᒣ ᓅᑯᒻ ᐁᐐᒋᐊᔮᒥᓯᓄᐎᓇᑰᒃ ᐊᑕᐌᑖᑾᓐ ᒋᑑᑕᒣᒃ ᐃᐃ ᑳᐃᓂᓇᑰᒃ᙮ ᑯᑖᓀᑕᒧᐎᓂᕽ, ᓂᓂᑭᔥᑳᐎᓂᕽ ᐃᔑᑲᐯᐊᓄᑳᑕᒫᓱᒃ ᑭᐱᒫᒋᐃᑰᐎᓂᐙ ᐲᓂᔑᑯ ᒋᑮᔑᓈᑾᒃ᙮

ᐱᓬᐃᐱᔭᓇᒃ 2:12 Iomraidhean Croise

Nikamonan 2:11

Anami'ehtawik kaaTipenciketc ci⁠kihtenimek, ci⁠kihkentamek e⁠kohtaanenimek.

ᑲᑮᑖᐎᑮᔗᐎᓇᓐ 10:16

Pimaatisiwin hsa awiya tipa'amawaa kwayahk kiishi pimaatisitc, awiya tahsh wiin kii⁠macitootank kashkihtamaaso aanciike ke⁠onci nana'ahsintc.

ᑲᑮᑖᐎᑮᔗᐎᓇᓐ 13:4

Kehtimishkitc hsa kekoon omihsawentaan, kaawiin itahsh kekoon oka tepinansiin. A'a tahsh wiin nehtaa wanohkiitc oka wenoocihtoon entawentank.

Aaiseya 66:2

Niin iitok inaa nininciink ono kahkina ninkii onci oshihtoonan, miihsh kaakii ayaakin. Mii hsa wa'a kaa⁠ishpenimak, awiya kaa⁠tapahsenimotc, kaa⁠piikote'eyentank, kaa⁠nininkishkaatc e⁠noontank nintihkitowin.”

Aaiseya 66:5

Noontamowaahk kaaTipenciketc eninek, kiinawaa kaa⁠kohtaanentamowek otihkitowin, “Kiicihkiweyiwaak kaa⁠shiinkeniminekwaa, kaa⁠wiiciiwihsinowinekwaa kaye aaniihsh kikihtentamowaam kaaTipenciketc owiinsowin. Miihsh o'o eninekwaa, ‘Taka hsa kaaTipenciketc takihci inenimaa ci⁠waapantamaank kiminwentamowiniwaa!’ Wiinawaa hsa wiin ta‑akaci'aawak.

Maahtiyo 11:12

I'i tahsh ahpii Cwaan kaakii'-maacii wiintamaaketc otipaacimowin piinihsh o'o ishi ahpii noonkom kaakiishikahk, ehpiihciiwaatc awiyak ishikakwe piintikewak Kishemanitoon oTipencikewininiink, kaa⁠mashkawihcikewaatc kaye otootaahpinaanaawaa.

Maahtiyo 11:29

Otaahpinamok, pihsihkamok nintahpihkanaahtik kihkinawaapamihshik, aaniihsh ninoohkaatis, nintapahsenim kaye. Kika mihkaanaawaa tahsh anwepiwin.

ᐃᔑᒋᑫᐎᓇᓐ 16:29

Kii'anoohkiiwan tahsh cipiicikaatenikin waahsahkonencikanan, miihsh kaakiih piintikepahtoonitc ekii'-animihkohtaanitc eshi ayaawaatc Pwaal, Saailahs kaye, ekii'-nininkishkaanitc ehpiihcisekisinitc.

ᐃᔑᒋᑫᐎᓇᓐ 9:6

Taka tahsh, pasikwiin. Weti ootenaank ishaan, miitahsh weti keshi wiintamaakooyan aaniin keishihcikeyan,” okii'ikoon.

ᐅᕒᐆᒪᓇᒃ 2:7

Aaninta shashiipentamook ehkakweminohcikewaatc. Miiwan itahsh ono entone'amowaatc minwakinsowin, cikakweminwaacimikowaatc Kishemanitoon, kaye kenihshiwanaatahsininik pimaatisiwin cimiinikowaatc. Wiinawaa ko tamiinikoowisiwak pimaatisiwin wiihkaa kepoonihsehsininik.

