Coot 1:16 - Ojibwe Kihcimasina'ikan

¹⁶ Miiwak ihsa oko mooshak kaanihtaa⁠kihci⁠kaakiikitowaatc, kotak kaye awiya' kaa⁠/anaamimaawaatc; wiinawaa ko e'ishihcikewaatc eshimacimihsawentamowaatc. Aahpici oncita kaye eminoinaawaatc awiya' wiinawaa piko ehta ewii'onciminohse'itisowaatc.

ᐅᒋᐺ ᑭᒋᒪᓯᓇᐃᑲᓐ

¹⁶ ᒦᐗᑭᓴ ᐅᑯ ᒨᔕᒃ ᑳᓂᑖᑭᒋᑳᑮᑭᑐᐙᒡ, ᑯᑕᒃ ᑲᔦ ᐊᐎᔭᐞ ᑳᔭᓈᒥᒫᐙᒡ; ᐐᓇᐙᑯ ᐁᐃᔑᒋᑫᐙᒡ ᐁᔑᒪᒋᒥᓴᐌᑕᒧᐙᒡ᙮ ᐋᐱᒋ ᐅᒋᑕ ᑲᔦ ᐁᒥᓄᐃᓈᐙᒡ ᐊᐎᔭᐞ ᐐᓇᐙ ᐱᑯ ᐁᑕ ᐁᐐᐅᒋᒥᓄᓭᐃᑎᓱᐙᒡ᙮

Coot 1:16 Iomraidhean Croise

Nikamonan 15:4

Kaa‑aanawenimaatc kaye ini kaa‑aanawenimikonitc Kishemanitoon; kaa⁠kiihtenimaatc tahsh wiin ini kaa⁠na'ihtawaanitc Kishemanitoon. Mooshak kaye kaa⁠ishihciketc kaashi ahshotamaaketc, mihsawaa ko onci wahsitaawihsetc.

Nikamonan 73:8

Paahpi'iwewak, noociko kekoon eh⁠papaa ihkitowaatc, e⁠kihci inentamowaatc kaye aaniin eshi kakwe sekihtaakosiwaatc ewii wehkaani'iwewaatc.

ᓬᐃᐱᑎᑲᔅ 19:15

“Kwayahk, weweni kaye inaahkonikek ahpii kiiwii onentamek aaniin awiya ke⁠inaahkonintc kii⁠tipaahkonitink. Keko wiin nawac koohpaatenimaahkek kaa⁠kitimaakisitc, keko kaye kohsaahkekwaanik kaa⁠wenootisiwaatc.

ᐊᑭᑖᓱᓇᓐ 14:36

I'i tahsh ininiwa' Moosihs kaakii ishinisha'waahpan ci⁠anta kiimoosaapantaminitc ahki, miiwak hsa 'i kiih⁠pikiiwenitc noociko kaakii inaatotaminitc i'i ahki. Miitahsh pemaatisinitc kaakii onci maanshi kakanoonaanitc kaaTipencikenitc. I'i itahsh ininiwa' noociko kaakii inaacimonitc, kaaTipenciketc hsa okii ishi'aa' ci⁠aahkosinitc, miihsh kaa⁠ishi niponitc.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 15:2

Miitahsh iki Perahsiik (Pharisees) iki kaye kaakihkino'amaakewaatc onahshowewin kii'⁠ayihkitowak e'⁠aanwaapancikewaatc: “A'awe inini ominwentaan ewiiciiwaatc omacitootamoo', kaye tahsh ewiici wiihsiniimaatc.”

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 19:7

Kahkina tahsh awiyak o'o e'⁠ishi waapankewaatc kii'⁠maacii kihci kaakiikitowak ekii'-ihkitowaatc: “Mii 'i ahpan Ciisahs e'⁠anta mawahtihsaatc otaawininiink omacaatisan,” kii'‑ihkitowak.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 5:30

Aaninta Perahsiwak (Pharisees), iki kaye kaakihkino'amaakewaatc Onahshowewin okii'onci kihci kanoonaani Ciisahsoon okihkino'amawaakanini: “Wekonen wenci wiici wiihsiniimekwaa, kaye tahsh wenci wiici minihkwemekwaa kaatipa'ike'iwewaatc, iki kaye awiyak omacitootamook?”

Cwaan 6:41

Oko tahsh kaakii'noontawaawaatc okii'oncitashimaawaan i'i ehkitonitc: “Niin a'a pahkweshikan kihcikiishikonk kaaonciitc,” ekii'ihkitonitc.

Cwaan 6:61

Ciisahs itahsh ekii'nihsitawentank o'o okihkino'amawaakana' ehtashintaminitc, miihsh o'owe kaa'inaatc: “Kitoonciwii'⁠aanawencikem ina o'o kaa'ihkitoyaan?

1 ᑲᕒᐃᑎᔭᓇᒃ 10:10

Kaawiin kaye kikamintawimaahsiwaanaan, aanint wiinawaa kaakii'ishihcikewaatc. Okii'nihshiwanaaci'ikowaan itahsh ini nihshiwanaaci'iwewi encalan.

