ᐱᓬᐃᐱᔭᓇᒃ 1:1 - Ojibwe Kihcimasina'ikan

¹ Niinawint Pwaal (Paul) kaye Timahti (Timothy) otanohkii'aakana' Christ Ciisahs. Kiinawaa kitooshipii'amaakoom i'imaa Pilipaai (Philippi) ootenaank kaa‑ayaayek, kiinawaa Kishemanitoo opimaatisiima' kaawiiciiwek Christ Ciisahs, tako kaye ikiweniwak oniikaanisiik kaye owiici'iwek nintooshipii'amawaanaanik.

ᐅᒋᐺ ᑭᒋᒪᓯᓇᐃᑲᓐ

¹ ᓃᓇᐎᓐᑦ ᑆᓬ Paul ᑲᔦ ᑎᒪᑎ Timothy ᐅᑕᓄᑮᐋᑲᓇᐞ X ᒋᓴᔅ᙮ ᑮᓇᐙ ᑭᑑᔑᐲᐊᒫᑰᒻ ᐃᐃᒫ ᐱᓬᐃᐹᐃ Philippi ᐆᑌᓈᕽ ᑳᐊᔮᔦᒃ, ᑮᓇᐙ ᑭᔐᒪᓂᑑ ᐅᐱᒫᑎᓰᒪᐞ ᑳᐐᒌᐌᒃ X ᒋᓴᔅ, ᑕᑯ ᑲᔦ ᐃᑭᐌᓂᐗᒃ ᐅᓃᑳᓂᓰᒃ ᑲᔦ ᐅᐐᒋᐃᐌᒃ ᓂᑑᔑᐲᐊᒪᐙᓈᓂᒃ᙮

ᐱᓬᐃᐱᔭᓇᒃ 1:1 Iomraidhean Croise

Maarhk 13:34

Taapishkoo ta⁠ishinaakwan a'a peshik inini waahsa kaa⁠ishaatc, kaa⁠nakatank otaawin, eh⁠kanawenta'aatc otanohkii'aakana' entahsopeshik ci‑inanohkiinitc, e'⁠inaatc ini kaa⁠kanawentaminitc ishkwaantem ci⁠ahshawaapinitc.

Cwaan 12:26

Kiishpin awiya piko inentank cipami'itc, maano cipiminisha'otc. Iweti tahsh keishiayaawak, miihsh weti kaye wiin keayaatc a'a kaapami'itc. Awenen itahsh iko kewiihpami'itc, amiitahsh a'awe kekihci‑inentaakosi'ikotc ninTeten.”

ᐃᔑᒋᑫᐎᓇᓐ 1:20

Aaniihsh mii 'i eshipii'ikaatek i'imaa Nikamonan kaa'icikaatek Kihcimasina'ikanink: “Taka owaahkaa'ikan tanehpici pishihshikwaani, awiyan i'imaa ci'ishitaasinik.” Miihsh eni'-ihkitoomakahk, “Kotak awiyan oka otaahpinamini otanohkiiwin.”

ᐃᔑᒋᑫᐎᓇᓐ 20:28

Ayenkwaamikanawenintisok tahsh, kanawenimihkwak tahsh kaamaamawi ayaawaatc otepwehtamook Kishemanitoo otAhcaahkwan kaakii miiniminek cinaanaakaci'ekwaa. Taapishkoo okanawi maanahcaanihshiwe kaaishihciketc, mii 'inahke ishi kanawenimihkwahk Kishemanitoo omaawaciaakana', omiskwiimink kaakii'onci tipa'waatc.

ᐃᔑᒋᑫᐎᓇᓐ 9:13

Aananaayahs tahsh kii'ishi nahkwehtam: “Tepencikeyan, niipiwa' ohsha ninaanoontam enaacimintc a'a inini, aaniin eshi maanshi tootawaatc kaatipenimimatc otepwehtamoo' eyaanitc Ceroosalamink.

