ᐱᓬᐃᐱᔭᓇᒃ 1:27 - Ojibwe Kihcimasina'ikan

²⁷ O'owe ehta kitinininim: ishipimaatisiyok cipeshikonaakwahk eshiayaanik ominwaacimowin a'a Christ. Miihsh kiishpin ishaayaan ciwaapaminakook, kiishpin kaye waapamihsinowinakook, ninkanoontaan eshiayaayek, keyaapi ehsoonkikaapawiyek peshikwan iko maamaw e'inentamek, peshikwan ehta kinantawentamowiniwaank enikohk cimaamawi⁠wiici'itiyek, ehkakwemaacaahtooyek i'i tepwewin kaaishitepwehtamank 'iwe kaaishinoontamank minwaacimowinink.

ᐅᒋᐺ ᑭᒋᒪᓯᓇᐃᑲᓐ

²⁷ ᐅᐅᐌ ᐁᑕ ᑭᑎᓂᓂᓂᒻ: ᐃᔑᐱᒫᑎᓯᔪᒃ ᒋᐯᔑᑯᓈᑾᒃ ᐁᔑᐊᔮᓂᒃ ᐅᒥᓍᒋᒧᐎᓐ ᐊᐊ X᙮ ᒦᔥ ᑮᔥᐱᓐ ᐃᔖᔮᓐ ᒋᐙᐸᒥᓇᑰᒃ, ᑮᔥᐱᓐ ᑲᔦ ᐙᐸᒥᓯᓄᐎᓇᑰᒃ, ᓂᑲᓅᑖᓐ ᐁᔑᐊᔮᔦᒃ, ᑫᔮᐱ ᐁᓲᑭᑳᐸᐎᔦᒃ ᐯᔑᑾᓐ ᐃᑯ ᒫᒪᐤ ᐁᐃᓀᑕᒣᒃ, ᐯᔑᑾᓐ ᐁᑕ ᑭᓇᑕᐌᑕᒧᐎᓂᐙᕽ ᐁᓂᑯᒃ ᒋᒫᒪᐎᐐᒋᐃᑎᔦᒃ, ᐁᑲᑴᒫᒑᑑᔦᒃ ᐃᐃ ᑌᐺᐎᓐ ᑳᐃᔑᑌᐺᑕᒪᕽ ᐃᐌ ᑳᐃᔑᓅᑕᒪᕽ ᒥᓍᒋᒧᐎᓂᕽ᙮

ᐱᓬᐃᐱᔭᓇᒃ 1:27 Iomraidhean Croise

Nikamonan 122:3

Ceroosalam hsa kii‑ishihcikaate ci⁠kihci ootenaawank, wiinke iitok ayiici ayaamakan.

Maahtiyo 12:25

Ciisahs okiih kihkenimaa' aan enentaminitc. Miitahsh kaa'⁠inaatc: “Kiishpin hsa tipencikewinink awiyak kaa‑ayaawaatc wiih⁠pepahkaanihtoowaatc ci⁠miikaatiwaatc, aahpici wiipa ta⁠nihshiwanaatanini i'i tipencikewin. Kiishpin kaye ootena komaa kaye taawin pepahkaani'itisoomakahkin, maamiikaatinaaniwank kaye, aahpici wiipa ta⁠nihshiwanaatanoon.

ᐃᔑᒋᑫᐎᓇᓐ 2:46

Entahsokiishik itahsh kii'nihtaa maawaci'itiwak piincaya'ii kihcianami'ewikamikonk. Otaawiniwaank ekiihtashi pahkwepinaatc pahkweshikanan ekii'-maamawi wiihsiniwaatc, wiinke ekiih ciihkentamowaatc ote'iwaank.

ᐃᔑᒋᑫᐎᓇᓐ 24:24

Naanaake tahsh e'ani'-ishihsenik, Piilikihs kiihpiishaa e'wiiciiwaatc wiiwan Carohsila (Drusilla) kaaishinihkaasonitc, ehCoowihkwewinitc. Miitahsh kaakii'-antomaatc Pwaalan cinaasihkawimintc. Okiih pisintawaan tahsh ehtashintaminitc eshi tepweyenimimintc Christ Ciisahsoon.

ᐃᔑᒋᑫᐎᓇᓐ 4:32

Emaamawi ayaawaatc tahsh otepwehtamook peshikwan kii'inentamook, peshikwan kii'ishite'ewak. Kaawiin tahsh awiya cikii'ihkitotc kekoonan e'ayaatc wiin ehta ehtipinawewisitc, kahkina hsa ko kekoonan kiimaamawihcikewak.

