ᐱᓬᐃᐱᔭᓇᒃ 1:11 - Ojibwe Kihcimasina'ikan

¹¹ Kikaishimooshkineshkaakoom kekoonan kwayahkopimaatisiwin wiin Christ Ciisahs kaanihtaawikihtootc, mii 'iwe keoncikihtakimintc Kishemanitoo kaye keoncinanaahkomintc.

ᐅᒋᐺ ᑭᒋᒪᓯᓇᐃᑲᓐ

¹¹ ᑭᑲᐃᔑᒨᔥᑭᓀᔥᑳᑰᒻ ᑫᑰᓇᓐ ᑾᔭᑯᐱᒫᑎᓯᐎᓐ ᐐᓐ X ᒋᓴᔅ ᑳᓂᑖᐎᑭᑑᒡ, ᒦ ᐃᐌ ᑫᐅᒋᑭᑕᑭᒥᓐᒡ ᑭᔐᒪᓂᑑ ᑲᔦ ᑫᐅᒋᓇᓈᑯᒥᓐᒡ᙮

ᐱᓬᐃᐱᔭᓇᒃ 1:11 Iomraidhean Croise

Nikamonan 1:3

Miitahsh o'o keshinaakositc taapishkoo mihtik kaa⁠kihtikaasonitc ciikaya'ii kaashi pimiciwaninik nipi, kaa⁠nihtaawikihtootc shiiwimiicim ahpii kaa⁠nihtaa nihtaawikininik; otaniipiihshim kaye kaa⁠paahtehsininik. Aaniin hsa ko eshihciketc tashi minohse.

Aaiseya 5:2

Kii⁠pikishkahkamikipicike hsa ekii maamooshakinaatc ahsinii', miitahsh kaa⁠ishi kihtikaanaatc maawac iko wenishihshinitc shoominaahtikoo'. Okii oshihtoon kaye onsaapiwin waa⁠onci kanawentank kaakiih kihtikaatank, kii⁠waanihke kaye aaniinti ke⁠ishi shikoshkikaasonitc kaakiih kihtikaanaatc. Miitahsh kaa⁠ishi pii'aatc wiinke ci⁠mino nihtaawikinitc, wiinke hsa tahsh kii⁠wiihsakihpokosiwa'.

Aaiseya 60:21

Kipimaatisiimak hsa tahsh i'imaa Ceroosalamink ke⁠ayaawaatc ta⁠kwayahkwaatisiwak, wiinawaa kaye oka tipentaanaawaa i'i ahkiini kaakike. Miiwak hsa iki kaakiih kihtikaanakwaa, niin ekii oshi'akwaa, ewii naakohtooyaan ninkihci inentaakosiwin.

Aaiseya 61:11

Kehcinaac hsa ko taapishkoo ahkiink kaa⁠onci nihtaawikihkin kihtikaanenhs, kihtikaanahkamikonk e⁠onci maaciikinkin, mii hsa 'i nahke Kaa⁠Maawaci mashkawisiitc kaaTipenciketc keshi pimaaci'aatc opimaatisiima', kahkina hsa tahsh pemaatisinitc oka miikwehciwenimikoo'.

Aaiseya 61:3

ci⁠minwentamo'imak kaye kaa⁠maanentaminitc i'imaa Saayanink (Zion) eyaanitc. Kaawiin onantawenimaahsii' ci⁠maanentaminitc; ci⁠ciihkentaminitc, ci⁠moocihkentaminitc ohsha otishi antawenimaa'. Mihtikonk hsa inentaakosiwa' kaaTipenciketc wiin iko kaakii kihtikaanaatc. Kwayahk hsa tahsh ta⁠ishihcikewa', miihsh i'imaa Kishemanitoo ke⁠onci miikwehciwentaakositc aaniin kaakii ishihciketc.

Maahtiyo 5:16

Maano shikwa taishi waahsahkone 'iwe kiwaahsahkonewiniwaa ci⁠waapaminekwaa pemaatisiwaatc, ci⁠waapantamowaatc kiminohcikewiniwaan, shikwa ci⁠kihci inakimaawaatc Koohsiwaan kihcikiishikonk kaa‑ayaanitc.”

