Oroot 2:12 - Ojibwe Kihcimasina'ikan

¹² Taka kaaTipenciketc kika tipa'amaak i'i kaapi ishihcikeyan. Taka kaye kika mooshkine tipa'amaak a'a kaaTipenciketc Isriyalak (Israel) kaa⁠oKishemanitoomiwaatc, ehpi naacipa'iwaanatc oninkwiikanink ci⁠onci naatamawihk,” okii'inaan.

ᐅᒋᐺ ᑭᒋᒪᓯᓇᐃᑲᓐ

¹² ᑕᑲ ᑳᑎᐯᒋᑫᒡ ᑭᑲ ᑎᐸᐊᒫᒃ ᐃᐃ ᑳᐱ ᐃᔑᒋᑫᔭᓐ᙮ ᑕᑲ ᑲᔦ ᑭᑲ ᒨᔥᑭᓀ ᑎᐸᐊᒫᒃ ᐊᐊ ᑳᑎᐯᒋᑫᒡ ᐃᔅᕒᐃᔭᓬᐊᒃ Israel ᑳᐅᑭᔐᒪᓂᑑᒥᐙᒡ, ᐁᐱ ᓈᒋᐸᐃᐙᓇᒡ ᐅᓂᑸᑲᓂᕽ ᒋᐅᒋ ᓈᑕᒪᐎᒃ, ᐅᑮᐃᓈᓐ᙮

Oroot 2:12 Iomraidhean Croise

Nikamonan 19:11

Mii hsa imaa wentinamaan kihkentamaawin, niin kitanohkii'aakan, nintipa'amaako hsa e⁠na'ihtamaan ini inaahkonikewinan.

Nikamonan 57:1

Taka koohpaatenimihshin Kishemanitoo, taka koohpaasinawihshin, kiin iitok kaa⁠naacipa'iwaaninaan. Anaamaya'ii hsa kininkwiikanink ninkashi aakawihshimoon, piinihsh ci‑ishkwaa pimi ayaak kaa⁠kihci ishiwepahk.

Nikamonan 63:7

aaniihsh kiin kaa⁠wiici'iyan. I'imaa kaashi akawaahte ninkwiikaneniyan nintashi nikam ehpiihci ciihkentamaan.

Nikamonan 91:4

Omiinkwanink hsa wiinke kika ishi aakooshkaak, kaashi wiimpi ninkwiikanenitc hsa kika ishi naatamak, otepweyentaakosiwin mii 'i ke⁠inwaatamowatc taapishkoo ke⁠onakaa'ikaniyan, kaye keshi aakawihshinan.

ᑲᑮᑖᐎᑮᔗᐎᓇᓐ 11:18

Mecaatisiwaatc ihsa kaawiin kekoon kehcinac kashkihtamaasohsiiwak, kiishpin kwayahk ishihcikeyan kehcinaac iitok kika tipa'amaakoowis.

Ceramaaya 31:16

Miitahsh o'o ehkitotc kaaTipenciketc, “Taka mii 'i ishi pooni mawin, kaahsii'an kaye kitoosipiinkwaanan. Kika ontis hsa 'i kaakii inanohkiiyan, kahkina hsa ta⁠pionci kiiwewak otahkiiminiink kaa⁠shiinkenimikowaatc.

Maahtiyo 23:37

“Oo Ceroosalam (Jerusalem)! Kiinawaa Ceroosalamink kaa‑ayaayek! Kiinawaa kaa⁠nihsekwaa kaa⁠kanootamawaawaatc Kishemanitoon, kaa⁠papiimohsina'ekwaa kaye owiintamaake' Kishemanitoo kaa⁠ishinisha'amawinek! Mooshak hsa ekii'ishi mihsawentamaan ewii'-maawantooninakook taapishkoo nooshe paahka'aahkwaan kaaishi tapinawishkawaatc oniicaanihsa' i'imaa anaami ninkwiikanink. Kaawiin tahsh kikiih pakitinihsiim.

Maahtiyo 5:12

Kihciminwentamohk, ciihkentamohk! Aaniihsh kihcitipa'amaakoowin kika nawentamaakoom kihcikiishikonk. Amii 'owe mayaa kewiinawaa kaakii'ishi kakwaataki'intwaa iki Kishemanitoon kaakiih kanootamawaawaatc kaakiih pimaatisiwaatc cipwaa ayaayek.”

Maahtiyo 6:1

Ciisahs o'owe kii'ani ihkito: “Ayaankwaamisik! Ahpii waa⁠minotootamek onci anami'aawinink, keko tootankek eshi ayaawaatc awiyak ci⁠kanawaapiminekwaa. Kiishpin tootamek kiTetewaa kihcikiishikonk kaa‑ayaatc kaawiin kika tipa'amaakohsiiwaa.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 6:35

Saaki'ihkwak itahsh iki kaashiinkeniminekwaa, minotootaakek kaye. Pisaan kaye awi'iwek, keko kekoon kiiwe antawentankek. I'i tahsh kitipa'amaakoowiniwaa takihci wenootan. Miihsh keikooyek e'⁠oniicaanihsiminek Maawac kaaIshpentaakositc Kishemanitoo. Wiin iitok kaye kaaminotootawaatc awiya' kaatepinawewisihsinik, i'i kaye kaamaci ishiwepisinitc.

