Oroot 2:7 - Ojibwe Kihcimasina'ikan

⁷ “Ninkiih kakwecimik ohsha a'a ihkwe ci⁠pakitinak cini maamooshakinank kaa⁠pininaminitc omooshakinike'. Aahpici wiipa shepaa kii⁠maatanohkii, miitahsh payesh e⁠anwepitc, akawaahtenk hsa nanamatapi,” okii'ikoon.

ᐅᒋᐺ ᑭᒋᒪᓯᓇᐃᑲᓐ

⁷ ᓂᑮ ᑲᑴᒋᒥᒃ ᐅᔕ ᐊᐊ ᐃᑴ ᒋᐸᑭᑎᓇᒃ ᒋᓂ ᒫᒨᔕᑭᓇᕽ ᑳᐱᓂᓇᒥᓂᒡ ᐅᒨᔕᑭᓂᑫᐞ᙮ ᐋᐱᒋ ᐐᐸ ᔐᐹ ᑮᒫᑕᓄᑮ, ᒦᑕᔥ ᐸᔦᔥ ᐁᐊᓉᐱᒡ, ᐊᑲᐙᑌᕽ ᓴ ᓇᓇᒪᑕᐱ, ᐅᑮᐃᑰᓐ᙮

Oroot 2:7 Iomraidhean Croise

ᑲᑮᑖᐎᑮᔗᐎᓇᓐ 13:4

Kehtimishkitc hsa kekoon omihsawentaan, kaawiin itahsh kekoon oka tepinansiin. A'a tahsh wiin nehtaa wanohkiitc oka wenoocihtoon entawentank.

Maahtiyo 5:3

“Shawentaakosiwak oko kaa⁠kitimaakenimowaatc, kaa‑ahpenimonotawaawaatc Kishemanitoon. Amiiwak oko mayaa Kishemanitoon kaa⁠kihci otookimaamiwaatc!

ᐅᕒᐆᒪᓇᒃ 12:11

Mooshak kaye anohkiik, keko wiihkaa kihtimihkek. Wiinke piko misiwe kite'iwaank oncianohkiihtawihk kaaTipenciketc.

ᑲᓬᐁᔑᔭᓇᒃ 6:9

Taka tahsh kiinawint kaawiin kikapakitentansiimin i'i kaaishikakweminotootamank mooshak. Aaniihsh taocihcihse ahpii kekiinawint cimoona'ikeyank, kiishpin noontepakiciihsiwank.

ᐃᐲᔑᔭᓇᒃ 5:21

Kaye tahsh pakitinitisohkantaatik kaatahshiyek ehkohtaanenimek Christ.

Oroot 2:2

Aapitink tahsh eh⁠kiishikaninik Oroot (Ruth) Moowap ihkwe (Moabitess) okii'inaan Neyoomiiwan, “Taka pakitinihshin ci‑ishaayaan kihtikewahkamikonk cini mooshakinamaan parlii tino manoominan kaa⁠paninaawaatc iki kaa⁠mooshakinikewaatc. Awiya maawiin ninka mihkawaa ke⁠minwaapamitc ci⁠piminisha'wak,” okii'inaan. Miihsh Neyoomiiwan kaa⁠ishi nahkwehtaakotc, “Nihshimihs, pisaan ishaan.”

Oroot 2:21

Miitahsh Oroot kaa⁠ihkitotc, “Aanciko tahsh kaye ninkii'ik, ci⁠onishihshininikipan pehsho ci⁠wiitanohkiimimak otanohkii'aakana' piinihsh ci⁠ani ishkwaahsenik o'o kaa⁠manishikenaaniwaninik.”

Oroot 2:6

Miitahsh kaa⁠ishi nahkwehtaakotc, “Mii'iitok a'a oshkiniikihkwe Moowap ahkiink kaakiih pakami wiiciiwaatc Neyoomiiwan, Moowap ahkiink kiih⁠pionci takohshininitc,” okii'ikoon.

Oroot 2:8

Poowaas tahsh okii'inaan Orootan, “Oshkiniikihkwe, weweni pisintawihshin. Keko pahkaan kihtikewahkamikonk ishaahken ci⁠awi mooshakinikeyan, mii kaye eninaan, mii 'omaa ayaan ci⁠wiitanohkiimatwaa oko ihkwewak.