तीतुस 3:1 - ओङ राजपूत

¹ लौका नु याद ङिवा, कि हाकिमा ते अधिकारीया चे अधीन रिहा, ते वांची आज्ञा मनो, ते हर हेक आच्छे कामा वास्ते तियार रिहो।

तीतुस 3:1 Iomraidhean Croise

मत्ती 22:21

वाणे ओनु केहले, “कैसर चे।” तब ओणे वानु केहले, “जको कैसर चे छै, ऊं कैसर नु ङिया। ते जको नरीकारा चे छै, ऊं नरीकारा नु ङिया।”

1 कुरिन्थियां 15:58

ऐवास्ते हे प्यारे भऊ, मजबूत ते अटल रिहा, ते प्रभु चे कामा मां सदा बधते जावा, तम्ही ईं जाणा, तम्ची मेहनत प्रभु मां बेकार कोनी।

इफिसियां 2:10

कांकि अम्ही ओचे बणाले आले छिऊं, ईशु मसीह मां भले कामा वास्ते बणाले गेले छिऊं। नरीकारा ने अम्हानु पेहले कनु तियार करले। के अम्ही ऊं करते हुले आपणी जीन्दगी बिताऊं।

फिलिप्पियां 1:11

धार्मिकता चे आच्छे गोण जको ईशु मसीह कनु मिले ओचे लारे तम्ही भरीले रिहा जाये कनु नरीकारा ची महिमा ते स्तुति हुती रिहो।

कुलुस्सियां 1:10

ताकि तम्चा चाल-चलन प्रभु चे लायक हो, ते ओह सारे प्रकार कनु खौश हो, ते तम्चे हर-प्रकार चे भले कामा चा फल लाग़ो, ते नरीकारा चे ज्ञान मां बढ़ते जावा।

1 तीमुथियुस 2:2

राजा ते हाकिमा चे वास्ते प्राथना करा, ताकि अम्ही चैन ते शान्ति समेत पुरी भग़ती ते गहराई चे लारे जी सग़ु।

1 तीमुथियुस 4:6

अगर तु भऊ ते ब़ेहणीया नु यां बाता ची याद ङिवाता रिहे तां, ते ईशु मसीह चा आच्छा सेवक बणे, ते विश्‍वास ते ओ आच्छे उपदेश चा बाता लारे, जको तु मनता आला, दुधा पालन पोसण हुता रिही।

1 तीमुथियुस 5:10

ते भले कामा मां सरनाम रेहली हो, जेह्णे ब़ाला चा पालन पोसण करला हो, मेहमाना ची सेवा करली हो, प्रभु चे पवित्र लौका चे पग़्ग़ धोले हो, ङुखीया ची सहायता करली हो, ते हर हेक भले कामा मां मन लाले हो।

2 तीमुथियुस 1:6

यूंही मैं पौलुस तनु याद ङिवावे कि, तु नरीकारा चे ओ वरदाना नु जको माये हाथ मेहलणे चे जरिये मिड़ला, जग़ाती ङे।

2 तीमुथियुस 2:14

यां बाता ची याद वानु ङिवा ते प्रभु चे सामणे चिताती ङे कि अक्षरा उपर बहस-बाजी ना करले करो, जाये कनु कहीं फायदा ना हुवी बल्कि सुणने आले बिगड़ती जई।

2 तीमुथियुस 2:21

अगर कुई आपणे आप नु बुराईया कनु शोद्ध करी, ते ऊं कद्दर चे ठां, ते पवित्र बणले रिही, ते मालिका चे कामे आवी, ते हर भले कामा चे वास्ते तियार हुवी।

तीतुस 1:16

वे किही, कि अम्ही नरीकारा नु जाणु, पर आपणे कामा लारे ओचा इन्कार करी, कांकि वे किज़ड़े ते आज्ञा ना मनणे आले छी, ते कुई आच्छे कामा चे लायक कोनी।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

तीतुस 3:14

ते अम्चे लौक वी जरुरता नु पुरीया करने वास्ते पुरे मना लारे आच्छे कामा मां लाग़ले रेहणे सिखो ताकि निक्‍कमे ना रिहो।

तीतुस 3:8

हा बात सच्‍च छै, ते मैं चाहवे कि तु यां बाता चे बारे मां मजबूती लारे ब़ोल ऐवास्ते कि जेह्णे नरीकारा चा भरोसा करला, वे भले कामा मां लाग़ले रेहणे चा ध्यान राखो, ये बाता भलीया, ते बन्दा चे फायदे चा छी।

इब्रानियां 13:21

तम्हानु हर हेक भली बाते मां सेद्ध करो, जाये कनु तम्ही ओची इच्छा पुरी करा, ते जको कोच्छ ओनु भावे ऊं ईशु मसीह चे जरिये अम्चे मां पुरे करो, ओची महिमा युगानयुग हुती रिहो। आमीन।

2 पतरस 1:12

ऐवास्ते तम्ही ये बाता जाणा, ते जको सच्‍चा वचन तम्हानु मिड़ला आला छै, ओचे मां बणले रिहा, तां वी मैं तम्हानु यां बाता चा चैता ङिवाणे वास्ते सदा तियार रिही।

यहूदा 1:5

हालांकि तम्ही सारे यां बाता नु जाणती चुकले, तां वी मैं तम्हानु ये बाते ची याद ङिवाणे चाहवे कि, प्रभु ने आपणी प्रजा नु मिस्र देशा कनु छुड़ावणे चे बाद वांचे महु विश्‍वास ना करने आला नु नाश करती नाखले हुते।