1 ᑌᓴᓬᐆᓂᔭᓇᒃ 1:1 - Ojibwe Kihcimasina'ikan

¹ Niinawint o'owe nintooshipii'ikaninaan Pwaal (Paul), Saailahs (Silas), Timahti (Timothy). Kitooshipii'amaakoom kiinawaa otepwehtamook kaamaawacianami'aayek i'imaa Tehsalanaihkaawi ootenaank eyaayek, minihk kaawiiciiwinek Kishemanitoo Kaaoyoohsimintc, kaye kaaTipenciketc Ciisahs Christ. Kikawaapantamowaam okishewaatisiwin, opisaanisiwin kaye.

ᐅᒋᐺ ᑭᒋᒪᓯᓇᐃᑲᓐ

¹ ᓃᓇᐎᓐᑦ ᐅᐅᐌ ᓂᑑᔑᐲᐃᑲᓂᓈᓐ ᑆᓬ Paul, ᓵᐃᓬᐊᔅ Silas, ᑎᒪᑎ Timothy᙮ ᑭᑑᔑᐲᐊᒫᑰᒻ ᑮᓇᐙ ᐅᑌᐺᑕᒨᒃ ᑳᒫᐗᒋᐊᓇᒥᐋᔦᒃ ᐃᐃᒫ ᑌᓴᓬᐊᓇᐃᑳᐎ ᐆᑌᓈᕽ ᐁᔮᔦᒃ, ᒥᓂᒃ ᑳᐐᒌᐎᓀᒃ ᑭᔐᒪᓂᑑ ᑳᐅᔫᓯᒥᓐᒡ, ᑲᔦ ᑳᑎᐯᒋᑫᒡ ᒋᓴᔅ X᙮ ᑭᑲᐙᐸᑕᒧᐙᒻ ᐅᑭᔐᐙᑎᓯᐎᓐ, ᐅᐱᓵᓂᓯᐎᓐ ᑲᔦ᙮

1 ᑌᓴᓬᐆᓂᔭᓇᒃ 1:1 Iomraidhean Croise

ᐃᔑᒋᑫᐎᓇᓐ 15:22

Miitahsh Ishinisha'waakanak, kaaniikaanisiwaatc kaye, iki kaye otepwehtamook kaakii'-maawaci'itiwaatc kii'maamawi'-inentamook cionci'-ishinisha'waawaatc ininiwa' eshi ayaawaatc. Miiwa' itahsh o'o niishin kaaniikaanisinitc kaakii'-onenimaawaatc, Cootahs (Judas) Paarsapas (Barsabas) kaakii'-inimintc, ini kaye Saailahsan (Silas) ciani wiiciiwaanitc Pwaalan (Paul), Paarnapahsan (Barnabas) kaye ishaanitc weti Entiyaahk (Antioch) ootenaank

ᐃᔑᒋᑫᐎᓇᓐ 15:27

Miitahsh kaaonci'-ishinisha'wankitc Cootahs a'a kaye Saailahsan, wiinawaa piko otooniwaank cionci wiintamawinekwaa peshikwan e'ihkitoyaank.

ᐃᔑᒋᑫᐎᓇᓐ 15:40

Pwaal tahsh wiin Saailahsan okii'-otaahpinaan ciwiiciiwikotc. Miihsh kaa'ishi maacaawaatc otepwehtamoo' ekii'-ikowaatc e'ishi pakitinikowaatc eshi kishewaatisinitc kaaTipencikenitc.

ᐃᔑᒋᑫᐎᓇᓐ 16:19

Ahpii tahsh oshkiniikihkwe otookimaama' ekihkentaminitc e'wanihtoonitc kaashi'-ahpenimonotaakotc kaanihtaa onci shooniyaahkenihpan, okii'-otihtinaani Pwaalan, Saailahsan kaye. Okii'ishi waawiihkopinaani tahsh i'imaa kaaishi nihtaa tanataawenk mekwe ootenaank eshi ayaanitc otoonahshowe'.

ᐃᔑᒋᑫᐎᓇᓐ 16:25

Ninkoci ko e'ani aapihtaatipihkaninik Pwaal, Saailahs kaye kii'anami'aawak, ekii'-anami'e nikamoohtawaawaatc kaye Kishemanitoon. Kotak tahkonikana' okiih pisintaakowaa'.

ᐃᔑᒋᑫᐎᓇᓐ 16:29

Kii'anoohkiiwan tahsh cipiicikaatenikin waahsahkonencikanan, miihsh kaakiih piintikepahtoonitc ekii'-animihkohtaanitc eshi ayaawaatc Pwaal, Saailahs kaye, ekii'-nininkishkaanitc ehpiihcisekisinitc.

