Coot 1:9 - Ojibwe Kihcimasina'ikan

⁹ Inashke wiin a'a kaaniikaanentaakositc encal Mayihkal (Michael) kaawiin i'i kii'ishihcikesii. Ahpii kiikakweshaakoosomaatc maciaya'aan aaniin kekiihtoocikaatenikipan Moosihsoon (Moses) owiiyawini, kaawiin Mayihkal kanake okiihkakwe‑⁠nihshiwanaasomaahsiin maciaya'aan anoociko ishikiishwewinan cikii'aapacihtoohpan. Mii ehta kaa'inaatc: “Taka kaaTipenciketc kikakihcinooci'ik,” okii'inaan.

ᐅᒋᐺ ᑭᒋᒪᓯᓇᐃᑲᓐ

⁹ ᐃᓇᔥᑫ ᐐᓐ ᐊᐊ ᑳᓃᑳᓀᑖᑯᓯᒡ ᐁᒐᓬ ᒪᔨᑲᓬ Michael ᑳᐐᓐ ᐃᐃ ᑮᐃᔑᒋᑫᓰ᙮ ᐊᐲ ᑮᑲᑴᔖᑰᓱᒫᒡ ᒪᒋᐊᔭᐋᓐ ᐋᓃᓐ ᑫᑮᑑᒋᑳᑌᓂᑭᐸᓐ ᒨᓯᓲᓐ Moses ᐅᐐᔭᐎᓂ, ᑳᐐᓐ ᒪᔨᑲᓬ ᑲᓇᑫ ᐅᑮᑲᑴ ᓂᔑᐗᓈᓱᒫᓰᓐ ᒪᒋᐊᔭᐋᓐ ᐊᓅᒋᑯ ᐃᔑᑮᔗᐎᓇᓐ ᒋᑮᐋᐸᒋᑑᐸᓐ᙮ ᒦᐁᑕ ᑳᐃᓈᒡ: ᑕᑲ ᑳᑎᐯᒋᑫᒡ ᑭᑲᑭᒋᓅᒋᐃᒃ, ᐅᑮᐃᓈᓐ᙮

Coot 1:9 Iomraidhean Croise

Ekihsatahs 22:28

Keko macakimaahken Kishemanitoo; keko kaye maci'inaahken kaa⁠niikaanisiihkantawinekwaa.

Taaniyoo 10:13

A'a ohsha tepentank Persha okimaawiwin ahki ninkii nakaashkaak niishtanashipeshikokiishik (21). Miitahsh kaa⁠niikaanisitc encal Maaikal (Michael) kaakiih pi wiici'itc, aaniihsh ninkiih kishaatinikoowaan i'imaa Persha ahkiink.

Taaniyoo 10:21

Pinamaa tahsh kiwii wiintamawin aaniin eshipii'ikaatek masina'ikanink Tepwewin eshi oshipii'ikaatek. Kaawiin hsa awiya ninaatamaakohsii mii ehta ko Maaikal Isriyala' kaa⁠naakaci'aatc.”

Taaniyoo 12:1

“Miitahsh i'i ahpii a'a kaa⁠niikaanentaakositc encal Maaikal (Michael) enintc kaa⁠kanawenimaatc kipimaatisiima' ke⁠naakositc. Wiinke hsa ko ta⁠kihci maanshihsenaaniwan i'i ahpii, wiihkaa otaanaank pemi ishiwepahsinok. Miitahsh noonkom payesh i'i ci‑ishiwepahk. I'i hsa ahpii ishihsek kipimaatisiimak, entahshiwaatc kaye weshipii'ikaatenikin owiinsowiniwaan i'imaa masina'ikanink, ta⁠pimaaci'aawak.

Sehkaraaya 3:2

Miitahsh i'i encal kaa'inaatc ini Onanakaaniwen, “KaaTipenciketc, kitoonci'ik kiin kaa⁠nanakaaniweyan! KaaTipenciketc kaakii onaapantank kihci ootenaani Ceroosalam (Jerusalem) hsa kitoonci'ik! Mii iitok wa'a inini ishkotenk kaakii onci manipicikaniwitc taapishkoo mihtik,” okii'inaan.

Maarhk 15:29

Miitahsh iki kaa⁠mayaashkawaawaatc okii'-nihshipaahpi'aawaan ekii'-nanaamihkweniwaatc e'⁠inaawaatc: “Yohoo! Kiwiih piikopitoonaapan iitok i'i Kishemanitoo kaashi anami'ehtawintc, miinawaa kii⁠nihsokiishikwakaak ewiih kiiwe oshihtooyampan!

ᑑᑕᕒᐋᓇᒦ 34:6

KaaTipencikenitc itahsh okii ishi na'inikoon eshi pahsatinaanik weti Moowap ahkiink, kwehkaya'ii inahke Peht pii'or (Beth peor) ootenaani kaakii ishinihkaatenik. Kaawiin itahsh awiyan okihkentansiini o'o ishi'ahpii noonkom kaa⁠kiishikaninik aniinti kaa⁠ishi na'inikaniwikopanen.

1 ᑌᓴᓬᐆᓂᔭᓇᒃ 4:16

Tanoontaakwan shaakowewin i'i ahpii, takishiiwe peshik maawac wekimaawentaakositc encal. Tanoontaakohtamawaa Kishemanitoo 'iwe kihcipootaacikanink enwenik. Mii 'i ahpii kaaTipenciketc tipinawe kihcikiishikonk tapioncinoomakeishaa. Shikwa mii 'i ahpii wiinawaa nihtam takiiwepimaatisiwak ikiweniwak kaakiihtepwehtawaawaatc Christan kaakii'ishkwaapimaatisiwaatc.

1 Piitar 3:9

Awiya kaye macitootawihk, keko macikekoon tipa'ikaakehken. Awiya kaye maci‑inihk, keko aashite maci‑inaahken. Takwac hsa kiin kakwecimim Kishemanitoon ciminohse'ikotc. Citepinamowek ohsha kaakii'onciantominek ciminohse'inek Kishemanitoo.

2 Piitar 2:11

Iki tahsh wiin encalak nawac kaasoonkentaakosiwaatc, kaamashkawisiiwaatc kaye, kaawiin kanake omaci‑inaahsiwaawaa' kaawanikihkino'ikenitc enaahsamiinitc kaaTipencikenitc.

ᑭᑫᑕᒨᔑᐌᐎᓐ 12:7

Mii 'i ahpii kii'maaciimiikaatinaaniwan kihcikiishikonk. A'a Mayihkal (Michael) kaye owiiciencalima' okii'awimiikaanaawaan ini kihciohkaatiikinepikoon. Kaye wiin kihciohkaatiikinepik kii'miikaaso e'wiici'ikotc otencalima'.