Coot 1:4 - Ojibwe Kihcimasina'ikan

⁴ Aninta enami'ewaatisihsikwaa ohsha kikiihpiintikaakonaanik ekiihkihkentaakosihsikwaa entinowiwaatc. Miiwak itahsh i'i kaakiihkwehkinamowaatc enaatotenik Kishemanitoon okishewaatisiwinini, miish meshkwac enaapacihtoowaatc pisaan keoncitootamowaatc noociko otishihcikewiniwaan. Miiwak itahsh iki kaa⁠/aanawenimaawaatc Ciisahs Christan kaamihcipeshikonitc kitOokimaaminaanin, kaaTipenimiminank kaye. Mewisha iitok kii'ishipii'ikaatekopan aaniin keshikakwaataki'intwaa.

ᐅᒋᐺ ᑭᒋᒪᓯᓇᐃᑲᓐ

⁴ ᐊᓂᑕ ᐁᓇᒥᐁᐙᑎᓯᓯᒀ ᐅᔕ ᑭᑮᐲᑎᑳᑯᓈᓂᒃ ᐁᑮᑭᑫᑖᑯᓯᓯᒀ ᐁᑎᓄᐎᐙᒡ᙮ ᒦᐗᒃ ᐃᑕᔥ ᐃᐃ ᑳᑮᑴᑭᓇᒧᐙᒡ ᐁᓈᑐᑌᓂᒃ ᑭᔐᒪᓂᑑᓐ ᐅᑭᔐᐙᑎᓯᐎᓂᓂ, ᒦᔥ ᒣᔥᑾᒡ ᐁᓈᐸᒋᑑᐙᒡ ᐱᓵᓐ ᑫᐅᒋᑑᑕᒧᐙᒡ ᓅᒋᑯ ᐅᑎᔑᒋᑫᐎᓂᐙᓐ᙮ ᒦᐗᒃ ᐃᑕᔥ ᐃᑭ ᑳᔮᓇᐌᓂᒫᐙᒡ ᒋᓴᔅ Xᑕᓐ ᑳᒥᒋᐯᔑᑯᓂᒡ ᑭᑑᑭᒫᒥᓈᓂᓐ, ᑳᑎᐯᓂᒥᒥᓇᕽ ᑲᔦ᙮ ᒣᐎᔕ ᐄᑐᒃ ᑮᐃᔑᐲᐃᑳᑌᑯᐸᓐ ᐋᓃᓐ ᑫᔑᑲᒀᑕᑭᐃᑣ᙮

Coot 1:4 Iomraidhean Croise

Nikamonan 1:1

Aahpici hsa shawentaakosi awiya kaashi pimohsehsik inahke kaa⁠ihkitonitc awiya' kaa⁠maci'ishiwepisinitc; kaa⁠wiicikaapawihtawaahsik kaye eshi pimaatisinitc omacitootamoo'; kaa⁠wiitapimaahsik kaye ci⁠wiici kakitoomaahpan i'i kaa⁠nihtaa paahpinotaakenitc.

Nikamonan 62:2

Wiin ihsa ehta kaatinowitc ahsiniink e⁠naatamawitc, nimpimaaci'iwem kaye. Wiin hsa kaye kaa⁠naacipa'iwaanak, kaawiin hsa wiihkaa ninka wahkawi wepinikoohsii.

Maahtiyo 13:25

Aapitink itahsh eh⁠tipihkaninik, kahkina e'⁠nipaawaatc, awiyan kaashi inkenimikotc kiih⁠piishaawan ekiih kihtikaataminitc macikihtikaanini i'imaa kaakii'ishi kihtikaanaahpan ini pahkweshikanan. Miitahsh kaa'ani ishi maacaanitc ini ininiwan.

Cwaan 17:3

Mii aaniihsh 'owe pimaatisiwin wiihkaa keishkwaahsehsinok, ehkihkenimikooyan kiin piko tepwe kaaKishemanitoowiyan, kaye ehkihkenimintc Ciisahs Christ, kiin kaakiihpiicinisha'watc.

