ᐱᓬᐃᐱᔭᓇᒃ 2:1 - Ojibwe Kihcimasina'ikan

¹ Kiishpin tepwe oncimashkawisiiwekwen e'wiiciiwinek a'a Christ, kiishpin kaye oncisoonkite'eyek onci 'iweni osaaki'iwewinink, kiishpin kaye menowiiciiwaawekwen ini Kishemanitoo otAhcaahkwan, kiishpin kaye oncishawenintiyek kaye tahsh cioncikitimaakenintiyek,

ᐅᒋᐺ ᑭᒋᒪᓯᓇᐃᑲᓐ

¹ ᑮᔥᐱᓐ ᑌᐺ ᐅᒋᒪᔥᑲᐎᓰᐌᑴᓐ ᐁᐐᒌᐎᓀᒃ ᐊᐊ X, ᑮᔥᐱᓐ ᑲᔦ ᐅᒋᓲᑭᑌᐁᔦᒃ ᐅᒋ ᐃᐌᓂ ᐅᓵᑭᐃᐌᐎᓂᕽ, ᑮᔥᐱᓐ ᑲᔦ ᒣᓄᐐᒌᐙᐌᑴᓐ ᐃᓂ ᑭᔐᒪᓂᑑ ᐅᑕᒑᑾᓐ, ᑮᔥᐱᓐ ᑲᔦ ᐅᒋᔕᐌᓂᑎᔦᒃ ᑲᔦ ᑕᔥ ᒋᐅᒋᑭᑎᒫᑫᓂᑎᔦᒃ,

ᐱᓬᐃᐱᔭᓇᒃ 2:1 Iomraidhean Croise

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 2:25

Peshik itahsh inini kii'ayaa i'imaa Ceroosalamink, Simiyan (Simeon) eshinihkaasotc. Kwayahk kii'ishi pimaatisi, kaye tahsh ekiih kosikwenimaatc Kishemanitoon. Ekiih piihtootc kaawiih pimaaci'imintc Isriyala' (Israel) kaye tahsh ekiih kikishkaakotc Kishemanitoon otAhcaahkoni.

Cwaan 14:18

“Ahpii maacaayaan kaawiin cikiiwahshishaaniwiyek inahke kikashinakanihsinooninim. Miinawaa ohsha kikapikiiwenotawininim.

Cwaan 14:27

“Pisaanentamowin kinakatamawininim. Niin i'i nimpisaanentamowin kaamiininakook. Kaawiin wiin i'i kaashimiininakook kaashipisaani'itiwaatc o'omaa ahkiink. Keko tahsh mikoshkaatentankek, keko kaye sekisihkek.

Cwaan 17:13

Noonkom tahsh ninkapiishaa eshiayaayan. Nintipaatotaanan tahsh ono kekoonan o'omaa ahkiink, wiinawaa tahsh cimooshkineshkaakowaatc enikohkwaak 'iwe ninciihkentamowin.

ᐃᔑᒋᑫᐎᓇᓐ 2:46

Entahsokiishik itahsh kii'nihtaa maawaci'itiwak piincaya'ii kihcianami'ewikamikonk. Otaawiniwaank ekiihtashi pahkwepinaatc pahkweshikanan ekii'-maamawi wiihsiniwaatc, wiinke ekiih ciihkentamowaatc ote'iwaank.

ᐃᔑᒋᑫᐎᓇᓐ 4:32

Emaamawi ayaawaatc tahsh otepwehtamook peshikwan kii'inentamook, peshikwan kii'ishite'ewak. Kaawiin tahsh awiya cikii'ihkitotc kekoonan e'ayaatc wiin ehta ehtipinawewisitc, kahkina hsa ko kekoonan kiimaamawihcikewak.

