Oroot 4:13 - Ojibwe Kihcimasina'ikan

¹³ Poowaas (Boaz) tahsh okiih kiiwewinaan Orootan (Ruth) ekii wiiwitc. Miihsh a'a ihkwe kaaTipencikenitc kaakiih shawenimikotc. Apinoonciishan okii ayaawaan ekiih kwiiwisenhsiwinitc.

ᐅᒋᐺ ᑭᒋᒪᓯᓇᐃᑲᓐ

¹³ ᐴᐙᔅ Boaz ᑕᔥ ᐅᑮ ᑮᐌᐎᓈᓐ ᐅᕒᐆᑕᓐ Ruth ᐁᑮ ᐐᐎᒡ᙮ ᒦᔥ ᐊᐊ ᐃᑴ ᑳᑎᐯᒋᑫᓂᒡ ᑳᑮ ᔕᐌᓂᒥᑯᒡ᙮ ᐊᐱᓅᒌᔕᓐ ᐅᑮ ᐊᔮᐙᓐ ᐁᑮ ᑸᐎᓭᓯᐎᓂᒡ᙮

Oroot 4:13 Iomraidhean Croise

Cenisihs 20:17

Miitahsh Eparahaam kaa⁠ishi anami'ehtawaatc Kishemanitoon, ekii ishi anami'aatc ci⁠aantawi'ikoowisinitc Apimelehkoon, wiiwini kaye, i'i kaye otanohkii'aakanini kaa⁠ihkwewinitc ci⁠ayaawaanitc apinoonciisha'.

Cenisihs 25:21

Aaisik tahsh okii anami'ehtawaan kaaTipencikenitc wiiwan onci, aaniihsh kaawiin okii kashkihtoohsiini ci⁠oniicaanihsinitc. KaaTipencikenitc tahsh okii noontaakoon Aaisik kaakii ishi anami'ehtawaatc. Miitahsh i'i tepwe wiiwan Oripehkawan kaakii kikishkawaawahsonitc.

Cenisihs 29:31

Ahpii tahsh kaaTipenciketc e⁠waapantank Liiyawan (Leah) e⁠saakihcikaniwihsinik, okii ishi'aan ci⁠kakashkihtoonitc ci⁠oniicaanihsinitc. Orehcal (Rachel) tahsh kaawiin kii⁠otapinoonciishimihsi.

Cenisihs 30:2

Okii nishki'aan tahsh Cekapoon ekii'ikotc, “Kaawiin niin ninKishemanitoowihsii, wiin iitok kaa⁠ishi'ihk ci⁠ayaawimaahsiwatc apinoonciishak,” okii'ikoon.

Cenisihs 33:5

Iiswaan tahsh kii⁠ayinaapiwan. Weyaapamaanitc itahsh ihkwewa', apinoonciisha' kaye, miihsh o'o kaa⁠ishi kakwecimikotc, “Awenenak oko kaa⁠wiiciiwihkwaa?” okii'ikoon. Cekap tahsh kii‑ishi nahkwehtam, “Miiwa'i hsa 'i apinoonciisha' Kishemanitoo kaamiinitc niin kitanohkii'aakan,” kii‑ihkito.

Nikamonan 127:3

Apinoonciisha' hsa mii 'iweni kaaTipenciketc omiikiwewin, mii hsa i'iweni inahke eshi tipa'amaaketc.

Oroot 3:11

Oroot keko tahsh sekisihken, ninka ishihcike hsa aaniin kaashi kakwecimiyan. Kahkina kaye pemaatisiwaatc o'omaa ootenaank kikihkenimikook wiinke eh⁠sasekaa ihkwewiyan.

Oroot 4:12

Taka kaaTipenciketc ke⁠miinihk apinoonciisha' kiwiiwink onci, kitaawin ta⁠ishinaakwan kaakii ishinaakwaninik Piiris (Perez) otaawin. Mii iitok a'a kaakii okosihsimikotc Cootawan (Judah) kaakii ishinihkaasonitc, omaamaan tahsh Temaar (Tamar) kii‑ishinihkaasowan,” mii 'i kaa'ikotc.

1 Saamiyoo 1:27

Mii hsa wa'a kwiiwisenhs kaakii onci anami'aayaampaan, kaaTipenciketc hsa tahsh ninkii miinik aaniin kaakii ishi kakwecimakipan.

1 Saamiyoo 2:5

Iki hsa pemaatisiwaatc kaakii nihtaa weweni wiihsiniwaahpan; miihsh noonkom eshihcikewaatc e⁠inanohkiihtamaasowaatc ke⁠onci wiihsiniwaatc. Meshkwac tahsh iki kaawii wiihsiniwaahpan kaawiin noonkom wiihkaa noontehsehsiiwak miicim. A'a hsa wiiwimaa keshkihtoohsikipan ci⁠otapinoonciishimitc niishwaahso onihtaawiki'aa' apinoonciisha', a'a tahsh niipiwa' kaakii ayaawaatc kaawiin awaac peshik oka ani ayaawaahsiin.