ᐅᕒᐆᒪᓇᒃ 1:16

Misiwe nintishiahpenimonotaan o'o minwaacimowin. Mii 'iwe e'aawaninik Kishemanitoo omashkawisiiwin, wencipimaaci'intwaa kahkina awiyak kaatepwehtamowaatc, iki Coowak nihtam ekii'otihsikowaatc, miihsh iki kaye kahkina awiyan pahkaan kaatinowiwaatc.

ᐅᕒᐆᒪᓇᒃ 1:5

Wiin Ciisahs Christ ekii'ishihciketc, Kishemanitoo ninkii'miinik ishinisha'waakanink ci‑inanohkiiwak, 'awe Christ ci‑inanohkawak, kahkina kaapimaatisiwaatc kaatahswewaanakisiwaatc cioncitepwehtamowaatc kaye citootamowaatc otihkitowinini.

ᐅᕒᐆᒪᓇᒃ 1:9

Kishemanitoo nintaa⁠tipaacimik ehtepwewak. Mii a'awe enikohkote'eyaan kaashianohkawak e'wiintamaakeyaan eshiminwaacimimintc oKosihsan. Kishemanitoo ninkihkenimik mooshak e'maamihkweniminakook

ᐅᕒᐆᒪᓇᒃ 10:8

O'o tahsh wiin Kihcimasina'ikan ihkitoomakan: “I'i hsa Kishemanitoo otipaacimowin aahpici kipehshwaapantamowaam, kitooniwaank iitok kitayaam, kite'iwaank kaye,” miitahsh i'i minwaacimowin tepwehtamowin kaashitashintek kaatashintamaank.

ᐅᕒᐆᒪᓇᒃ 15:16

cipamiihtawimak Christ Ciisahsoon ciwiici'imak i'i ekaa kaaCoowiwihsinik. Taapishkoo hsa anami'ewikimaa kaainanohkiitc mii hsa 'i enanohkiiyaan o'o kaatashintamowak Kishemanitoo ominwaacimowin, iki hsa kewiinawaa ekaa kaaCoowiwihsikwaa ci‑ishinaakosiwaatc pakitinaahsowinink, keminwaapantaminitc Kishemanitoon. Aaniihsh Kishemanitoon otAhcaahkoni opehki'ikowaan.

ᐅᕒᐆᒪᓇᒃ 15:29

Ahpii tahsh weti otihsinakook, ninkihkentaan hsa cipiitaawak Christ kaawenootaninik oshawencikewin.

1 ᑲᕒᐃᑎᔭᓇᒃ 1:10

Niiciotepwehtamook! Kitishikanoonininim owiinsowinink kaaTipeniminank Ciisahs Christ. Kipakohsenimininim, peshikwan kahkina ci‑ihkitoyek, ekaa kekoon pahkewinitiwin ciayaamakahsinok i'imaa eshiayaayek, kwayahk hsa ko cinaapihsek kiwiici'itiwiniwaa, peshikwan ci‑inentamek, peshikwan kaye cikakweishihcikeyek.

1 ᑲᕒᐃᑎᔭᓇᒃ 15:58

Haw ihsa niiciotepwehtamook kaasaaki'inakook! Soonkikaapawik, keko kekoon kikawahkawii'ikohsiim, mooshak hsa ciwenoocianohkiihtawek a'a kaaTipenciketc. Kikihkentaanaawaa ohsha ekaa anihshaa e'anohkiihtawaahsiwek kaaTipenciketc.

2 ᑲᕒᐃᑎᔭᓇᒃ 13:11

Pooshoo tahsh kitinininim niicitepwehtamook! Wiinke hsa kwayahk kakwekwayahkwaatisik! Pisintamok kaaihkitoyaan. Weweni kaye pisintaatik aaniin ehkitoyek. Weweni kaye wiiciintik. Kishemanitoo hsa kaasaaki'iwetc, kaamiikiwetc kaye pisaanisiwin kikawiiciiwikowaa!

2 ᑲᕒᐃᑎᔭᓇᒃ 4:4

Aaniihsh a'a maciaya'aa kaamanitoowitc o'omaa ahkiink okii'ishi'aa' ciwaapihsinik i'imaa otinentamowininiink, mii hsa tahsh kaaoncitepwehtansinik. Kaawiin tahsh kaye onantawenimaahsii' ciwaapantaminitc i'i kaaishiwaahseyaanik i'i minwaacimowinini, i'imaa kaaishitashintenik Christ okihci‑inentaakosiwin. Aaniihsh mayaa piko Kishemanitoonk ishinaakosi a'a Christ.

