ᐱᓬᐃᐱᔭᓇᒃ 1:10 - Ojibwe Kihcimasina'ikan

¹⁰ mii 'iwe ci‑ishikashkihtooyek maawac kaaonishihshinkin ciotaahpinamek. Miitahsh 'iwe misiwe keshitepweyentaakosiyek kaye ekaa kekoon ci‑ishianaamentaakosihsiwek ahpii okiishikaamitc Christ.

ᐅᒋᐺ ᑭᒋᒪᓯᓇᐃᑲᓐ

¹⁰ ᒦ ᐃᐌ ᒋᐃᔑᑲᔥᑭᑑᔦᒃ ᒫᐗᒡ ᑳᐅᓂᔑᔑᑭᓐ ᒋᐅᑖᐱᓇᒣᒃ᙮ ᒦᑕᔥ ᐃᐌ ᒥᓯᐌ ᑫᔑᑌᐺᔦᑖᑯᓯᔦᒃ ᑲᔦ ᐁᑳ ᑫᑰᓐ ᒋᐃᔑᐊᓈᒣᑖᑯᓯᓯᐌᒃ ᐊᐲ ᐅᑮᔑᑳᒥᒡ X᙮

ᐱᓬᐃᐱᔭᓇᒃ 1:10 Iomraidhean Croise

Cenisihs 20:5

Wiin iitok iko Eparahaam kii‑ihkito e⁠otawemaatc ini ihkwewan; miihsh kaye wiin peshikwan a'a ihkwe kaa⁠ihkitotc. Kaawiin itahsh kekoon nintinentansii kekoon ekii ishi mamaashiiyaan i'i kaakii ishihcikeyaan.”

Maaihka 3:2

Tekwac iitok kishiinkentaam i'i kaa⁠onishihshik, eh⁠saakihtooyek itahsh macikekoon. Mii hsa 'i enentaakwahk taapishkoo kikipimaatis e⁠pahkonekwaa nimpimaatisiimak, owiiyaahsiwaa kaye ohkaniwank e⁠onci manipitaawek.

Maahtiyo 16:23

Ciisahs tahsh kiih⁠kwehkihtaa ekii'-inaatc Piitaran: “Setan (Satan), inkoci ishaan! Kiin ohsha kaa⁠kipishkawiyan, ininiwak aaniihsh kaashi naakatawentamowaatc kitishi naakatawentam, kaawiin wiin Kishemanitoo kaashi naakatawentank.”

Maahtiyo 26:33

Okii'-ikoon itahsh Piitaroon (Peter): “Mihsawaa hsa kiishpin kotak nakanihkwaa, kaawiin niin wiihkaa kika nakanihsinoon,” okii'-ikoon.

Cwaan 1:47

Miihsh Ciisahs ekii'waapamaatc Nahtaaniyalan ehpinaasihkaakotc, okii'inaan: “Mii wa'a tepwe Isriyal (Israel) inini,” okii'inaan. “Kaawiin kekoon okikishkaakohsiin wayeshimiwewin!” okii'inaan.

Cwaan 3:20

Tahsin awiyak kaamacitootamowaatc oshiinkentaanaawaa 'i waahseyaa. Kaawiin owii'naasihkansiinaawaa 'i waahseyaa, ekaa cinaakwahsininik otishihcikewiniwaan.

ᐃᔑᒋᑫᐎᓇᓐ 24:16

Miitahsh mooshak kaaonci'-ishihcikeyaan, ekakwe kanawenintisoyaan kwayahk ci'ishinaakwahk kaashi naanaakatawentamaan enaahsamiitc Kishemanitoo, iki kaye pemaatisiwaatc.

ᐅᕒᐆᒪᓇᒃ 12:2

Keko tahsh naapinaakosihkek o'o kaaishihcikewaatc o'omaa ahkiink kaapimaatisiwaatc. Maano pakitinihk Kishemanitoo ciaanci'inek i'imaa piincaya'ii kipimaatisiwiniwaank, cioshkihtootc kaye kitinentamowiniwaan. Mii hsa tahsh cioncikihkentamowek Kishemanitoo otinentamowin, mii hsa 'iweni kaaonishihshininik, i'i kaye kaaminwaapantank, i'i kaye kaakiishinaakwaninik.

ᐅᕒᐆᒪᓇᒃ 12:9

Tepwe piko kaye wiinke saaki'itik. Shiinkentamok i'i kaamacinaakwahk, kihciwinamok itahsh i'i kaaonishihshik.

ᐅᕒᐆᒪᓇᒃ 16:17

Kikakaansomininim itahsh, niitanami'aak, ahshowinotawihkwak iki awiyak kaakashki'aawaatc awiya' cipahkewinitinitc, kaawanishkweminekwaa kaye, e'ishikihkino'ikewaatc kihcipahkaan i'i kaakii'ishinoontamek. Keko naasihkawaahkekwaanik iki tino awiyak.

ᐅᕒᐆᒪᓇᒃ 2:18

Kikihkenimaa kaye kaashiantawenimihk Kishemanitoo, kaye kikiihpi‑ishikihkino'amaakon i'iwe Inaahkonikewin wekonen wenishihshink ciotaahpinikaatek.

