ᐱᓬᐃᐱᔭᓇᒃ 1:18 - Ojibwe Kihcimasina'ikan

¹⁸ Kaawiin inkotano nintinentansiin. Niminwentam kiishpin ehta kakiihkwenotawintc a'a Christ, aaniin iko keishihsenik, maakishaa nahpaac inentamowinink, maakishaa kaye kwayahk inentamowinink oncikakiihkwenotawintc. Shikwa keyaapi ninkani‑ishiminwentam.

ᐅᒋᐺ ᑭᒋᒪᓯᓇᐃᑲᓐ

¹⁸ ᑳᐐᓐ ᐃᑯᑕᓄ ᓂᑎᓀᑕᓰᓐ᙮ ᓂᒥᓉᑕᒻ ᑮᔥᐱᓐ ᐁᑕ ᑲᑮᑴᓄᑕᐎᓐᒡ ᐊᐊ X, ᐋᓃᓂᑯ ᑫᐃᔑᓭᓂᒃ, ᒫᑭᔖ ᓇᐹᒡ ᐃᓀᑕᒧᐎᓂᕽ, ᒫᑭᔖ ᑲᔦ ᑾᔭᒃ ᐃᓀᑕᒧᐎᓂᕽ ᐅᒋᑲᑮᑴᓄᑕᐎᓐᒡ᙮ ᔑᑾ ᑫᔮᐱ ᓂᑲᓂ ᐃᔑᒥᓉᑕᒻ᙮

ᐱᓬᐃᐱᔭᓇᒃ 1:18 Iomraidhean Croise

Maahtiyo 23:13

“Aahpici hsa kika ocaanimisim, kiinawaa kaa⁠kihkino'amaakeyek Onahshowewin, kekiinawaa Perahsiik (Pharisees)! Kiinawaa kaa⁠minwaatisiihshihtooyek! Aaniihsh kikipa'amowaam Kishemanitoo eshi‑ishkwaantemiwaninik oTipencikewin ci⁠piintikehsikwaa pemaatisiwaatc, kaawiin tahsh kekiinawaa kipiintikehsiim. Kaawiin kaye kipakitinaahsiwaawaak iki kaawiih piintikewaatc.

Maarhk 12:40

Shikwa owayeshimaa' i'i kaakiiwaatisinitc ihkwewa' cikii'-mahkamaawaatc kahkina ataaya'iimini. Miitahsh i'i kakaanwesh enikohk kaaonci anami'aawaatc oko kaa⁠kihkino'amaakewaatc onahshowewin, eh⁠kwayahkohcikehkaasowaatc. Wiinke tahsh awahshime ta⁠kihci tipaahkonikaniwiwak,” kii'‑ihkito Ciisahs.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 9:45

Kihkino'amawaakanak itahsh kaawiin okii'-nihsitohtansiinaawaa o'o ihkitowin, kaawiin aaniihsh o'o kii'ishi miinikoowisihsiiwak cinihsitohtamowaatc o'oweni. Kiihshaakwenimowak kaye cikakwecimaawaatc o'oweni.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 9:50

Ciisahs itahsh o'owe okii'inaan: “Keko onci'aahkek. Awiya kaanakaashkawihsonowinankitc ohsha kiwiici'ikonaan,” okii'inaan.

ᐅᕒᐆᒪᓇᒃ 3:9

Naahsaap itahsh miinawaa kaatashintamaan: kiinawint kaaCoowiwiyank, awahshime na kiminwakinsomin ahpiihc wiinawaa kaaCoowiwihsikwaa? Kaawiin kanake. Aasha ninkii'wiintaan i'i kaaishiwepisiwaatc Coowak kaye kaaCoowiwihsikwaa, kahkina peshikwan iko e'ishitipenimikowaac macitootamowin.

ᐅᕒᐆᒪᓇᒃ 6:15

Aaniin tahsh keinentaakwahk? Mii na pisaan iko cianimacitootamank, i'iwe ehkihkentamank ekaa inaahkonikewinink e'oncitipentaakosihsiwank, i'imaahsh ehta Kishemanitoo oshawencikewinink e'ishitipentaakosiyank? Kaawiin kanake taainentaakwahsinoon.

1 ᑲᕒᐃᑎᔭᓇᒃ 10:19

Aaniin tahsh ehkitoyaan? A'awe oshihcikan kaamanitoohkaakaaniwitc, tepwe na pimaatisi? Kaawiin ohsha kekoon inaapatisihsii. I'iwe tahsh kaye miicim kaapakitinaahsohkantawintc oshihcikan, kekoon ina inaapatan?

1 ᑲᕒᐃᑎᔭᓇᒃ 14:15

O'o tahsh ihshihsek, aaniin keishihcikeyaan? Nintahcaahkonk ninkaoncianami'aa, kaye hsa ko kaashinaakatawentamaan ninkaoncianami'aa. Nintahcaahkonk ninkaoncinikam, 'imaahsh kaye kaashinaakatawentamaan ninkaoncinikam.

1 ᑲᕒᐃᑎᔭᓇᒃ 15:11

Mii hsa tahsh o'owe, awenen iko wencinoontamowek minwaacimowin, kemaa niin aawiyaan, kemaa wiinawaa pahkaan ishinisha'waakanak, miiwan ini peshikwan eshikakiihkwenotamaank. Mii 'iwe mayaa kaatepwehtamek.

ᐱᓬᐃᐱᔭᓇᒃ 1:19

Ninkihkentaan aaniihsh e'anami'ehtamawiyek kaye ehpiwiici'imitc Ciisahs Christ otAhcaahkwan, ninkaoncipakitinikoo.