Oroot 1:1 - Ojibwe Kihcimasina'ikan

¹ Ahpii tahsh Isriyalak (Israel) cipwaa ayaawaawaatc kihciokimaa' ke⁠tipenimikowaatc, i'imaa hsa ahkiink kaakii ishi'ayaawaatc kaawiin miicim kii⁠ayaahsinini aaniihsh kiih⁠paahteni i'i ahkiini. Peshik tahsh kii⁠ayaa inini Pehtalihem (Bethlehem) ootenaank, Coota (Judah) ahkiink kaakii onci tipentaakwaninik. A'a hsa inini okii maaciinaan wiiwan, i'i kaye niishin okosihsa' ekii ishiwinaatc weti ewii awi ayintaatc Moowap (Moab) ahkiink.

ᐅᒋᐺ ᑭᒋᒪᓯᓇᐃᑲᓐ

¹ ᐊᐲ ᑕᔥ ᐃᔅᕒᐃᔭᓬᐊᒃ Israel ᒋᑆ ᐊᔮᐙᐙᒡ ᑭᒋᐅᑭᒫᐞ ᑫᑎᐯᓂᒥᑯᐙᒡ, ᐃᐃᒫ ᓴ ᐊᑮᕽ ᑳᑮ ᐃᔑᐊᔮᐙᒡ ᑳᐐᓐ ᒦᒋᒻ ᑮᐊᔮᓯᓂᓂ ᐋᓃᔥ ᑮᐹᑌᓂ ᐃᐃ ᐊᑮᓂ᙮ ᐯᔑᒃ ᑕᔥ ᑮᐊᔮ ᐃᓂᓂ ᐯᑕᓬᐃᐁᒻ Bethlehem ᐆᑌᓈᕽ, ᒎᑕ Judah ᐊᑮᕽ ᑳᑮ ᐅᒋ ᑎᐯᑖᑾᓂᓂᒃ᙮ ᐊᐊ ᓴ ᐃᓂᓂ ᐅᑮ ᒫᒌᓈᓐ ᐐᐗᓐ, ᐃᐃ ᑲᔦ ᓃᔑᓐ ᐅᑯᓯᓴᐞ ᐁᑮ ᐃᔑᐎᓈᒡ ᐌᑎ ᐁᐐ ᐊᐎ ᐊᔨᑖᒡ ᒨᐗᑉ Moab ᐊᑮᕽ᙮

Oroot 1:1 Iomraidhean Croise

Cenisihs 12:10

Wiinke tahsh kiih⁠kakwaatakentaakwan i'imaa Kenan (Canaan) ahkiink aaniihsh kaawiin kii⁠ayaahsinoon miicim. Miitahsh Eparam (Abram) kaakii onci ishaatc weti Iicipahkiink (Egypt) acina ekii awi ishitaatc.

Cenisihs 26:1

Miinawaa hsa kaawiin kii⁠ayaahsinoon miicim i'imaa ahkiink kaakii ishiwepahkipan otaanaank mekwaa Eparahaam kii⁠pimaatisitc. Mii hsa Aaisik (Isaac) kaakii ishaatc Pilistiya (Philistine) kaa⁠onciinitc okihciokimaamini Apimelehk eshinihkaasonitc eshi'ayaanitc ootenaank Kiiraar (Gerar).

Cenisihs 43:1

Aanciihke tahsh wiinke kii⁠ani kakwaatakentaakwan i'imaa ahkiink ekii ayaahsinok miicim.

1 ᑭᒋᐅᑭᒫᒃ 18:2

Miitahsh Ilaaica kaa⁠ishi maacaatc ekii anta waapamaatc Ehaapoon. I'imaa hsa ahkiink Sameriya (Samaria) ecikaatek ahpii kii⁠ayaahsinok miicim, wiinke hsa kiihkakwaatakentaakwan.

Nikamonan 107:34

Otishihtoon kaye ahkiini kaa⁠wenci nihtaawikihcikemakaninik ci⁠shiiwihtaakaniwi ishi'ayaanik kekoon ci‑inaapatahsininik, onsaam aaniihsh noociko ishiwepisiwa' i'imaa kaa⁠ishitaanitc.

Emahs 4:6

“Kaah⁠tootawinakook kaashi ayayaayek entahsinkin kihci ootenawan ci⁠ayaahsiwekipan miicim, ci⁠ayaawaahsiwek kaye pahkweshikan eshi ayayaayek ootenaahkaank, shaakooc itahsh kaawiin kikiih pikiiwenotawihsiim,” ihkito kaaTipenciketc.

Maaihka 5:2

Miihsh kaaTipenciketc ehkitotc, “Pehtalihem (Bethlehem) Ehparahta (Ephrathah), kiin maawac peshik kitakaahsentaakos kaa⁠tahsinkin ootenawan i'imaa Coota (Judah) ahkiink. Miitahsh i'imaa ke⁠ontinak ke⁠tipenimaatc Isriyala' (Israel), waahsa otaanaank otoontahkaanesiwin kaapi kihkentaakwaninik.”