ᐅᕒᐆᒪᓇᒃ 7:16

Ahpiihsh ehtootamaan i'i kaaminwaapantansiwaan, mii peshikwan eshinaakwahk e'ihkitoyaan: “Haw, kwayahkwan i'i Inaahkonikewin.”

ᐅᕒᐆᒪᓇᒃ 7:22

Piincaya'ii eshitinowiyaan, ninciihkentamoshkaakon Kishemanitoo otInaahkonikewin.

ᐅᕒᐆᒪᓇᒃ 8:7

Kiishpin ehta awiya ishinaakatawentank eshinaanaakatawentamoomakaninik i'i kehteinaatisiwin, okashiinkenimaan ini Kishemanitoon. Kaawiin i'iwe okatootansiin Kishemanitoon otInaahkonikewinini kaaikotc, kaawiin otaakashkihtoohsiin i'i ci‑ishihciketc.

1 ᑲᕒᐃᑎᔭᓇᒃ 1:8

Wiin kika‑aayiici'ikowaa cimashkawisiiyek piinihsh iko ciwehkwaa‑ayaak, mii hsa 'iwe ekaa kekoon ci‑ishianaamentaakosihsiwek ahpii okiishikaamitc a'a kaaTipeniminank Ciisahs Christ.

1 ᑲᕒᐃᑎᔭᓇᒃ 10:32

Mii 'iwe inaatisik, ekaa kekoon ci‑inenimihsinowekwaa Coowak kaye kaaCoowiwihsikwaa, kaye Kishemanitoo omaawaci'aakana'.

1 ᑲᕒᐃᑎᔭᓇᒃ 8:13

Mii 'owe niin enentamaan: kiishpin awiya macitootamo'ikotc i'iwe kaamiicinaatek, nintaainentam wiihkaa miinawaa wiiyaahs cimiicihsiwaampaan, ekaa cipankihshimaahsiwakipan a'a niiciotepwehtamo.

2 ᑲᕒᐃᑎᔭᓇᒃ 1:12

O'owe tahsh wiinke ninkihci‑inentaamin, ehkihkenintisoyaank kwayahk ekii'ishipimaatisiyaank o'omaa ahkiink, kwayahk kaye ekii'wiiciiwikooyek. Aahpici hsa weweni kikii'wiiciiwikoom, aaniihsh Kishemanitoo okishewaatisiwin ninkii'wiici'ikomin. Kaawiin wiin ininiiwi⁠kakiihtaawentamowin ninkii'wiici'ikohsiimin.

2 ᑲᕒᐃᑎᔭᓇᒃ 2:17

Kaawiin itahsh wiin nintootansiimin i'i Kishemanitoo otihkitowin taapishkoo aaninta kaapaahtiinowaatc kaatootamowaatc ewii'ontinaawaatc tepinaahk shooniyaan. Kaawiin niinawint i'i nintishihcikehsiimin. Aaniihsh Kishemanitoo ninkii'ishinisha'okonaan weweni cikaakiikitoyaank enaahsamiitc, taapishkoo Christ otanohkii'aakana'.

2 ᑲᕒᐃᑎᔭᓇᒃ 6:3

Aahpici tahsh nintayaankwaamisimin cikipishkawaahsiwankitc awiya, aaniihsh kaawiin ninantawenimaahsiwaanaan awiya cimihkank macikekoonini i'imaa nintanohkiiwininaanink.

2 ᑲᕒᐃᑎᔭᓇᒃ 8:8

Kaawiin tahsh wiin kekoon nintoonahtoohsiin aaniin keishihcikeyekipan! Kikii'wiintamawininim aaniin kewiinawaa otepwehtamook kaakii'ishiwiicihtwaawaatc ehpakitinikewaatc, keoncikihkentamaan aaniin mayaa kekiinawaa ehpiihcisaaki'iweyek.

ᑲᓬᐁᔑᔭᓇᒃ 5:11

Niitanami'aak, kiishpin tahsh niin keyaapi kakiihkwaatamaampaan i'i kihkinawaatashakeshokoowin, wekonen tahsh keyaapi wencikakwaataki'ikooyaan? Kiishpin tahsh i'i tepwe ishikakiihkweyaan, kaawiin iitok awiya nintaamaanihtaakohsii kakiihkwaanimak ini Ciisahsoon kaakii'niponitc aashiteyaahtikonk.

ᐃᐲᔑᔭᓇᒃ 4:15

Kiinawint tahsh wiin saaki'iwewinink e'onciimakahk kaatashintamank tepwewin, misiwe kikaishimaaciikimin inahke Christ kaaishiayaatc, kaaniikaanishkank owiiyaw.

ᐃᐲᔑᔭᓇᒃ 5:10

Kakwekihkentamohk itahsh kaye wekonen ini kaaTipenciketc kaaminwaapantank.