ᐃᔑᒋᑫᐎᓇᓐ 17:11

Nawac tahsh i'i Piriiya eyaanitc kiihpisintamoo', ekii'-moocikentaminitc kaye enoontaminitc i'i tipaacimowin ahpiihc wiin i'i Tehsalanaihka (Thessalonica) eyaanitc. Entahso kiishik Kihcimasina'ikanink okii'ishi antakihkentamini taka citepwewaninikwen Pwaal kaakii'-ihkitotc.

ᐃᔑᒋᑫᐎᓇᓐ 18:5

Ahpii tahsh Saailahsan (Silas), Timahtiin (Timothy) kaye Maahsitooniya ahkiink (Macedonia) kaahpi'onci takohshininitc, Pwaal mii 'i pishihshik kaa'ishihciketc ekiih tashintamawaatc Coowa' otihkitowinini kaaTipencikenitc, ekii'-wiintamawaatc Ciisahsoon ayaawinitc kaakii'-Onaapamikonitc Kishemanitoon.

ᐃᔑᒋᑫᐎᓇᓐ 19:22

Niishin itahsh kaakii'-wiici'ikotc, Timahtiin (Timothy), ini kaye Iiraastahsan (Erastus) okii'-ishinisha'waa' Maahsitooniyaa ahkiink ci'ishaanitc. Wiin tahsh keyaapi kii'ayaa i'imaa Eshiya (Asia) kihci ahkiink.

ᐃᔑᒋᑫᐎᓇᓐ 20:4

Miiwa' itahsh o'o kaa'wiiciiwikotc, Soohpataran (Sopater) wenciinitc Piriiya (Berea) ootenaank kaakii'-otetenitc Pirahsan (Pyrrhus). Eristaarhkahsan (Aristarchus) kaye, ini kaye Sihkantahsan (Secundus) wenciinitc Tehsalanaihka (Thessalonica) ootenaank. Ini kaye Keyahsan (Gaius) wenciinitc Tarpi (Derbe) ootenaank, Tiimahti (Timothy) tahsh kaye. Ini tahsh kaye Tikihkahsan (Tychicus), Caroohpimahs (Trophimus) kaye Eshiya (Asia) ahkink wenciinitc.

ᐅᕒᐆᒪᓇᒃ 1:7

Mii hsa 'owe kitooshipii'amawininim kiinawaa kahkina i'imaa Oroomink (Rome) kaa‑ayaayek, Kishemanitoo kaasaaki'inek, kaakii'antominek opimaatisiima' ci‑inakimikoowisiyek. Maano oKishewaatisiwinink kaye opisaanentamo'iwewin kikamiinikowaa Kishemanitoo kiTetenaan, a'a kaye kaaTipeniminank Ciisahs Christ.

1 ᑲᕒᐃᑎᔭᓇᒃ 1:2

Kitooshipii'amaakoom kiinawaa otanami'aak i'imaa Kwaarintink (Corinth) kaa‑ayaayek, Kishemanitoo kaatipeniminek kaamaawacianami'aayek. Kiinawaa kaa‑antominek Kishemanitoo okwayahkwaatisiima' citinowiyek, wiin ekii'onahsinek ci‑ishitipeniminek, e'wiiciiwimek Christ Ciisahsoon. Tako kaye kahkina nintooshipii'amawaanaanik pahkaan kaatanahkiiwaatc kaa‑anami'ehtawaawaatc Christ Ciisahsoon kaaTipeniminank. Mii 'awe kahkina peshikwan kaashitipeniminank. Kahkina o'o kaatinowiyek kitooshipii'amaakoom.

2 ᑲᕒᐃᑎᔭᓇᒃ 1:1

Niin Pwaal Ciisahs Christ otishinisha'waakanan Kishemanitoo kaakii'inentank, Timahti (Timothy) kiitanami'aanaan hsa niwiiciiwaa. Kitooshipii'amawininim kiinawaa otepwehtamook Kwaarintink (Corinth) kaaishimaawaci'itiyek, Kishemanitoo kaatipeniminek, kahkina kaye Kishemanitoo kaatipenimaatc pemaatisinitc misiwe kaa‑ayaanitc weti Ahkeyaawahkiink (Achaia).

2 ᑲᕒᐃᑎᔭᓇᒃ 1:19

A'a hsa Ciisahs Christ Kishemanitoo oKosihsan kaakiihkakiihkwaanankitc Timahti (Timothy), Saailahs (Silas), keniin tahsh, kaawiin wiin Christ kaamihciwawaanentaakositc, wiin ihsa a'a Tepwewin.