ᐅᕒᐆᒪᓇᒃ 5:5

O'owe tahsh e'ishikehcinaa'oyank, kaawiin wiihkaa kikaniihsentansiimin. Aaniihsh Kishemanitoo kikiihsiikinamaakonaan osaaki'iwewin i'imaa kite'inaanink, otAhcaahkwan ekii'aapaci'aatc. Miiwan itahsh ini kaakii'miininank.

ᐅᕒᐆᒪᓇᒃ 8:26

Miitahsh peshikwan a'awe Ahcaahk kikapinaatamaakonaan kaaishiniinamisiyank. Kaawiin aaniihsh kwayahk kikihkentansiimin aaniin keshianami'aayank. Tipinawe tahsh a'a Ahcaahk kikanoocikehtamaakonaan ehpakohsenimaatc Kishemanitoon. I'i e'ishimoohkonemotc kaawiin taakashkihcikaatehsinini ciwiincikaatenik.

1 ᑲᕒᐃᑎᔭᓇᒃ 12:13

Mii hsa ko peshikwan kekiinawint minihk eshipepahkaanwewaanakisiyank, kemaa Coowak kemaa kaye kaaCoowiwihsikwaa, kaye tipenimaakanak kaye kaatatipenintisowaatc, kahkina kikii'ishisiika'antaakonaan ini peshikwan Kishemanitoo otAhcaahkwan i'imaa peshik wiiyawimaank cioncitipentaakosiyank. Shikwa peshikwan kikii'ishimina'ikoomin a'a peshikwan Ahcaahk ciminihkwaanank.

1 ᑲᕒᐃᑎᔭᓇᒃ 15:31

Niiciotepwehtamook, entahsokiishik nimpehshwaapantaan i'i nipowin. Inashke hsa wiinke kikihci‑inenimininim i'imaa e'onciimakahk e'wiiciiwinank a'a Christ Ciisahs kaaTipeniminank, mii 'iwe enamanci'oshkaakoyaan ciwiintamawinakook.

1 ᑲᕒᐃᑎᔭᓇᒃ 3:16

Kaawiin ina kikihkentansiim maamaw e'inwaanikooyek Kishemanitoo okihcianami'ewikamik? Wiin aaniihsh Kishemanitoo otAhcaahkwan ishitaawan i'imaa kaashimaamawi'itiyek.

2 ᑲᕒᐃᑎᔭᓇᒃ 2:14

Taka miikwehciwenimaataa Kishemanitoo. Wiin iitok kaakii'ishinaakosi'iyamintc ci‑ishinaakosiyaank tahkonikanak kaapimiwinintwaa Christ e'niikaaniitc ekiihshaakoocihtwaatc. Wiin nintaapaci'ikonaan misiwe cioncikihkenimintc taapishkoo kekoon kaaminomaakwahk.

ᑲᓬᐁᔑᔭᓇᒃ 4:6

E'okosihsiminek itahsh Kishemanitoo kikii'ishinisha'amaakonaan hsa ini oKosihsan otAhcaahkoni i'imaa kite'inaanink. Miitahsh a'a Ahcaahk kaaihkitotc: “Aapa, Kiin ninTete!”

ᑲᓬᐁᔑᔭᓇᒃ 5:22

Ini tahsh Kishemanitoo otAhcaahkwan, miiwan ono nehtaawikihtoonitc: saaki'iwewin, minwentamowin, pisaanisiwin, shiipentamowin, kishewaatisiwin, minotootaatiwin, tepweyentaakosiwin,

ᐃᐲᔑᔭᓇᒃ 4:4

Mihcipeshikwan hsa wiiyawimaa, mihcipeshiko kaye a'a Ahcaahk, mihcipeshikwanini kaaishiantominek Kishemanitoo, miitahsh i'imaa eshiahpenimoyek.

ᐱᓬᐃᐱᔭᓇᒃ 1:8

Kishemanitoo nintaatipaacimik aahpici ko ewii'waapaminakook. I'imaa wiin Christ Ciisahs osaaki'iwewinink onciimakanini o'o kaaineniminakook.