1 ᑲᕒᐃᑎᔭᓇᒃ 15:58

Haw ihsa niiciotepwehtamook kaasaaki'inakook! Soonkikaapawik, keko kekoon kikawahkawii'ikohsiim, mooshak hsa ciwenoocianohkiihtawek a'a kaaTipenciketc. Kikihkentaanaawaa ohsha ekaa anihshaa e'anohkiihtawaahsiwek kaaTipenciketc.

1 ᑲᕒᐃᑎᔭᓇᒃ 2:3

Ahpii tahsh e'otihsinakook, ninkii'niinamis, ninkiihkihcinininkishkaa ehpiihcisekisiyaan.

1 ᑲᕒᐃᑎᔭᓇᒃ 4:14

Kaawiin wiin cimenihshi'ikooyek kitishipii'amawihsinooninim. Taapishkoo niniicaanihsak kiwii'ishi⁠kihkino'amawininim.

2 ᑲᕒᐃᑎᔭᓇᒃ 7:15

Aahpici tahsh awahshime kitanisaaki'ikowaa e'ishimaamihkawitc aahpici ekii'na'ihtawek kekoonini ekii'ishikanooninek, weweni ekiihpiintikanek kaye taapishkoo ekiihkohtaanenimek, ekii'naninkishkaayek kaye.

ᐃᐲᔑᔭᓇᒃ 6:5

Kiinawaa opamiihtaakek na'ihtawihkwak iki kaaotookimaamiyek, o'omaa ahkiink kaa‑ayaawaatc. Kihtenimihkwak, kohtaanenimihkwak kaye tepwe i'imaa kite'iwaank, citootawekwaa taapishkoo kaatootawek Christ.

ᐱᓬᐃᐱᔭᓇᒃ 1:27

O'owe ehta kitinininim: ishipimaatisiyok cipeshikonaakwahk eshiayaanik ominwaacimowin a'a Christ. Miihsh kiishpin ishaayaan ciwaapaminakook, kiishpin kaye waapamihsinowinakook, ninkanoontaan eshiayaayek, keyaapi ehsoonkikaapawiyek peshikwan iko maamaw e'inentamek, peshikwan ehta kinantawentamowiniwaank enikohk cimaamawi⁠wiici'itiyek, ehkakwemaacaahtooyek i'i tepwewin kaaishitepwehtamank 'iwe kaaishinoontamank minwaacimowinink.

ᐱᓬᐃᐱᔭᓇᒃ 1:29

Kikii'miinikoowisim cipamiihtawek 'awe Christ. Kaawiin ehta ehtepwehtawek, i'iwehsh kaye cioncikakwaatakihtooyek.

ᐱᓬᐃᐱᔭᓇᒃ 1:5

onci 'iwe kaapi‑ishiwiici'iweyek ehpimiwiincikaatek minwaacimowin, nihtam iko ekii'maaciiotaahpinamek piinihsh iko noonkom.

ᐱᓬᐃᐱᔭᓇᒃ 1:6

Mii 'owe ehkehcinaa'entamaan, i'iwe ominoanohkiiwin Kishemanitoo kaakii'maatanohkaatank ekiihkikishkamo'inek, keyaapi cini‑ishianohkaatank piinihsh iko ahpii kiishikaninik Christ Ciisahs kaawiihtipentank, amii 'i ahpii cikiishihcikaatek.

ᐱᓬᐃᐱᔭᓇᒃ 2:19

Nimpakohsenim kiishpin inentank kaaTipenciketc ci‑ishinisha'wak a'awe Timahti (Timothy) ciawiotihsinek, miitahsh cioncimashkawentamaan noontamaan eshipimaatisiyek.

ᐱᓬᐃᐱᔭᓇᒃ 4:1

Niwiiciotepwehtamook! Kiinawaa kaasaaki'inakook, aahpici kinantawenimininim, aahpici kiminwentami'im, aahpici kiwaawishenimininim. Siyaaki'inakook, mii 'owe ishisoonkikaapawik i'iwe kaapi‑ininakook ciani‑ishiwiiciiwek kaaTipenciketc.