ᐅᕒᐆᒪᓇᒃ 1:1

Niin Pwaal (Paul) Christ Ciisahs otanohkii'aakanan. Kishemanitoo ninkii'onaapamik ekii'inanooshitc ciotishinisha'waakanimitc ciwiintamaakewak ominwaacimowin.

ᐅᕒᐆᒪᓇᒃ 1:7

Mii hsa 'owe kitooshipii'amawininim kiinawaa kahkina i'imaa Oroomink (Rome) kaa‑ayaayek, Kishemanitoo kaasaaki'inek, kaakii'antominek opimaatisiima' ci‑inakimikoowisiyek. Maano oKishewaatisiwinink kaye opisaanentamo'iwewin kikamiinikowaa Kishemanitoo kiTetenaan, a'a kaye kaaTipeniminank Ciisahs Christ.

1 ᑲᕒᐃᑎᔭᓇᒃ 16:10

Kiishpin i'imaa pi‑ishitakohshink a'a Timahti (Timothy) kaashiayaayek, kakweminowiici'ihk ekaa cisekisihsik. Aaniihsh taapishkoo kaye niin eshianohkawak kaaTipenciketc, kaye wiin tahsh otanohkawaan a'a Timahti.

2 ᑲᕒᐃᑎᔭᓇᒃ 1:1

Niin Pwaal Ciisahs Christ otishinisha'waakanan Kishemanitoo kaakii'inentank, Timahti (Timothy) kiitanami'aanaan hsa niwiiciiwaa. Kitooshipii'amawininim kiinawaa otepwehtamook Kwaarintink (Corinth) kaaishimaawaci'itiyek, Kishemanitoo kaatipeniminek, kahkina kaye Kishemanitoo kaatipenimaatc pemaatisinitc misiwe kaa‑ayaanitc weti Ahkeyaawahkiink (Achaia).

ᑲᓬᐁᔑᔭᓇᒃ 1:10

Mii na 'i enihtaakosiyaan taapishkoo e'antawenimak inini ciminwaapamitc? Kaawiin! Kishemanitoo ohsha ninantawenimaa ciminwaapamitc. Mii na 'i eshinaakosiyan ehkakwe⁠ishihcikeyaan inini ciminwaapamitc? Kiishpin hsa 'i ishihcikeyaampaan, kaawiin iinsan Christ nintaa‑anohkiihtawaahsii.

ᑲᓬᐁᔑᔭᓇᒃ 3:26

Ehtepweyenimek ohsha Christ Ciisahs, kahkina kaaonciokosihsiminek Kishemanitoo.

ᑲᓬᐁᔑᔭᓇᒃ 3:28

A'a tahsh Coo, a'a kaye kaaCoowiwihsik, a'a kaye opamiihtaake, a'a kaye kaatipenintisotc, a'a inini, a'a ihkwe, kaawiin pepahkaan inentaakosihsiiwak. Kahkina hsa kiinawaa kipeshikwentaakosim i'imaa Christink.

ᐃᐲᔑᔭᓇᒃ 1:1

Niin Pwaal (Paul), Ciisahs Christ otishinisha'waakanan. Kishemanitoo hsa wiin iko ninkii'inenimik i'i ci‑inanohkiiyaan. Kiinawaa hsa kitooshipii'amawininim weti kaa‑ayaayek Ehpihsahsihkaank (Ephesus), Kishemanitoo kaatipeniminek kaye aahpici ehtepweyentaakosiwek ewiicipimaatisiimek a'a Christ Ciisahs.

ᐃᐲᔑᔭᓇᒃ 1:15

Ahpii tahsh ekii'noontamaan aaniin ehpiihcitepwehtawek kaaTipenciketc Ciisahs, aaniin kaye ehpiihcisaaki'ekwaa pemaatisiwaatc Kishemanitoon kaatipenimikowaatc,

ᐃᐲᔑᔭᓇᒃ 6:24

Taka Kishemanitoon okishewaatisiwinini okawiiciiwikonaawaa kahkina kaasaaki'aawaatc kaaTipencikenitc Ciisahs Christan, wiihkaa osaaki'iwewiniwaa kaanipoomakahsininik.

