ᐱᓬᐃᐱᔭᓇᒃ 1:6 - Ojibwe Kihcimasina'ikan

⁶ Mii 'owe ehkehcinaa'entamaan, i'iwe ominoanohkiiwin Kishemanitoo kaakii'maatanohkaatank ekiihkikishkamo'inek, keyaapi cini‑ishianohkaatank piinihsh iko ahpii kiishikaninik Christ Ciisahs kaawiihtipentank, amii 'i ahpii cikiishihcikaatek.

ᐅᒋᐺ ᑭᒋᒪᓯᓇᐃᑲᓐ

⁶ ᒦ ᐅᐌ ᐁᑫᒋᓈᐁᑕᒫᓐ, ᐃᐃᐌ ᐅᒥᓄᐊᓄᑮᐎᓐ ᑭᔐᒪᓂᑑ ᑳᑮᒫᑕᓄᑳᑕᕽ ᐁᑮᑭᑭᔥᑲᒧᐃᓀᒃ, ᑫᔮᐱ ᒋᓂ ᐃᔑᐊᓄᑳᑕᕽ ᐲᓂᔥ ᐃᑯ ᐊᐲ ᑮᔑᑲᓂᓂᒃ X ᒋᓴᔅ ᑳᐐᑎᐯᑕᕽ, ᐊᒦ ᐃ ᐊᐲ ᒋᑮᔑᒋᑳᑌᒃ᙮

ᐱᓬᐃᐱᔭᓇᒃ 1:6 Iomraidhean Croise

Cwaan 6:29

Ciisahs tahsh okii'inaa': “Mii 'owe anohkiiwin kaashiantaweniminek Kishemanitoo: tepweyenimimihk ini kaakiihpiicinisha'waatc,” okii'inaa'.

ᐃᔑᒋᑫᐎᓇᓐ 11:18

Ahpii tahsh kaanoontaakotc o'o enaacimotc kaawiin kii'noontaatihsiiwa'. Miitahsh kaa'ishi nanaahkomaanitc Kishemanitoon e'ihkitonitc: “Kishemanitoo ohsha iinsan opakitinamawaa' i'i kaaCoowiwihsinik cikwehkaatisinitc, ci'onci pimaatisinitc kaye,” kii'ihkitowa'.

ᐃᔑᒋᑫᐎᓇᓐ 16:14

Peshik tahsh ihkwe kaakiih pisintawiyamintc Litiya (Lydia) kii'ishinihkaaso, Tayahtaira (Thyatira) ootenaank ekii'-onciitc. Mii hsa kaa'inanohkiitc e'ataawaaketc mahkatemiskwekinoni, kaa'anami'ehtawaatc Kishemanitoon hsa kiihtinowi. Miitahsh kaakii'-miinikoowisitc cinihsitohtank, citepwehtank kaye kahkina Pwaalan kaakii'-ihkitonitc.

1 ᑲᕒᐃᑎᔭᓇᒃ 1:8

Wiin kika‑aayiici'ikowaa cimashkawisiiyek piinihsh iko ciwehkwaa‑ayaak, mii hsa 'iwe ekaa kekoon ci‑ishianaamentaakosihsiwek ahpii okiishikaamitc a'a kaaTipeniminank Ciisahs Christ.

2 ᑲᕒᐃᑎᔭᓇᒃ 1:15

Nihtam hsa kehcinaac ninkii'inentaanaapan ewii'mawatihsinakook cionciminwentamek niishwaa.

2 ᑲᕒᐃᑎᔭᓇᒃ 2:3

Miitahsh kaakii'onci oshipii'amawinakook, kaawiin ninkii'inentansii ahpii otihsinakook cimaanentami'iwaahpan iki pemaatisiwaatc kekiiminwentami'iwaahpan. Miitahsh eshikehcinaa'oyaan kiishpin kiiminwentamaan kekiinawaa e'minwentamek.

2 ᑲᕒᐃᑎᔭᓇᒃ 7:16

Aahpici tahsh niminwentam misiwe e'ishitepweyeniminakook!

2 ᑲᕒᐃᑎᔭᓇᒃ 9:4

Kiishpin tahsh pakamiwiiciiwakwaa Maahsatooniyaank kaaonciiwaatc, mihkaakooyek tahsh ekiihkiishiihtaahsiwek, aahpici nintaa⁠kihciakacimin. Kekiinawaa tahsh kitaa‑akacim, aaniihsh wiinke kikihci‑inenimininim!

ᑲᓬᐁᔑᔭᓇᒃ 5:10

Kitooncikehcinaa'ininim ewiiciwek kaaTipenciketc, ciotaahpinansiwek kekoon pahkaan kaaishitepwehtansiwaan. Kishemanitoo hsa okanana'ahsaan ini ininiwan aweneniwinikwen kaamikoshkaaci'inek.

ᐃᐲᔑᔭᓇᒃ 4:12

Miitahsh i'i kaakii'oncimiinaatc ewiihkwayaanci'aatc Kishemanitoo otanami'aama' citootaminitc owaawiici'iwewi⁠anohkiiwin, cioncikiishinaakwaninik e'ompihcikaatenik Christ owiiyaw,

ᐱᓬᐃᐱᔭᓇᒃ 1:10

mii 'iwe ci‑ishikashkihtooyek maawac kaaonishihshinkin ciotaahpinamek. Miitahsh 'iwe misiwe keshitepweyentaakosiyek kaye ekaa kekoon ci‑ishianaamentaakosihsiwek ahpii okiishikaamitc Christ.

ᐱᓬᐃᐱᔭᓇᒃ 1:29

Kikii'miinikoowisim cipamiihtawek 'awe Christ. Kaawiin ehta ehtepwehtawek, i'iwehsh kaye cioncikakwaatakihtooyek.

