Oroot 3:10 - Ojibwe Kihcimasina'ikan

¹⁰ Miihsh o'o Poowaas kaa'inaatc, “KaaTipenciketc hsa kishawenimik, miitahsh o'omaa eshi naakohtooyan o'o noonkom ishkwaac kaa⁠ishihcikeyan nawac ekihci inentaakwahk ahpiihc wiin i'i nihtam kaakii ishihcikeyan. Ekiih kakwe kashki'aahsiwatwaa oshkiniikiwak kaa⁠wenootisiwaatc, iki kaye kaa⁠kitimaakisiwaatc.

ᐅᒋᐺ ᑭᒋᒪᓯᓇᐃᑲᓐ

¹⁰ ᒦᔥ ᐅᐅ ᐴᐙᔅ ᑳᐃᓈᒡ, ᑳᑎᐯᒋᑫᒡ ᓴ ᑭᔕᐌᓂᒥᒃ, ᒦᑕᔥ ᐅᐅᒫ ᐁᔑ ᓈᑯᑑᔭᓐ ᐅᐅ ᓅᑯᒻ ᐃᔥᒀᒡ ᑳᐃᔑᒋᑫᔭᓐ ᓇᐗᒡ ᐁᑭᒋ ᐃᓀᑖᑾᒃ ᐊᐲᒡ ᐐᓐ ᐃᐃ ᓂᑕᒻ ᑳᑮ ᐃᔑᒋᑫᔭᓐ᙮ ᐁᑮ ᑲᑴ ᑲᔥᑭᐋᓯᐗᑣ ᐅᔥᑭᓃᑭᐗᒃ ᑳᐌᓅᑎᓯᐙᒡ, ᐃᑭ ᑲᔦ ᑳᑭᑎᒫᑭᓯᐙᒡ᙮

Oroot 3:10 Iomraidhean Croise

Cenisihs 24:31

O'o tahsh okii'inaani, “Pikiiwe wiiciiwihshin, kiin kaa⁠shawenimihk kaaTipenciketc! Wekonen o'omaa akwaciink wenci niipawiyan? Ninkiih kwayaancihtoon ohsha waahkaa'ikan, keshi'ayaawaatc kaye pihkwaawikane mihtatimook,” kii‑ihkitowan.

Oroot 1:8

Miihsh Neyoomii kaa'inaatc minciniish ohshimihsa', “Taka ani kiiwek, ci‑ishaayek eshi'ayaawaatc kimaamaawaak. Taka kaaTipenciketc kika ishi minohse'ikowaa taapishkoo kaa⁠pishi minotootawiyek, iki kaye kaakii ishi minotootawekwaa kaakii ishkwaa pimaatisiwaatc.

Oroot 2:11

Miihsh o'o Poowaas kaa'inaatc, “Kahkina hsa kekoon niwiintamaakoo aaniin kaakiih pitootawatc kisikos ahpii kii‑ishkwaa pimaatisitc kaakii onaapemiyan. Ekii nakanatc kitete, kimaamaa kaye ekii nakataman kaye kitahkiim, o'omaa ekiih piishaayan ewii wiici pimaatisiimatwaa wiihkaa otaanank kaakiihpi kihkenimaahsiwatwaa.

Oroot 2:20

Miitahsh o'o Neyoomiiwan kaa⁠ihkitonitc, “Taka kaaTipencikenitc oka shawenimikoon, mooshak kaa⁠minotootawaanitc eshi ahshotamawaanitc kaa⁠pimaatisinitc, i'i kaye kaa⁠pimaatisihsinik.” Miihsh kii⁠ani ihkitonitc, “A'a hsa inini pehsho kitinawemaanaan, mii' iitok a'a peshik kaa⁠ishinaakwaninik ci⁠naanaakaci'inankipan,” kii‑ihkitowan.

Oroot 2:4

Naanaake tahsh Poowaas Pehtalihemink (Bethlehem) kiih⁠pi'onci takohshin, miihsh kaa'inaatc omooshakinike', “Taka kaaTipenciketc kika wiiciiwikowaa.” Miitahsh kaa⁠ishi nahkwehtaakotc, “Taka kaaTipenciketc kika shawenimik.”

Oroot 3:9

Miihsh kaa⁠ihkitotc, “Awenen kiin,” kii‑ihkito. A'a tahsh ihkwe kii‑ishi nahkwehtam, “Niin Oroot kaakii anohkiihtawinaan. Taka akwana'ohshin i'i kaa‑akwaniiyan, kiin iitok pehsho kitinawemin,” kii‑ihkito.

1 Saamiyoo 15:13

Miihsh Saamiyoo kaakii otihsaatc Swaalan eshi'ayaanitc. Miitahsh o'o kaa'ikotc, “Kishemanitoo hsa kika shawenimik, ninkii ishihcikewaan hsa kaakii ishi anooshihpan kaaTipenciketc ci‑ishihcikewak!”