Cwaan 15:16

Inashke hsa, kaawiin kiinawaa niikaan kikii'onaapamihsiim. Niin aaniihsh kikii'onaapamininim, kaye kikii'onahsininim cimaacaayek, niipiwa' ciantakashkihtooyek. 'Iwe tahsh aaniin iko kekoon keshikashkihtooyek, miitahsh ciayaamakahk pishihshik. Amiitahsh piko kekoon keoncikakwecimek Weyoohsimintc, niin ehpiminisha'oyek, kikamiinikowaa.

Cwaan 15:2

Minihk itahsh entahso watihkwaniwiyaan kaashoominiwansinok opahkwacipitoon. Tahsin itahsh kaashoominiwaninik, pankii okiishkishaan, mii ehkiishaacihtootc awahshime ciminoshoominiwaninik.

Cwaan 15:8

Miihsh 'owe keshikihkencikaatenik okihci‑inentaakosiwin a'a ninTete, niipiwa' kekoon kashkihtooyek. Amiitahsh 'imaa kikaishi okihkino'amawaakanimininim.

ᐅᕒᐆᒪᓇᒃ 15:28

Ahpii tahsh kiihkiishihtooyaan i'i nintanohkiiwin, kii'ishkwaamisiwemiinakwaa ini shooniyaan kaakii'maawacihcikaniwinitc, miitahsh i'i cinimaacaayaan Ispen ahkiink ci‑ishaayaan. Ninka‑anikipihcii tahsh ewii'mawatihsinakook.

ᐅᕒᐆᒪᓇᒃ 6:22

Aasha tahsh Kishemanitoo kikii'aapa'okowaa i'imaa kaakii'ishitipenimikoyekipan macitootamowin, wiin itahsh meshkwac ehtipeniminek taapishkoo e'otanohkii'aakanitc. Noonkom itahsh mii 'owe eshiontisiyek, misiwe Kishemanitoo ehtipentank kipimaatisiwiniwaan, piinihsh kaye ewii'miininek i'i pimaatisiwin ekaa kewehkwaa‑ayaahsinok.

1 ᑲᕒᐃᑎᔭᓇᒃ 10:31

Mii 'i ehkitoyaan, wekonen hsa ko eshihcikeyek, maakishaa wiihsiniyek, maakishaa minihkweyek, kahkina ko ishihcikeyohk Kishemanitoo cikihtentaako'intc.

2 ᑲᕒᐃᑎᔭᓇᒃ 9:10

Kishemanitoo hsa kaamiinaatc kihtikewininiwan kihtikaanenhsini, pahkweshikanan kaye ciwiihsininitc, mii hsa keshimiininek i'i kihtikaanenhsini minihk kenoontehseyek. Miitahsh i'imaa kaashiminohcikeyek kimiikiwewiniwaank, mii hsa i'imaa keoncimaaciikihkin, aahpihci tahsh ciwenootisiyek ahpii moona'ikeyek.

ᐃᐲᔑᔭᓇᒃ 1:12

Wiin iitok okii'onentaan niinawint nihtam kaakii'ahpenimonotawimankitc Christan cionci⁠miikwehciwenimankitc, aaniihsh kihci‑inentaakosi.

ᐃᐲᔑᔭᓇᒃ 1:14

A'a tahsh Ahcaahk kaakii'miinikooyank mii 'imaa eshinaakwahk ekiihkihciwitipa'ank ninkotink citepinamowank i'i kaawii'miininank, mii kaye i'imaa wencikihkentamowank Kishemanitoo wiinke ewiihpimaaci'aatc ini pemaatisinitc kaatipenimaatc. Taka tahsh miikwehciwenimaataa aaniihsh kihci‑inentaakosi.

ᐃᐲᔑᔭᓇᒃ 2:10

Kiinawint itahsh Kishemanitoo otishimaaciiwin, Christ Ciisahsonk kikii'oshi'ikonaan ciminohcikewank, wiin aaniihsh kikiihkwayaanciihtamaakonaan keishipimaatisiwank.

ᐃᐲᔑᔭᓇᒃ 5:9

Aaniihsh kaawaahseyaak oncinihtaawikiimakanoon kahkina kaaonishihshik minotootamowin, kwayahkwaatisiwin, tepwewin kaye.

ᐱᓬᐃᐱᔭᓇᒃ 4:17

Kaawiin wiin i'i cimiinikooyaan nintinentansiin. Nawac itahsh kinantawenimininim minokekoon cinankakinsoyek.

