Oroot 2:4 - Ojibwe Kihcimasina'ikan

⁴ Naanaake tahsh Poowaas Pehtalihemink (Bethlehem) kiih⁠pi'onci takohshin, miihsh kaa'inaatc omooshakinike', “Taka kaaTipenciketc kika wiiciiwikowaa.” Miitahsh kaa⁠ishi nahkwehtaakotc, “Taka kaaTipenciketc kika shawenimik.”

ᐅᒋᐺ ᑭᒋᒪᓯᓇᐃᑲᓐ

⁴ ᓈᓈᑫ ᑕᔥ ᐴᐙᔅ ᐯᑕᓬᐃᐁᒥᕽ Bethlehem ᑮᐱᐅᒋ ᑕᑯᔑᓐ, ᒦᔥ ᑳᐃᓈᒡ ᐅᒨᔕᑭᓂᑫᐞ, ᑕᑲ ᑳᑎᐯᒋᑫᒡ ᑭᑲ ᐐᒌᐎᑯᐙ᙮ ᒦᑕᔥ ᑳᐃᔑ ᓇᑴᑖᑯᒡ, ᑕᑲ ᑳᑎᐯᒋᑫᒡ ᑭᑲ ᔕᐌᓂᒥᒃ᙮

Oroot 2:4 Iomraidhean Croise

Cenisihs 18:19

Wiin hsa ninkii onaapamaa ci⁠kihkinowinaatc oniicaanihsa', i'i kaye keni opiiwesiimitc, eshi antawentaminitc kaaTipencikenitc. Kwayahk ci‑ishihcikenitc, weweni kaye ci⁠tootaakenitc. Kiishpin i'i ishihcikenitc, miitahsh kahkina kekoon ci‑ishihcike'ak kaakii ishi ahshotamawak Eparahaam,” kii‑ihkito.

Cenisihs 28:3

Taka Kishemanitoo kaaMaawaci mashkawisiitc kika shawenimik, kika ishi'ik kaye ci⁠paahtiinonitc ke⁠oniicaanihsiwatc, kiin itahsh kika otetemikook niipiwa' kaa⁠tahswewaanakisiwaatc.

Ceramaaya 31:23

Mii hsa i'iweni kaaTipenciketc kaaMaawaci mashkawisiitc, Isriyalak (Israel) kaa⁠oKishemanitoomiwaatc ehkitotc, “Ahpii hsa pahkaan ahkiink kii⁠onci pikiiwewinakwaa, pemaatisiwaatc hsa i'imaa Coota (Judah) ahkiink kaa‑ayaawaatc, i'imaa kaye kaashi ayootenawaninik o'o miinawaa ta⁠ihkitowak, ‘Taka kaaTipenciketc oka minwaapantaan, kaa⁠kihtentaakwaninik waciini kaashi ayaanik Ceroosalam (Jerusalem), wiin iitok i'imaa tanentaakosi.’

ᐊᑭᑖᓱᓇᓐ 6:24

‘Taka kaaTipenciketc kika shawenimikowaa, kika naanaakaci'ikowaa kaye;

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 1:28

Miitahsh encal kaakiihpi naasihkawaatc ini oshkiniikihkwewan ekii'inaatc: “Kipooshoo'in, kaaTipenciketc ohsha kiwiiciiwik kaye tahsh aahpici kikihci shawenimik,” okii'inaan.

2 ᑌᓴᓬᐆᓂᔭᓇᒃ 3:16

A'a kaaTipenciketc kaanihtaa miikiwetc koshkwaawaatentamowin, wiin iko tipinawe kikamiinikowaa mooshak, aaniiniko eshiwepisink. KaaTipenciketc kahkina kikawiiciiwikowaa.