ᐃᔑᒋᑫᐎᓇᓐ 11:23

Ahpii tahsh Paarnapahs ehtakohshink okii waapamaa' otepwehtamoo' ekiih shawenimikonitc Kishemanitoon. Wiinke tahsh kiihciihkentam ekii'-ayaankwaamimaatc kaye mooshak iko tepwe cipiminisha'waanitc Kishemanitoon.

ᐃᔑᒋᑫᐎᓇᓐ 15:24

Ninoontaamin aaninta awiyak emikoskaasominekwaa wenci mikoshkaatentamek o'omaa tahsh iinsan e'onciiwaatc kaashi ayaayaank. Kaawiin niinawint ninkii'-ishinisha'waahsiwaanaanik.

ᑲᓬᐁᔑᔭᓇᒃ 2:4

Aaninta hsa aanakii'inentamook i'i cikii'ishi'imintipan. Iki tahsh ininiwak ekii'anami'ehkaasowaatc ninkii'wiiciiwikonaanik ekiih⁠kiimooci⁠piintikanitisowaatc, ekiih⁠kiimooci⁠naanaakaci'inankitwaa ekiihkakwemihkamowaatc aaniin eshitipenimikohsiwaank i'i Moosihs (Moses) otOonahshowewin, aaniihsh Christ Ciisahsoon kaa‑aapa'omiyamintc niwiiciiwikonaanin. Miitahsh i'i kaakii'onci‑ishihcikewaatc ekii'antawenimankitwaa miinawaa citipenimikoyaank Onahshowewinini.

ᑲᓬᐁᔑᔭᓇᒃ 5:13

Kiinawaa tahsh wiin niitanami'aak, Kishemanitoo ohsha kikii'antomikowaa i'imaa aapa'okoowinink citipenintisoyek. Keko tahsh wiin i'i kitipenimitiso'ikoowiniwaa aapacihtoohkek cioncimacitootamek, keko kaye pakitinankek ini kimacimihsawentamowiniwaan citipenimikoyek. O'o tahsh ishihcikek, saaki'itiwinink ishinaanaakaci'itik.

ᐃᐲᔑᔭᓇᒃ 4:14

Taka tahsh kaawiin apinoonciishink kikaishiayaahsiimin, cipapaamaa'okohsiwank, cipapaamiwepaahshihsiwank aanti piko wentaanimahk, aaniihsh taapishkoo nootinonk inentaakwanini okihkino'ikewiniwaan iki kaawanikihkino'ikewaatc. Aaniihsh okashki'aawaa' aaninta e'wanimaawaatc e'aapacihtoowaatc kaakakayentaakwaninikin otishihcikewiniwaan.

1 Timahti 5:8

Inashke kiishpin kwayahk kanawenimaahsik awiya otinawemaakana', memintake 'imaa otaawinink eyaanitc, kaawiin otaapacihtoohsiin otepweyentamowin, omihciwepinaan inentaakwanini. Awahshime ko ani‑inaatisi taapishkoo awiyan kaaotepwehtamowinihsinik.

2 Timahti 2:12

Kiishpin shashiipiayaayank mii 'i kaye ciwiicitipencikemank. Kiishpin aanawenimank, kaye wiin kika/⁠aanawenimikonaan.

2 Timahti 3:6

Aanint hsa ko onanamaayenimaawaan awiyan piinihsh cinehpici piintikanikowaatc owaahkaa'ikaniniink, i'imaa e'anitepimaawaatc ihkwewa' kaakakiihtaawentansinik cina'ihtaakowaatc. Oko tahsh ihkwewak otoonsaamentaanaawaa omacihcikewiniwaan. Otanikaancishkaakonaawaa kaye kekoonan anoociko eshimihsawentamowaatc.

1 Piitar 2:16

Ishipimaatisik itahsh taapishkoo pemaatisiwaatc kaatipenimaahsiwintwaa, keko tahsh wiin nahpaac inaapacihtoohkek i'i kaaishitipenimikoohsiwek ci'oncikaatooyek macikekoon. Ishipimaatisik itahsh ehtinowiwek Kishemanitoo kaatipenimaatc otanohkii'aakana'.

