ᐱᓬᐃᐱᔭᓇᒃ 1:7 - Ojibwe Kihcimasina'ikan

⁷ Kwayahkwan ihsa 'owe ci‑ineniminakook, mooshak ehtaneniminakook ninte'ink. Aaniihsh kahkina kaatahshiyek kikiihpi‑ishiwiici'iwem nimiinikoowisiwinink kaaishipakitinamawitc Kishemanitoo, aaniihsh noonkom ehkipa'okooyaan kaye otaanaank mekwaa ekiihpiniskwesiyaan ekiihkanoocikehtamawaatamaan i'i minwaacimowin ekiihpimiaayiitahtooyaan, mooshak kikiihpiwiitoohkawim.

ᐅᒋᐺ ᑭᒋᒪᓯᓇᐃᑲᓐ

⁷ ᑾᔭᑾᓐ ᐃᓴ ᐅᐌ ᒋᐃᓀᓂᒥᓇᑰᒃ, ᒨᔕᒃ ᐁᑕᓀᓂᒥᓇᑰᒃ ᓂᑌᐃᕽ᙮ ᐋᓃᔥ ᑲᑭᓇ ᑳᑕᔑᔦᒃ ᑭᑮᐱ ᐃᔑᐐᒋᐃᐌᒻ ᓂᒦᓂᑰᐎᓯᐎᓂᕽ ᑳᐃᔑᐸᑭᑎᓇᒪᐎᒡ ᑭᔐᒪᓂᑑ, ᐋᓃᔥ ᓅᑯᒻ ᐁᑭᐸᐅᑰᔮᓐ ᑲᔦ ᐅᑖᓈᕽ ᒣᒀ ᐁᑮᐱᓂᔅᑴᓯᔮᓐ ᐁᑮᑲᓅᒋᑫᑕᒪᐙᑕᒫᓐ ᐃᐃ ᒥᓍᒋᒧᐎᓐ ᐁᑮᐱᒥᐋᔩᑕᑑᔮᓐ, ᒨᔕᒃ ᑭᑮᐱᐐᑑᑲᐎᒻ᙮

ᐱᓬᐃᐱᔭᓇᒃ 1:7 Iomraidhean Croise

ᐃᔑᒋᑫᐎᓇᓐ 20:23

Mii ehta eshi kihkentamaan tahsin ootenawan kaapi mayaashkamaan, Kishemanitoo otAhcaahkwan e'ayenkwaamiminitc maamaancikwahpisonan, kakwaataki'ikoowin kaye e'ahshonikowak.

ᐃᔑᒋᑫᐎᓇᓐ 21:33

Shimaakanihshiiwikimaa tahsh okii'-naasihkawaan Pwaalan ekiih tahkonaatc, ekii'-anoohkiitc cimamaancikwahpisonitc piiwaapihkweyaapiin ciyaapataninikin. Kiihkakwetwe kaye awenenan tenowinitc, aaniin kaye kaa'ishihcikenitc.

1 ᑲᕒᐃᑎᔭᓇᒃ 13:7

Kaawiin taoncipakiciihsii. Kapeaya'ii tepweyentam, mashkawiahpenimo, pishihshik iko mashkawentam.

1 ᑲᕒᐃᑎᔭᓇᒃ 9:23

Kahkina kekoon nintishihcike cipapaawiintek i'i minwaacimowin, kaye niin i'imaa citako shawentaakosiyaan.

2 ᑲᕒᐃᑎᔭᓇᒃ 3:2

Kiinawaa hsa eshipimaatisiyek mii 'iwe oshipii'ikan wencikihkenimikooyaank, ninte'inaanink e'oshipii'ikaasoyek. Miitahsh kahkina awiyak okihkentaanaawaa, owaapantaanaawaa, taapishkoo e'anamihtoowaatc.

2 ᑲᕒᐃᑎᔭᓇᒃ 7:3

I'i hsa aasha otaanaank kaakii'ikooyek, kaawiin tahsh wiin ewii'nihshiwanaasominakook kaakii'onci‑ihkitoyaan. Ninte'inaanink hsa kisaaki'ikoom, ewii'wiicinipoomikooyek, ewii'wiicipimaatisiimikooyek kaye.

