Coot 1:7 - Ojibwe Kihcimasina'ikan

⁷ Maamihkawik itahsh kaye Swaatam (Sodom), Kamwaara (Gomorrah), ini kaye ootenawan kaakii'ayaakin i'imaa ciikaya'ii. Ikiweniwak kaye kaakiihtashiihkewaatc i'imaa ootenaahkaank peshikwan kii'ishihcikewak kaakii'ishihcikenitc maciencala' noociko ekii'ishihcikewaatc, ekii'nahpaaci‑⁠pihshikwaacihcikewaatc kaye. Ini tahsh ootenawan, iki kaye kaakiihpimaatisiwaatc kii'nana'ahsaawak cinehpici‑⁠caakisontwaa. Miihsh i'imaa eshiwaapanta'ikooyank, pehkish itahsh e'ayaankwaamimikooyank.

ᐅᒋᐺ ᑭᒋᒪᓯᓇᐃᑲᓐ

⁷ ᒫᒥᑲᐎᒃ ᐃᑕᔥ ᑲᔦ ᔂᑕᒻ Sodom, ᑲᒸᕒᐊ Gomorrah, ᐃᓂ ᑲᔦ ᐆᑌᓇᐗᓐ ᑳᑮᐊᔮᑭᓐ ᐃᐃᒫ ᒌᑲᔭᐄ᙮ ᐃᑭᐌᓂᐗᒃ ᑲᔦ ᑳᑮᑕᔒᑫᐙᒡ ᐃᐃᒫ ᐆᑌᓈᑳᕽ ᐯᔑᑾᓐ ᑮᐃᔑᒋᑫᐗᒃ ᑳᑮᐃᔑᒋᑫᓂᒡ ᒪᒋᐁᒐᓬᐊᐞ ᓅᒋᑯ ᐁᑮᐃᔑᒋᑫᐙᒡ, ᐁᑮᓇᐹᒋ ᐱᔑᒀᒋᒋᑫᐙᒡ ᑲᔦ᙮ ᐃᓂ ᑕᔥ ᐆᑌᓇᐗᓐ, ᐃᑭ ᑲᔦ ᑳᑮᐱᒫᑎᓯᐙᒡ ᑮᓇᓇᐊᓵᐗᒃ ᒋᓀᐱᒋ ᒑᑭᓱᑣ᙮ ᒦᔥ ᐃᐃᒫ ᐁᔑᐙᐸᑕᐃᑰᔭᕽ, ᐯᑭᔥ ᐃᑕᔥ ᐁᐊᔮᒀᒥᒥᑰᔭᕽ᙮

Coot 1:7 Iomraidhean Croise

Cenisihs 13:13

Pemaatisinitc itahsh i'imaa kaakii ayaanitc wiinke kii⁠maci'ishiwepisiwa', okii macitootawaani kaye kaaTipencikenitc.

Cenisihs 18:20

KaaTipencikenitc tahsh okii'ikoon, “Iki hsa pemaatisiwaatc eyaawaatc Swaatam, Kamwaara (Gomorrah) kaye ootenaank kihci anaamimaawak, aaniihsh kihci maci'ishihcikewak.

Cenisihs 19:5

Miitahsh Laat kaa'ikotc, “Aaniinti tahsh iki ininiwak kaakii otihsihkwaa noonkom kaa⁠onaakohshininik? Pi⁠saakiciwihsh, piitamawihshinaam, ci⁠wiihpemankitwaa,” okii'ikoo'.

Aaiseya 1:9

Kiishpin hsa kaaTipenciketc kaaMaawaci mashkawisiitc pakitinihsinowininankipan aaninta ci⁠pimaatisihsiwankipan, wiinke iitok kitaakii nihshiwanaaci'ikoomin taapishkoo kaakii toocikaatekin ini ootenawan Swaatam (Sodom), Komwaara (Gomorrah) kaye.

Aaiseya 33:14

Meci'ishiwepisiwaatc hsa kaa‑ayaawaatc Saayanink sekisiwak. Nininkishkaawak kaa⁠kihkenimaahsikwaa Kishemanitoon. Miihsh o'o ehkitowaatc, “Awenen itahsh inaa ke⁠kashkihtoohpan ci⁠wiici ayaantankipan o'oweni enkwaahkisowemakaninik ishkote nehpic kaa⁠piskanenik?”

Ceramaaya 20:16

Taka hsa a'a inini ta⁠ishinaakosi taapishkoo ootenawan kaaTipenciketc kaakii nihshiwanaacihtootc, awaac pankii kaakii manaacihtoohsik! Taka hsa 'i mii 'i ke⁠inihtank ci⁠noontawaatc awiya' ci⁠moohkonenitc kishepaawakaninik, ci⁠noontank kaye kaa⁠inihtaakwaninik kiiwiih miikaatinaaniwaninik.

Hosiiya 11:8

“Kiinawaa Iihpariyamink wenciiyek aaniin tahsh ke⁠onci pakitenimininakookipan? Isriyalak, aaniin itahsh pisaan keshi wepininakookipan? Mii na 'i peshikwan ke⁠tootawinakook kaakii ishi nihshiwanaacihtooyaan ootena Aatma eshinihkaatekipan? Mii na 'i kaye ke⁠tootawinakook kaakiih tootamaampaan ootena Siipooim? Ninte'ink hsa kaawiin nintoonci inentansii i'i ci‑ishihcikeyaan, onsaam aaniihsh kimashkawi saaki'ininim.