ᑲᓬᐁᔑᔭᓇᒃ 5:16

Miitahsh o'o eninakook: Pakitinihk hsa a'a Kishemanitoo otAhcaahkwan cipimiwitootc ini kipimaatisiwiniwaan. Kaawiin tahsh kikaishihcikehsiim kaaishimacimihsawentamoomakahk kikehteinaatisiwiniwaa.

ᑲᓬᐁᔑᔭᓇᒃ 5:24

Iki tahsh Christ Ciisahsonk kaaishitipentaakosiwaatc aasha aashiteyaahtikonk okii'ishinihtoonaawaan okehteinaatisiwiniwaan, ini kaye kaakii'ishi⁠tako⁠antawentamoomakaninikipaniin, kaye kaakii'ishi⁠mihsawencikemakaninikipaniin.

ᐱᓬᐃᐱᔭᓇᒃ 2:14

Kahkina kekoon kakwetootamok ekaa wiihkaa kekoon citashintansiwek, kaye wiihkaa ciaayaanoontihsiwek.

1 ᑌᓴᓬᐆᓂᔭᓇᒃ 4:5

Keko nanaapinawaahkekwaanik kaaotepwehtamowinihsikwaa. Aaniihsh tepinaahk iko omihsawentamowiniwaank ishipimaatisiwak, ehkihkenimaahsikwaa Kishemanitoon.

1 Timahti 6:5

Mooshak itahsh kaye maashiwiiciintiwak. Miiwak oko kaanihshiwanaaci⁠naanaakatawentamowaatc. Kaawiin keyaapi owiiciiwikohsiinaawaa i'i tepwewin. Inentamook itahsh cionciontisiwaahpan otanami'aawiniwaank.

2 Timahti 4:3

Aaniihsh inkotink taishiwepan cishikasihtamowaatc i'i kwayahk kihkino'amaakewin, nawac ewii'maawantoonaawaatc awiya' kekihkino'amaakowaatc i'iwe wiinawaa piko kaawiihpisintamowaatc.

1 Piitar 1:14

Na'ihtawihk hsa Kishemanitoo, keko kaye pakitinitisohkek ci‑ishinaapinaakosiyek kaakii'ishi nihtaa mihsawencikeyek mekwaa kiikakiipaatisiyekipan mekwaa kiikihkenimaahsiwek Christ.

1 Piitar 2:11

Kaasaaki'inakook, kitishikaanoonininim kaapiiwitewentaakosiyek, o'omaa kaye ahkiink kaaoncitipentaakosihsiwek, cimiitaakwenotamek kimacimihsawencikewiniwan, miiwan iitok ini kaakakwe shaakooci'ikoyek i'imaa kitahcaahkowaank.

1 Piitar 4:2

Miitahsh i'i eshinaakwahk minihk iko kepimaatisiyek o'omaa ahkiink ci‑ishipimaatisihsiwekipan kaaishi nihtaa mihsawencikewaatc pemaatisiwaatc; i'i hsa ci‑ishipimaatisiyekipan Kishemanitoo kaaishiantawentank.

2 Piitar 2:10

Ikiweniwak hsa memintake kaaishihcikewaatc aaniin eshimaci mihsawentamoomakaninikin owiiyawiwaan; kaawiin kaye opapaamihtawaahsiwaawaa' awenena' iko kaaniikaanisinitc. Aahpici kaye soonkite'ewak, kakaancihc kaye kekoonini ishihcikewak; kaawiin kaye kohtaacihsiiwak e'manaasomaahsikwaa kaaniikaanentaakosinitc awekwena' ishpimink kaa‑ayaanitc, takwac itahsh opaahpinotawaawaa'.

2 Piitar 2:18

Aahpici kaye kishiiwewak ehkakiipaaci mamiihkwaanitisowaatc, otaapacihtoonaawaan kaye wiiyawimaa kaaishi maci mihsawencikemakaninik e'oncikaahcici'aawaatc i'i payesh iko kaanimaacihtaanitc kaatapasiinotawaanitc iniweniwa' pemaatisinitc kaanihtaa wawaniinitc.

2 Piitar 3:3

O'o tahsh maawac iko mihkwentamok, ishkwaac anikakiishikahk taniayaawak pemaatisiwaatc ketipenimikowaatc omihsawencikewiniwaan. Miiwak hsa iki kepaahpinotawinekwaa.

Coot 1:15

ewiihpitipaahkonaatc kahkina, cionaahkonaatc kaye aaniin ketootawimintc i'i kahkina kaaishihcikehsinik Kishemanitoo kaaishi'antawentank, i'i kaye kahkina noociko kaa'inaahpinemikotc omaci‑ishiwepisii',” kii'ihkitokopan.

Coot 1:18

Mii hsa 'oweni kaa'ininekwaa: “Ahpii tahsh ishkwaac anikakiishikahk, tani/ayaawak hsa kepaahpinotaakewaatc, keishihcikewaatc wiinawaa piko omacimihsawencikaniwaan, ehkohsaahsikwaa Kishemanitoon.”