Oroot 4:11 - Ojibwe Kihcimasina'ikan

¹¹ Iki tahsh kaa⁠niikaanisiwaatc, iki kaye i'imaa kaa‑ayaawaatc kii‑ihkitowak, “Niinawint hsa tepwe kiwaapamikoo. Taka kaye kaaTipenciketc oka ishi'aan kiwiiwan taapishkoo Orehcalwan (Rachel), Liiyawan (Leah) kaye kaakii inentaakosinitc. Niipiwa' ekii ayaawaawaatc apinoonciisha' Cekaponk (Jacob) ekii ontinaawaatc. Taka kaye kika wenootis i'imaa kaashi inawentiwaatc iki Ehparaht kaa⁠ishi tipentaakosiwaatc, wiinke kaye ci⁠kihkentaakosiyan i'imaa Pehtalihemink (Bethlehem).

ᐅᒋᐺ ᑭᒋᒪᓯᓇᐃᑲᓐ

¹¹ ᐃᑭ ᑕᔥ ᑳᓃᑳᓂᓯᐙᒡ, ᐃᑭ ᑲᔦ ᐃᐃᒫ ᑳᐊᔮᐙᒡ ᑮᐃᑭᑐᐗᒃ, ᓃᓇᐎᓐᑦ ᓴ ᑌᐺ ᑭᐙᐸᒥᑰ᙮ ᑕᑲ ᑲᔦ ᑳᑎᐯᒋᑫᒡ ᐅᑲ ᐃᔑᐋᓐ ᑭᐐᐗᓐ ᑖᐱᔥᑰ ᐅᕒᐁᒐᓬᐗᓐ Rachel, ᓬᐄᔭᐗᓐ Leah ᑲᔦ ᑳᑮ ᐃᓀᑖᑯᓯᓂᒡ᙮ ᓃᐱᐗᐞ ᐁᑮ ᐊᔮᐙᐙᒡ ᐊᐱᓅᒌᔕᐞ ᒉᑲᐳᕽ Jacob ᐁᑮ ᐅᑎᓈᐙᒡ᙮ ᑕᑲ ᑲᔦ ᑭᑲ ᐌᓅᑎᔅ ᐃᐃᒫ ᑳᔑ ᐃᓇᐌᑎᐙᒡ ᐃᑭ ᐁᐸᕒᐊᑦ ᑳᐃᔑ ᑎᐯᑖᑯᓯᐙᒡ, ᐐᑫ ᑲᔦ ᒋᑭᑫᑖᑯᓯᔭᓐ ᐃᐃᒫ ᐯᑕᓬᐃᐁᒥᕽ Bethlehem᙮

Oroot 4:11 Iomraidhean Croise

Cenisihs 23:10

A'a hsa Iihparan okii wiitapimaa' i'i kotak Heht kaatinowinitc weti ootenaank e⁠onaahkonikewaatc. Miihsh o'o kaashi nahkwehtank Eparahaaman ci⁠noontaakotc kahkina Heht kaatinowinitc i'imaa eyaanitc. Miihsh o'o kaa⁠ihkitotc:

Cenisihs 24:60

Miitahsh kaa⁠ishi shawenimaanitc Oripehkawan o'o ekii'inaanitc, “Taka kiin, nintawemaanaan, aahpici tani kihci paahtiinowak kipiiwesiimak. Miiwak itahsh ke⁠shaakoocihtoowaatc ootenawan eshitaanitc kaa⁠shiinkenimikowaatc,” okii'inaani.

Cenisihs 29:16

Lepan tahsh kii⁠niishiwa' otaanihsa'. Kaakii omihsensimaawinitc Liiya (Leah) kii‑ishinihkaasowan. Ini tahsh kaakii ohshiimenshimaawinitc Orehcal (Rachel) kii‑ishinihkaasowan.

Cenisihs 29:25

Paanimaa tahsh eh⁠kishepaawakaninik Cekap kaakiih kihkentank Liiyawan inankwana ini kaakii wiihpemaatc. Kii‑ishaa tahsh Lepanoon ekii'inaatc, “Etatawe kikihci tootaw o'o kaa⁠tootawiyan! Orehcal iitok kaakii onci anohkiihtawinaan. Wekonen tahsh wenci kihci wayeshimiyan?” okii'inaan.

Cenisihs 29:32

Liiya tahsh kiih⁠kikishkawaawahso, kwiiwisenhsan ekii ayaawaatc. Oroopin (Reuben) tahsh okii ishinihkaanaan. O'o iitok kii‑ihkito, “KaaTipenciketc ohsha owaapantaan eshi kakwaatakentamowak; kehcinaac maawiin itahsh noonkom ninka saaki'ik ninaapem,” kii‑ihkito.