ᐱᓬᐃᐱᔭᓇᒃ 2:19

Nimpakohsenim kiishpin inentank kaaTipenciketc ci‑ishinisha'wak a'awe Timahti (Timothy) ciawiotihsinek, miitahsh cioncimashkawentamaan noontamaan eshipimaatisiyek.

ᐱᓬᐃᐱᔭᓇᒃ 2:5

Christ Ciisahs kaakii'inaatisitc kitaakakweinaatisim kekiinawaa:

ᐱᓬᐃᐱᔭᓇᒃ 3:12

Kaawiin 'iwe nintaaihkitohsii aasha cikashkihtooyaan, kaawiin kaye ehkiishi'ikoowisiyaan. Enikohk itahsh nintanikakwekaahcitinamaas i'iwe kaakiiwii'miishitc kaakii'oncikaahcitinitc Christ Ciisahs.

ᐱᓬᐃᐱᔭᓇᒃ 3:3

Kiinawint ohsha kitaawimin kaamiinikoowisiyank kwayahk kihkinawaatashakeshokoowinink kaainentaakwahk. Aaniihsh kiinawint kitishianami'ehtawaanaan Kishemanitoo e'ishikashkihtoo'iminank otAhcaahkwan. Shikwa kitooncimoocikentaamin 'iwe e'wiiciiwinank Christ Ciisahs. Kaawiin kanake kitahpenimonotansiimin kekoon wakicinaw ehta ehtoocikaatek.

ᐱᓬᐃᐱᔭᓇᒃ 3:8

Kaawiin iniweniwan ehta nintishinansiinan, kahkina kekoon aanatootamaan nintishinaan misiwe ekii'wanihcikeyaan, nawac iko ewii'ayaayaan kekoon maawac kaaonishihshink, mii 'iwe cikihkenimak Christ Ciisahs kaaTipenimitc. Wiin ewii'ayaawak ninkii'onciwepinaan kahkina. Cimihciwepinikaatek ehta nintinakintaan kahkina, nawac ewii'ontinak a'a Christ.

1 ᑌᓴᓬᐆᓂᔭᓇᒃ 1:1

Niinawint o'owe nintooshipii'ikaninaan Pwaal (Paul), Saailahs (Silas), Timahti (Timothy). Kitooshipii'amaakoom kiinawaa otepwehtamook kaamaawacianami'aayek i'imaa Tehsalanaihkaawi ootenaank eyaayek, minihk kaawiiciiwinek Kishemanitoo Kaaoyoohsimintc, kaye kaaTipenciketc Ciisahs Christ. Kikawaapantamowaam okishewaatisiwin, opisaanisiwin kaye.

1 ᑌᓴᓬᐆᓂᔭᓇᒃ 2:2

Kaye kikihkeniminaam aaniin kaa'ishiwepisiyaank cipwaa piotihsikooyek, weti kaakii'ishaayaank Pilihpaai (Philippi) ootenaank, i'imaa kaakii'ishikakwaataki'ikooyaank, ekii'akaciwentaakwahk kaahtootaakooyaank. Ahpii tahsh peotihsikooyek i'imaa Tehsalanaihkaank (Thessalonica), keyaapi soonkite'ewin ninkii'miinikonaan Kishemanitoo. Aanawiin ekiihkakwewanishkwe'iyamintwaa niipiwa' awiyak, maano kikiihkihciwiintamaakoom Kishemanitoo ominwaacimowin.

2 ᑌᓴᓬᐆᓂᔭᓇᒃ 1:1

Niinawint iko nintooshipii'ikaninaan Pwaal (Paul), Silpenahs (Silvanus), Timahti (Timothy). Kiinawaa kitooshipii'amaakoom Tehsalanaihkaank (Thessalonica) kaatashianami'aayek, e'wiiciiwinek Kishemanitoo Kaaoyoohsimank kaye kaaTipenciketc Ciisahs Christ.