ᐱᓬᐃᐱᔭᓇᒃ 3:3

Kiinawint ohsha kitaawimin kaamiinikoowisiyank kwayahk kihkinawaatashakeshokoowinink kaainentaakwahk. Aaniihsh kiinawint kitishianami'ehtawaanaan Kishemanitoo e'ishikashkihtoo'iminank otAhcaahkwan. Shikwa kitooncimoocikentaamin 'iwe e'wiiciiwinank Christ Ciisahs. Kaawiin kanake kitahpenimonotansiimin kekoon wakicinaw ehta ehtoocikaatek.

ᑲᓬᐋᔑᔭᓇᒃ 2:2

Miitahsh o'o kaaonci‑ishihcikeyaan kewiinawaa tahsh cimashkawentamowaatc ote'iwaank, maano kaye kahkina cimaamawi⁠wiici'itiwaatc ehsaaki'itiwaatc. Miitahsh kaye wiinke nihsitohtamowaatc cionci⁠wenoocihtoowaatc kehcinaa'owin. Miitahsh kewiinawaa cionci⁠kihkentamowaatc Kishemanitoon otinentamowinini otaanaank kaakihkencikaatehsininik, mii hsa iitok a'a Christ wiin iko kaatashimintc.

ᑲᓬᐋᔑᔭᓇᒃ 3:12

Kiinawaa pemaatisiyek Kishemanitoo kitipenimikowaa; wiin kaye kisaaki'ikowaa, kikii'onenimikowaa kaye wiin iko ewiihtipeniminek. Mii hsa tahsh eshinaakwahk cipihsihkamek koohpaatencikewin, minotootaakewin, tapahsenimowin, noohkaatisiwin kaye, shashiipenintiwin kaye.

ᐄᐸᕒᐆᐗᒃ 6:18

Ono tahsh niishin kekoonan kaapitashintamaank kaawiin wiihkaa taa‑aancihsehsinoonan. Kaawiin wiihkaa taaishinaakwahsinini Kishemanitoo cikiiwanimotc. Mii hsa tahsh kaaoncimashkawentamank, aaniihsh kikii'naacipa'iwaatamowaamin ehkakwetepinamowank ahpenimowin kaawii'miininank.

1 Piitar 1:2

Kiinawaa iitok kikii'ishi‑⁠kiishaaci‑⁠onaapamikowaa otinentamowinink Kishemanitoo Kaaoyoohsimintc ewii'aapaci'inek. Kishemanitoo otAhcaahkwan kaye kikii'ishi'ikowaam ewiihtipeniminek, kiinawaa hsa cina'ihtawek Ciisahs Christ, cipehki'ikowek kaye omiskwiim. Taka shawentaakosiwin, pisaanisiwin kaye kikatipinawewisim kemooshkineshkaakoyek.

1 Cwaan 3:24

A'a tahsh iko kaakanawentank aaniin enaahkonikenitc, otipiwiiciiwaan Kishemanitoon, owiiciiwikoon itahsh kaye. Ini tahsh otAhcaahkwan kaakii'miininank, mii 'imaa wencikihkentamank e'wiiciiwinank.

1 Cwaan 4:12

Kaawiin mahshi wiihkaa awiya owaapamaahsiin Kishemanitoon, kiishpin tahsh saaki'itiyank, Kishemanitoo iinsan kiwiiciayaamikonaan, mii 'i kiihkiishinaakwaninik osaaki'iwewin kipimaatisiwininaanink.

1 Cwaan 4:16

Kiinawint tahsh kikiihpikihkentaamin, ekiihtepwehtamowank kaye aaniin eshisaaki'inank Kishemanitoo. Kishemanitoo hsa ishiayaa ehsaaki'iwetc. Awenen itahsh iko saaki'iwewinink entashipimaatisitc, owiiciayaamaan Kishemanitoon, owiiciayaamikoon tahsh iko kaye.