Oroot 2:6 - Ojibwe Kihcimasina'ikan

⁶ Miitahsh kaa⁠ishi nahkwehtaakotc, “Mii'iitok a'a oshkiniikihkwe Moowap ahkiink kaakiih pakami wiiciiwaatc Neyoomiiwan, Moowap ahkiink kiih⁠pionci takohshininitc,” okii'ikoon.

ᐅᒋᐺ ᑭᒋᒪᓯᓇᐃᑲᓐ

⁶ ᒦᑕᔥ ᑳᐃᔑ ᓇᑴᑖᑯᒡ, ᒦᐄᑐᒃ ᐊᐊ ᐅᔥᑭᓃᑭᑴ ᒨᐗᑉ ᐊᑮᕽ ᑳᑮ ᐸᑲᒥ ᐐᒌᐙᒡ ᓀᔫᒦᐗᓐ, ᒨᐗᑉ ᐊᑮᕽ ᑮᐱᐅᒋ ᑕᑯᔑᓂᓂᒡ, ᐅᑮᐃᑰᓐ᙮

Oroot 2:6 Iomraidhean Croise

Cenisihs 15:2

Eparam tahsh kii‑ishi nahkwehtam, “Kiin kaaTipencikeyan Kishemanitoo, wekonen tahsh ke⁠miishiyampan? Kaawiin iitok apinoonciish nintayaawaahsii. A'a tahsh kaawiih tipentank nintaya'iiman, amii 'awe Eli'iisar (Eliezer) weti Timaaskahsink (Damascus) kaa⁠onciitc.”

Cenisihs 24:2

Miitahsh Eparahaam kaa'inaatc otanohkii'aakanan maawac kaakiih sasiihkisinitc kaakii naakacihtoonitc kahkina otaya'iiman, “Taka ishi ninciinin shiipaa i'imaa nimpwaamink.

Cenisihs 39:4

Okii minwaapamikoon itahsh otookimaaman, miihsh kaa⁠ishi'ikotc ci⁠naakacihtamawaatc otaya'iimini. Okii ishi'ikoon kaye ci⁠naakacihtamawaatc owaahkaa'ikanini, kahkina kaye kekoon kaakiih tipentaminitc.

Maahtiyo 20:8

“Ahpii tahsh e'ani onaakohshininik, kihtikewikimaa okiih kanoonaan aanihkewikimaan: ‘Kanoosh iki otanohkiik, tipa'amaw kaye otanohkiiwiniwaan. Iki hsa ishkwaac kaakii'-anohkii'intwaa miiwakiki nihtam tipa'amaw, piinihsh cini tipa'amawatwaa iki nihtam kaakii'-anohkii'intwaa,’ ekii'-inaatc.

Maahtiyo 24:45

“Awenen hsa 'a kwayahk kaa⁠kakiihtaawentank anohkii'aakan? Mii hsa a'awe kaa⁠miinikotc otookimaaman kaa⁠maacaanitc, ci⁠tipenimaatc kotak anohkii'aakana' ci⁠ahshamaatc ahpii ocihcihsenik ci⁠wiihsininaaniwaninik.

Oroot 1:16

Miihsh Orootan kaa⁠ishi nahkwehtaakotc, “Keko kakaansomihshihken ci⁠nakaninaan, maano kaye ci⁠piminihsha'ohsinowinaan, aanti hsa ko eshaayan ninka ishaa. Aanti hsa ko keshi kapehshiyan keniin ninkashi kapehsh, kiicipimaatisiik hsa keniin ninka owiici pimaatisiimaak, kimanitoom hsa kaye keniin ninka omanitoom.

Oroot 1:19

Miitahsh kaa⁠ishi maacaawaatc piinihsh ekiih takohshinowaatc Pehtalihem (Bethlehem) ootenaank. Ahpii tahsh kaah⁠pitakohshinowaatc, kahkina i'imaa ootenaank kaakiihtaanitc, memintake ko ihkwewa' okiih pinaasihkaakowaa' ekii ihkitonitc, “Miina wa'a tepwe Neyoomii?” kii‑ihkitowa'.

Oroot 1:22

Mii hsa 'i kaa⁠ishihsetc Neyoomii ahpii Moowap ahkiink kii⁠pionci takohshink, kiipi wiiciiwaatc ohshimihsan Oroot eshinihkaasonitc Moowap ahkiink wenciinitc. I'i hsa tahsh ahpii kiipi takohshinowaatc Pehtalihemink, mii hsa 'i aasha kii⁠maacihsenik ci⁠manishikaniwinitc parlii (barley) tino manoominan.

Oroot 2:5

Miitahsh Poowaas kaakiih kakwecimaatc otanohkii'aakanan kaakii niikaaniihtamawaanitc omanishike', “Awenen a'a tino oshkiniikihkwe,” okii'inaan.

Oroot 2:7

“Ninkiih kakwecimik ohsha a'a ihkwe ci⁠pakitinak cini maamooshakinank kaa⁠pininaminitc omooshakinike'. Aahpici wiipa shepaa kii⁠maatanohkii, miitahsh payesh e⁠anwepitc, akawaahtenk hsa nanamatapi,” okii'ikoon.