2 ᑌᓴᓬᐆᓂᔭᓇᒃ 1:10

Mii 'iwe ahpii eshikiishikahk ewiihpiishaatc kaaTipenciketc ewiihkihtakimikotc i'i okwayahkwaatisiima' kaye ewii'maamahkaasinaakotc i'i minihk kaatepwehtaakotc. Kaye kiinawaa kikatakoayaam i'i ahpii, aaniihsh kikiihtepwehtaam nintipaacimowininaan kaakii'wiintamaakooyek.

1 Timahti 1:2

Kitooshipii'amawin kiin Timahti (Timothy), tepwe piko tepweyentamowinink e'onciokosihsiminaan. Shawentaakosiwin, kitimaakinaakoowin, koshkwaawaatentamowin kikawii'onciihtamaak Kishemanitoo Kaaoyoohsimintc, Christ Ciisahs kaye ehTipeniminank.

1 Timahti 3:8

Iki tahsh kaye kaawiicihtwaawaatc, peshikwan iko taishiminwaatisiwak, ekaa cinihtaa minihkwehsikwaa shoominaapo, ekaa kaye ciaaskonaatisihsikwaa,

Taitahs 1:1

Niin Pwaal (Paul) Kishemanitoo otanohkii'aakanan, kaye Ciisahs Christ otishinisha'waakanan. Niin hsa kaye ninkii'onenimikoo, ciwiicihtaawak otepwehtamowiniwaan iki pemaatisiwaatc Kishemanitoon kaatipenimikowaatc, cikihkentamowaatc kaye tepwewinini i'iwe peshikwan kaainentaakwahk kitanami'aawininaan,

Taitahs 1:7

A'a hsa kaa⁠niikaani⁠kanawaapantank anami'aawin, ishinaakwanini wiinke piko kekoonini ci‑ishianaamentaakosihsik. Aaniihsh Kishemanitoon okanawencikehtamawaan. Kaawiin kaye wiin ehta ko taishpenintisohsii, kaawiin kaye ciwahkewikitaasotc, kaawiin kaye cinihtaaminihkwetc. Kaawiin kaye ciaahkwaatisitc, kaawiin kaye cisaaki'aatc shooniyaan.

ᐹᐃᓬᐄᒪᓐ 1:1

Niin Pwaal (Paul), kaaonci kipa'okooyaan Christ Ciisahs. Niwiiciiwaa Timahti (Timothy) kiicihkiwensinaan. Kitooshipii'amaakoo kiin Paailiiman (Philemon) kaasaaki wiiciiwikooyan niwiitanohkiimaakaninaan.

ᐄᐸᕒᐆᐗᒃ 13:23

Kinantawenimininim itahsh cikihkentamek, kiitanami'aanaan Timahti (Timothy) ekiihsaaka'ank i'imaa kipa'otiiwikamikonk. Kiishpin itahsh wiipa piishaatc ninkapiwiiciiwaa ahpii antawaapaminakook.

Ciimis 1:1

Niin Ciimis (James) Kishemanitoo otanohkii'aakanan, a'a kaye kaaTipenciketc Ciisahs Christ. Kahkina kipooshoo'ininim kaamitaahshi niishwewaanakisiyek Isriyalak (Israel) eyaayek misiwe pepahkaan ahkiink.

1 Piitar 2:25

Taapishkoo maanahcaanihshak kaakii'wanihshinowaatc kikii'ishinaakosim, aasha tahsh noonkom kikiihpi ashekiiwewinikoom cipiminisha'wek Okanawimaanahcaanihshiwe kaainintc, kaakanawentank kipimaatisiwiniwaan.