ᐃᐲᔑᔭᓇᒃ 5:27

ewiihpiitamaasotc i'i otanami'aa' taapishkoo e'oshkihkwewetc wiin ewii'onaapemimintc, wiinke cipehkinaakosinitc i'imaa kaaishiayaatc, kanake cipaahpaahtewinaakosihsinik, ciayoosiikinaakosihsinik kaye, wiinke hsa ciminonaakosinitc. Miitahsh eshiantawenimaatc wiin ehta ko ewiihtipinawewisitc, kekoonini kaye ci‑ishianaamentaakosihsinik.

ᐃᐲᔑᔭᓇᒃ 6:24

Taka Kishemanitoon okishewaatisiwinini okawiiciiwikonaawaa kahkina kaasaaki'aawaatc kaaTipencikenitc Ciisahs Christan, wiihkaa osaaki'iwewiniwaa kaanipoomakahsininik.

ᐱᓬᐃᐱᔭᓇᒃ 1:16

Okoweniwak saaki'iwewinink ishihcikewak. Okihkentaanaawaa Kishemanitoo ekii'inanohkii'itc cikanoocikehtamawaatamaan i'i minwaacimowin.

ᐱᓬᐃᐱᔭᓇᒃ 1:6

Mii 'owe ehkehcinaa'entamaan, i'iwe ominoanohkiiwin Kishemanitoo kaakii'maatanohkaatank ekiihkikishkamo'inek, keyaapi cini‑ishianohkaatank piinihsh iko ahpii kiishikaninik Christ Ciisahs kaawiihtipentank, amii 'i ahpii cikiishihcikaatek.

ᐱᓬᐃᐱᔭᓇᒃ 2:16

kaye e'niiminamawekwaa i'i tipaacimowin keoncipimaatisiwaatc. Kiishpin tepwe o'owe ishihcikeyek kikaonciwaawishenimininim ahpii okiishikaamitc Christ. Taishikihkentaakwan 'i ahpii ekaa anihshaa ekiihpimanohkiihsiwaan kaye anihshaa ekii'oncicaakii'itisohsiwaan.

1 ᑌᓴᓬᐆᓂᔭᓇᒃ 3:13

Piinihsh cimashkawisii'inek kite'iwaank, ekaa kekoon ci‑ishiayaahsiwek, Kishemanitoonaank ehta cionciaapatisiyek, mii 'iwe ci‑inaatisiyek paanimaa inaahsamikaapawiihtawek Kishemanitoo Kaaoyoohsimank, ahpii pitakohshink kaaTipeniminank Ciisahs – minihk itahsh iko kaaTipenimaatc okapiwiiciiwaa' i'i ahpii.

1 ᑌᓴᓬᐆᓂᔭᓇᒃ 5:21

Mekwaa kiikitotc itahsh kahkina kekoon kikanaakasohtawaawaa. Kikaotaahpinaanaawaa wenishihshininik.

1 ᑌᓴᓬᐆᓂᔭᓇᒃ 5:23

Shikwa nimpakohsenimaa Kishemanitoo, mii 'awe pisaanisiwin kaamiininank: maano wiin Kishemanitoo kikaishi'ikowaa misiwe wiinehta ci‑inaapaci'inek. Maano kikakanawenimikowaa enikohkwentaakosiyek. Kaye kitahcaahkowaa', kipimaatisiwiniwaan, kiwiiyawiwaan kikakanawentamaakowaa, piinihsh ahpii takohshink kaaTipenciketc Ciisahs Christ, ekaa awaac kekoon cimihkikaatehsinok ci‑ishiayaahsiwek.

Caahshowaa 24:14

Miihsh Caahshowaa kaa‑ani ihkitotc, “Taka tahsh noonkom kohtaanenimihk kaaTipenciketc, weweni, tepwe kaye anohkiihtawihk. Wepinihkwak kaye i'i manitoo' kikehteya'aamiwaapaniik kaakii anami'ehtawaawaatc weti akaamisiipink Iyoohparetiis eshinihkaatek, weti kaye Iicipahkiink. KaaTipenciketc hsa ehta kika anohkiihtawaawaa.

1 Cwaan 4:1

Kaasaaki'inakook, keko tepwehtawaahkekwaanik kahkina kaaihkitowaatc ehkikishkaakowaatc Kishemanitoon otAhcaahkoni. Antakihkenimihkok taka Kishemanitoonk cionciinikwen ini ahcaahkwan kaakikishkawaawaatc. Aaniihsh paahtiinowak kaainwaanitisowaatc ehkiikitoohtamawaawaatc Kishemanitoon, misiwe e'ishaawaatc o'omaa ahkiink.

ᑭᑫᑕᒨᔑᐌᐎᓐ 2:2

Ninkihkentaanan kitishihcikewiniwaan kaye kitanohkiiwiniwaan kaye kishashiipentamowiniwaa. Kaye kikihkenimininim ekaa awaac ewii'otaahpinamawaahsiwekwaa iki maciayi'iink kaaishipimaatisiwaatc. Kikoci'aawaak itahsh iki Kishemanitoo otishinisha'waakana' kaamihci‑ishi'itisowaatc, ekaa ehtinohkaaniwihsikwaa. Kikii'mihkawaawaak kiiwanimowin e'aapacihtoowaatc.