Emahs 4:11

“Aaninta hsa kikii nihshiwanaaci'ininim taapishkoo kaakiih tootamaampaan ini ootenawan Swaatam (Sodom), Kamwaara (Gomorrah) kaye ecikaatekin. Kiinawaa hsa kaakiih shaapwiiyek mii 'i kaa⁠ishinaakosiyek taapishkoo mihtik kaa⁠piskanek ishkotenk kaa⁠onci otaahpinikaatek, shaakooc itahsh kaawiin kikiih pikiiwenotawihsiim.

Maahtiyo 10:15

Nawac niipiwa' oka inaahkonaa' Kishemanitoo i'imaa kaa‑ayaanitc ootenaank, ahpiihc wiin i'imaa kaakii'-ayaanitc Swaatamiink (Sodom), Kamwaara (Gomorrah) ootenaank kaye.”

Maahtiyo 11:24

Maamihkawik itahsh o'o! Ahpii tipaahkonikewikiishikahk, Kishemanitoo nawac oka koohpaasinawaa' Swaatamiink kaakii'-ayaanitc ahpiihc kiinawaa Kaparniyamiink kaa‑ayaayek.”

Maahtiyo 25:41

I'i tahsh onamantinihkink inahke kaa‑ayaanitc oka inaa': ‘Ninkoci kiinawaa ishaak, kaa⁠inakimikooyek ci⁠nihshiwanaatisiyek! Ishaak weti wiihkaa keshi aahtawehsinok ishkote, kaakiih kwayaanciihtamawintwaa maciaya'aa, i'i kaye otencalima'.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 17:29

Ahpii tahsh ehkiishikaninik Laat i'imaa kiionci maacaatc Swaatam (Sodom) ootenaank, miihsh ishkote, a'a kaye ahsin kaawiihsakaapahsowetc kaakii'onci pankihshink kiishikonk kahkina i'imaa eyaawaatc ekii'-nihsikowaatc.

1 ᑲᕒᐃᑎᔭᓇᒃ 6:9

Kehcinaac kitaa kihkentaam: iki kaamaci ishiwepisiwaatc kaawiin ta‑ayaahsiiwak i'imaa entashitipencikenitc Kishemanitoon. Keko kekoon kikawanihshimikohsiim: kaawiin oko tamiinaahsiiwak Kishemanitoon oTipencikewinini: iki kaapihshikwaatisiwaatc, kaye kaamanitoohkewaatc, kaye awiya kaakiimooci⁠wiiciiwaatc pahkaan awiyan owiitikemaakanini, kaye ininiwak kaaihkwehshihtoowaatc, kaye kaawiici⁠pihshikwaacihkotaatiwaatc iki ininiwak,

2 ᑌᓴᓬᐆᓂᔭᓇᒃ 1:7

Kiinawaa kaakakwaatakihtooyek maamaw kikamiinikonaan cianwepiyank a'a Kishemanitoo, mii 'i ahpii kihcikiishikonk pioncinaakositc a'a kaaTipenciketc Ciisahs, ewiihkikitakohshinoomaatc i'i otencalima' e'mashkawisiinitc,

2 ᑌᓴᓬᐆᓂᔭᓇᒃ 1:8

kaye ishkote kemashkawahkwanenik ehpikikisitc okameshkocitipa'amawaa' awenena' iko ekaa kaakihkenimaahsinik Kishemanitoon, kaye minihk hsa ko awiyan kaatepwehtansinik i'iwe ominwaacimikoowin kaaTipeniminank Ciisahs.

2 Piitar 2:2

Tapaahtinowa' itahsh kaye kenanaapinaakowaatc i'i kaaishiwiinaatisiwaatc. Mii hsa tahsh i'imaa keonci⁠paahpinencikaatek i'i pimaatisiwin kaapimohsaatamank Tepwewinink kaaishihsink.

2 Piitar 2:6

Kishemanitoo itahsh kaye kiihtootawaakopan citakonihshiwanaaci'imintc i'i pemaatisinitc ahpii kiicaakaahkisank kihci'otenawan Swaatam (Sodom) i'i kaye Kamwaara (Gomorrah) kaakii'ishinihkaatenikin. Ishkoteni hsa okii'aapacihtoon. Miitahsh i'imaa eshiwaapanta'ikooyank aaniin keishihsewaatc kaakihtenimaahsikwaa Kishemanitoon.

2 Piitar 3:7

I'i tahsh kiishik, i'i kaye ahki noonkom kaa‑ayaakin, mii hsa peshikwan Kishemanitoo otihkitowinink wencikanawentaakwaninikin piciinak ewiihcaakisikaatenikin. Mii hsa kaaonci kanawentaakwahkin ewiihtako‑⁠nihshiwanaacihcikaatekin i'i ahpii Tipaahkonikewi Kiishikaninik, kaawii'nihshiwanaaci'intwaa iki kaakihtenimaahsikwaa Kishemanitoon.