ᐱᓬᐃᐱᔭᓇᒃ 1:13 - Ojibwe Kihcimasina'ikan

¹³ I'iwe onci kahkina shimaakanihshak kaakanawentamowaatc okimaawikamik ninkihkenimikook Christan e'otanohkii'aakaniminitc e'oncikipa'okooyaan, kaye kahkina pehkaanisiwaatc ninkihkenimikook.

ᐅᒋᐺ ᑭᒋᒪᓯᓇᐃᑲᓐ

¹³ ᐃᐃᐌ ᐅᒋ ᑲᑭᓇ ᔑᒫᑲᓂᔕᒃ ᑳᑲᓇᐌᑕᒧᐙᒡ ᐅᑭᒫᐎᑲᒥᒃ ᓂᑭᑫᓂᒥᑰᒃ Xᑕᓐ ᐁᐅᑕᓄᑮᐋᑲᓂᒥᓂᒡ ᐁᐅᒋᑭᐸᐅᑰᔮᓐ, ᑲᔦ ᑲᑭᓇ ᐯᑳᓂᓯᐙᒡ ᓂᑭᑫᓂᒥᑰᒃ᙮

ᐱᓬᐃᐱᔭᓇᒃ 1:13 Iomraidhean Croise

ᐃᔑᒋᑫᐎᓇᓐ 26:29

Pwaal tahsh okii'inaan: “Kiishpin acina komaa kaye kinwesh ishihsek, mii 'i eshi pakohsenimak Kishemanitoo kaawiin kiin ehta, oko hsa kaye kahkina o'omaa kaa'ayaawaatc kaanoontawiwaatc noonkom kaakiishikaninik, citinowiwaatc kaatinowiwak, kaawiin wiin onoweniwan piiwaapihkweyaapiin kaaitamaan!” okii'inaan.

ᐃᔑᒋᑫᐎᓇᓐ 26:31

Ahpii tahsh pahkaan pahkehcikanink kaa'⁠ishaawaatc kiihkakanoonitiwak ekii'-ihkitowaatc: “Wa'a inini kaawiin kekoon kii'‑ishihcikehsii ke'onci nipohpan, ke'onci kipa'ikaniwihpan kaye,” kii'ayitiwak.

ᐃᔑᒋᑫᐎᓇᓐ 28:17

Nihso kiishik (3) e'ani'-ishihsenik Pwaal okii maamawi antomaa' kaaniikaanisinitc Coowa'. Ahpii tahsh kaapi maamawi piishaanitc okii'inaa': “Niwiici onciimaakanak, aanawiin kekoon e'kii'ishi mamaanshiihkantawaahsiwakwaa kiwiici onciimaakaninaanik, ishihtwaawinan kaye kaakiihpi miininankwaa kikehteya'aaminaapaniik, miitahsh kaakiih kipa'okooyaan weti Ceroosalamink (Jerusalem), ekii'ishi pakitinikooyaan citahkonimitc Oroomink kaaonciinitc.

ᐃᔑᒋᑫᐎᓇᓐ 28:20

Miitahsh kaakii'onci antominakook ewii'-waapamininakook, ewiih kakanooninakook kaye. Aaniihsh nintepwehtawimaan Isriyalak (Israel) kaa'ahpenimonotawaawaatc, mii 'i kaaonci tahkopisoyaan ono piiwaapihkweyaapiin,” okii'inaa'.

ᐃᔑᒋᑫᐎᓇᓐ 28:30

Niisho pipoon (2) tahsh i'imaa kii'ayaa waahkaa'ikanink kaakii'-awi'aasotc, kahkina kaye ekiih piintikanaatc kaakiihpi naasihkaakotc.

ᐃᐲᔑᔭᓇᒃ 3:1

Mii hsa o'o niin Pwaal (Paul) kaa'oncitahkonikooyaan e'anohkiihtawak Christ Ciisahs kiinawaa onci ekaa kaaCoowiwihsiwek.

ᐃᐲᔑᔭᓇᒃ 4:1

Niin itahsh kaaTipenciketc e'anohkiihtawak kaaoncikipa'okooyaan, kitishipakohsenimininim, aahpici ehkihci‑inentaakwahk kaashikanoonikooyek, kiiantominek Kishemanitoo, miitahsh inahke ci‑ishipimaatisiyek.

ᐃᐲᔑᔭᓇᒃ 6:20

Mii hsa tahsh kaaonci⁠maamaancikwahpisoyaan, ehkiikitoohtamaakewininiiwiyaan e'anohkiihtawak kaaTipenciketc, o'o kaye kaatashintamaan minwaacimowin, cisoonkite'eyaan ci‑ihkitoyaan aaniin kaaishiantawentaakosiyaan.

ᐱᓬᐃᐱᔭᓇᒃ 1:30

Kaye kiinawaa ciwiici'iweyek i'imaa miikaatiwinink, i'iwe niin otaanaank kaakii'ishiwaapamiyek kaye hsa ko noonkom eshinoontamek ehtashimiikaasoyaan.

ᐱᓬᐃᐱᔭᓇᒃ 1:7

Kwayahkwan ihsa 'owe ci‑ineniminakook, mooshak ehtaneniminakook ninte'ink. Aaniihsh kahkina kaatahshiyek kikiihpi‑ishiwiici'iwem nimiinikoowisiwinink kaaishipakitinamawitc Kishemanitoo, aaniihsh noonkom ehkipa'okooyaan kaye otaanaank mekwaa ekiihpiniskwesiyaan ekiihkanoocikehtamawaatamaan i'i minwaacimowin ekiihpimiaayiitahtooyaan, mooshak kikiihpiwiitoohkawim.

ᐱᓬᐃᐱᔭᓇᒃ 4:22

Kaye kahkina Kishemanitoo opimaatisiima' o'omaa kaa‑ayaawaatc kipooshoo'ikowaak, memintake ikiweniwak i'imaa kaatipentaakosiwaatc maawac kihciokimaa owaahkaa'ikanink.

2 Timahti 2:9

Mii 'iwe minwaacimowin kaaoncikotakihtooyaan, ampooshke e'oncikipa'okooyaan taapishkoo omacihcikeshk. Kaawiin itahsh wiin 'iwe inakintehsinini Kishemanitoo otihkitowin cikipa'ikaatenik.