ᑲᓬᐁᔑᔭᓇᒃ 5:6

Ahpii hsa kiiwiiciiwintc Christ Ciisahs, a'a hsa kaakihkinawaatashakeshikaniwitc a'a kaye ekaa kaakihkinawaatashakeshikaniwihsik kaawiin peshik awahshime ahpiihtentaakosihsii. Kaawiin tahsh wiin i'i kaakihci‑inentaakwahk. Tepwehtamowin hsa i'i saaki'iwewinink kaaishianohkiimakahk, mii hsa 'i kaakihci‑inentaakwahk.

ᐃᐲᔑᔭᓇᒃ 3:1

Mii hsa o'o niin Pwaal (Paul) kaa'oncitahkonikooyaan e'anohkiihtawak Christ Ciisahs kiinawaa onci ekaa kaaCoowiwihsiwek.

ᐃᐲᔑᔭᓇᒃ 4:1

Niin itahsh kaaTipenciketc e'anohkiihtawak kaaoncikipa'okooyaan, kitishipakohsenimininim, aahpici ehkihci‑inentaakwahk kaashikanoonikooyek, kiiantominek Kishemanitoo, miitahsh inahke ci‑ishipimaatisiyek.

ᐃᐲᔑᔭᓇᒃ 6:20

Mii hsa tahsh kaaonci⁠maamaancikwahpisoyaan, ehkiikitoohtamaakewininiiwiyaan e'anohkiihtawak kaaTipenciketc, o'o kaye kaatashintamaan minwaacimowin, cisoonkite'eyaan ci‑ihkitoyaan aaniin kaaishiantawentaakosiyaan.

ᐱᓬᐃᐱᔭᓇᒃ 1:12

Niiciotepwehtamook, kinantawenimininim cikihkentamek 'owe kaapi‑ishihseyaan, mii 'imaa keyaapi wencinikihkentaakwahk i'i minwaacimowin.

ᐱᓬᐃᐱᔭᓇᒃ 1:13

I'iwe onci kahkina shimaakanihshak kaakanawentamowaatc okimaawikamik ninkihkenimikook Christan e'otanohkii'aakaniminitc e'oncikipa'okooyaan, kaye kahkina pehkaanisiwaatc ninkihkenimikook.

ᐱᓬᐃᐱᔭᓇᒃ 1:14

Shikwa niipiwa' iki owiicihkiweyimaak kaaTipencikenitc ehtepweyenimaawaatc, e'waapamiwaatc eshikipa'okooyaan, onciteinenimowak, awahshime e'animashkawenimowaatc ciwaawiintamowaatc Kishemanitoo otipaacimowin, ekaa ehkohtaacihsikwaa.

ᐱᓬᐃᐱᔭᓇᒃ 1:5

onci 'iwe kaapi‑ishiwiici'iweyek ehpimiwiincikaatek minwaacimowin, nihtam iko ekii'maaciiotaahpinamek piinihsh iko noonkom.

ᐱᓬᐃᐱᔭᓇᒃ 2:22

Kiinawaa tahsh kikihkenimaawaa otishihcikewin a'a Timahti, ekii'naakohtootc ominwakinsowin. Taapishkoo okosihsimaa e'wiici'aatc oteten, kaye wiin ninkii'wiitanohkiimik cimaaciishkaamakahk i'i minwaacimowin.

ᐱᓬᐃᐱᔭᓇᒃ 4:14

Wawiinke tahsh kikii'minohcikem ekii'minowiici'iyek mekwaa nintoocaanimisiwinink.

ᐱᓬᐃᐱᔭᓇᒃ 4:15

Kiinawaa Pilipaayink (Philippi) kaaishimaawaci'itiyek, kiminokihkentaam aaniin kaaishiwepisiyaan 'iwe ahpii ekii'oncimaacaayaan Maahsitooniyaawahkiink (Macedonia), weti nihtam ekii'maaciiwiintamaakeyaan minwaacimowin. Kiinawaa ehta kikii'wiici'im, kaawiin pahkaan awiya otanami'aak ninkii'onciwiici'ikohsiik. Kiinehtawaa nihtam kikii'ishiwiici'iwem miinikoowinink kaye onciihtamaakewinink.

ᐱᓬᐃᐱᔭᓇᒃ 4:3

Kaye kiin niwiitanohkiimaakan, kaakwayahkwentaakosiyan, wiici' oko ihkwewak. Enikohk ninkii'wiitanohkiimikook cimaaciishkaanik i'i minwaacimowin. Kaye okii'wiitanohkiimaawaan ini Kalemantan (Clement) kaye ini kotak niwiitanohkiimaakana', iniweniwa' owiinsowinini kaa‑ayaanikin i'imaa omasina'ikanink Kishemanitoo kaaishioshipii'waatc awenena' kaakii'miinaatc pimaatisiwin.

