Oroot 1:15 - Ojibwe Kihcimasina'ikan

¹⁵ Miitahsh Neyoomii kaa'inaatc ini ohshimihsan, “Kiwaapamaa iitok a'a kiicihkwe eh⁠kiiwe naasihkawaatc owiici onciimaakana', omanitooma' kaye. Kekiin tahsh maacaan ci⁠wiiciiwatc kiicihkwe,” kii‑ihkito.

ᐅᒋᐺ ᑭᒋᒪᓯᓇᐃᑲᓐ

¹⁵ ᒦᑕᔥ ᓀᔫᒦ ᑳᐃᓈᒡ ᐃᓂ ᐅᔑᒥᓴᓐ, ᑭᐙᐸᒫ ᐄᑐᒃ ᐊᐊ ᑮᒋᑴ ᐁᑮᐌ ᓈᓯᑲᐙᒡ ᐅᐐᒋ ᐅᒌᒫᑲᓇᐞ, ᐅᒪᓂᑑᒪᐞ ᑲᔦ᙮ ᑫᑮᓐ ᑕᔥ ᒫᒑᓐ ᒋᐐᒌᐗᒡ ᑮᒋᑴ, ᑮᐃᑭᑐ᙮

Oroot 1:15 Iomraidhean Croise

2 ᑭᒋᐅᑭᒫᒃ 2:2

Ilaaica tahsh okii'inaan Ilaaihshawan, “Taka mii kiin o'omaa ayaan. KaaTipenciketc ohsha ootenaank Pehtal (Bethel) ecikaatenik ninkii ishinisha'ok ci‑ishaawak.” Miitahsh o'o Ilaaihshawan kaa'ikotc, “KaaTipenciketc misiwe eh⁠tipenciketc, mii ehpiihci kehcinaa'entamaan cishi wiiciiwinaan aanti piko eshaayan.” Miihsh minciniish kaa⁠ishi ishaawaatc weti Pehtalink.

Sehpanaaya 1:6

Ninka nihshiwanaaci'aak kaye iki kaa⁠nakashiwaatc peminisha'owaahpan. Iki kaye kaa⁠kakwe mihkawihsikwaa, iki kaye kaa⁠kakwecimihsikwaa ci⁠kihkinowinakwaa,” ihkito kaaTipenciketc.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 24:28

Aasha e'⁠ani pehshonaakwaninik i'imaa ayaawinink kaaishaawaatc, Ciisahs okii'-ishinaakohtoon taapishkoo keyaapi waahsa ewii'-ani ishaatc.

ᐄᐸᕒᐆᐗᒃ 10:38

A'a hsa ninkwayahkwaatisiim otepwehtamowinink taishipimaatisi. Kiishpin tahsh awiya noonteashekiiwetc, kaawiin ninkaminwaapamaahsii.”

Caahshowaa 24:15

Kiishpin itahsh inentansiwek kaashi ayaayek ci⁠anohkiihtawek kaaTipenciketc; onentamaasok hsa kiinawaa piko noonkom kaa⁠kiishikahk awenen waa‑anohkiihtawek. Komaa manitoo' kikehteya'aamiwaapaniik kaakii anohkiihtawaawaatc weti akaamisiipi Iyoohparetiis komaa kaye i'i omanitoomiwaa' iki Emorii kaatinowiwaatc kaa⁠wiicitaamekwaa otahkiimiwaank. Niin itahsh wiin, iki kaye niwaahkaa'ikanink kaataawaatc, ninka anohkiihtawaanaan kaaTipenciketc,” okii inaa'.

Caahshowaa 24:19

Miitahsh Caahshowaa kaa'inaatc pemaatisinitc Isriyala' (Israel), “Kaawiin ohsha kitaa kashkihtoohsiim ci⁠anohkiihtawekipan kaaTipenciketc. Aaniihsh tinowi kaa⁠kohtaanenimaakaniwitc Kishemanitoo; tinowi kaye kaa⁠ontentank Kishemanitoo. Kaawiin kika poonentamaakohsiiwaa kimamaashiiwiniwaan, kimacitootamowiniwaan kaye.

1 Cwaan 2:19

Kaawiin tahsh wiinawaa kiwiicitipentaakosiimikohsiinaanik, mii hsa 'i kaakii'oncinakaninankwaa. Kiishpin kaaoncitipentaakosiyank tepwe ishitipentaakosiwaahpan, keyaapi iitok kitaakii'wiiciiwikonaanik. Ekii'nakaninankwaa tahsh mii 'imaa eshipehtenaakwaninik kaashitipentaakosiyank tepwe e'oncitipentaakosihsikwaa.

Oroot 1:14

Miihsh miinawaa iki ohshimihsimaak kiih⁠kishiiwewak ekiih kihci mawiwaatc. A'a tahsh Orpa (Orpah) okii ociimaan ekiih pooshoo'aatc. A'a tahsh wiin Oroot (Ruth) okii minciminaan osikohsan.

Oroot 1:16

Miihsh Orootan kaa⁠ishi nahkwehtaakotc, “Keko kakaansomihshihken ci⁠nakaninaan, maano kaye ci⁠piminihsha'ohsinowinaan, aanti hsa ko eshaayan ninka ishaa. Aanti hsa ko keshi kapehshiyan keniin ninkashi kapehsh, kiicipimaatisiik hsa keniin ninka owiici pimaatisiimaak, kimanitoom hsa kaye keniin ninka omanitoom.