2 ᑲᕒᐃᑎᔭᓇᒃ 9:13

Iki hsa kaawiici'ekwaa aahpici taminwentamook. Kaawiin ehta i'i kaashiminohcikeyek kiimiinekwaa kimiikiwewiniwaan, okamiikwehciwenimaawaan hsa Kishemanitoon e'naakohtooyek e'ishihcikeyek i'i kaaishitepwehtamek.

ᑲᓬᐁᔑᔭᓇᒃ 1:7

Kekeht hsa, kaawiin kotak minwaacimowin ayaahsinoon! Kiwiintamawininim tahsh e'ayaawaatc pemaatisiwaatc ehkakwe⁠wanishkwe'inekwaa, ehkakwe⁠aancihtoowaatc kaye i'iweni Christan ominwaacimowinini!

ᐃᐲᔑᔭᓇᒃ 1:13

Kekiinawaa tahsh Kishemanitoo iitok kikii'oncimaaciitipenimikowaa ahpii kiipisintamowek i'i minwaacimowin, aaniihsh mii 'imaa kaaoncipimaaci'ikooyek. Ekiihtepwehtawek itahsh Christ, Kishemanitoo kikii'miinikowaa otAhcaahkwan kaakii'ahshotamaaketc, ewiihkihkinawaaci'inek ehtipeniminek.

ᐃᐲᔑᔭᓇᒃ 1:15

Ahpii tahsh ekii'noontamaan aaniin ehpiihcitepwehtawek kaaTipenciketc Ciisahs, aaniin kaye ehpiihcisaaki'ekwaa pemaatisiwaatc Kishemanitoon kaatipenimikowaatc,

ᐃᐲᔑᔭᓇᒃ 4:1

Niin itahsh kaaTipenciketc e'anohkiihtawak kaaoncikipa'okooyaan, kitishipakohsenimininim, aahpici ehkihci‑inentaakwahk kaashikanoonikooyek, kiiantominek Kishemanitoo, miitahsh inahke ci‑ishipimaatisiyek.

ᐱᓬᐃᐱᔭᓇᒃ 1:5

onci 'iwe kaapi‑ishiwiici'iweyek ehpimiwiincikaatek minwaacimowin, nihtam iko ekii'maaciiotaahpinamek piinihsh iko noonkom.

ᐱᓬᐃᐱᔭᓇᒃ 2:12

Mii hsa 'iwe siyaaki'inakook, i'iwe ekii'ishipisintawiyek kiiwiiciyayaaminakook, awahshime noonkom e'wiiciayaamihsinowinakook antawentaakwan citootamek i'i kaaininakook. Kohtaanentamowinink, nininkishkaawinink ishikapeanohkaatamaasok kipimaaci'ikoowiniwaa piinihsh iko cikiishinaakwahk.

ᐱᓬᐃᐱᔭᓇᒃ 2:24

Nintahpenimonotawaa tahsh kaaTipenciketc kaye niin wiipa ci‑ishihseyaan ciotihsinakook.

ᐱᓬᐃᐱᔭᓇᒃ 3:18

'Iwe tahsh niipiwa'aank aasha kaakii'wiintamawinakook, noonkom miinawaa kiwiintamawininim, kaye niwiihsaka'okon e'wiintamawinakook o'owe: niipiwa' ishipimaatisiwak ewii'naahpakentansikwaa Christan otashinipowinini aashiteyaahtikonk.

ᐱᓬᐃᐱᔭᓇᒃ 3:20

Kiinawint itahsh imaa kihcikiishikonk kitooncitipentaakosimin. Kitaahkopii'aanaan kitOopimaaci'iweminaan i'imaa cioncitakohshink, mii 'awe kaaTipenciketc Ciisahs Christ.

ᐱᓬᐃᐱᔭᓇᒃ 4:1

Niwiiciotepwehtamook! Kiinawaa kaasaaki'inakook, aahpici kinantawenimininim, aahpici kiminwentami'im, aahpici kiwaawishenimininim. Siyaaki'inakook, mii 'owe ishisoonkikaapawik i'iwe kaapi‑ininakook ciani‑ishiwiiciiwek kaaTipenciketc.

