Oroot 4:12 - Ojibwe Kihcimasina'ikan

¹² Taka kaaTipenciketc ke⁠miinihk apinoonciisha' kiwiiwink onci, kitaawin ta⁠ishinaakwan kaakii ishinaakwaninik Piiris (Perez) otaawin. Mii iitok a'a kaakii okosihsimikotc Cootawan (Judah) kaakii ishinihkaasonitc, omaamaan tahsh Temaar (Tamar) kii‑ishinihkaasowan,” mii 'i kaa'ikotc.

ᐅᒋᐺ ᑭᒋᒪᓯᓇᐃᑲᓐ

¹² ᑕᑲ ᑳᑎᐯᒋᑫᒡ ᑫᒦᓂᒃ ᐊᐱᓅᒌᔕᐞ ᑭᐐᐎᕽ ᐅᒋ, ᑭᑖᐎᓐ ᑕᐃᔑᓈᑾᓐ ᑳᑮ ᐃᔑᓈᑾᓂᓂᒃ ᐲᕒᐃᔅ Perez ᐅᑖᐎᓐ᙮ ᒦ ᐄᑐᒃ ᐊᐊ ᑳᑮ ᐅᑯᓯᓯᒥᑯᒡ ᒎᑕᐗᓐ Judah ᑳᑮ ᐃᔑᓂᑳᓱᓂᒡ, ᐅᒫᒫᓐ ᑕᔥ ᑌᒫᕒ Tamar ᑮᐃᔑᓂᑳᓱᐗᓐ, ᒦ ᐃ ᑳᐃᑯᒡ᙮

Oroot 4:12 Iomraidhean Croise

Cenisihs 38:29

Miihsh iinsan kaa⁠ishi ocinihkepani'onitc, inihsh iinsan wiicihkiweyan nihtam kii⁠nihtaawikiwan. Miihsh o'o wetaahpinaawahsotc kaa⁠ihkitotc, “Mii'iinsan i'i nahke eshi saakicipani'oyan!” Piires (Perez) itahsh okii ishinihkaanaan.

Cenisihs 46:12

Miihsh wiin o'o Coota (Judah) okosihsa': Ehr (Er), Oonan (Onan), Shiila (Shelah), Piiris (Perez), kaye Siira (Zerah). Ehr a'a kaye Oonan kiih⁠tashi ishkwaa pimaatisiwak Kenan ahkiink. Piiris (Perez) okosihsa': Hiisiran (Hezron) kaye Hemal (Hamul).

Maalahkaai 2:15

Kishemanitoo iitok kikii ishi'ik kiwiiyawink kitahcaahkonk kaye ci⁠peshikwentaakosiimimatc ini kiwiiwan. Wekonenini tahsh o'o wenci ishihciketc? Mii hsa 'i ci⁠ayaawimek apinoonciisha' wiin ewiih tipinawewisitc. Ayaankwaamisik itahsh entahshiyek awiya ci⁠piikonansik eshi ahshotamawaatc wiiwan.

Maahtiyo 1:3

Shikwa Coota kii'⁠okosihsi iniweniwa' Piirisan (Perez), Siiraawan (Zerah). Temaar (Tamar) tahsh kii'‑ishinihkaasowan omaamaawaan. Kaye Piiris kii'⁠okosihsi ini Hesranan (Hezron) kaye Hesran kii'⁠okosihsi ini Oraaman (Ram),

Oroot 4:18

Miiwa' itahsh ono Piiris (Perez) kaakii ani ayaanihke nihtaawiki'aatc. Piiris kii⁠okosihsi Hesranan (Hezron).

1 Saamiyoo 2:20

Mii hsa 'i Iilaai (Eli) kaakii'inaatc ci⁠minohsenitc Elkenawan, wiiwini kaye Henawan (Hannah), o'o ekii ihkitotc, “Taka hsa kaaTipenciketc kika miinik apinoonciisha' ono onci ihkwewan ci⁠meshkocihsenitc ini kaakii onci anami'aahpan ekiih kakwetwetc, kaakii miinaatc itahsh kaaTipencikenitc,” kii‑ihkito. Miitahsh kaa‑ani ishi kiiwenitc.