Oroot 1:6 - Ojibwe Kihcimasina'ikan

⁶ Mekwaa tahsh Neyoomii (Naomi) Moowap (Moab) ahkiink e⁠ayaatc kii⁠noontam kaaTipencikenitc ekii minohse'aanitc opimaatisiimini ekii miinaanitc miicim. Miitahsh shemaak kaakii oshiihtaatc ewiih kiiwetc, ewii nakatank Moowap ahki. Ohshimihsa' kaye okii wiiciiwikoo'.

ᐅᒋᐺ ᑭᒋᒪᓯᓇᐃᑲᓐ

⁶ ᒣᒀ ᑕᔥ ᓀᔫᒦ Naomi ᒨᐗᑉ Moab ᐊᑮᕽ ᐁᐊᔮᒡ ᑮᓅᑕᒻ ᑳᑎᐯᒋᑫᓂᒡ ᐁᑮ ᒥᓄᓭᐋᓂᒡ ᐅᐱᒫᑎᓰᒥᓂ ᐁᑮ ᒦᓈᓂᒡ ᒦᒋᒻ᙮ ᒦᑕᔥ ᔐᒫᒃ ᑳᑮ ᐅᔒᑖᒡ ᐁᐐ ᑮᐌᒡ, ᐁᐐ ᓇᑲᑕᕽ ᒨᐗᑉ ᐊᑭ᙮ ᐅᔑᒥᓴᐞ ᑲᔦ ᐅᑮ ᐐᒌᐎᑰᐞ᙮

Oroot 1:6 Iomraidhean Croise

Cenisihs 21:1

KaaTipenciketc tepwe okii shawenimaan Serawan (Sarah), ekii ishihciketc kaakii ishi ahshotamawaatc.

Cenisihs 28:20

Cekap tahsh kii‑ishi ahpimo ekii ihkitotc, “Kiishpin Kishemanitoo wiiciiwitc, kanawenimitc kaye o'omaa kaa⁠pimi ayaawak, miishitc miicim ke⁠miiciwak, kikishkikanan kaye ke⁠kikishkamowak,

Cenisihs 48:15

Miitahsh kaa⁠ishi shawenimaatc Coosapoon o'o ekii'inaatc, “Taka Kishemanitoo, ninkehteya'aamipaniik Eparahaam, Aaisik kaye kaakii anohkiihtawaawaatc, oka shawenimaa' o'o kwiiwisenhsa'. Kishemanitoo kaakiih niikaaniihtamawitc minihk iko kaa⁠pi pimaatisiwak piinihsh o'o ishi ahpii noonkom kaa⁠kiishikaninik, oka shawenimaa'.

Cenisihs 50:25

Coosap tahsh okii'inaa' Isriyala' ci⁠ahpimonitc ekii'inaatc, “Ahshotamawihshik, ahpii Kishemanitoo ishiwininek weti Kenan (Canaan) ahkiink, maaciitoohkek nihkanan,” ekii'inaatc.

Nikamonan 132:15

Ninka minohsehtoon hsa Saayan aaniin iko keshi noontehsek, iki kaye ketimaakisiwaatc i'imaa eyaawaatc ninka tepahshamaak.

Nikamonan 145:15

Kahkina hsa awiyak kikanawaapamikook eh⁠pakohsenimihkwaa, kika ahshamaak itahsh na'i ahpii noontehsewaatc.

Nikamonan 146:7

KaaTipenciketc hsa onaatamawaa' kaa⁠wehsaani'imintc, otahshamaa' kaye kaa⁠noonteskatenitc. Opakitinaa' kaye i'i kaa⁠tahkonimintc,

Ekihsatahs 3:16

Maacaan maawantoon Isriyalak kaa⁠niikaanisiwaatc ci⁠ohko ayaawaatc o'o ci‑inatwaa, ‘KaaTipenciketc weKishemanitoomiwaatc kikehteya'aaminaaniik Eparahaam, Aaisik, a'a kaye Cekap, wiin hsa ko ninkii naakosiihtaak, miitahsh o'owe kaa⁠ihkitotc, “Tepwe hsa kinaanaakatawenimininim i'i kaa⁠tootaakooyek i'imaa Iicipahkiink.”