ᑲᓬᐁᔑᔭᓇᒃ 1:2

Kahkina hsa niiciotepwehtamook o'omaa kaa‑ayaawaatc kitako⁠pooshoo'ikowaak. Kiinawaa otepwehtamook weti kaa‑ayaayek Kalehshiya (Galatia) ahkiink pepahkaan kaaishimaamaawaci'itiyek kitooshipii'amawininim.

ᑲᓬᐁᔑᔭᓇᒃ 1:22

Kaawiin tahsh weweni i'i ahpii ninkiihkihkenimikohsiik kaatepwehtawaawaatc Christan weti Cootiiyaahkaank (Judea) pepahkaan kaaishiayoohkwiinowaatc.

ᐃᐲᔑᔭᓇᒃ 1:2

Taka Kishemanitoo Kaaoyoohsimank, kaaTipenciketc Ciisahs Christ kaye, kikamiinikowaa okishewaatisiwin, pisaanisiwinini kaye.

ᐱᓬᐃᐱᔭᓇᒃ 1:1

Niinawint Pwaal (Paul) kaye Timahti (Timothy) otanohkii'aakana' Christ Ciisahs. Kiinawaa kitooshipii'amaakoom i'imaa Pilipaai (Philippi) ootenaank kaa‑ayaayek, kiinawaa Kishemanitoo opimaatisiima' kaawiiciiwek Christ Ciisahs, tako kaye ikiweniwak oniikaanisiik kaye owiici'iwek nintooshipii'amawaanaanik.

ᑲᓬᐋᔑᔭᓇᒃ 1:1

Niin Pwaal (Paul) Kishemanitoo wiin ninkii'onenimik Christ Ciisahs otishinisha'waakanan citinowiyaan. Timahti (Timothy) kiicitepwehtamoonaan tahsh kaye kaawiiciiwak, kipooshoo'ikowaa.

2 ᑌᓴᓬᐆᓂᔭᓇᒃ 1:1

Niinawint iko nintooshipii'ikaninaan Pwaal (Paul), Silpenahs (Silvanus), Timahti (Timothy). Kiinawaa kitooshipii'amaakoom Tehsalanaihkaank (Thessalonica) kaatashianami'aayek, e'wiiciiwinek Kishemanitoo Kaaoyoohsimank kaye kaaTipenciketc Ciisahs Christ.

1 Timahti 1:2

Kitooshipii'amawin kiin Timahti (Timothy), tepwe piko tepweyentamowinink e'onciokosihsiminaan. Shawentaakosiwin, kitimaakinaakoowin, koshkwaawaatentamowin kikawii'onciihtamaak Kishemanitoo Kaaoyoohsimintc, Christ Ciisahs kaye ehTipeniminank.

2 Timahti 1:2

Kiin tahsh Timahti (Timothy) kitooshipii'amawin, ninkosihs enaankominaan, kishawenimin. Ampe hsa ono kamiinikoowis, wiitoohkaakoowin, shawenimikoowin, pisaanisiwin, maakiwetc Kishemanitoo Weyoohsimintc miinawaa Christ Ciisahs kaaTipeniminank.

ᐄᐸᕒᐆᐗᒃ 13:23

Kinantawenimininim itahsh cikihkentamek, kiitanami'aanaan Timahti (Timothy) ekiihsaaka'ank i'imaa kipa'otiiwikamikonk. Kiishpin itahsh wiipa piishaatc ninkapiwiiciiwaa ahpii antawaapaminakook.

1 Piitar 5:12

Saailahs (Silas) hsa kaatepweyentaakositc kiitanami'aanaan kaainakimak, niwiici'ik o'o pankii kaaoshipii'amawinakook, e'antaweniminakook cimashkawentamek, e'wiintamawinakook kaye Kishemanitoo okishewaatisiwin ehtepwemakaninik. Wawiinke tahsh i'imaa aayiicikaapawik.

1 Cwaan 1:3

I'i tahsh niinawint kaakii'waapantamaank, kaakii'noontamaank kaye, kaaonciwiintamaakooyek kekiinawaa ciwiiciiwiyaank, o'o kaashiwiiciiwankitc kaaoTetemaawitc, ini kaye kaashiwiiciiwimankitc oKosihsan Ciisahs Christan.

Coot 1:1

Niin Coot (Jude) Ciisahs Christ otanohkii'aakanan. Ciimis (James) ishinihkaaso niicihkiwensi. Kitooshipii'amawininim kahkina kiinawaa kaa⁠/antominek, kaasaaki'inek kaye Kishemanitoo Kaaoyoohsimintc, Ciisahs Christ itahsh kaakanaweniminek.