Cenisihs 35:23

Miitahsh o'o kaa⁠ishinihkaasowaatc Liiyawan (Leah) kaa⁠omaamaawaatc. Oroopan sesiihkisit, Simiyan (Simeon), Liipaai (Levi), Coota (Judah), Isahkaar (Issachar), kaye Sepiyolan (Zebulun).

Cenisihs 35:24

Iki tahsh wemaamaawaatc Orehcalwan o'o kii‑ishinihkaasowak. Coosap (Joseph), a'ahsh kaye Penciman (Benjamin).

1 ᑭᒋᐅᑭᒫᒃ 21:8

Miitahsh Cesapel kaa⁠ishi maaciipii'iketc Ehaapoon owiinsowinini ekii aapacihtootc, okihkinawaacipii'ikanini kaye ekii aapacihtootc. I'i hsa kaa⁠niikaanisinitc, kehci inentaakosinitc weti eyaanitc ootenaank Cesriiyal okii oshipii'amawaa'. Mii hsa 'owe kaa⁠ishipii'amawaatc.

Nikamonan 132:6

Weti hsa Ehparaht (Ephrath) ninkii onci noontaamin eh⁠tashintek i'i ahshotamaakemahkahk, ekii ishi mihkamaank itahsh mihshawahkamink Cear (Jaar) ecikaatek.

ᑲᑮᑖᐎᑮᔗᐎᓇᓐ 31:23

Ini hsa onaapeman wiinke kihtenimimaawan owiitapimaani iitok i'i kaa⁠niikaanentaakosinitc ininiwa'.

Maaihka 5:2

Miihsh kaaTipenciketc ehkitotc, “Pehtalihem (Bethlehem) Ehparahta (Ephrathah), kiin maawac peshik kitakaahsentaakos kaa⁠tahsinkin ootenawan i'imaa Coota (Judah) ahkiink. Miitahsh i'imaa ke⁠ontinak ke⁠tipenimaatc Isriyala' (Israel), waahsa otaanaank otoontahkaanesiwin kaapi kihkentaakwaninik.”

Maahtiyo 2:6

‘I'iwe hsa Pehtalihem i'imaa kaa‑ayaak ahkiink Cootahkaank (Judah), kaawiin pankii inakintehsinoon imaa kaa⁠kihci inentaakwahkin ootenawan Coota ahkiink. Mii ohsha 'imaa Pehtalihemiink kaawii'-onciitc a'a kaawii⁠niikaaniihtamaaketc ke⁠kihkinowinaatc kaye nintoopimaatisiima' i'i Isriyala' (Israel), kii'‑ihkito kaaTipenciketc.’ ”

ᑑᑕᕒᐋᓇᒦ 25:7

Kiishpin itahsh wiin a'a inini wii⁠wiitikemaahsik ini wiicihkiweyipaniin wiiwini, a'a tahsh ihkwe ta⁠ishaa eshi'ayaanitc kaa⁠niikaanisinitc o'o ci‑ihkitotc, ‘Ninaapemipan wiicihkiweyan hsa kaawiin inentansiiwan ci⁠ani pimiwitoonitc owiinsowini i'imaa Isriyalahkiink. Kaawiin hsa niwii tootaakohsii kekii ishihcikehpan, niinim itahsh e⁠inawemitc,’ ta⁠ihkito.

ᑑᑕᕒᐋᓇᒦ 25:9

A'a tahsh ihkwe oka naasihkawaan ini wiinimoon kaawii wiitikemikohsik ci⁠waapamikotc i'i kaa⁠niikaanisinitc ootenaank, miitahsh keshi kiitahkisinepinaatc ci⁠sihkwaanaatc owatenkoniink o'o ci‑ihkitotc, ‘Mii hsa 'o entootawintc inini kaa⁠tepwehtansik ci⁠oshihtamawaatc wiicihkiweyini opiiwesiimini,’ ta⁠ihkito.

Oroot 1:2

A'a hsa inini Iilimelehk (Elimelech) kii‑ishinihkaaso, wiiwan Neyoomii (Naomi) kii‑ishinihkaasowan. Ini tahsh peshik okosihsan Melan (Mahlon) kii‑ishinihkaasowan, ini tahsh kotak Kiliyan (Chilion) kii‑ishinihkaasowan. I'imaa hsa kaakii ishi inawentinitc Ehparaht (Ephrath) kii‑ishi tipentaakosiwak. Mekwaa hsa tahsh weti Moowap ahkiink e⁠ayaawaatc,