ᑲᓬᐋᔑᔭᓇᒃ 2:18

Keko tahsh pakitinaahkek awiya ciotahpinamawinek i'i kaawiihtipa'amaakooyek. Aaniihsh ayaawak ininiwak keoncina'enintisowaatc ehkakwaataki'itisowaatc citapahsinaakosiwaatc, e'anami'ehtawaawaatc kaye encala'. Wa'a tino otahpenimonotaan kaye otishinamowinan, anihshaa i'i kaaoncikihtenimotc i'i nahke ininiinaank e'ishinaanaakatawentamowaatc.

2 Timahti 1:18

Maano okainenimikoon ini kaaTipencikenitc okitimaakinaakewinini cionciihtamaakotc paanimaa ocihcihsenik okiishikaamini. Wawiinke kaye kiin kikihkentaan aaniin iko minihk kaakii'ishiwiici'itc Anehsihpwaarahs i'imaa Ehpihsahsink (Ephesus) kaakii'ayaayaampaan.

2 Timahti 4:8

Aasha weti nimpii'ikon nintipa'amaakoowin kwayahk hsa ko ekiihtipihsahtwaayaan, keoncimiishitc a'awe kaaTipenciketc weti ahpii keokiishikanomitc. Mii 'awe Okihcitipaahkoniwe misiwe kaaishikwayahkohciketc. Kaawiin niinehta ninkaoncimiinikoohsii, ikiweniwak hsa kaye maawac kaapii'aawaatc cinaakosinitc ehsaaki'aawaatc, tamiinaawak.

ᐄᐸᕒᐆᐗᒃ 11:26

Miitahsh kaa'inakintank nawac e'onishihshininik ci‑ishimacitashimintc ini Kishemanitoon KaaOnenimaanitc keishimacitashimimintc, ahpiihc wiin kekii'ishiwenootisihpan Iicipahkiink. Aaniihsh okii'ahshawaapantaan niikaanaya'ii kemiinintc tipa'amaakoowin.

ᐄᐸᕒᐆᐗᒃ 11:6

Kaawiin itahsh awiya otaaminwaapamikohsiin Kishemanitoon kiishpin ayaahsik tepweyentamowin. Awiya hsa kaapinaasihkawaatc Kishemanitoon mii 'i eshinaakwaninik citepweyenimaatc e'ayaanitc, ehtipa'amawaanitc kaye weweni kaa‑antone'okonitc.

ᐄᐸᕒᐆᐗᒃ 6:10

Weweni aaniihsh Kishemanitoo awiyan otootawaan. Kaawiin okapanaapantansiin aaniin kaakii'inanohkiiyek. Kaawiin kaye tawaniihkehsii e'naakohtawek ehsaaki'ek ehpiwiitoohkawimek keyaapi kaye ehpami'imek Kishemanitoo opimaatisiima'.

Oroot 1:16

Miihsh Orootan kaa⁠ishi nahkwehtaakotc, “Keko kakaansomihshihken ci⁠nakaninaan, maano kaye ci⁠piminihsha'ohsinowinaan, aanti hsa ko eshaayan ninka ishaa. Aanti hsa ko keshi kapehshiyan keniin ninkashi kapehsh, kiicipimaatisiik hsa keniin ninka owiici pimaatisiimaak, kimanitoom hsa kaye keniin ninka omanitoom.

Oroot 2:11

Miihsh o'o Poowaas kaa'inaatc, “Kahkina hsa kekoon niwiintamaakoo aaniin kaakiih pitootawatc kisikos ahpii kii‑ishkwaa pimaatisitc kaakii onaapemiyan. Ekii nakanatc kitete, kimaamaa kaye ekii nakataman kaye kitahkiim, o'omaa ekiih piishaayan ewii wiici pimaatisiimatwaa wiihkaa otaanank kaakiihpi kihkenimaahsiwatwaa.

Oroot 2:13

Miihsh Orootan kaa⁠ishi nahkwehtaakotc, “Nintookimaam, etatawe hsa weweni kiminotootawihsh. Nintoonci minomanci' kaye noohkaac eh⁠kanooshiyan, aanawiin noonta' e⁠aahpiihtentaakosiyaan kaa‑ahpiihtentaakosiwaatc kaa⁠ihkwewiwaatc kitanohkii'aakanak,” okii'ikoon.

Oroot 4:15

Kihshimihs hsa kaye kisaaki'ik, aahpici kaye niipiwa' kipi tootaak ahpiihc wiin niishwaahso (7) okosihsimaak kekiih tootawihkwaapan. Noonkom itahsh kaa⁠kiishikaninik kimiinik kwiiwisenhsan ke⁠oyooshihsiwatc. Mii hsa tahsh i'imaa ke⁠onci kiiwe mashkawaatisiyan, miikaye a'a keni naanaakaci'ihk kihci ayaa'aawiyan,” okii'ikoo'.

1 Saamiyoo 24:19

Wiihkaa na inini ishihcike e⁠mihkawaatc kaa⁠shiinkenimaatc, kekoon itahsh ci‑inaahpinanaahsik? Taka hsa kaaTipenciketc weweni kika tipa'amaak i'i kaashi minotootawiyan noonkom kaa⁠kiishikahk!

1 Saamiyoo 24:20

Ninkihkentaan itahsh kaye kehcinaac ci⁠ani kihciokimaawiyan, kitookimaawiwin ci⁠onahcikaatek o'omaa Isriyalahkiink (Israel) keni ishkwaahsehsinok.