Ekihsatahs 4:31

Pemaatisiwaatc hsa kiih⁠tepwehtamook ahpii kaa⁠noontamowaatc kaaTipencikenitc eh⁠koohpaatenimikowaatc, ekii waapantaminitc kaye eshi kakwaataki'intwaa. Miihsh kaa⁠ishi acitawihkwehtaawaatc ekii anami'ehtawaawaatc Kishemanitoon.

Aaiseya 55:10

“Nintihkitowin hsa mii 'i enentaakwahk taapishkoo kiishikonk kaa⁠onci kimiwank, kaa⁠onci sookihpohk kaye. Miitahsh i'imaa kahkina kekoon ahkiink kaa‑ayaak wenci shaapopiik, kekoonan kaye kaa⁠onci nihtaawikihkin. Kihtikaanenhsan e⁠onci oshi'oomakahkin keyaapi ke⁠onci kihtikenk, miihsh i'imaa ke⁠ontancikewaatc kaa⁠wiihsiniwaatc.

Coowel 2:19

Miitahsh kaa⁠ishi nahkwehtawaatc, “Kika ishinisha'amawininim hsa pahkweshikan, oshki shoominaapo, pimite kaye ci⁠ayaayek; minihk iko ci⁠tepihseyek. Kaawiin tahsh miinawaa wiihkaa kotak pemaatisiwaatc kika maanenimikohsiiwaak.

Sehpanaaya 2:7

Iki hsa ke⁠shaapwiiwaatc wenciiwaatc Coota (Judah) ahkiink ta⁠ishitaawak kitahkiimiwaank. Miihsh weti keshi mihkamowaatc mashkohsiini ke⁠miicinitc omaanahcaanihshimiwaa', cishi nipaawaatc kaye owaahkaa'ikaniniink i'i Ashkelan wenciinitc kaakii ishitaanihpan. KaaTipencikenitc, oKishemanitoomiwaan hsa oka wiiciiwikowaan, ci⁠minohse'ikowaatc miinawaa.

Maahtiyo 6:11

Miishihshinaam noonkom kaakiishikahk miicim keonci pimaatisiyaank.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 1:68

“Taka tananaahkomaakaniwi kaaTipenciketc kaaoKishemanitoomiwaatc Isriyalak wiin ekiih piishaatc, ekiihpi antanaatamawaatc opimaatisiima' cipimaaci'imintc.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 19:44

Wiinke hsa ko oka nihshiwanaacihtoonaawaa kitootenaamiwaa. Kika nihsikoom, apinoonciisha' kaye oka nihsaawaa'. Kaawiin kanake peshik ahsin tainapihsii kaakii'-ishi kihtapihpan, onsaam aaniihsh kaawiin kikii'-nihsitawinansiim ahpii kiishikaninik Kishemanitoo kekiih pimaaci'inekipan.”

1 Timahti 6:8

Mii 'iwe, kiishpin iniweniwan ayaayank, miicim, kikishkikan, mii 'i keshina'entamankipan.

1 Piitar 2:12

Aahpici tahsh kwayahk ishipimaatisik kaaishiayaawaatc iki kaatepwehtansikwaa, aanawiin e'ininekwaa e'maci‑ishiwepisiyek. Inashke hsa okanihsitawinaanaawaan ini kitishihcikewiniwaan kaaonishihshininikin, miitahsh keshimiikwehciwenimaawaatc Kishemanitoon ahpii kiishikaninik wiihpi anta tipaahkoniwenitc.

Oroot 1:5

Minciniish Melan, a'a kaye Kiliyan kii‑ishkwaa pimaatisiwak. Mii hsa tahsh a'a Neyoomii ekii mihci peshikotc, aaniihsh onaapeman, i'i kaye niishin okosihsa' kaawiin kiih⁠pimaatisihsiiwa'.

Oroot 1:7

Miitahsh kaakii nakatank i'imaa kaakii ishi ayaatc, niishin ohshimihsa' ekii wiiciiwikotc, ekii ishaawaatc inahke eshi'ayaanik Coota (Judah) ahki.

1 Saamiyoo 2:21

Miitahsh Hena kaakiih shawenimikotc kaaTipencikenitc, nihsin kwiiwisenhsa' ekii nihtaawiki'aatc, niishin kaye ihkwesenhsa' ekii ayaawaatc. A'a tahsh wiin kwiiwisenhs Saamiyoo kii⁠ompiki enaahsamiinitc kaaTipencikenitc.