1 Timahti 6:2

Awiya tahsh kaaotanohkii'aakanimikotc otepwehtamoon, mii 'i e'ishiwiicihkiweyenimaatc, kaawiin itahsh okaonci⁠macakimaahsiin otookimaaman. Taka awahshime 'i takakweminoanohkii, aaniihsh otepwehtamoon ini kaawiici'aatc, ehsaaki'aatc. Miiwan ono ishikihkino'amaaken, ishikakaansonken.

2 Timahti 4:22

Maano kitahcaahk okawiiciiwikoon kaaTipencikenitc. Okishewaatisiwin mincikahkina kika‑ahshici⁠wiiciiwikom.

Caahshowaa 24:15

Kiishpin itahsh inentansiwek kaashi ayaayek ci⁠anohkiihtawek kaaTipenciketc; onentamaasok hsa kiinawaa piko noonkom kaa⁠kiishikahk awenen waa‑anohkiihtawek. Komaa manitoo' kikehteya'aamiwaapaniik kaakii anohkiihtawaawaatc weti akaamisiipi Iyoohparetiis komaa kaye i'i omanitoomiwaa' iki Emorii kaatinowiwaatc kaa⁠wiicitaamekwaa otahkiimiwaank. Niin itahsh wiin, iki kaye niwaahkaa'ikanink kaataawaatc, ninka anohkiihtawaanaan kaaTipenciketc,” okii inaa'.

ᐅᓈᑯᓂᑫᒃ 6:12

Miihsh a'a Kiitiyan kaa'ikotc kaaTipencikenitc otencalimini ekii naakosiihtaakotc ekii'ikotc, “KaaTipenciketc ohsha kiwiiciiwik, kiin kaa⁠maskawentaakosiyan miikaasowinini,” okii'ikoon.

ᐅᓈᑯᓂᑫᒃ 6:16

Miihsh o'o kaa'ikotc, “Tepwe niin iko kika wiiciiwin, kika ishi shaakooci'aak hsa Mitiyan kaatinowiwaatc taapishkoo keshi shaakooci'atipan peshik inini,” okii'ikoon.

Oroot 2:3

Miitahsh Oroot kaa⁠ishi maacaatc ekii ishaatc kihtikewahkamikonk. Okiih piminisha'waa' itahsh kaakii mooshakinikenitc ekii ani mooshakinank kaakiih pininaminitc. Na'itaak iitok kii‑ishaa kihtikewahkamikonk kaakiih tipentaminitc Poowaasan kaakii wiici ontahkaanesimaanitc Iilimelehkopanen.

Oroot 2:5

Miitahsh Poowaas kaakiih kakwecimaatc otanohkii'aakanan kaakii niikaaniihtamawaanitc omanishike', “Awenen a'a tino oshkiniikihkwe,” okii'inaan.

Oroot 4:11

Iki tahsh kaa⁠niikaanisiwaatc, iki kaye i'imaa kaa‑ayaawaatc kii‑ihkitowak, “Niinawint hsa tepwe kiwaapamikoo. Taka kaye kaaTipenciketc oka ishi'aan kiwiiwan taapishkoo Orehcalwan (Rachel), Liiyawan (Leah) kaye kaakii inentaakosinitc. Niipiwa' ekii ayaawaawaatc apinoonciisha' Cekaponk (Jacob) ekii ontinaawaatc. Taka kaye kika wenootis i'imaa kaashi inawentiwaatc iki Ehparaht kaa⁠ishi tipentaakosiwaatc, wiinke kaye ci⁠kihkentaakosiyan i'imaa Pehtalihemink (Bethlehem).

1 Saamiyoo 17:37

Miitahsh kaa‑ani ihkitotc, “KaaTipenciketc ohsha ninkiih shaapwii'ik ci⁠saaminihsinik mihshipishiwan, mahkwan kaye. Miihsh peshikwan keshi shaapwii'itc ini onci Pilistii kaatinowinitc.” O'ohsh Swaalan okii'ikoon, “Haw, maacaan, kaaTipenciketc hsa kika wiiciiwik,” okii'ikoon.