2 Piitar 1:1

Niin Saayiman Piitar (Simon Peter), Ciisahs Christ otanohkii'aakanan, otishinisha'waakanan kaye. Kitooshipii'amawininim kiinawaa kaakiihtepinamek tepweyentamowin peshikwan kaakihtakintek taapishkoo niinawint tino kaa‑ayaawankitc, kaakii'oncitepinamek okwayahkwaatisiwinink kiKishemanitoominaan, kiPimaaci'iweminaan kaye Ciisahs Christ.

Coot 1:1

Niin Coot (Jude) Ciisahs Christ otanohkii'aakanan. Ciimis (James) ishinihkaaso niicihkiwensi. Kitooshipii'amawininim kahkina kiinawaa kaa⁠/antominek, kaasaaki'inek kaye Kishemanitoo Kaaoyoohsimintc, Ciisahs Christ itahsh kaakanaweniminek.

ᑭᑫᑕᒨᔑᐌᐎᓐ 1:1

Okihkentamooshiwewin Ciisahs Christ Kishemanitoon kaakii'miinikotc ciwaapanta'aatc otanohkii'aakana' wiipa keni‑ishiwepaninik. Otencaliman okiihpinaashinisha'waan ekiihkihkentamoonaanitc otanohkii'aakanan Cwaanan (John).

ᑭᑫᑕᒨᔑᐌᐎᓐ 1:20

Kikihkentamoonin 'iwe enentaakosiwaatc oko niishwaahso (7) wanankohshak kaakii'waapamatwaa ninkihcinihkink e'apiwaatc, kaye ini niishwaahso osaawi shooniyaawi waahsahkonencikanaahtikoon, i'iwe kaakaacikaatek. Oko niishwaahso wanankohshak, miiwa' otencalimiwaa' otepwehtamook kaatashimaawacianami'aawaatc kaaniishwaahcinkin ootenawan. Ini kaye niishwaahso waahsahkonencikanaahtikoon, miiwak iki otepwehtamook e'niishwaahcinkin pepahkaan kaaishimaamaawaci'itiwaatc.”

ᑭᑫᑕᒨᔑᐌᐎᓐ 19:10

Miitahsh ninkii'acicipani'owaan ositink a'a encal ewii'ishpenimak. Miihsh i'i ninkiihkanoonik: “Keko 'i tootanken! Niin kiwiitanohkiimaakan kaye owiitanohkiimaakaniwaan kiwiiciotepwehtamook, miiwak oko kaakihciwinamowaatc Ciisahs otepwewi tipaacimowin. Kishemanitoo ehta ishpenim!” Aaniihsh otipaacimowin Ciisahs mii 'iwe eshikiikitowaatc kahkina kaakanootamawaawaatc Kishemanitoon.

ᑭᑫᑕᒨᔑᐌᐎᓐ 2:12

“Ini kaye otencalimiwaan otepwehtamook kaamaamawianami'aawaatc imaa Parkamamiink (Pergamum), o'owe oshipii'amaw: O'o ihkito a'a kaa‑ayaatc kaa⁠iitawikaahshaanik kihcimoohkomaan:

ᑭᑫᑕᒨᔑᐌᐎᓐ 2:8

“Ini tahsh miinawaa otencalimiwaan otepwehtamook Simirnaank (Smyrna) kaaishimaawaci'itiwaatc oshipii'amaw: 'Owe ihkito 'awe Nihtam Kaakii'ayaatc miinawaa Ishkwaac Keayaatc, a'awe kaakii'nipotc, miinawaa tahsh kaakiihkiiwepimaatisitc:

ᑭᑫᑕᒨᔑᐌᐎᓐ 22:9

Ninkii'ik itahsh: “Keko 'i tootanken! Niin 'a peshik kiwiicianohkiimaakan kaye owiitanohkiimaakaniwaan iki kiicihkiweyak, miiwak iki Kishemanitoo otipaacimowininiima' kaakanootamaakotc, kaye kahkina awiya kaakanawentank ini ihkitowinan o'omaa masina'ikanink kaa‑ayaakin. Kihci‑inenim Kishemanitoo, mii ehta 'awe.”