ᑲᓬᐋᔑᔭᓇᒃ 4:18

Niin itahsh iko nininc nintaapacihtoon ono ishkwaac ihkitowinenhsan kaaoshipii'amawinakook, Niin Pwaal (Paul) ehpooshoo'inakook. Keko waniihkehkek ehkipa'okooyaan. Taka Kishemanitoo okishewaatisiwin kikawiiciiwikom.

ᑲᓬᐋᔑᔭᓇᒃ 4:3

Mekwaa tahsh e'anami'aayek, anami'ehtamawihshinaam keniinawint, Kishemanitoo citawinamawinankitc ciwaawiintamaakeyaank otipaacimowin kaaishitashimimintc Christan, kaakiihkihkencikaatehsininik otaanaank. Miitahsh niin noonkom kaaoncikipa'okooyaan e'wiintamaakeyaan.

1 ᑌᓴᓬᐆᓂᔭᓇᒃ 5:5

Kahkina kitinentaakosim e'onciiyek waahseyaank kaye kiishikanonk. Kaawiin kiinawint i'imaa kitoonciihsiimin tipihkanonk. Kaawiin i'imaa ehkashkiitipihkahk kitishitipentaakosihsiimin.

2 Timahti 1:8

Miitahsh kaawiin kitaaonci⁠shaakwenimohsii citipaacimintc a'a kaaTipeniminank. Keko kaye niin akatenimihshihken, wiin a'a kaaTipenciketc kaaoncikipa'okooyaan. Kaye kiin otaahpin eshititakwa'oonikoowisiyan cioncikotakihtooyan i'iwe onci minwaacimowin, e'ishimiinihk omashkawisiiwin Kishemanitoo.

2 Timahti 2:9

Mii 'iwe minwaacimowin kaaoncikotakihtooyaan, ampooshke e'oncikipa'okooyaan taapishkoo omacihcikeshk. Kaawiin itahsh wiin 'iwe inakintehsinini Kishemanitoo otihkitowin cikipa'ikaatenik.

ᐹᐃᓬᐄᒪᓐ 1:13

Ninantawenimaa o'omaa cikii'ayaahpan ciwiici'ihpan o'o kaakipa'okooyaan minwaacimowin onci. Wiin ciwiici'ihpan cikii'-naapishkawihkipan.

ᐄᐸᕒᐆᐗᒃ 3:1

Kiinawaa tahsh niitanami'aak kaatipeniminek Christ, kekiinawaa hsa kikiihkanoonikowaa Kishemanitoo! Naanaakatawenimihk Ciisahs Kishemanitoo oKihci Ishinisha'waakanan kaatinowitc, Maawac Kihcianami'ewikimaa kaye, kekanawaapantank hsa kaye kitepweyentamowininaan kaawiintamank.

1 Piitar 4:13

Meshkwac ohsha kitaaciihkentaam e'inentakwahk e'wiitoohkaasoyek inahke Christ kaakii'ishi kakwaatakihtootc, ci'oncimooshkineshkaakoyek minwentamowin ahpii naakohcikaatenik okihci‑inentaakosiwin.

1 Piitar 5:1

Iki hsa kaaniikaanentaakosiwaatc kaa‑ayaawaatc weti kaaishiayayek, miiwak hsa iki kaakanoonakwaa; keniin iitok niniikaanentaakos ekii'waapamak Christ ehkakwaatakihtootc, niwii'wiitoohkaas tahsh okihci‑inentaakosiwin kaawii'naakohcikaatenik.

2 Piitar 1:13

Miitahsh enentamaan minihk iko kepimaatisiyaan o'omaa niwiiyawink kwayahk ci‑ishihcikeyaampaan, ciompweminakookipan, cimaamihkootamawininakook onoweniwan.

1 Cwaan 3:14

Kikihkentaamin tahsh kiinawint nipowinink ekii'oncisaakicishkaayank, ekii'ishipiintikeshkaayank tahsh pimaatisiwinink, aaniihsh kisaaki'aanaanik kiitanami'aanaanik. A'awe tahsh wiin kaasaaki'iwehsik, nipowinink tanentaakosi.