ᐱᓬᐃᐱᔭᓇᒃ 4:15

Kiinawaa Pilipaayink (Philippi) kaaishimaawaci'itiyek, kiminokihkentaam aaniin kaaishiwepisiyaan 'iwe ahpii ekii'oncimaacaayaan Maahsitooniyaawahkiink (Macedonia), weti nihtam ekii'maaciiwiintamaakeyaan minwaacimowin. Kiinawaa ehta kikii'wiici'im, kaawiin pahkaan awiya otanami'aak ninkii'onciwiici'ikohsiik. Kiinehtawaa nihtam kikii'ishiwiici'iwem miinikoowinink kaye onciihtamaakewinink.

1 ᑌᓴᓬᐆᓂᔭᓇᒃ 1:3

Shikwahsh ahpii hko e'anami'ehtawankitc Kishemanitoo Kaaoyoohsimank, mooshak nimaamihkwentaamin i'iwe kaaonci‑ishihcikeyek e'otepwehtamowiniyek, kaye e'oncikihcianohkiiyek saaki'iwewinink, kaye tahsh e'oncishashiipentamek, wawiinke ehkehcinaa'oyek ewiihpitakohshink a'a kaaTipeniminank Ciisahs Christ.

2 Timahti 2:10

Mii 'iwe kahkina kekoon nintooncishashiipentaan ciwii'wiici'imak ini Kishemanitoo otoonaapamaakana', kewiinawaa ciontinamowaatc i'i pimaaci'ikoowin kemiinikowaatc Christ Ciisahsoon, ahshic kaye kihtentaakosiwin wiihkaa kepooniayaahsininik.

ᐄᐸᕒᐆᐗᒃ 12:1

Kiinawint itahsh wiin, e'aayaawaatc ehpaahtiinowaatc awiyak waahkaaya'ii e'onsaapaminankwaa ehkanawaapaminankwaa, taka tahsh wepinantaa kahkina kekoon kaawanishkwe'ikoyank, i'i kaye macitootamowin kaakihciwishkaakoyank. Taka kakweshashiipentantaa o'o kaapimipa'itiyank ehkakwecihkashiweyank, niikaanaya'ii kaaonahtamaakooyank.

ᐄᐸᕒᐆᐗᒃ 4:1

Kekiinawint hsa noonkom Kishemanitoo kiwii'miinikonaan kaakii'ahshotamaaketc, anwepiwin kaakiihtashintank citepinamowankitc. Taka tahsh ayaankwaamisitaa, kiinawaa kaatahshiyek cimihkawaahsiwintc awiya cipwaa nawihtootc citepinank i'i anwepiwin kaakii'wiintenik.

ᐄᐸᕒᐆᐗᒃ 4:11

Taka tahsh kekiinawint, weweni ishihciketaa citepinamank i'i anwepiwin, awiya hsa kiinawint cinoontepwaanawi'ohsiwank, ci‑ishihcikewaahsiwank kaakii'ishihcikewaatc ekiishashiipihtamowaatc.

ᐄᐸᕒᐆᐗᒃ 5:9

Miitahsh i'imaa ekii'oncikiishinaakositc, mii hsa i'imaa wenciik i'i pimaatisiwin keishkwaahsehsinok. Iki tahsh kena'ihtawaawaatc tapimaatisiwak.

1 Piitar 2:11

Kaasaaki'inakook, kitishikaanoonininim kaapiiwitewentaakosiyek, o'omaa kaye ahkiink kaaoncitipentaakosihsiwek, cimiitaakwenotamek kimacimihsawencikewiniwan, miiwan iitok ini kaakakwe shaakooci'ikoyek i'imaa kitahcaahkowaank.

2 Piitar 3:18

Ishipimaatisik hsa ciani‑ishimaaciikiyek kitanami'ewaatisiwiniwaank, cinikihkenimek kaaTipeniminank kaaPimaaci'inank Ciisahs Christ. Taka wiin mooshak takihci inenimaa noonkom nehpic iko kaye. Emen.