ᑲᓬᐋᔑᔭᓇᒃ 1:10

Miitahsh i'i cikashkihtooyek ci‑ishipimaatisiwek kekii'ishipimaatisiwaahpan kaatipenimikowaatc kaaTipencikenitc, mooshak kaye ci‑ishihcikewek kaaishiminwentank. Oshkipimaatisiwinink itahsh noonkom e'ishipimaatisiyek, minohcikewinan kikatootaam, piinihsh kaye wiinke kikakihkenimaawaa Kishemanitoo.

ᑲᓬᐋᔑᔭᓇᒃ 1:6

I'i tahsh minwaacimowin kaakii'otihsikoyek, mooshak animinotootaakemakan, misiwe kaye ani‑ishimisihteshkaamakan o'omaa ahkiink, taapishkoo kaakiihtootaakoyek minwaacimowin nihtam ehkiishikahk kaakii'noontamek, ekiihkihkentamowek kaye aaniin mayaa enentaakwaninik Kishemanitoo okishewaatisiwin.

2 ᑌᓴᓬᐆᓂᔭᓇᒃ 1:12

Miitahsh ono kekoonan ishihcikaatekin kiinawaa taoncikihtencikaateni owiinsowin a'a kaaTipeniminank Ciisahs, shikwa kaye kiinawaa kikatakomiinikowaa okihtentaakosiwin. Onohsh kahkina taonciimakanoon oshawencikewinink a'a kiKishemanitoominaan kaye kaaTipenciketc Ciisahs Christ.

Taitahs 3:14

Mii hsa eshinaakwaninik kiwiicitepwehtamoominaanik cikihkentamowaahpan mooshak iko cikakweminotootamowaatc, cikashkihtamaasowaatc kekoonini cinoontehsehsikwaa. Kaawiin wiin anihshaa piko cimihcipimaatisiwaahpan.

ᐄᐸᕒᐆᐗᒃ 12:11

I'i hsa kahkina maamiinonikoowin mekwaa e'aapatahk kaawiin minwentaakwahsinoon, wiihsakentaakwan iitok. Shaakooc itahsh iki i'i nahke kaaishikihkino'amawintwaa naanaake kwayahkwaatisiwin okaontinaanaawaa, miitahsh i'imaa wenciik pisaanisiwin.

1 Piitar 2:12

Aahpici tahsh kwayahk ishipimaatisik kaaishiayaawaatc iki kaatepwehtansikwaa, aanawiin e'ininekwaa e'maci‑ishiwepisiyek. Inashke hsa okanihsitawinaanaawaan ini kitishihcikewiniwaan kaaonishihshininikin, miitahsh keshimiikwehciwenimaawaatc Kishemanitoon ahpii kiishikaninik wiihpi anta tipaahkoniwenitc.

1 Piitar 2:5

Miitahsh kekiinawaa peshikwan ehtinowiyek ahsiniik kaapimaatisiwaatc, kitishi/⁠aapatisim i'i kaaoshihcikaatek ahcaakowaahkaa'ikan. Miitahsh i'imaa ketashi‑inwaasoyek anami'ewikimaak kaa/⁠aapaci'ikowaatc Kishemanitoon, cipakitinamawek kaa‑ahcaahkowentaakwaninikin pakitinaahsowinan, miiwan iitok kaaminwaapantank onci Ciisahs Christan.

1 Piitar 2:9

Kiinawaa tahsh kaaohko‑onentaakosiyek, anami'ewikimaak ehtinowiyek kaa‑anohkiihtawek Kishemanitoo kaaKihciokimaawitc, pahkaan kaye kaakii'inahsinek ewii'inaapaci'inek, Kishemanitoo kaye kaatipeniminek, kikii'onaapamikowaa citipaatotamowek ominohcikewinan. Kiinawaa kaye kaakiihkanooninek cisaaka'amowek i'imaa kaaishikashkiitipihkahk kaakii'ishi ayaayekipan, i'imaa tahsh cishipiintikeshkaayek kaaishionishihshininik owaahseyaasiwin.

1 Piitar 4:14

Kiishpin itahsh oncimaci‑ikooyek Christ otishinihkaasowinink, mii 'i cishawentaakosiyek, aaniihsh a'a Ahcaahk kaakihci‑inentaakositc kikikishkawaawaa, amiiwan ihsa ini Kishemanitoo otAhcaahkwan.