1 Piitar 2:8

Kayehsh e'ani‑ishipii'ikaatek, “Miiwan ihsa ini ahsiniin pemaatisiwaatc kepisokeshkaakowaatc, miiwan kaye ini kekawiwepishkaakowaatc.” Miitahsh kaakii'oncipisokehshinowaatc, aaniihsh kaawiin okiina'ihtansiinaawaa i'i kaakii'ihkitonitc Kishemanitoon. Mii iitok i'i kaakii'inenimikowaakopanen Kishemanitoon ci‑ishihsewaatc.

1 Piitar 4:18

Kihcimasina'ikan ishipii'ikaate: “Kiishpin okwayahkwaatis akaawaa pimaacihcikaniwitc, aaniin tahsh kaanaka keishihsewaakwen kaakihtenimaahsikwaa Kishemanitoon, kaamaci‑ishiwepisiwaatc kaye.”

2 Piitar 2:10

Ikiweniwak hsa memintake kaaishihcikewaatc aaniin eshimaci mihsawentamoomakaninikin owiiyawiwaan; kaawiin kaye opapaamihtawaahsiwaawaa' awenena' iko kaaniikaanisinitc. Aahpici kaye soonkite'ewak, kakaancihc kaye kekoonini ishihcikewak; kaawiin kaye kohtaacihsiiwak e'manaasomaahsikwaa kaaniikaanentaakosinitc awekwena' ishpimink kaa‑ayaanitc, takwac itahsh opaahpinotawaawaa'.

2 Piitar 2:7

Okiihshaapwii'aan tahsh kaye Laatan (Lot) kwayahk kaakii'ininiiwinitc. Laat iitok okiihkihci maanentamo'ikoo' i'i pemaatisinitc kaakii'ishiwiinaatisinitc kaakii'ishihcikenitc waa'ishihcikenitc iko.

2 Piitar 3:7

I'i tahsh kiishik, i'i kaye ahki noonkom kaa‑ayaakin, mii hsa peshikwan Kishemanitoo otihkitowinink wencikanawentaakwaninikin piciinak ewiihcaakisikaatenikin. Mii hsa kaaonci kanawentaakwahkin ewiihtako‑⁠nihshiwanaacihcikaatekin i'i ahpii Tipaahkonikewi Kiishikaninik, kaawii'nihshiwanaaci'intwaa iki kaakihtenimaahsikwaa Kishemanitoon.

1 Cwaan 2:22

Awenen tahsh kekiinawishkitc? Awiya hsa ko kaaihkitotc Ciisahsoon e'aawihsinik kaakii'onaapamikonitc Kishemanitoon, mii hsa 'awe kaakakwenakaashkawaatc Christan. Aaniihsh kaawiin otipaacimaahsiin Kaaoyoohsimimintc, oKosihsimaan kaye.

Coot 1:15

ewiihpitipaahkonaatc kahkina, cionaahkonaatc kaye aaniin ketootawimintc i'i kahkina kaaishihcikehsinik Kishemanitoo kaaishi'antawentank, i'i kaye kahkina noociko kaa'inaahpinemikotc omaci‑ishiwepisii',” kii'ihkitokopan.

Coot 1:18

Mii hsa 'oweni kaa'ininekwaa: “Ahpii tahsh ishkwaac anikakiishikahk, tani/ayaawak hsa kepaahpinotaakewaatc, keishihcikewaatc wiinawaa piko omacimihsawencikaniwaan, ehkohsaahsikwaa Kishemanitoon.”

ᑭᑫᑕᒨᔑᐌᐎᓐ 15:4

Awenehsh ekaa kekohtaanenimihsinohk, kiin Tepencikeyan? Awenen kekihci‑inakintansik kiwiinsowin? Aaniihsh kiin ehta misiwe kikwayahkwaatisiwakentaakos. Kahkina piko awiyak entahswewaanakisiwaatc kikapiantaociciinkwanapiihtaakook, aaniihsh kaakwayahkwahkin kitishihcikewinan misiwe waapancikaatewan,” kii'ina'amook.