ᑲᓬᐋᔑᔭᓇᒃ 1:10

Miitahsh i'i cikashkihtooyek ci‑ishipimaatisiwek kekii'ishipimaatisiwaahpan kaatipenimikowaatc kaaTipencikenitc, mooshak kaye ci‑ishihcikewek kaaishiminwentank. Oshkipimaatisiwinink itahsh noonkom e'ishipimaatisiyek, minohcikewinan kikatootaam, piinihsh kaye wiinke kikakihkenimaawaa Kishemanitoo.

ᑲᓬᐋᔑᔭᓇᒃ 1:4

aaniihsh ninkii'noontaamin ehtepwehtawek Christ Ciisahs, kaye ehsaaki'ekwaa kahkina Kishemanitoo kaatipenimaatc pemaatisinitc.

1 ᑌᓴᓬᐆᓂᔭᓇᒃ 3:6

Aasha tahsh ninkiihpikiiweotihsikonaan a'a Timahti, ekii'ishaatc kaaishiayaayek. Kitipaacimikowaa keyaapi eshitepweyentamek kaye eshisaaki'itiyek. Shikwa niwiintamaakonaan e'minomaamihkwenimiyaank kaye ewii'noontewaapamiyaank, mii peshikwan keniinawint eshiantawentamaank ciwaapamikooyek.

1 ᑌᓴᓬᐆᓂᔭᓇᒃ 4:1

Shikwa o'o pahkaan kekoon kiwii'wiintamaakoom, kaawiiciotepwehtamoomikooyek. Kikii'ishikihkino'amaakoom aaniin keishikwayahkoshkaayek, aaniin keishi kakwe nana'entami'ek Kishemanitoo. Aasha o'owe kitishihcikem. O'o tahsh noonkom kipakohsenimikoom, kitoonci⁠ayaankwaamimikoom owiinsowinink kaaTipenciketc Ciisahs, keyaapi cinikihcionishihshink kitishihcikewiniwaa.

1 Timahti 1:11

Mii o'o kihkino'amaakewin kaainahtenik ominwaacimowin kaakihci‑inentaakositc kaye kaananaahkomintc Kishemanitoo; mii 'owe minwaacimowin niin iko kaapaminamo'ikooyaan ciwiintamaakeyaan.

1 Timahti 1:19

Minciminan i'i kitepweyentamowin, i'i kaye minoinenintisowin. Iki aanint e'wepinamowaatc okii'nihshiwanaacihtoonaawaa otepweyentamowiniwaan,

2 Timahti 4:7

Minokakwecihkanitiwinink ninkii'ahpahtoo. Ninkiihkiishihtoon, ninkiihpikanawentaan i'i kitepweyentamowininaan.

Taitahs 2:10

Cikimootimaahsikwaa kaye otookimaamiwaa', i'i hsa ci‑ishihcikewaatc mooshak iko ciwaapanta'iwewaatc kwayahk e'ishipimaatisiwaatc, ehtepweyentaakosiwaatc kaye. Mii hsa tahsh misiwe i'imaa keoncikihci‑inencikaatek i'i kaaishikihkino'amaatinaaniwitc Kishemanitoo kitOopimaaci'iweminaan.

ᐹᐃᓬᐄᒪᓐ 1:5

Ninaanoontam ehshawenimimatc kahkina Kishemanitoo opimaatisiima', ehtepweyenimatc kaye kaaTipenciketc Ciisahs.

Ciimis 3:18

Iki hsa kaawiicihtwaawaatc cimino wiiciintinaaniwaninik ahpii kihtikaatamowaatc pisaanentamowin, okanihtaawikihtoonaawaa kwayahkwaatisiwin.

2 Piitar 3:11

O'owe tahsh inahke ewii'ishi nihshiwanaacihcikaatekin ono kahkina, aaniin itahsh kiinawaa kekii'ishipimaatisiyekipan? Mii iitok eshinaakwahk cipehkaatisiyek, cipakitinitisoyek kaye Kishemanitoo citipeniminek.

2 Piitar 3:14

Taka tahsh, kaasaaki'inakook, ehpiihtooyek ono, aahkohcikek ahpii Kishemanitoo takohshink cimihkawinek ehpehkaatisiyek, kekoon kaye ci‑ishi anaamentaakosihsiwek, pisaan iko ciwiiciiwek.

Coot 1:3

Kaasaaki'inakook, aahpici ohsha weweni nikiihkakwe'ishihcike cioshipii'amawinakook kipimaaci'ikoowininaan onci kaamaamawihtooyank. Noonkom itahsh ninkii'inamanci' cioshipii'amawinakook ehkaancikanooninakook kiinawaa cikakwenaatamaatamek i'i tepwehtamowin Kishemanitoo kaakii'miinaatc opimaatisiima'.