ᐱᓬᐃᐱᔭᓇᒃ 1:17 - Ojibwe Kihcimasina'ikan

¹⁷ Iki tahsh pehkaanisiwaatc kaawiin tepwewinink otishikakiihkwenotawaahsiwaawaan Christan. Wiinawaa tahsh iko ehta wii'niikaanentaakosiwak. Inentamook aaniihsh keyaapi sanakisiwin ewiihkakwe kashkihtamawiwaatc o'omaa eshikipa'okooyaan.

ᐅᒋᐺ ᑭᒋᒪᓯᓇᐃᑲᓐ

¹⁷ ᐃᑭ ᑕᔥ ᐯᑳᓂᓯᐙᒡ ᑳᐐᓐ ᑌᐺᐎᓂᕽ ᐅᑎᔑᑲᑮᑴᓄᑕᐙᓯᐙᐙᓐ Xᑕᓐ᙮ ᐐᓇᐙ ᑕᔥ ᐃᑯ ᐁᑕ ᐐᓃᑳᓀᑖᑯᓯᐗᒃ᙮ ᐃᓀᑕᒨᒃ ᐋᓃᔥ ᑫᔮᐱ ᓴᓇᑭᓯᐎᓐ ᐁᐐᑲᑴ ᑲᔥᑭᑕᒪᐎᐙᒡ ᐅᐅᒫ ᐁᔑᑭᐸᐅᑰᔮᓐ᙮

ᐱᓬᐃᐱᔭᓇᒃ 1:17 Iomraidhean Croise

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 21:14

Kiishaac itahsh onentamok cimikoshkaatentansiwek aaniin keihkitoyek naatamaasoyek.

ᐃᔑᒋᑫᐎᓇᓐ 22:1

“Niici onciimaakanak, kehtaatisiyek tahsh, pisintawihshik o'o noonkom kaawii'-ininakook ewii'-naatamaasoyaan,” okii'inaa'.

ᐃᔑᒋᑫᐎᓇᓐ 26:1

Aakarihpawan (Agrippa) tahsh okii'ikoon Pwaal (Paul): “Kipakitinamaakoo cikanootamaasoyan,” okii'ikoon. Pwaal tahsh kii'ishinihkeni miitahsh kaa'ishi maacii kanootamaasotc:

ᐃᔑᒋᑫᐎᓇᓐ 26:24

Mekwaa tahsh Pwaal o'o e'ihkitotc ehkanootamaasotc okii'onci kanoonikoon Pehtahsoon ehshaakowenitc: “Pwaal, kikiwashkwe maawiin siiyaaken! Kaashikihci kihkentaahsoyan ohsha kikiiwashkwe'ikon!” okii'ikoon.

ᐅᕒᐆᒪᓇᒃ 2:8

Ikiweniwak itahsh pehkaanisiwaatc wiinawaa ko ehta wiihkakwe⁠minotootaasowak, e'otaahpinansikwaa kaakwayahkwaninik, nawac i'iwe ewii'noocihtoowaatc kaakwayahkonaakwahsininik. Miiwak iki kekihcitipa'amaakowaatc Kishemanitoon onishkentamowininiink.

ᐱᓬᐃᐱᔭᓇᒃ 1:18

Kaawiin inkotano nintinentansiin. Niminwentam kiishpin ehta kakiihkwenotawintc a'a Christ, aaniin iko keishihsenik, maakishaa nahpaac inentamowinink, maakishaa kaye kwayahk inentamowinink oncikakiihkwenotawintc. Shikwa keyaapi ninkani‑ishiminwentam.

ᐱᓬᐃᐱᔭᓇᒃ 1:7

Kwayahkwan ihsa 'owe ci‑ineniminakook, mooshak ehtaneniminakook ninte'ink. Aaniihsh kahkina kaatahshiyek kikiihpi‑ishiwiici'iwem nimiinikoowisiwinink kaaishipakitinamawitc Kishemanitoo, aaniihsh noonkom ehkipa'okooyaan kaye otaanaank mekwaa ekiihpiniskwesiyaan ekiihkanoocikehtamawaatamaan i'i minwaacimowin ekiihpimiaayiitahtooyaan, mooshak kikiihpiwiitoohkawim.

ᐱᓬᐃᐱᔭᓇᒃ 2:3

Keko kaye kekoon ishihcikehkek cikakweniikaanentaako'itisoyek, nawac 'iwe kakwetapahsenimohtaatik, mooshak itahsh “Kiin nawac kikihtakins” ishinaatik.

1 Timahti 2:7

Mii 'owe onci ninkii'inanoonik ciotishinisha'waakanimitc Kishemanitoo, ciawikihkino'amawakwaa iki kaaCoowiwihsikwaa, owiintamaake kaye citinowiyaan, cipapaatashintamaan tepwehtamowin, tepwewin kaye. Kaawiin ninkiiwanimohsii, nintepwe hsa ko.

2 Timahti 2:9

Mii 'iwe minwaacimowin kaaoncikotakihtooyaan, ampooshke e'oncikipa'okooyaan taapishkoo omacihcikeshk. Kaawiin itahsh wiin 'iwe inakintehsinini Kishemanitoo otihkitowin cikipa'ikaatenik.

2 Timahti 4:16

Nihtam iko ekiihtipaahkonikooyaan niin iko ninkiihkanoocikehtamaatis, awiya ekiiwii'wiici'ihsik. Kahkina ninkii'nakanikook. Maano tahsh kaawiin oka‑akintamaakohsiiwaan Kishemanitoon.