Oroot 2:8 - Ojibwe Kihcimasina'ikan

⁸ Poowaas tahsh okii'inaan Orootan, “Oshkiniikihkwe, weweni pisintawihshin. Keko pahkaan kihtikewahkamikonk ishaahken ci⁠awi mooshakinikeyan, mii kaye eninaan, mii 'omaa ayaan ci⁠wiitanohkiimatwaa oko ihkwewak.

ᐅᒋᐺ ᑭᒋᒪᓯᓇᐃᑲᓐ

⁸ ᐴᐙᔅ ᑕᔥ ᐅᑮᐃᓈᓐ ᐅᕒᐆᑕᓐ, ᐅᔥᑭᓃᑭᑴ, ᐌᐌᓂ ᐱᓯᑕᐎᔑᓐ᙮ ᑫᑯ ᐸᑳᓐ ᑭᑎᑫᐗᑲᒥᑯᕽ ᐃᔖᑫᓐ ᒋᐊᐎ ᒨᔕᑭᓂᑫᔭᓐ, ᒦ ᑲᔦ ᐁᓂᓈᓐ, ᒦ ᐅᒫ ᐊᔮᓐ ᒋᐐᑕᓄᑮᒪᑣ ᐅᑯ ᐃᑴᐗᒃ᙮

Oroot 2:8 Iomraidhean Croise

2 ᑭᒋᐅᑭᒫᒃ 5:13

Otanohkii'aakana' tahsh okii naasihkaakoo' ekii'ikotc, “Kaa⁠otetewakimikooyan, kiishpin hsa okiikitoohtamaake inihkipan kihci kekoonini ci‑ishihcikewatc, kitaa ishihcikewaan iitok. Nawac iitok kitaa ishihcikewaan emihci'inihk, kisiihsipason miitahsh i'i ci⁠mino'ayaayan.”

Maahtiyo 9:2

Kiih⁠piitamawaa tahsh peshik ininiwan ekaa ekiih pimohsehsinik, ekii'-mihcipimihshininitc nipewinink. Ahpii tahsh Ciisahs ekii'-waapantamawaatc aaniin ehpiihci tepweyentaminitc iniweniwa' kaa⁠piinikonitc, okii'-inaan ini kaa‑aahkosinitc: “Mashkawentan, niicii! Kimacitootamowinan poonencikaatewan.”

Maahtiyo 9:22

Ciisahs ekiih kwehkihtaatc okii'-waapamaan ekii'-inaatc: “Mashkawentan! Kitepweyentamowin kiminoayaa'ikon.” Shemaak itahsh kii'⁠minoayaa a'a ihkwe.

ᐱᓬᐃᐱᔭᓇᒃ 4:8

Miinawaa ishkwaac, niwiiciotepwehtamoomak, naanaakatawentamohk ono kaatinowiwankin, wekonen iko kaatepwewakentaakwahk, shikwa kaakihtentaakwahk, wekonen iko kaakwayahkwahk, kaye kaapehkentaakwahk, kaye kaaminonaakwahk, kaye kaaminwaatotek. Wekonen hsa ko minoishiwepisiwin kaainentaakwahk kaye kaaminohcikewakentaakwahk, mii 'iwe ishinaakatawentamohk.

Oroot 2:7

“Ninkiih kakwecimik ohsha a'a ihkwe ci⁠pakitinak cini maamooshakinank kaa⁠pininaminitc omooshakinike'. Aahpici wiipa shepaa kii⁠maatanohkii, miitahsh payesh e⁠anwepitc, akawaahtenk hsa nanamatapi,” okii'ikoon.

Oroot 2:9

Kanawaapam itahsh aaniinti eshi manishikewaatc ci⁠ani piminisha'watwaa. Weweni kaye ninkiih kanoonaak anohkii'aakanak kaa⁠ininiiwiwaatc ci⁠papaamenimihsinowihkwaa, wii⁠minihkweyan kaye pisaan iko onci minihkwen i'imaa ahtoopaanink anohkii'aakanak kaa⁠mooshkinepatoowaatc,” okii'inaan.

1 Saamiyoo 3:16

Miitahsh Iilaaiwan kaakiih kanoonikotc, “Saamiyoo ninkosihs.” Miihsh kaa⁠ihkitotc, “O'omaa nintayaa.”

1 Saamiyoo 3:6

Miihsh miinawaa kaaTipencikenitc kaakiih kanoonikotc, “Saamiyoo,” ekii'ikotc. Miitahsh Saamiyoo kaa⁠ishi wanishkaatc ekii ishaatc Iilaaiwan eshi'ayaanitc ekii'inaatc, “Kinoontawin ohsha kaa⁠kanooshiyan.” O'ohsh okii'ikoon Iilaaiwan, “Kaawiin kitoonci kanoonihsinoon, ninkosihs, maacaan miinawaa awi kawihshimon,” ekii'ikotc.