ᐱᓬᐃᐱᔭᓇᒃ 1:28 - Ojibwe Kihcimasina'ikan

²⁸ Keko kohsaahkekwaanik ikiweniwak kenakaashkawinekwaa. Taoncikihkentamook wiinawaa ewii'nihshiwanaatisiwaatc, kiinawaa tahsh cipimaaci'ikoowisiyek. Kishemanitoo aaniihsh a'awe kaawiici'inek.

ᐅᒋᐺ ᑭᒋᒪᓯᓇᐃᑲᓐ

²⁸ ᑫᑯ ᑯᓵᑫᒀᓂᒃ ᐃᑭᐌᓂᐗᒃ ᑫᓇᑳᔥᑲᐎᓀᒀ᙮ ᑕᐅᒋᑭᑫᑕᒨᒃ ᐐᓇᐙ ᐁᐐᓂᔑᐗᓈᑎᓯᐙᒡ, ᑮᓇᐙ ᑕᔥ ᒋᐱᒫᒋᐃᑰᐎᓯᔦᒃ᙮ ᑭᔐᒪᓂᑑ ᐋᓃᔥ ᐊᐊᐌ ᑳᐐᒋᐃᓀᒃ᙮

ᐱᓬᐃᐱᔭᓇᒃ 1:28 Iomraidhean Croise

Cenisihs 49:18

Oo Tepencikeyan, nimpiihtoon hsa kipimaaci'iwewin!

Nikamonan 50:23

Awiya hsa kaa⁠pakitinaahsotc onci e⁠miikwehciwenimitc, mii hsa awe kaa⁠kihtenimitc, miihsh eshi naakohciketc eh⁠kwayaancihtootc ke⁠onci waapanta'ak eshi pimaaci'iwenitc Kishemanitoon.”

Maahtiyo 10:28

Keko tahsh wiin kohsaahkekwaanik iki kaa⁠nihtoowaatc wiiyawimaani, kaa⁠pwaanawi'aawaatc tahsh ci⁠nihsaawaatc ini ahcaahkomaan. A'a tahsh kohsihk Kishemanitoo kaa⁠kashkihtootc ci⁠nihshiwanaacihtootc wiiyawini kaye kaa⁠kashki'aatc ci⁠nihshiwanaaci'aatc ahcaahkomaan i'imaa maci ishkotenk.

Maarhk 3:3

Ciisahs itahsh okiih kanoonaan ininiwan kaashiikoshkaanik oninciini: “Piishaan o'omaa niikaanaya'iink,” okii'-inaan.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 3:6

Kahkina tahsh awiyak kaapimaatisiwaatc okawaapantaanaawaa Kishemanitoon eshi pimaaci'iwenitc,’ ” ishipii'ikaate.

Cwaan 16:8

Wiin tahsh ahpii takwihshink, mohshe piko okawaapanta'aa' ahkiink kaa‑ayaanitc, okakihkentamoonaa' e'waninaminitc wekonen i'i macitootamowin, kaye kwayahk ishihcikewin, kaye eshiayaanik Kishemanitoo otipaahkonikewin.

ᐃᔑᒋᑫᐎᓇᓐ 28:28

Pwaal tahsh kii'ani'-ihkito: “Kihkentamok itahsh o'o minwaacimowin kaashi tashintenik Kishemanitoo opimaaci'iwewin kewiinawaa kaaCoowiwihsikwaa e'ishinisha'amawintwaa, tanoontamook tahsh wiinawaa!” okii'inaa'.

ᐅᕒᐆᒪᓇᒃ 8:17

Miihsh i'i tepwe aasha e'oniicaanihsiminank, kikamiinikoomin citipinawewisiwank ini kekoonan Kishemanitoo waa'ishishawenimaatc opimaatisiima', kaye kikatakomiinikoomin kaye wiin Christ waa'ishimiinikotc Kishemanitoon. Kiishpin aaniihsh onciwiiciiwank Christ okakwaataki'ikoowinink, kikatashiwiiciiwaanaan kaye okihci‑inentaakosiwinink kaawii'miinintc.

1 ᑌᓴᓬᐆᓂᔭᓇᒃ 2:2

Kaye kikihkeniminaam aaniin kaa'ishiwepisiyaank cipwaa piotihsikooyek, weti kaakii'ishaayaank Pilihpaai (Philippi) ootenaank, i'imaa kaakii'ishikakwaataki'ikooyaank, ekii'akaciwentaakwahk kaahtootaakooyaank. Ahpii tahsh peotihsikooyek i'imaa Tehsalanaihkaank (Thessalonica), keyaapi soonkite'ewin ninkii'miinikonaan Kishemanitoo. Aanawiin ekiihkakwewanishkwe'iyamintwaa niipiwa' awiyak, maano kikiihkihciwiintamaakoom Kishemanitoo ominwaacimowin.

ᐄᐸᕒᐆᐗᒃ 13:6

Taka tahsh soonkite'etaa ci‑ihkitoyank: “KaaTipenciketc ohsha kaawiici'itc, Kaawiin tahsh ninkasekisihsii. Aaniin tahsh inini ketootawihpan?”

ᑭᑫᑕᒨᔑᐌᐎᓐ 2:10

Keko kohtankek kaawii'ani‑ishikotaki'ikooyek. Inashke aaninta kaatahshiyek kiwiihtashikoci'ikowaa maciaya'aa kipa'otiiwikamikonk ewii'ishiwepinikooyek. Kikatashikakwaataki'ikowaa mitaahsokiishik minihk. Ayaankwaamisik itahsh, impooshke piinihsh anioncinipoyek, kikamiinininim itahsh pimaatisiwin, mii 'iwe kitipa'amaakowiniwaa ekiihshaakoocihtwaayek.