ᐱᓬᐃᐱᔭᓇᒃ 2:12

Mii hsa 'iwe siyaaki'inakook, i'iwe ekii'ishipisintawiyek kiiwiiciyayaaminakook, awahshime noonkom e'wiiciayaamihsinowinakook antawentaakwan citootamek i'i kaaininakook. Kohtaanentamowinink, nininkishkaawinink ishikapeanohkaatamaasok kipimaaci'ikoowiniwaa piinihsh iko cikiishinaakwahk.

ᐱᓬᐃᐱᔭᓇᒃ 2:13

Aaniihsh Kishemanitoo 'awe kaainanohkiitc i'imaa kipimaatisiwiniwaank. Kikikishkamo'ikowaa ci‑inentamek kaye citootamek otishiantawentamowin.

ᐱᓬᐃᐱᔭᓇᒃ 2:16

kaye e'niiminamawekwaa i'i tipaacimowin keoncipimaatisiwaatc. Kiishpin tepwe o'owe ishihcikeyek kikaonciwaawishenimininim ahpii okiishikaamitc Christ. Taishikihkentaakwan 'i ahpii ekaa anihshaa ekiihpimanohkiihsiwaan kaye anihshaa ekii'oncicaakii'itisohsiwaan.

ᑲᓬᐋᔑᔭᓇᒃ 2:12

Ahpii hsa kiihsiika'antaakooyek mii 'i kiiwiicininkwa'okoomek Christ, mii 'imaa kaye kaa'ishiwiici⁠kiiwepimaatisiimek. Aaniihsh kikiihtepwehtamowaam Kishemanitoo omashkawisiiwin ekiihkiiwepimaatisi'aatc Christan kaakii'niponitc.

1 ᑌᓴᓬᐆᓂᔭᓇᒃ 1:3

Shikwahsh ahpii hko e'anami'ehtawankitc Kishemanitoo Kaaoyoohsimank, mooshak nimaamihkwentaamin i'iwe kaaonci‑ishihcikeyek e'otepwehtamowiniyek, kaye e'oncikihcianohkiiyek saaki'iwewinink, kaye tahsh e'oncishashiipentamek, wawiinke ehkehcinaa'oyek ewiihpitakohshink a'a kaaTipeniminank Ciisahs Christ.

2 ᑌᓴᓬᐆᓂᔭᓇᒃ 1:11

Mii hsa ko ahpane wenci⁠anami'ehtamaakooyek, a'a kiKishemanitoominaan ciahpiihtakiminek ciotihsaapantamek i'iwe pimaatisiwin kaaishiantominek, maano kaye okatipihsahtwaan wekonen iko minokekoon kaakii'inentamek citootamek, kaye kahkina kekoon kitepweyentamowiniwaank kaawii'oncianohkaatamek okatipihsahtwaan.

2 ᑌᓴᓬᐆᓂᔭᓇᒃ 3:4

Nintishi'ikonaan itahsh a'a kaaTipenciketc e'oncikwayahkwenimikooyek, aasha ekiihpi‑ishihcikeyek kaakii'ishiwiintamaakooyek kaye keyaapi ciani‑ishihcikeyek.

ᐹᐃᓬᐄᒪᓐ 1:21

O'o tahsh kaaishipii'amawinaan ehkakweciminaan, ninkihkentaan i'i ci'ishihcikeyan. Ninkihkentaan iko awahshime ci'ishihcikeyan.

ᐄᐸᕒᐆᐗᒃ 10:35

O'o tahsh ehpi⁠ayishihseyek, keko tahsh wepinankek i'i kaaishikehcinaa'oyek, aaniihsh mii 'imaa keontinamek i'i kihcitipa'amaakoowin.

ᐄᐸᕒᐆᐗᒃ 12:2

Taka mooshak kanawaapamaataa Ciisahs kaakii'maacihtootc, kaakiihkiishihtootc kaye kitepweyentamowininaanin. Kaawiin itahsh kiihpakiciihsii aanawiin ekiihkihkentank cinihsintc aashiteyaahtikonk, aanciko tahsh kaawiin okiihpapaapisiskentansiin kaakiiwii'ishiakaci'intc, aaniihsh okiihkihkentaan i'i minwentamowin kaakiihpii'ikotc. Inashke tahsh noonkom Kishemanitoon owiitapimaan, okihcinihkiniink inahke e'ishiapitc.

1 Piitar 5:10

Ahpii tahsh acina kiihkakwaatakihtooyek, Kishemanitoo kaawenooci wii'miikiwetc kishewaatisiwin, kaakii'antoominek Christink ci‑ishiwiitoohkaasoyek i'imaa kaaishinehpici kihci‑inentaakositc, wiin iko kikakiishinaako'ikowaa, kikaishi'ikowaa kaye ciaayiicikaapawiyek, cimashkawisiiyek, kikanehpici⁠onahsikowaa kaye.

2 Piitar 3:10

I'i hsa kiishikaninik kaaTipenciketc kaawiihtakohshink tasesakooci ocihcihse, taapishkoo okiimoocishk niiyaak kaakihkentaakosihsik ewiihtakohshink. Mii hsa tahsh i'i ahpii ishpimink kiishik keankonaakwahk kishiiwe noontaakwahk kekoon. Mii kaye i'i ahpii kahkina kekoonan ishpimink kaa‑ayaakin kaawii'nihshiwanaacihcikaatekin ishkote ewii'aapatahk. I'i kaye ahki, kahkina kaye kekoon i'imaa kaa‑ayaakin kaawiin takihkentaakwahsinoonan.